ज्योतिष 2010

अमिताभ बच्चन : संमिश्र वर्ष राहील!

Mon, 11 Oct 2010 12:49:00 +0530

सुपर स्टार अमिताभ बच्चनचा वाढदिवस 11ऑक्टोबरचा आहे. बिग बी ला वाढदिवसाच्या शुभेच्छा!

अमिताभ यांचा जन्म 11 ऑक्टोबर 1942 ला अलाहाबाद येथे जन्म झाला होता. यांची सूर्य कुंडली कन्या लग्नाची आहे आणि सूर्य कुण्डलीनुसार यांच्या लग्नात सूर्य-बुध-शुक्र आणि मंगळ हे ग्रह आहेत. ज्याचा संबंध कलेशी निगडित आहे. द्वितीय भावात तूळचा चंद्र आहे, त्यामुळे यांचा कळ कुटुंबियांकडे जास्त असतो. धनाची भरभराट असून वाणी प्रभावशील असते. गुरू उच्चाचा आहे ज्याने समाजात आदर मिळून मोठ्यांचा स्नेह यांना लाभतो.

सद्या अमिताभ बुधाच्या महादशेतून जात आहे. बुधात शनीचा अंतर 2013 पर्यंत राहील. तसे तर बुध लग्नस्थ असून मंगळ आणि सूर्याच्या प्रभावात आहे. शनी 5 व 6 व्या भावाचा स्वामी असून भाग्य स्थळी आहे. म्हणून लाभ आणि हानी दोघांचा समान योग बनत आहे. जानेवारी पर्यंतचा वेळ त्यांच्यासाठी तणाव आणि संकटाचा आहे.

यंदा बीग बी च्या वाढदिवसापासूनच 'कौन बनेगा करोडपती'चे प्रसारानं सुरू होणार आहे. या प्रोजेक्टबद्दल त्यांच्या चाहत्यांना जेवढ्या अपेक्षा व उमेद आहे, ते कदाचित खरी ठरणार नाही, अर्थात ही पारी पहिल्या सारखी सुपर हिट होणार नाही असे वाटत आहे. येथे अमिताभच्या हाती निराशा येणार आहे.

फेब्रुवारीपासून त्यांचे ग्रह बदलणार आहे. अर्थात एखाद्या स्त्रीच्या साहाय्याने स्थितीत सुधारणा येईल व शुभ कार्य किंवा चित्रपटात यश येण्याची शक्यता आहे. विदेशात एखादे शो केल्याने त्याला धन लाभ आणि साहाय्याचे योग बनत आहे. परिवारात शुभ बातमी मिळू शकते. प्रकृतीकडे लक्ष्य देणे गरजेचे आहे.

कार्याच्या अनुकूलतेसाठी शिव पूजन केले पाहिजे, बुध आणि शनीला दान केले पाहिजे. तसेच अपंगांना भोजन व वस्त्र दान करायला पाहिजे.

2010 : राशींचे वार्षिक फलादेश

Mon, 04 Jan 2010 10:23:44 +0530

मेष :
हे वर्ष चढउतार दर्शविणारे आहे. पूर्वार्धात संतती विषयी, शैक्षणिक संबंधातील चिंता सतावतील. काही वेळा निर्णय चुक़ण्याचा संभव आहे. जानेवारी 2010 नंतर परिस्थितीत बदल होण्यास सुरवात. एप्रिल 2010 च्या दरम्यान चांगला कालखंड दर्शवितो. विवाह जमणे, संतती लाभ होणे सारख्या घटना मनाला सुखवतील. सुरवातीलाच आर्थिक कोंडी सुटण्यास मदत होईल. गोचीरीची शनी, मंगळ भ्रमणे नोव्हेंबर 2009 पर्यंत फारच कष्टमयव मानसिक त्रासाची जाण्याचा संभव आहे. त्यामुळे कोणतेही काम करताना सहकारी वर्ग अथवा अनुभवी लोकांचे मार्गदर्शन वा सल्ला घ्यावा. महिला- फेब्रवारी 2010 पर्यंत मानसिक संतुलन राखावे, खर्चावर नियंत्रण ठेवावे. आहाराची विशेष काळजी घ्यावी. वर्षाअखेरिस शुभ खरेदी होईल. विद्यार्थी- अभ्यासाकडे दुर्लक्ष होऊ देऊ नका. अखेरीस त्रासाचा संभव.

