testwebdunia1
testwebdunia0
testwebdunia2

चेन्नई सुपर‘किंग’

suresh raina
हैदराबाद| वेबदुनिया|
WD
आयपीएलच्या ५४ व्या सामन्यात चेन्नई सुपरकिंग्जचा सलामीवीर माईक हसी आणि सुरेश रैना या दोघांच्या जबरदस्त फटकेबाजीमुळे सनरायजर्स हैदराबादविरुद्ध चेन्नईने ७७ धावांनी शानदार विजय मिळविला. अवघ्या ५२ चेंडूत ९९ धावा करणारा सुरेश रैना सामनावीरचा मानकरी ठरला.

२२४ धावांचे आव्हान स्वीकारून मैदानात उतरलेल्या हैदराबाद संघाची सुरुवात अतिशय धक्कादायक झाली. सलामीवीर शिखर धवन अवघ्या ३ धावांवर असताना बाद झाला. त्यानंतर कर्णधार संगकाराही काही कमाल दाखवू शकला नाही. तोही अवघ्या तीन धावांवर असताना अश्विनच्या गोलंदाजीवर बाद झाला. दोन विकेट लवकर गेल्याने हैदराबादला सुरुवातीलाच जबरदस्त धक्का बसला. धावफलकावर अवघ्या ५५ धावा असताना आठव्या षटकात विहारी बाद झाला. त्यानंतर मोहित शर्माने डेरेन सामीलाही लवकरच पॅव्हेलियनमध्ये पाठविले. तो अवघ्या सात धावा करून तंबूत परतला. पार्थिव पटेलने उत्कृष्ट फटकेबाजी करून डाव सावरण्याचा प्ऱयत्न केला. मात्र, ४४ धावांवर असताना त्यालाही मोहित शर्माने मुरली विजयच्या हाती झेल देण्यास भाग पाडून तंबूत पाठवले. त्याने ३० चेंडूंत ६ चौकार आणि एक षटकाराच्या मदतीने ४४ धावा केल्या. हैदराबादची बिकट अवस्था असताना के. व्ही शर्मा आणि परेरा यांनी डाव सावरण्याचा प्रयत्न केला. तथापि, परेरा २३ धावांवर असताना ब्राओच्या गोलंदाजीवर बद्रिनाथच्या हाती झेल देऊन बाद झाला. शर्माने जोरदार फटकेबाजी केली. त्याने ३३ चेंडूंत ३९ धावा करून नाबाद राहिला. तत्पूर्वी मिश्राही काही वेळ तग धरण्याच्या प्ऱयत्नात होता. तथापि, अवघ्या सहा धावांवर असताना तो जडेजाच्या गोलंदाजीवर धावबाद झाला. स्टेननेही थोडी फटकेबाजी केली. तथापि, त्याला मॉरिसने झेलबाद केले. हैदराबादसमोर मोठे आव्हान असताना २० षटकांत ते १४६ धावांपर्यंत मजल मारू शकले. त्यामुळे त्यांना तब्बल ७७ धावांनी पराभव स्वीकारावा लागला.
तत्पूर्वी, प्रथम फलंदाजी करताना चेन्नई सुपरकिंग्जने तीन गडी गमावून २२३ धावांपर्यंत मजल मारली. सुरेश रैनाने जोरदार फलंदाजी करताना ५२ चेंडूत ११ चौकार आणि ३ षटकारांच्या मदतीने तब्बल ९९ धावा ठोकल्या. चेन्नईला पहिला झटका मुरली विजयच्या रूपाने बसला. परेराने त्याचा बळी घेतला. मुरलीने २० चेंडूत दोन चौकार आणि तीन षटकाराच्या जोरावर २९ धावा केल्या. त्यानंतर माईक हसी आणि सुरेश रैना ही जोडी चांगलीच जमली. त्यांनी जोरदार फटकेबाजी करीत हैदराबादची गोलंदाजी फोडून काढली. ही जोडी मोठ्या धावसंख्येच्या दिशेने जात असतानाच १८ व्या षटकात माईक हसी बाद झाला. त्याला परेराने बाद केले. हसीने ४२ चेंडूंत ५ चौकार आणि ४ षटकारांच्या मदतीने ६७ धावा केल्या. त्यावेळी धावफलकावर १७८ धावा झाल्या होत्या. त्यानंतर लगेचच धोनी मैदानात उतरला. त्यामुळे धोनी आणि रैना फटकेबाजी करून मोठी धावसंख्या उभारतील, असे वाटत होते. तथापि, महेंद्रसिंग धोनी चार धावा करून परेराच्याच गोलंदाजीवर झेलबाद झाला. त्यानंतर रैनाच्या साथीला जडेजा आला. त्यानेही शेवटच्या टप्प्यात उत्कृष्ट फलंदाजी करून रैनाला सुरेख साथ दिली. ६ चेंडूत ३ चौकाराच्या मदतीने १४ धावा केल्या.
दुस-या बाजूने रैनाने सातत्याने फटकेबाजी केल्याने तब्बल ९९ धावांपर्यंत मजल मारली. तोपर्यंत डाव संपल्याने त्याला आपले शतक पूर्ण करता आले नाही. तथापि, हैदराबादसमोर तब्बल २२४ धावांचे आव्हान उभा ठाकले. शेवटी हैदराबादला हा डोंगर पार करता न आल्याने त्यांना मोठ्या पराभवाचा सामना करावा लागला. चेन्नईने इशांत शर्मा आणि परेरा यांची गोलंदाजी अक्षरशः फोडून काढली. इशांत शर्माने चार षटकांत तब्बल ६६ धावा दिल्या. त्याला एकही बळी मिळविता आला नाही. परेरानेही चार षटकांत ४५ धावा केल्या. तथापि, तीनही बळी त्यानेच मिळविले. त्याच्याशिवाय अन्य कोणत्याही गोलंदाजाला यश मिळाले नाही. मिश्रानेही चार षटकांत ४१, तर सामीने दोन षटकांत ३३ धावा दिल्या. हैदराबादने आतापर्यंत ११ सामने खेळले असून, एकूण १४ गुण आहेत.


