कुवेतकडून पाच देशांच्या नागरिकांना विसा देण्यास नकार

कुवेतने पाच देशांच्या नागरिकांना विसा देण्यास नकार दिला आहे. यात सीरिया, इराक, पाकिस्तान, अफगाणिस्तान आणि इराण या देशांच्या नागरिकांना प्रवेशबंदी केली आहे. अमेरिकेचे अध्यक्ष डोनाल्ड ट्रम्प यांनी मागील शुक्रवारी सात मुस्लिम देशांच्या नागरिकांच्या अमेरिकेत येण्यावर बंदी घातली होती. ‘ज्या देशांवर बंदी घातली गेली आहे, त्या नागरिकांनी विसासाठी अर्ज करु नये. या देशांच्या माध्यमातून दहशतवादी आमच्या देशात प्रवेश करु शकतात, असे आम्हाला वाटते. त्यामुळे आम्ही पाच देशांच्या नागरिकांना प्रवेशबंदी करत आहोत,’ असे कुवेतने म्हटले आहे.