वृषभ :
सुरवातील मानसिक व शारीरिक त्रासदायक कालखंड काहींना जाणवेल. त्या परिस्थितीत कलाकलाने सुधारणा जाणवेल. वरिष्ठांकडून शाबासकी मिळेल. मानसिक नैराश्य आलेल्यांना नवीन कालखंडांचा आढावा घेऊन मनाचा खणखरपणा निर्माण करावा. डिसेंबर 2009 नंतर व्यवसाय व आर्थिक बाबतीत सुधारणा होणे शक्य. तरूणांचे विवाह अचानक जमतील. मे 2010 नंतरच्या कालखंडात डोळसपणे काम करावे. फसगत होणार नाही याची काळजी घ्यावी. जुनी दुखणी डोके वर काढणे शक्य. महिला- डोकेदुखी, डोळे यांचा त्रास असलेल्यांनी विशेष काळजी घ्यावी. मुतखडा, मूळव्याधीवर वेळीच उपचार घ्या. नवनवीन खरेदी कराल. फेब्रुवारी 2010 मध्ये प्रवास योग. विद्यार्थी- अभ्यासास अनुकुल कालखंड, सहकारी न‍िवडताना, कायदेशीर बाबी हाताळताना काळजी घ्या.

मिथुन :
शनीची भ्रमणे आपल्या राशीतील नवीन पर्वास प्रतिकुल. प्रत्येक पाऊल तोलून मापून टाकावे. अवाजवी आत्मविश्वास आत्मघातास कारणीभूत ठरणार नाही, याची काळज‍ी घ्यावी. द्विधा मन:स्थिती व स्वभाव च‍िडचिडा होईल. त्यावर ताबा ठेवा. जानेवारी 2010 नंतर आर्थिक सुधारणा दर्शविते. तरीही येणार्‍या काळात आर्थिक व्यवहार जपूनच करा. जोडीदाराशी वादविवाद टाळा. व्यवसायात व नोकरीत नवीन संधी येतील. काहींना हुलकावणी देण्याची शक्यता आहे. त्यांनी योग्य मार्गदर्शन घ्यावे. संतती संबंधीत शुभवार्ता कळण्यासारखी स्थिती. देवदर्शन अथवा शुभकार्यासाठी प्रवास योग संभोवतो. महिला- यावर्षी मुलांचे विवाह डिसेंबर 2010 नंतर जमणे शक्य. स्नायू दुखी तसेच चर्मविकारावर वेळीच काळजी घ्या. विद्यार्थी- घरातील परिस्थिती अकारण चिंता करणेस भाग पाडेल. सय्यम ठेवून अभ्यासाला लागा. वस्तू गहाळ होणार नाही याची काळजी घ्या.

कर्क :
गेली एकदीड वर्ष जो सर्वचदृष्ट्या त्रासदायक कालखंड जाणवला त्यांना हा येणार काळ आयुष्यातील सुवर्ण पहाट घेऊन येणारा असेल. न झालेली कामे मार्गी लागतील: न्यायालयासंबंधी प्रलंबीत कामकाज पूर्ण होऊन त्यापासून आनंददायी फळे मिळतील. विवाहासाठी अनुकुल काळ. नवीन व्यावसायिंकांना नवे मार्ग सापडतील. बेकारांना नोकरी मिळेल. मे 2010 च्या आसपास मनोरंजन सहलीचे नियोजन कराल. मरगळ निघून जाऊन आनंदी काळ येईल. आळस झटकून कामाला लागा. पैशांची आवक नियमित होऊन त्यात वाढ संभवते. घरात शुभ घटना व कार्य करण्‍यास योग्य काळ. महिला- मानसिक ताणतणावापासून लांब रहा. मनासारख्या घडून समाधान मिळेल. संतती संबंधी अवाजवी चिंता करू नका. नवनवीन वस्तू, दागिने, खरेदी संभवते. विद्यार्थी- फारच चांगला कालखंड येत आहे. अभ्यासातील खडतरता संपून नवीन मार्ग दिसेल. एकुणात आनंदायी कालखंड. नवीन मित्र भेटतील.

