देशभरात ५ कोटी सुरक्षा रक्षकांची गरज आहे.मात्र चांगली गार्ड मिळत नाहीत. ही गरज आम्ही पूर्ण करू, असे बाबा रामदेव यांचे प्रवक्ते एस.के.तिजारवाला यांनी सांगितले.'पराक्रम'च्या माध्यमातून आम्ही देशभरातील युवकांना चांगले प्रशिक्षण आणि पगार देऊ, असे ते म्हणाले.
'पराक्रम' संस्थेत येणाऱ्या व्यक्तीकडे नैतिक मूल्य आणि देशप्रेम या दोन गोष्टी हव्यात,असे तिजारवाला यांनी सांगितले.उत्तम आरोग्य आणि शिक्षण घेतलेल्या युवकांना संधी दिली जाणार आहे.या संस्थेतील युवकांना भारतीय लष्करातून निवृत्त झालेल्या अधिकाऱ्यांकडून प्रशिक्षण दिले जाणार आहे. त्यानंतर त्यांच्या कामगिरीचे मुल्यमापन करूनच त्यांची नियुक्ती केली जाणार आहे.
