testwebdunia1
testwebdunia0
testwebdunia2
Widgets Magazine
Widgets Magazine

आयुष्यात रंग भरा फेंगशुईने

yen
वेबदुनिया|
WD
फेंगशुईच्या स्पर्शाने बदलून जाते. केवळ विशिष्ट वस्तूच्या वापराने किंवा घरात काही बदल करण्यानेच अंगिकारता येते असे नाही. तर रंग हेही फेंगशुईत महत्त्वाचे असतात. विशिष्ट रंगांच्या वापराने आपल्या आयुष्यात उत्साहाचे, आनंदाचे रंग भरतात. निराशा, अनुत्साहाचे ब्लॅक अँड व्हाईट आयुष्य संपून ते रंगीत होते. आपल्याला अनुकूल अशा रंगांच्या वापराने ची ही सकारात्मक उर्जा उत्पन्न होते. या रंगांच्या वस्तू आपण घर किंवा ऑफीसमध्ये योग्य जागी ठेवल्यास सकारात्मक उर्जा वाहू लागते.

फेंगशुई रंग यीन आणि यांगमध्ये विभागले गेले आहेत. यीन रंग आपल्याला सुखावणारे असतात. आपल्या मनाला उभारी देणारे असतात. असे रंग बेडरूम आणि नर्सरीमध्ये दिले पाहिजे. निळा हा यीन रंग आहे. आपल्याला सुखावणारा आणि डोळ्यांना विश्रांती देणारा रंग आहे. उदाहरणार्थ. आपण समुद्राचे चित्र पहातो म्हणजे काय तर त्यातील शांत पाणी, त्याचा अफाटपणा आपल्याला भावतो. या चित्रामुळे होत काही नाही, पण एक शांत अनुभव मात्र येतो. घरात एखादी आजारी व्यक्ती असल्यास किंवा एखादा शस्त्रक्रियेतून बरा होत असल्यास ती व्यक्ती ज्या खोलीत असेल तिला निळा रंग असल्यास लवकर बरे होण्यास मानसिक मदत होते. फेंगशुईत निळ्या रंगाची सांगड बुद्धिमत्ता आणि शोधक वृत्तीशी घातली आहे.
निळ्याव्यतिरिक्त इतरही अनेक रंग यीनमध्ये गणले जातात. काळा रंग करीयरसाठी सर्वोत्तम मानला जातो. मेटॅलिक रंगांबरोबर तो वापरला तरी तो उत्तम. काळा रंग हा सत्ता आणि भावनिक संरक्षणाचे प्रतीक मानला जातो. जांभळा रंगही यींग श्रेणीतील आहे. आजारातून बरे होण्यासाठी निळ्या रंगाप्रमाणेच हाही उपयुक्त आहे. फेंगशुईत जांभळ्या रंगाची सांगड प्रेरणेच्या तीव्र जाणीवेशी घातली आहे. पांढरा रंगही यीन श्रेणीतील असून त्याची सांगड पावित्र्य आणि आत्मविश्वासाशी घातली आहे.
आता यांग श्रेणीतील रंगांविषयी. या श्रेणीतील रंग काहीसे भडक असतात. पण ते त्यांच्या यीन रंगातील सहकाऱ्यांना पूरकही असतात. लाल हा यांग रंग आहे. भावनात्मक उत्तेजना निर्माण करण्यासाठी लाल रंग उपयुक्त आहे. पण कधी कधी या उत्तेजना प्रमाणाबाहेरही असू शकतात. त्यामुळे यांचा वापर काळजीपूर्वक करायला हवा. हा रंग योग्य प्रमाणात वापरल्यास वातावरणात सकारात्मक उर्जा उत्पन्न करण्याचे सामर्थ्य या रंगात आहे. पिवळा हा आणखी एक यांग रंग लाल रंगाच्या प्रकृतीशी साधर्म्य साधणारा आहे. पिवळा रंग सूर्यप्रकाशाशी संबंधित असून त्यामुळे उबदारपणा, सौम्यता आणि मित्रत्व निर्माण होते. हा रंगही अतिशय काळजीपूर्वक वापरला पाहिजे. याचा अनाठायी काळजी उत्पन्न करू शकतो.
fengshuie
WD
एखाद्याकडे संघटनात्मक कौशल्य नसेल तर त्याच्यासाठी ऑरेंज रंग उपयुक्त आहे. त्याने आपल्या ऑफिसात किंवा घरात त्याचा वापर केला पाहिजे. हा रंग संघटनात्मक आहे. सृजनशील क्षेत्रातील उदाहरणार्थ कला किंवा साहित्यातील मंडळींसाठी हा रंग विशेष उपयुक्त आहे. सृजनाची ची ही उर्जा उत्पन्न करण्यासाठी ऑरेंज रंग विशेष सहाय्यभूत ठरतो. याशिवाय किरमिजी, सोनेरी हे अन्य यांग रंग आहेत. या रंगांची सांगड नशीब, पैसा आणि प्रणयाशी आहे.
फेंगशुई रंग वापरण्याचा सर्वोत्तम मार्ग म्हणजे एकत्रीकरण हा आहे. उदाहरणार्थ काळा रंग आणि मेटॅलिक रंग एकत्र वापरल्यास करीयर झेप घेऊ शकते. पांढरा रंग सोनेरी किंवा रूपेरी रंगांबरोबर वापरल्यास आत्मविश्वासाचे वातावरण निर्माण होते. हे कॉम्बिनेशन घरातील सर्व लोक जमतात अशा खोलीत वापरल्यास सकारात्मक उर्जा उत्पन्न होते. लॅव्हेंडर रंगही असे वातावरण उत्पन्न करण्यास सहाय्यभूत आहे. मात्र यातील कुठलेही रंग वापरताना त्यांचे प्रमाण गरजेपेक्षा जास्त नको. अन्यथा त्यातून तुम्हालाच त्रास होण्याची शक्यता आहे.
फेंगशुई रंग वापरल्याने तुमच्या आयु्ष्यात सकारात्मक बदल घडू शकतील. सकारात्मक उर्जेचा संचार घऱात, कार्यालयात किंवा जेथे तुम्ही काम करता तेथे होईल. तेही तुम्हाला त्याची जाणीव न होता. त्यामुळे उपयोग करून पहायला तरी काय हरकत आहे?