सिंह :
साडेसातीची पहिली पाच वर्षे संपलेली असून शेवटची अडीच वर्षे राहिली आहेत. गेली दोन वर्षे रखडलेली कामे मार्गी लागतील. आर्थिक व्यवहार मानसिक ताणतणाव निर्माण करतील. आरोग्याची काळजी घ्या. कोणतेही काम संयम बाळगून व विचार करून करा. फेब्रुवारी 2010 पासून स्थावरपासून प्राप्ती होईल. धार्मिक कार्य कराल. मुलांची चिंता निर्माण करणारा कालखंड. दातासंबंधी व पोटाचे विकार त्रास देण्याचा संभव. रोजच्या जीवनात मतभेद टाळा. थोरामोठ्यांचा उपमर्द करू नका. जानेवारी 2010 पासून विवाह जमण्यास अनुकुल काळ. शारिरीक कष्ट तसेच अचानक मोठी जबाबदारी घेणे सारख्या घटना घडतील. उत्तरार्धात आर्थिक लाभ व उलाढाल समाधान देईल. कोर्टकचेरी सारखे प्रसंग येण्‍याचा संभव. संयम पाळा. महिला- आरोग्याची काळजी घ्या. चुकीचे निदान वाटल्यास दुसर्‍या डॉक्टरांचे मार्गदर्शन घ्या. गर्भवती महिलांनी काळजी घ्यावी. वाहनसुख मिळेल. विद्यार्थी- स्पर्धेत यश मिळेल. दीर्घकाळ हुलकावणी देणारी मोठी पदवी अथवा पुरस्कार मिळेल. वादविवाद टाळा.

कन्या :
येणारी गुरू व शनिची भ्रमणे द्विधा मन:स्थिती निर्माण करणारी असली तरी संततीच्या बाबतीत समाधानकारक घटना घडतील. व्यवसायात सुधारणा होऊन आजपर्यंत येणार्‍या अडचणी शिथील होतील. शनिचे आपल्या राशीतून होत असलेले भ्रमण गोचीरीच्या योगामुळे मन:स्ताप जाणवणारे वाटेल. योग्य मार्गदर्शनाने त्यावर मात कराल. स्थावर संबंधीचे प्रश्न मार्गी लागतील. अकारण गैरसमज होणार नाहीत याची दक्षता घ्या. फेब्रुवारीनंतर स्वभाव चिडखोर होईल. एकटेपणा जाणवेल. संयम बाळगा. जुनी दुखणी डोके वर काढण्याचा संभव. स्थावर प्रॉपर्टीचे प्रश्न सोडवताना पूर्ण विचार व शांततेने प्रश्न हाताळा. शासकीय कामात डोळसपणे मार्ग काढा. सहकारी व मित्रवर्गाचे सहकार्य मिळेल. उत्तरार्धात आरोग्याच्या तक्रारी योग्य इलाजानंतर कमी होतील. तब्बेत सुधारेल. नातेवाईकांचे संबंध सुधारतील. प्रसंगी लांबचे प्रवास संभवतात. कर्ज फेडीसाठी योग्य संधी येतील. महिला- नवी खरेदी कराल. संतती संबंधी शुभवार्ता कळेल. मुलींचे विवाह जुळतील. प्रेमसंबंधातील फसगत टाळा. विद्यार्थी- अभ्यासासाठी उत्तम कालखंड. इलेक्ट्रॉनिक्स वस्तू जपून हाताळा. संयम राखा.

