मीन राशीच्या व्यक्तींचा स्वभाव कसा असतो
तुम्ही स्वभावाने मनमिळावु, भावनाप्रधान, इतरांबद्दल सहानभुती बाळगणारे रुढी-परंपरा, अपार श्रध्दा ठेवणारे आहात. चंचलता द्विधा मनःस्थिती तुमच्यामध्ये दिसून येते. विसराळुपणा आणी भोळसटवृत्ती अंगी असल्यामुळे तुम्ही गोंधळलेले दिसतात. विचारातील निर्णयातील ठामपणा तुमच्यापासून काहीसा दूरच असतो.
तसे पाहीले तर दुसऱ्यांचा आदर करणारे तुम्ही दुसऱ्यांच्या विचारांनी इच्छेने मुळीच वागत नाही. स्वतःच्या मनबुध्दी स्वातंत्र्याने जगणारे असतात. मनाविरुध्द काही करावे लागले तर दुःखी होता. समाजामध्ये वावरताना आपले विचार स्पष्टपणे मांडण्याचे धैर्यही तुमच्याकडे अस्ते, पण निर्णय क्षमता कमी असते कारण तुमच्या मनामध्ये सदैव एक अनामिक भीती वास करत असते.
