अभिनेत्री दीपिका पदुकोणचा हा व्हिडिओ अनेक महिलांना प्रेरणादायी ठरणार आहे, दीपिकाने आपली चॉईस ठरवली आहे. दीपिकाने नेमकं या व्हिडिओत काय म्हटलंय पाहा.
‘वो इंडिया’सोबत दीपिकाने हा व्हिडिओ शूट केला आहे, ज्यात म्हटलंय, माझं शरीर, माझे विचार, माझा निर्णय, महिला सशक्तीकरणावर आधारित या व्हिडिओचं नाव आहे, ‘माय चॉईस म्हणजेच माझा निर्णय’.
दीपिका या व्हिडिओत म्हणते, ‘मी एक महिला आहे, मला माझ्याशी संबंधित सर्व निर्णय घेण्याचे पूर्ण अधिकार आहेत, हा अधिकार कोणते कपडे मी परिधान करावेत, विवाह करावा किंवा करू नये किंवा विवाहाच्या आधी सेक्स करावा किंवा करू नये, हा देखील माझा निर्णय आहे.’
महिलांचे खासगी निर्णयांवर व्हिडिओमध्ये दीपिका म्हणते, ‘मी कोणत्याही पुरूषासोबत प्रेम करत असेन किंवा महिलेशी, अथवा दोघांवर, हा निर्णय माझा आहे.’ 2 मिनिटं आणि 34 सेकंदाचा हा व्हिडिओ होमी अदजानिया यांनी निर्देशित केला आहे.