तुळ :
हे वर्ष आपणास उत्तरोत्तर प्रगतीचे जाणार आहे. साडेसाती असली तरी, येणारी गुरुची भ्रमणे कलाकार, व्यापारी, कारखानदार यांना उत्तम जाणार. नोकरवर्गाने सुरवातीस सावधपणे मार्गक्रमण करावे. मार्च 2010 नंतर मानसिक व आर्थिक प्रगती होईल. याच काळात इच्छुकांचे विवा. संतती संबधीचे व आर्थिक प्रश्न सुटतील. नातेवाईकांत कार्याचे कौतुक होईल. सुरवातीच्या काळात मतभेद. खरेदीचे व्यवहार करताना सावधानता बाळगा. अवाजवी आत्मविश्वास दर्शविता जाणार नाही. याची काळजी घ्या. शेअर्समध्ये नुकसान संभवते. व्यवहार सावधतेने करा. महिला- वर्षात उंची वस्त्र, अलंकारांचा लाभ. लेखकांना उत्तम काळ. पाठदुखीपासून सांभाळा. विद्यार्थी- सुरवातीचे मंगळ व शनिचे भ्रमण थोडे त्रासदायक. वरिष्ठांशी मतभेद टाळा. उत्तरार्धात चांगली संधी.

वृश्चिक :
हे वर्ष संमिश्र फलदायी आहे. अनेक प्रश्न सतावतील. कोर्ट, कचेरीतील होत आलेली कामांना विलंब. नोकरी, व्यवसायात मानसिक व आर्थिक कटकटी निर्माण होण्याचा काळ. वाहन चालविताना विशेष खबरदारी घ्या. अडथळे व कामात विलंब जाणवत असला तरी मार्च 2010 नंतर अनुकुल स्थिती. सासुरवाडीतील लोकांशी संबंध सुधारतील. राजकारणातील व्यक्तींनी सांभाळावे. छाती व स्नायू दुखीचे त्रास असणार्‍यांना वर्ष थोडे त्रासाचे. योग उपचार करणे. बांधकाम व्यवसायातील लोकांना उत्तरार्ध चांगला. नोकरीत बदल संभवतो. महत्त्वाची कागदपत्रे गहाळ होणे, हातून चुका होऊन बदनामीचे प्रसंग येणार नाहीत याची काळजी घ्या. महिला- वादविवाद टाळा. पत्रव्यवहार नवीन पेच निर्माण करतील. त्यामुळे सावधनता बाळगा. कोणावरही‍ चटकन विश्वास ठेवू नका. विद्यार्थी- संयमाने वागा. विश्वासघात, चोरीसारखे आळ येण्यासारखा त्रासदायक काळ. जपावे.

धनु :
धनु राशीच्या व्यक्तींना सुरवातीपासून शुभ घटना साद घालतील. धार्मिक कार्यात भाग घ्याल. राजकीय व्यक्तींनी थोडे धिराने घ्यावे. उगाच मृगजळाच्या मागे पळू नये. कोर्ट, कचेरीतील कामे मार्गी लागतील. एप्रिल 2010 नंतर तिर्थयात्रा, मंगलकार्यासाठी लांबचे प्रवास शक्य. काहींना अनुग्रह मिळून अध्यात्मिक क्षेत्रात प्रगती. विवाह जमतील. हौसमौज, वाहन दुरूस्ती यासारख्या कामांसाठी खर्च. अखेरीस थोडी आर्थिक चिंता संभवते. सुरवातीपासून नियोजन करा. दात, डोळे, डोके यांचा त्रास संभोवतो. जुने विकार असणार्‍यांनी विशेष काळजी घ्यावी. वेळेवर उपचार घ्या. महिला- वर्ष उत्तम. मानसिक स्वास्थ्य लाभेल. आरोग्याची काळजी घ्या. रक्त विकार, जननेंद्रीयाविषयी त्रास संभवतो. उत्तरार्धात आर्थिक ओढाताण जाणवेल. प्रेमप्रकरणापासून सावधानता बाळगा. विद्यार्थी- अभ्यासाच्या दृष्टीने चांगला काळ. चांगले मार्गदर्शक भेटतील. उच्चशिक्षितांना विशेष लाभ.

