'पाकचे राष्ट्राध्यक्षपद महिलेकडे जाऊ शकते'
पाकिस्तानच्या राष्ट्राध्यक्षपदी महिला आरूढ होऊ शकते, असे संकेत पाकिस्तान पीपल्स पक्षाचे सहअध्यक्ष असफि अली झरदारी यांनी दिले आहे. मात्र सत्ताधारी आघाडीत सहमतीनंतरच अंतिम निर्णय होईल, असे सांगून स्वत: शर्यतीत नसल्याचे स्पष्ट केले. मुशर्रफ पायउतार झाल्यानंतर व्यवस्था, राष्ट्रीय राजकारभार व परराष्ट्रधोरणातही बदलाचे संकेत देताना प्रादेशिक प्रश्नांच्या सोडवणुकीसाठी भारत, अफगाणिस्तान, इराण व अरब देशांची परिषद घेण्याचा मनोदयही त्यांनी व्यक्त केला. मुशर्रफ सत्ताधारी आघाडी सरकारविरूद्ध कटकारस्थान करत असल्याच्या अहवालानंतर त्यांच्यावर महाभियोग भरण्याचा निर्णय घेण्यात आल्याचे त्यांनी स्पष्ट केले.
