शुक्रवार, 29 मार्च 2024
  1. लाईफस्टाईल
  2. »
  3. लव्ह स्टेशन
  4. »
  5. प्रेमगीत
Written By वेबदुनिया|

आला पाऊस मातीच्या वासात गं

PR

आला पाऊस मातीच्या वासात गं

मोती गुंफित मोकळ्या केसात गं ।। धृ ।।

आभाळात आले, काळे काळे ढग

धारा कोसळल्या, निवे तगमग

धुंद दरवळ, धरणीच्या श्वासात गं ।। 1 ।।

कोसळल्या कश्या, सरीवर सरी

थेंब थेंब करी नाच पाण्यावरी

लाल ओहळ वाहती जोषात गं ।। 2 ।।

लिंबोळ्यांची रास कडूनिंबाखाली

वारा दंगा करी, जुई शहारली,

चाफा झुरतो, फुलांच्या भासात गं ।। 3 ।।आला पाऊस