मकर :
त्रास संपून नोव्हेंबर 2009 पासून आयुष्यातील नवी पहाट उगविणा. मानसिक व आरोग्य दृष्ट्या उत्तम काळ. कर्जदार व्यक्तींना आर्थिक लाभ होऊन कर्चाची परतफेड होण्यास सुरवात. आजपर्यत होत असलेल्या अवहेलना व फसगत यामुळे त्रस्तता आली. नवीन व्यवसायात संधी. नोकरीत इच्छुकांना अपेक्षित प्रमोशन अथवा बदल होतील. कोर्ट कचेरीची कामे मार्गी. शेतीतील उत्पन्न मनासारखे. जोडधंदा सुरू करण्‍यासाठी प्रयन्न कराल. स्पर्धा परीक्षेत यश. अध्यात्मिक क्षेत्रातील व्यक्तींनी मानसिक स्थिरत्त्व राखावे. उपासना खंडित होते. चिडचिड टाळावी. महिला- जोडीदाराचे प्रेम मिळेल. मनासारखी खरेदी कराल. स्थावरसंबंधीचे व्यवहार होतील. डोकेदुखीचा त्रास संभवतो. काळजी घ्या. विद्यार्थी- योग्य मार्गदर्शक मिळेल. समारंभात भाग घ्याल. उत्तम कालखंड.

कुंभ :
वर्ष संमिश्र आहे. श्रावणसरीप्रमाणे चांगला व कष्टदायक काळ यात पाठशियवणी चालेल. आर्थिक फसवणूकीबाबत काळजी घ्या. कोणावर पटकन विश्वास ठेवू नका. दुसर्‍यावर विसंबून राहू नका. फेब्रुवारीनंतर विवाहास उत्तम काळ. नोकरदारांनी वरिष्ठांशी मतभेद टाळावेत. व्यापारांनी मालमत्तेची नासधुस न होण्याची काळजी घ्यावी. अखेरीस शेती खरेदी व स्थावरासंबंधीचे प्रश्न निकालात निघतील. संतती लाभ अथवा. संततीच्या दृष्टीने कालखंड चांगला. भागिदारीतील व्यवहार जरा जपून करा. गोचीरीची शनि, राहू व मंगळ यांची भ्रमणे सुरवातीस जीव मेटाकुटीला आणतील. आप्तेष्टांच्या दु:खद वार्ता समजतील. मार्च 2010 नंतर शेअर्स मधील व्यक्तींना लाभ दिसतील. मोठे प्रवास दर्शवतील. उत्तरार्धात मनाजोगा फायदा होईल. हे वर्ष सावधपणे राहण्याचे आहे, हे विसरू नका. महिला- रागावर नियंत्रण ठेवा. नातेवाईक, मित्रपरिवारात अकारण समजगैरसमज निर्माण होतील. त्याची काळजी घ्या. मधुमेही व गर्भवती महिलांनी काळजी घ्यावी. विद्यार्थी - खडतरपणे अभ्यास करा. सहज साध्य नाही.

मीन :
प्रगती गाडी 2010 नंतर अडखळत जाण्याची शक्यता. सुरवातीपासून सावधानता बाळगा. गुरू बदलानंतर मानसिक संतुलन बिघडणार नाही, याची काळजी घ्या. जास्तीत जास्त कामे अथवा व्यवहार जाने. 2010 पूर्वी पूर्ण करण्याचा प्रयत्न करा. संतती, आजार अथवा मानसिक त्रास, नोकरी यांची चिंता निर्माण करणारा कालखंड. वैवाहिक जीवनात घडामोडी. कलह टाळा. कोर्ट कचेरीपासून लांब राहणे इष्ट. संचयीत धन हाताळताना खबरदारी बाळगा. कर्ज काढणे टाळा. नव्या व्यवसायाचा विचार स्थगित ठेवा. एकंदरीत वर्ष कष्टमय व सहजसाध्य लाभ होणारे नाही. योग्य मार्गदर्शन घेऊन उपासना करणे. नैराश्य येवू देऊ नका. गुडघेदुखी, मुत्रविकार असणारांनी वेळेत औषधोपचार घ्यावेत. महिला- मानसिक त्रासाचे वर्ष. मार्च 2010 नंतर आशेचा किरण. गर्भाशय व स्तनदाह यासारखे विकार सतावतील. निद्रानाशाचा त्रास शक्य. योगोपचार करा विद्यार्थी- नवीन शिकायला मिळेल. मोठ्याचा सल्ला केवळ घेऊ नका तर तो माना.

