सौंदर्य प्रसाधने आणि आरोग्य
फॅशनची व्याख्या बदलू शकते पण आरोग्याची व्याख्या मात्र बदलत नसते. बदलून चालतही नाही. सध्याच्या दिवसांत सौंदर्यप्रसाधने आणि फॅशनच्या बाबतीत प्रत्येकाने विशेषतः महिलांनी त्यांची निवड करताना अत्यंत सावधगिरी बाळगायला हवी. खरं म्हणजे प्रसाधनं ही सौंदर्यवृद्धीसाठी तयार केलेली असतात. पण जर कोणी त्यांचे दुष्परिणाम काय होतात हे जर लक्षात घेतलं नाही, तर सौंदर्याऐवजी त्या प्रसाधनांपासून त्रासच होईल.प्रामुख्याने... हेअर डाय: आकर्षक आणि तरुण दिसण्यासाठी कलप वापरणारी कितीतरी माणसं असतात. या कलपांमध्ये फेनिल-अलानाईन-डायमाईन नावाचं द्रव्य वापरलं जातं. असे कलप वापरल्यानं चेहरा सुजणं, लाल होणं, तसंच टाळू, चेहरा आणि डोळ्यांची आग होणं अशा व्याधी सुरू होतात. मेंदी हा नैसर्गिक कलप असून अत्यंत कमी धोकादायक आहे.
शाम्पूमुळे होणारा आजार
शाम्पू : अनेक सुगंधी शाम्पूच्या सतत वापरानं डोक्याच्या त्वचेला गंभीर स्वरूपाचे अपाय होऊ शकतात. तसेच शाम्पूमुळे केसांची चमकही नाहीशी होत जाते. आणि केस गळायला लागतात. साबणामुळे त्वचेत कोरडेपणा येतो
