शुक्रवार, 29 मार्च 2024
  1. मराठी बातम्या
  2. महाराष्ट्र न्यूज
  3. राष्ट्रीय
Written By
Last Modified: नवी दिल्ली , गुरूवार, 27 एप्रिल 2017 (10:02 IST)

पराभवाची जबाबदारी स्वीकारत आमदार अलका लांबा यांचा राजीनामा

दिल्ली महानगरपालिकेत आम आदमी पक्षाला मोठ्या पराभवाला समोरे जावे लागले आहे. या पराभवाची जबाबदारी स्वीकारत आम आदमी पक्षाच्या नेत्या आणि दिल्ली विधानसभेतील आमदार अलका लांबा यांनी आमदार पदासह पक्षातील सर्व पदांचा राजीनामा दिला आहे. दिल्लीतील तीनही महानगरपालिकांसाठी झालेल्या मतदानाची मतमोजणी बुधवारी झाली. त्यामध्ये भरतीय जनता पक्षाने अघाडी मिळविली आहे. आप आणि काँग्रेसला मोठ्या पराभवाला सामोरे जावे लागले आहे. या पार्श्वभूमीवर लांबा यांनी ट्विटद्वारे राजीनामा देत असल्याचे जाहीर केले आहे. त्यांनी लिहिले आहे की, सर्व तीन वॉर्डांमध्ये झालेल्या पराभवाची वैयक्तिक जबाबदारी स्वीकारून मी आमदार पदासह पक्षातील सर्व पदांचा राजीनामा देत आहे.