गुरूवार, 28 मार्च 2024
  1. मराठी बातम्या
  2. महाराष्ट्र न्यूज
  3. महाराष्ट्र माझा
Written By
Last Modified: शुक्रवार, 27 जानेवारी 2017 (15:52 IST)

मिनी विधानसभेची रणधुमाळी सुरु

राज्यातील 10 महापालिका, 15 जिल्हा परिषद आणि 165 पंचायत समित्यांसाठी उमेदवारी अर्ज शुक्रवारपासून दाखल करता येणार  आहेत. यात 3 फेब्रुवारीपर्यंत अर्ज दाखल करता येणार असून 4 फेब्रुवारीला अर्जांची छाननी होणार आहे. सात फेब्रुवारीला अर्ज माघारी घेण्याची शेवटची मुदत असेल.
 
राज्यातल्या 10 महापालिकांसाठी 21 फेब्रुवारीला मतदान होणार असून 23 फेब्रुवारीला निकाल जाहीर होईल. तर 25 जिल्हा परिषदांसाठी दोन टप्प्यात मतदान होणार आहे. 16 फेब्रुवारीला मतदानाचा पहिला टप्पा पार पडणार असून यात 15 जिल्ह्यांचा समावेश असेल. दुसऱ्या टप्प्यासाठी 21 फेब्रुवारीला मतदान होणार असून महापालिकांसोबतच जिल्हा परिषदांचा निकाल 23 फेब्रुवारीलाच जाहीर होणार आहे.