testwebdunia1
testwebdunia0
testwebdunia2
Widgets Magazine
Widgets Magazine

दिवा गेल्यावर 'हवा' जाईल का?

red light car
मे महिन्यापासून गाड्यांवरचा लाल दिवा हद्दपार होणार आहे. केंद्रीय पातळीवर तसा निर्णय झाला आहे. राज्यातही काही अपवाद वगळता गाडीवरचा लाल दिवा हटविण्याची चढाओढ लागली आहे. मुख्यमंत्री फडणवीसांपाठोपाठ परिवहनमंत्री दिवाकर रावते, अर्थमंत्री सुधीर मुनगंटीवार, गृहराज्यमंत्री रणजित पाटील, ऊर्जामंत्री चंद्रशेखर बावनकुळे, सहकारमंत्री सुभाष देशमुख, पुण्याचे पालकमंत्री गिरीश बापट, विजय शिवतरे यांनीही लाल दिवा काढून टाकला. विधानपरिषदेचे विरोधी पक्षनेते धनंजय मुंडे यांनीही लाल दिव्याची गाडी वापरणार नसल्याचे जाहीर केले आहे. कालपर्यंत लाल रुबाब मिरविणारे अचानक 'आम्ही नाही त्यातले'च्या अविर्भावात फिरू लागले आहेत. टपावरचा दिवा हटविलेल्या गाडीचे फोटो शेअर करून प्रसिद्धीची हौस भागवून घेतली जात आहे.
लाल दिवा हा व्हीआयपी संस्कृतीचे प्रतीक. एकदा गाडीवर लाल दिवा लागला की सहसा कुणी वाट्याला येत नाही. अनेक लहानमोठे अपराध बिनबोभाट खपवून घेतले जातात, सवलतींचा वर्षाव होतो. रस्त्याने धावताना ट्रॅफिक मध्ये अडकावं लागत नाही, उलट जो तो तुमची वाट मोकळी करून देतो, केवढा तो थाट. एका चांगल्या उद्देशाने निर्माण झालेल्या व्यवस्थेची विल्हेवाट. खरंतर लाल दिव्याची पद्धत सुरु झाली त्यामागे खूप मोठा विचार होता. महत्वाच्या पदावरील व्यक्ती रस्त्यावरच्या रहदारीत अडकून पडल्याने कामकाज रखडू नये. त्यांच्या सुनियोजित आणि सुरक्षित प्रवासाची खात्री संबंधित यंत्रणांना करता यावी, यासाठी ही सोय होती. मात्र ही सुविधा उपभोगताना काही नियम पाळणेही अपेक्षित होते. केवळ सरकारी कामकाजासाठी प्रवास करतानाच लाल दिवा वापरला जावा. खासगी कामासाठी जाताना किंवा गाडीत संबंधित व्हीआयपी व्यक्ती नसताना गाडीवरचा दिवा काळ्या आवरणाने झाकला जावा. केवळ तातडीच्या किंवा अत्यावश्यक प्रसंगीच अशा सुविधांचा वापर व्हावा, असे ते नियम होते. याव्यतिरिक्त केंद्र आणि राज्य शासनाने किती लाल दिव्यांना परवानगी द्यावी? कुणाच्या दिव्याला फ्लॅश लाईट असावी, कुणाच्या नसावी याचेही स्पष्ट नियम होते. पण हे सगळे नियम धाब्यावर बसवून लाल दिव्याला केवळ आणि केवळ 'स्टेटस सिम्बॉल' म्हणून वापरले जाते, तेव्हा खरी समस्या सुरु होते. लाल फितीच्या कारभाराप्रमाणे लाल दिवासुद्धा अडवणुकीचे आणि अरेरावीचे प्रतीक होऊन बसतो, आणि मग तो काढून टाकण्याचे आदेश द्यायची वेळ येते.

अर्थात गाडीवरून लाल दिवा हटला म्हणून काही डोक्यात गेलेली हवा कमी होत नाही. भाजपच्या एका आमदाराने याचा प्रत्ययही दिला आहे. टोल नाक्यावर दहा सेकंद थांबावे लागल्याने उत्तरप्रदेशमधील सीतापूरचे राकेश राठोड यांनी तेथील कर्मचाऱ्याच्या थोबाडीत लगावल्याचे सीसीटीव्ही कॅमेरात कैद झाले आहे. आमदार आणि त्यांच्या सहकाऱ्यांच्या गाड्यांना टोल फ्री सोडण्यास नकार दिला गेल्याने, त्यांनी तेथील बॅरिकेटसची मोडतोड केल्याचे समोर आले आहे. बरेलीतील राष्ट्रीय महामार्गावर घडलेल्या या घटनेने नेत्यांच्या अंगात भिनलेल्या व्हीआयपी संस्कृतीचा परिचय करून दिला आहे.

