भारत-पाक बससेवा पुन्हा सुरू
भारत आणि पाकिस्तान दरम्यान पुन्हा बससेवा सुरू झाली आहे. श्रीनगर ते मुझफ्फराबाद ही बस गेल्या दोन आठवड्यांनंतर सुरू झाल्याचे सुत्रांनी सांगितले. अमली पदार्थांनी भरलेला ट्रक एलओसीवर पकडण्यात आल्यानंतर ही बससेवा बंद होती. सोमवारी या बसमधून 28 प्रवाशांनी प्रवास केला. त्यात 10 प्रवासी हे पाकव्याप्त काश्मीरातील तर 18 जण भारतीय नागरिक होते. दरम्यान, पाकव्याप्त काश्मीरमध्ये 17 जानेवारीला 110 पॅकेट ब्राऊन शुगर असलेला ट्रक पकडला होता. या ब्राऊन शुगरची आंतरराष्ट्रीय बाजारात सुमारे 100 कोटी किंमत आहे.