यावर अधिक वाचा :

म्हणून अन्नावर कधी राग काढू नये...

national news
ताटावरून उठविणे, उठणे, ताट फेकून देणे हे अत्यंत वाईट असते. माणसाच्या हातून कळत नकळत काही ...

अंघोळ करताना पाण्यात या वस्तूंचा वापर केल्याने धनलाभ होतो

national news
अंघोळ करताना व्यक्तीचे शरीर निरोगी राहत. त्याला बर्‍याच प्रकारच्या आजारांपासून मुक्ती ...

श्री गजानन महाराजांचे शेगाव

national news
जगाच्या कल्याणा संतांच्या विभूती असे म्हटलेच जाते. शेगावचे श्री गजानन महाराजही त्यातलेच ...

आरतीत कापूर का लावतात, जाणून घ्या धार्मिक आणि वैज्ञानिक

national news
शास्त्रानुसार देवी- देवासमोर कापूर लावल्याने अक्षय पुण्याची प्राप्ती होते.

महाभारतात कृष्‍णाने केलेल्या 5 फसवणुकी

national news
पृथ्वीवर कृष्णाचा जन्म, वाईटचे सर्वनाश आणि धर्मची स्थापना करण्यासाठी झाला होता. त्यांचे ...
Widgets Magazine

यूएईत ४८ तासांपर्यंत थांबण्यासाठी व्हिजाची गरज नाही

national news
यूएई सरकारनं पर्यटकांना आकर्षित करण्यासाठी जगातील कुठल्याही कोपऱ्यात प्रवास करताना या ...

अकरा महिन्याच्या मुलाने रिमोटचा सेल गिळला

national news
पुण्यातील आळंदी येथे अकरा महिन्याच्या मुलाने रिमोटचा सेल गिळला आहे. हुजैफ तांबोळी असे या ...

रायगड विषबाधा प्रकरण: सावळ्या रंगामुळे त्रस्त महिलेने ...

national news
रायगड जिल्ह्याला हादरून सोडणाऱ्या महड विषबाधा प्रकरणाच्या पोलीस तपासाला अखेर यश आले आहे. ...

धक्कादायक! दुधी भोपळ्याचा रस प्याल्याने शरीरात विष पसरलं, ...

national news
आरोग्यासाठी फायदेशीर म्हणून लोकं अनेक फळ व भाज्यांच्या रसाचे सेवन करतात. मात्र दुधी भोपळा ...

नेटवर्क नसले तरी वायफायने कॉल करता येणार !

national news
मोबाईल नेटवर्क अचानक गायब झाल्यानंतर कॉल करण्याची मोठी अडचण होते. आता वायफाय आपली ही ...