भिंतींचे सौंदर्य खुलवताना..
- स्वाती
गृहसजावटीमध्ये भिंतींचं सौंदर्य सर्वाधिक महत्त्वाचं असतं. याचं कारण घरामध्ये प्रवेश करणार्‍या व्यक्तीचं लक्ष सर्वप्रथम भिंतींकडे जातं. त्यामुळेच फ्लोअरिंग, छत आणि इतर सजावटीचा विचार करताना भिंतींच्या सजावटीकडे दुर्लक्ष होता कामा नये. भिंतींना सुंदर बनविण्यासाठी आज अनेक पर्याय उपलब्ध आहेत; भिंतींकडे एक रिकामा कॅनव्हासप्रमाणे पाहावे. असा कॅनव्हास ज्यावर आपण मनातली चित्रं काढू शकतो आणि ती सर्वासमोर ठेवू शकतो. सध्याच्या काळात अशा अनेक गोष्टी आहेत ज्या वापरून तुम्ही आपल्या कलात्मकतेने घराच्या भिंतींचे सौंदर्य खुलवू शकता. आज भिंती या प्लास्टर, स्टँड, पेंटेड आणि पेपर रुम वापरून तयार केल्या जातात. भिंतींना सुंदर बनविण्यासाठी आज अनेक पर्याय उपलब्ध आहेत; पण तरीही भिंतींना खास बनविण्यासाठी आपण आपल्या घराच्या भिंतींना एक रिकामा कॅनव्हासप्रमाणे पाहावे. असा कॅनव्हास ज्यावर आपण आपल्या मनातली चित्रं काढू शकतो आणि त्यांना सर्वासमोर ठेवू शकतो. जर तुम्हाला असंच काहीसं करायचं असेल तर काही गोष्टींकडे लक्ष देणे आवश्यक आहे.
भिंतींना पेंट करताना..
भिंतींना पेंट करताना.. भिंतींना पेंट करताना हे पाहावे लागेल की, ती कशाची बनलेली आहे. जर भिंतींना काही चिरा पडल्या असतील किंवा ओरखडे पडले असतील तर तुम्ही त्याला योग्य प्रकारे फिनिशिंग करू शकता. त्यासाठी तुम्ही प्लास्टर ऑफ पॅरिस किंवा वॉलपुट्टीचा वापरही करू शकता. जर भिंतीची अवस्था खूपच खराब झाली असेल तर प्रोफेशनल मिस्त्रीकडून त्याची योग्य प्रकारे डागडुजी करणे आवश्यक आहे. याखेरीज भिंती या जिप्सम बोर्ड किंवा ड्राय वॉलच्या पातळ कव्हरनेही तुम्ही झाकू शकता.