यावर अधिक वाचा :

ऑडी ए6 चा लाईफ स्टाइल अॅडिशन लॉन्च, कारमध्ये उपलब्ध होईल ...

national news
जर्मनीची लक्झरी कार निर्माता ऑडीने मंगळवारी, त्याची सेडान कार ए6 चा लाईफ स्टाइल अॅडिशन ...

जागतिक महिला दिन: पीएम मोदींचा नारी शक्तीला सलाम, पोस्ट ...

national news
पंतप्रधान नरेंद्र मोदी यांनी जागतिक महिला दिनच्या निमित्ताने महिलांना केले आणि शुभेच्छा ...

जागतिक महिला दिन विशेष : वाट खडतर... तरीही आज सक्षम मी

national news
बँकेतील अधिकारीपदावरील नोकरी व त्यानंतर चांगल्या घरात झालेल्या विवाह, असे सारे काही उत्तम ...

सेक्स लाईफसाठी वाईट आहे या 7 सवयी

national news
– खास करून महिला, आपल्या पार्टनरसोबत सेक्सबद्दल बोलताना टाळण्याचा प्रयत्न करतात. कारण ...

शरीरातील या 10 भागांवर तीळ, सांगतात धनयोगाबद्दल

national news
शरीरातील 10 स्थान असे आहे जेथे तीळ असायचा स्पष्ट अर्थ आहे की तुम्हाला कधीपण पैशांचा अभाव ...

आत्महत्या केलेल्या शेतकऱ्याची पत्नी वैशाली यांनी दाखल केला ...

national news
यवतमाळ वाशीम लोकसभा मतदार संघातून प्रहार संघटनेच्या उमेदवार व साहित्य संमेलनात शेतकरी ...

मतदान करण्याकरीता सुट्टी ती सुद्धा पगारी, मतदान करू दिले ...

national news
लोकसभा निवडणुकीच्या मतदानाच्या दिवशी विविध आस्थापनांनी आपल्या आस्थापनेवरील कर्मचा-यांना ...

भारतरत्न डॉ. बाबासाहेब आंबेडकर यांचे नातू प्रकाश आंबेडकर ...

national news
भारिप-बहुजन महासंघाचे अध्यक्ष व महाराष्ट्रात वंचित बहुजन आघाडी स्थापन करणारे अॅड. प्रकाश ...

गोव्याचे दिवंगत मुख्यमंत्री मनोहर पर्रिकर यांच्या अस्थींचे ...

national news
नाशिक-गोव्याचे दिवंगत मुख्यमंत्री आणि माजी केंद्रीय सरंक्षणमंत्री मनोहर पर्रिकर यांच्या ...

Moto G7 भारतात लॉन्च, 15 मिनिटाच्या चार्जिंगमध्ये 9 तास ...

national news
लेनोवो स्वामित्व असलेली कंपनी मोटोरोला इंडियाने भारतात आपला नवीन स्मार्टफोन मोटो जी7 ...