शुक्रवार, 29 मार्च 2024
  1. मराठी बातम्या
  2. महाराष्ट्र न्यूज
  3. राष्ट्रीय
Written By
Last Modified: पाटणा , सोमवार, 21 सप्टेंबर 2015 (12:06 IST)

शिवसेना बिहारमध्ये 150 जागा लढविणार

राष्ट्रीय लोकशाही आघाडीची एक घटक असलेली शिवसेना बिहार विधानसभेच आगामी निवडणुकीत 150 जागा लढविणार असल्याचे शिवसेनेचे प्रवक्ते संजय राऊत यांनी येथे राज्यातील शिवसैनिकांच्या मेळाव्यामध्ये बोलताना जाहीर केले आहे. 
 
महाराष्ट्रात भाजपबरोबर गटबंधन केलेल्या शिवसेनेने बिहार विधानसभेच्या 150 जागा लढवून विद्यमान मुख्यमंत्री नितीशकुमार यांच्या   नेतृत्वाखाली जेडीयू-राष्ट्रीय जनता दल व काँग्रेस यांच्या संमिश्र आघाडीला शह देण्याचे ठरविले असल्याचे राऊत यांनी स्पष्ट केले आहे. बिहारच्या जनतेबद्दल शिवसेनेच्या मनात आकस असल्याचा इन्कार करताना राऊत यांनी शिवसेना ही बिहारच्या जनतेने देशभक्ती, शौर्य   व स्वातंत्र्य आंदोलनामध्ये जे योगदान दिले आहे ती कधीही न विसरण्याजोगे असल्याचे राऊत यांनी स्पष्ट केले.