शुक्रवार, 29 मार्च 2024
  1. लाईफस्टाईल
  2. बाल मैफल
  3. बालगित
Written By वेबदुनिया|

उठा आता सोनू मोनू

उठा आता सोनू मोनू
सहा वाजून गेले 
शेजारचे गंपू संपू
शाळेत न्यायला आले ।।1।।
हे हवय ते नकोय 
आईला नको कटकट
स्वत:ची आवराआवरी 
करा बरे पटपट।।2।। 
शाळेतून आल्यावर 
खाऊ घ्यावा खाऊन 
नंतर मग अभ्यास
करावा मन लावून।।3।।
रोजचा अभ्यास रोज
नीटनेटका करावा
सुट्टीतला काही वेळ 
अभ्यासाला घालवावा।।4।।
खेळामध्ये परिक्षेत
यश मिळावं तुम्हाला
यापेक्षा वेगळं आणि
काय हवंय आम्हाला।।5।।
- राजीव सगर