आंध्र प्रदेश पेपरलेस: देशातील पहिली ई-कॅबिनेट

आंध्र प्रदेशात पेपरलेसची सुरुवात झाली असून देशातील पहिली ई-कॅबिनेट सोमवारी झाली. मुख्यमंत्र्यासह अन्य मंत्री या बैठकीला उपस्थित होते. त्यांच्या हातात कागद आणि पेन नसून आयपॅड होते. बैठकीत काही मंत्र्यांनी फायली सादर न करता पॉवर पॉइट प्रेझेंटेशन सादर केले.

मुख्यमंत्री चंद्राबाबू नायडूंनी ई-कॅबिनेटसाठी पुढाकार घेतला. मंत्र्यांना काही दिवसांपूर्वी आयपॅडचे प्रशिक्षण देण्यात आले होते. यापूर्वीही चंद्राबाबू नायडू यांनी ई-गव्हर्नन्ससाठी विविध उपक्रम हाती घेतले होते.

एखाद्या मंत्र्याचा आयपॅड हरवला तर तक्रार येताच त्यात उपलब्ध असलेला डाटा सर्व्हरमधून आपोआप डिलीट केला जाईल.