शुक्रवार, 29 मार्च 2024
  1. धर्म
  2. »
  3. गणेशोत्सव
  4. »
  5. गणेश स्तवन
Written By वेबदुनिया|

भूपाळी गणपतीची

WD
उठा उठा हो सकळित। वाचे स्मरावा गजमुख।
ऋद्धिसिद्धींचा नायक। सुखदायक भक्तांसी।।धृ.।।
अंगी शेंदुराची उटी। माथां शोभतसे कीरिटी।

केशरकस्तूरी लल्लाटीं।
हार कंठीं साजिरा।।1।।

कानीं कुंडलांची प्रभा। चंद्र-सूर्य जैसे नभा।
माजीं नागबंदी शोभा। स्मरतां उभा जवळी तो।।2।।

कांसे पीतांबराची घटी। हातीं मोदकांची वाटी।।
रामानंद स्मरतां कंठीं। तो संकटीं पावतो।।3।।