पोलीस तपासानुसार वडिलांवर कारवाई होणार :गृहराज्यमंत्री

वडिलांनी महाविद्यालयीन कर्मचाऱ्याच्या कानशिलात लगावल्या प्रकरणी  गृहराज्यमंत्री डॉ. रणजीत पाटील यांनी  पोलीस तपासात जे निष्पन्न होईल, त्यानुसार आपल्या वडिलांवर कारवाई केली जाईल, असं रणजीत पाटील यांनी सांगितलं. यामध्ये कोणताही राजकीय हस्तक्षेप करणार नसल्याची प्रतिक्रिया पाटील यांनी दिली आहे. दरवर्षी अॅडमिशनच्या वेळी हे वाद होतात, वडील तो कारभार पाहतात, त्याच्याशी माझा संबंध नसल्याचं रणजीत पाटील यांनी सांगितलं.

गेल्या 15 ते 20 वर्षांपासून आपल्या आणि संजय देशमुखांच्या संस्थेत वाद असल्याचं रणजीत पाटलांनी मान्य केलं. दरम्यान, पोलिस तपासात कोणताही हस्तक्षेप करणार नाही आणि कायदा त्याचं काम करेल, असं रणजित पाटील म्हणाले.