गुरूवार, 28 मार्च 2024
  1. वृत्त-जगत
  2. »
  3. आज-काल
  4. »
  5. ब्लॉग-कॉर्नर
Written By वेबदुनिया|

वेबदुनियाचे नवीन सदर ब्लॉग कॉर्नर

WDWD
मराठी संस्कृतीचे स्पंदन टिपण्याबरोबरच वेबदुनिया नवनवीन बाबींचाही वेध घेत आहे. जगातील घडामोडी तुमच्यापर्यंत पोहोचविण्याबरोबरच जगातील नवे काहीसुद्धा तुमच्यासमोर मांडण्याचा प्रयत्न करत आहेत. याच प्रयत्नांतर्गत आता वेबदुनियाने वाचकांना ब्लॉगजगताची सफर घडवून आणण्याचे ठरविले आहे.

ब्लॉग म्हणजे अनुदिनी. ज्याला डायरी असेही म्हणता येईल. अनेकांनी आपल्या विचारांच्या अभिव्यक्तीसाठी ब्लॉग सुरू केले आहेत. मराठीत अल्पावधीच हे ब्लॉगविश्व समृद्ध झाले आहे. या ब्लॉगमध्ये काय काय नाही? साहित्यविषयाला वाहिलेले ब्लॉग जसे आहेत, तसे राजकारण, संगणक, अवकाश, पाककृती, सण समारंभ अशा अनेक विषयांना हे ब्लॉग स्पर्श करतात. यातील अनेक ब्लॉगवर अतिशय वाचनीय लेख असतात.

वेबदुनियाच्या वाचकांनाही या वाचनाचा आनंद मिळावा. यासाठी यातील निवडक वाचनीय ब्लॉगचा परिचय आम्ही दर शुक्रवारी करून देणार आहोत. याची सुरवात उद्यापासून (ता.२८) करणार आहोत. तुमच्याकडे अशा ब्लॉगविषयी माहिती असल्यास वा तुम्ही विशिष्ट विषयाला वाहिलेला ब्लॉग चालवत असाल तर आम्हाला जरूर कळवा.