Widgets Magazine
Widgets Magazine

शास्त्रज्ञांनी शोधल्या बेडाकाच्या सात नव्या प्रजाती

भारतीय शास्त्रज्ञांनी पाच वर्षांच्या अथक शोधानंतर छोट्या बेडकाच्या सात नव्या प्रजातींचा शोध लावला आहे. हे बेडूक आकाराने एवढे छोटे आहेत की लहान मुलाच्या अंगठ्याच्या नखावरही मावू शकतात. गुप्त अधिवास आणि किड्यांसारखा आवाज यामुळे त्यांच्याकडे यापूर्वी दुर्लक्ष झशले होते, असे दिल्ली विद्यापीठातील दोन संशोधकांनी केलेल्या अभ्यासात म्हटले आहे.
 
या अभ्यासाचे नेतृत्व करणारे प्रोफेसर एस डी बिजू यांनी सांगितले की हे बेडूक छोट्या भौगोलिक प्रदेशातील असल्यामुळे संशोधनाचे निष्कर्ष अत्यंत म्हत्त्वपूर्ण आहेत. वाघ आणि हत्ती यासारख्या मोठ्या प्राण्यांसह या छोट्या उभयचर जीवांचे संरक्षणही गरजेचे आहे. पश्चिम घाटातील बेडकांपैकी एक तृतीयांश प्रजाती विलुप्त होण्याच्या मार्गावर आहेत. नव्या सात प्रजातींपैकी पाच प्रजातींही धोक्यात असून त्यांचे तातडीने जतन करण्याची गरज आहे.
 
या प्रजाती बेडकांच्या इतर प्रजातींहून भिन्न आहेत. इतर बेडूक केवळ रात्री सक्रिय असतात, परंतू या प्रजातींचे बेडूक दिवस तद्वतच रात्रीही सक्रिय असतात.
 
नव्या सात प्रजातींपैकी चार प्रजाती 12.2 ते 15.4 मिलिमीटर एवढ्या लांबीच्या आहेत, असे ते म्हणाले. या जंगलात मोठ्या संख्येने हे बेडूक आढळून येतात. आकाराने खूपच लहान असल्यामुळेच कदाचित कोणाचे आतापर्यंत त्यांच्याकडे लक्ष गेले नसावे. हे बेडूक मोठ्या संख्येने आहेत. तथापि, त्यांचे भवितव्य अंधकारमय आहे.
 
हे बेडूक वेगवेगळ्या नाही तर एकाच भागात दिसून आले. अनेक बेडूक तर त्यांच्या अधिवासापासून दूर शेतात आणि बागांमध्ये आढळून आले. मानवी वावर असल्यामुळे या जागा त्यांच्यासाठी असुरक्षित ठरू शकतात.



Widgets Magazine
Widgets Magazine
यावर अधिक वाचा :  

Widgets Magazine

आज-काल

news

ऑफिसमध्ये झोप येते? आता काळजी करू नका

तुम्हाला ऑफिसमध्ये झोप येते? काळजी करू नका. अनेकांना अधिक वेळ ऑफिसमध्ये राहिल्याने झोप ...

news

बिकनी भागात तिला उगवायचे होते केस

आपण विश्वास करणार नाही की प्लास्टिक सर्जन्सकडे कश्या कश्या विनंती येतात. वेबसाइट ...

news

लग्नाच्या बंधनात अडकत नाही लावणी नृत्यांगना

मला एक दिवस आपल्या 12 वर्षाच्या मुलीला तिच्या वडिलांबद्दल सांगावं लागणार. ती आता सातवीत ...

news

दुनियेची टक्कल झाकतात भारतीय केस

मनुष्याच्या केसांचा बाजार हे ऐकण्यात विचित्र वाटतं असलं तरी भारत दुनियेत केसांचा सर्वात ...

Widgets Magazine