राहुल गांधी पंतप्रधान बनणार!

Thu, 31 Dec 2009 17:56:41 +0530

प्राचीन पध्दतीने भविष्य कथन करणारे ज्योतिष बेजान दारूवाला यांच्यामते आगामी काळात भारत युवाशक्तीच्या जोरावरी 'सुपरपॉवर' बनणार आहे. 2010 हे नववर्ष भारतासाठी चांगले राहील. कॉग्रसचे सरचिटणीस राहूल गांधी यांच्या कुंडलीत पंतप्रधान बनण्याचे योग आहेत.

1 जानेवारीपासून देशाच्या प्रगतीचा आलेख उंचवणार असून राष्ट्रीय तसेच आंतरराष्ट्रीय स्तरावर भारत वर्चस्व कायम ठेवेल. प्रगतीच्या स्पर्धेत भारत अनेक विकसित देशांना मागे टाकणार आहे. देशातील तळागाळातील लोकांच्या परिस्थितीत सुधारणा होऊन देशाला पुढे आणण्‍यासाठी ते हातभार लावतील. युवाशक्ती देशाला यशाच्या शिखरावर पोहचविण्यासाठी मोलाचे योगदान देतील. सध्या देशात अतिरेकी कारवायांना ऊत आला आहे. मात्र येत्या दोन वर्षात दहशतवाद कमी होणार आहे.

पाकिस्तान हा आपला शुत्र आहे. मात्र सद्यस्थितीला आपल्याला सर्वाधिग धोका हा चीन कडून आहे. चीनची राशी तूळ असून तिचा भारतावर हल्ला चढविण्याच्या हालचाली सुरू आहे.

प्रधानमंत्री डॉ. मनमोहन सिंह याचा ग्रह सूर्य असून तूळ राशी आहे. त्यांचा शनी हा तूळ राशीमधून जात आहे. ग्रह आणि शनी हे ग्रह एकमेंकांचे शत्रू आहे. त्यामुळे थोड्याच दिवसात राहूल गांधी मनमोहनसिंह यांची जागा घेणार आहे.

सोनिया गांधी यांची राशी धनु आहे व राहुल गांधी यांची मिथुन राशी आहे. धनु राशी समोर मिथुन राशी येते. या दोनही राशीसाठी येणारा काळ हा चांगला आहे. राहूल पंतप्रधान बनणार हे त्यांच्या कुंडलीत लिहिले आहे.

विद्या बालनसाठी शुभ योग

Thu, 31 Dec 2009 17:52:45 +0530

'पा' हा चित्रपट नुकताच प्रदर्शित झाला असून अभिनेत्री विद्या बालन हीने त्यात अमिताभ बच्चनच्या आईची भूमिका साकारली आहे. त्यामुळे ती पुन्हा एकदा प्रसिध्दीच्या झोतात आली आहे. 2010 हे नववर्षा विद्यासाठी शुभ योग घेऊन आले आहे. तिचा जन्म 1 जानेवारी 1978 ला पालाहट (केरळ) येथे झाला होता.

