गुरूवार, 28 मार्च 2024
  1. लाईफस्टाईल
  2. »
  3. मराठी साहित्य
  4. »
  5. मराठी कविता
Written By वेबदुनिया|

बोल

- अनंत बावने

ND
बोल बोलता बोलता
बोल अबोल जाहले ।।
मुक्या वेदनांचे शब्द
उर फुटून निघाले....

निघे शब्दविणा गाणे
ताल सुरांच्या संगमी ।।
आर्त नाद निघे कसा,
नाही आले ध्यानी मनी....

आता झाले शब्द माझे
बोल घेवड्याच्या शेंगा ।।
शेंगाशेंगात ठासला,
शब्द माझा नवा नवा ...

आली वेळ तशी गेली
गेली मुंगीच्या पावली ।।
सारे बोल पाहू जाता,
केले मुक्याच्या हवाली ....