कोल्हापूर मंदिरातही महिलांना प्रवेश
करवीरनिवासिनी महालक्ष्मी देवीच्या गाभार्‍यातही अखेर महिलांना प्रवेश मिळाला आहे. विविध संघटनांच्या महिलांनी गाभार्‍यात प्रवेश करून देवीची ओटी भरली.
विठ्ठल मंदिर आणि जुना राजवाडा पोलिस ठाणे याठिकाणी स्त्री-पुरुष समता समिती, अंबाबाई भक्त मंडळ आणि टोलविरोधी कृती समिती यांच्यात सोमवारी सुमारे पाच तासांत झालेल्या तीन बैठकानंतर अखेर प्रातिनिधीक स्वरूपात विविध संघटनांच्या दहा महिलांना अंबाबाईच्या गाभाºयात प्रवेश देण्याचा निर्णय झाला. त्यानुसार संबंधित महिलांनी शनिमंदिराजवळील प्रवेशद्वारातून मंदिरात प्रवेश केला. त्यांनी अंबाबाईची ओटी भरून गाभार्‍यात जाऊन दर्शन घेतले. दर्शन घेऊन बाहेर पडल्यानंतर त्यांनी ‘शाहू-फुले-आंबेडकरांचा विजय असो’, ‘स्त्री-पुरुष समानतेचा विजय असो’ अशा घोषणा दिल्या.