सूर्य कुंडलीनुसार विद्या धनु लग्न व सिंह राशीत जन्मली आहे. लग्न व राशी यांच्यात मैत्रीचे संबंध आहे. त्याचा प्रभाव विद्या बालनच्या प्रभावशाली व्यक्तिमत्त्वावर दिसून येतो. बृहस्पती स्वयंम् सप्तम स्थानात असून लग्नला दृष्टि प्रदान करत आहे. लग्नात सूर्य-शुक्र विद्यमान आहेत. याच योगाने विद्याच्या अभिनयात ग्लॅमर कमी व भावूकता अधिक दिसून येते.

भावुकतेमुळे तीला परीस्थितीवर नियंत्रण ठेवणे तिला फार कठीण जात असते. राहु-केतु चांगल्या स्थितीत असून दशम-चतुर्थ आहे. तो प्रेमास प्रेरक आहे. विवाह योग सध्या तरी नाही.

एकूणात विद्यासाठी नववर्ष लाभदायी ठरणार आहे. 'पा' ची यशस्वीता भविष्यातील अडचणी दूर करण्यास फायदेशिर ठरणार आहे. चित्रपटासह जाहिराती व परदेश भ्रमणाचे योग आहेत.

ट्‍विंकलचा प्रगतीचा आलेख उंचावेल!

Thu, 31 Dec 2009 14:45:15 +0530

सिने अभिनेता राजेश खन्नाची सुकन्या व सुपर स्टार 'सिंग इंज किंग' फेम अक्षय कुमारची पत्नी ट्‍विंकल खन्नाची ओळख केवळ स्टारची मुलगी व पत्नी एवढीच नसून ती एक स्वतंत्र 'बिझनेस वूमन' आहे.

ट्‍विंकलचा जन्म 29 डिसेंबर 1974 रोजी पुणे येथे झाला होता. सूर्य कुंडलीनुसार ट्‍विंकल धनु लग्न व मिथुन राशीत जन्मली होती. शनि चंद्रची दृष्टी तिला तांत्रिक जाण व काम करण्‍याचे बळ देत असते. याच्या बळावरच ट्‍विंकल 'इंटीरियर डेकोरेटर्स' म्हणून प्रगती पथावर आहे. तिने सुरवातीला चित्रपत्रामध्येही भूमिका साकारल्या होत्या. मात्र त्यात तिचा जम बसला नाही. त्यामुळे त‍िने 'हट के' मार्ग निवडला व त्यात ती यशस्वी झाली.

ट्‍विंकलमागे 2001पासून शनिची महादशा सुरू आहे. सध्याचा काळ तिच्यासाठी प्रगतीचा काळ आहे. मोठ्या यशाला ती गवसणी घालणार आहे. तिचा पती अक्षय कुमारसोबत ती एक प्रोजेक्ट हाती घेण्‍याच्या विचारात आहे. तो यशस्वी झाल्यानंतर तिची चांदी होण्याचा योग संभवतो. धार्मिक कार्य ही त‍िच्या घरात होण्याचे योग आहेत.

ट्‍विंकलला मात्र द्विधा परिस्थितीतून बाहेर निघता येत नाही. त्यामुळे तिचा आत्मविश्वास डगमगतो. याची काळजी तिने घेतली पाहिजे. काही नवीन गोष्टी तिने शिकल्या पाहिजे.

माघ मासाचे विशेष महत्त्व

Thu, 31 Dec 2009 12:03:47 +0530

Praveen Barnale

15 जानेवारी 2010 पासून माघ महिन्यास प्रारंभ होत आहे. ज्योतिषशास्त्रात हा महिना धर्म, कर्म व पूजापाठ कण्यासाठी उत्तम असल्याचे सांगितले आहे. माघ महिन्यात सकाळ- संध्याकाळी नदीवर स्नान करून दीन दुबळ्यांना दान केल्याने मोक्ष प्राप्त होत असते.