अंगातली ही मस्ती केंद्र सरकारच्या एका निर्णयाने संपेल याची शक्यताच नाही.
तसंही आज व्हीआयपी दिसण्यासाठी लाल दिव्याची गरज पडत नाही, पुढे मागे गोंडा घोळणाऱ्या पाच - दहा गाड्या आणि तेवढीच टाळकी हीच आजच्या पुढारीपणाची लक्षणं झाली आहेत. गल्लीतला दादासुद्धा दिल्ली दरबारचा शहेनशहा असल्यासारखा ताफा घेऊनच फिरतो, आणि त्याच ताफ्याच्या मनगटी सामर्थ्यावर बाकीच्यांना गप्प करतो. त्यासाठी त्याला कुणाच्या परवानगीची आणि सवलतींची गरज नसते. नाक्यावरचा मवाली म्हणावा इतक्याच लायकीच्या 'त्या' दादाचा हा महिमा असेल तर बाकी स्वयंघोषित जगद नायकांबाबत काय बोलावे? तुरुंगातून जामीनावर सुटलेला बिहारचा एक राजकीय गुंड रोड शो करत जातो, यापेक्षा अधिक काय सांगावे? त्यामुळे लाल दिवा नसल्याने कुणाला फार काही फरक पडेल असे वाटत नाही. एक 'प्रतिकात्मक प्रयत्न' या शिवाय या निर्णयाला फारसे महत्व नाही.

उन्मेष गुजराथी
09322 755 098


यावर अधिक वाचा :

कुमारस्वामी यांचा आज शपथविधी

national news
डीएसचे नेते एच.डी. कुमारस्वामी बुधवारी संध्याकाळी ४.३० वाजता मुख्यमंत्रीपदाची शपथ घेणार ...

जीएसटी आणि वाढती महागाई मुळे ५० विदेशी हॉटेल्स बंद

national news
जीएसटी सोबत रोज वाढत असलेली महागाई याची मोठी झळ छोट्या उद्योगांनाच बसली असं चित्र नाही तर ...

डॉक्टरांच्या सुरक्षिततेच्या मागणीसाठी राष्ट्रवादी ...

national news
आपत्कालीन अलार्म सिस्टीम बसवण्याची जे. जे. महाविद्यालयाच्या अधिष्ठात्यांकडे केली मागणी

कर्नाटक येथील निवडणुकीवर राज यांचे जबरदस्त कार्टून

national news
मनसे प्रमुख राज ठाकरे यांनी भाजपावर जोरदार तिखट अशी टीका केली आहे. त्यांनी एक व्यंगचित्र ...

भारतात पाकिस्तानपेक्षा पेट्रोल 33 रुपये प्रति लिटरने महाग

national news
कर्नाटक निवडणुकीनंतर सलग नवव्या दिवशी पेट्रोल-डिझेलचे दर वाढल असे आता चित्र आहे. ...

Moto G6 भारतात 4 जूनला होईल लाँच, अमेजनवर होईल याची विक्री

national news
लेनोवो स्वामित्व असणारी कंपनी मोटोरोला आपला नवीन स्मार्टफोन लाँच करत आहे ज्याचे नाव आहे ...

आंतरराष्ट्रीय कूपन कोड कंपनी पिकोडी, आता भारतात

national news
इंटरनेटवर सर्वात फायदेशीर ऑनलाईन डील आणि कूपन सर्च मध्ये उत्कृष्ट प्रदर्शन देणारी ऑनलाईन ...

बीएसएनएलचा 'डेटा त्सुनामी' प्लान

national news
बीएसएनएल (BSNL)ने नवा प्लान जाहीर केलाय. जियो आणि एअरटेलला टक्कर देण्यासाठी बीएसएनएलने ...

एअरटेल - अमेझॉनचा करार, मिळणार २,६००चा कॅशबॅक

national news
एअरटेल आणि अमेझॉन इंडियाने मिळून ४ जी स्मार्टफोन खरेदीवर कॅशबॅक ऑफर आणली आहे. या ऑफरसाठी ...

डिसेंबर 2019 पर्यंत भारतात 5 जी सेवेची शक्यता

national news
येत्या काही दिवसात 5 जीचे निकष निश्चित करण्याचा ट्रायचा प्रयत्न करणार असून डिसेंबर 2019 ...