ज्योतिषाचार्य पं. आनंदशंकर व्यास यांच्या मते माघ महिन्यात तीर्थस्नानाचे महत्त्व आहे. सूर्योदयाच्या पूर्वी स्नान करून दान केल्याने घरात सुख-शांती नांदत असते. तसेच त्याला मोक्ष प्राप्त होते. विशेषत: माघ महिन्यात ऊबदार कपडे, कांबळ, तूप, सोने, जमीन दान करणे महत्त्वाचे मानले जाते. याशिवाय आपल्या यथाशक्तीनूसारही दान केले जाते.

जानेवारीतील शुभ दिन-

* 3 जानेवारी- संकष्ट चतुर्थी

* 7 जानेवारी- कालाष्टमी

* 11 जानेवारी- एकादशी

* 13 जानेवारी- मेरू त्रयोदशी

* 14 जानेवारी- मकर संक्रांत

* 15 जानेवारी- अमावास्या

* 19 जानेवारी- श्रीगणेश जयंती

* 22 जानेवारी- नर्मदा जयंती

* 28 जानेवारी- विश्वकर्मा जयंती

* 30 जानेवारी- माघ पौर्णिमा

सलमानच्या विवाहास 'गुरू' अडसर

Thu, 31 Dec 2009 11:02:06 +0530

IFM

बॉलीवूडमधील टॉपचा स्टार सलमान खान हा त्याच्या विवाहावरून गेल्या अनेक दिवसांपासून चर्चेचा विषय बनला आहे. कधी भांडण तर कधी ऐश्वर्या व कटरीना या स्टार अभिनेत्रीशी जुन्या प्रेमसंबंधावरून तर कधी निवडणुकीचा प्रचार, या ना त्या कारणामुळे तो 2009 वर्षात जरा जास्तच चर्चेत राहीला होता. सलमानची सूर्य कुंडली पाहिली असता त्याच्या कुंडलीतील सप्तम स्थानातील गुरू त्याच्या विवाहास अडसर ठरत आहे.

सूर्य कुंडलीनुसार 27 डिसेंबर 1965 रोजी इंदूर येथे सलमानचा धनु लग्नानात जन्म झाला होता. लग्नेश गुरु सप्तम स्थानात ठान मांडून बसला असून सलमानला चुंबकीय व्यक्तिमत्त्व व शरीर सौष्ठव प्रदान करण्यास सहाय्यक ठरला आहे. हाच गुरु त्याला अहंकारी व महत्त्वाकांक्षी ही बनवत आहे.

वाणी भावात मंगळ उच्च असून शुक्र- चंद्राची युती असल्याने कला क्षेत्रात त्याची अधिक आवड वाढवत असून त्याचा उत्सह वाढवत आहे. शनि त्याचे भाग्य चमकवत असून पराक्रमी करत आहे. राहु, प्रबळ असून शत्रुहंत योगमध्ये आहे. बुध- केतु यांची युती त्याला नेहमी वादविवादांमध्ये अडकवते. मात्र त्याच्या हातून धार्मिक कार्य ही करून घेत असते. सप्तमातील गुरु व लग्नातील सूर्य सलमानच्या विवाहात अडसर बनत आहे.

सध्या सलमान द्वितीयेश व तृतीयेश शनिच्या महादशेतून वाटचाल करीत आहे. बुधचे अंतर एप्रिल 2010 पर्यंत आहे. त्यानंतर जून 2011 पर्यंत केतुचे अंतर आहे. हा काळ सलमानसाठी कुटुंब, धन व भाग्य वृध्दीसाठी उत्तम आहे. मात्र विरोधकांचा त्याला अंदज घेऊनच वाटचाल करावी लागणार आहे.

सलमानचे फिल्मी करियर स्थिर राहील. एप्रिल 2010 ते जून 2011 या दरम्यान त्याचे कुणावर प्रेम बसून त्याला विवाह रूप देण्यासंदर्भात विचार होण्याचा संभव आहे. मात्र या काळात विवाह योग नाही. सलमानला निर्णय घेताना सावधगिरी बाळगावी लागणार असून जीभेवरही ताबा ठेवावा लागेल.

2010: भारतासाठी नववर्ष कसे राहील?

Tue, 29 Dec 2009 15:58:13 +0530

2010 वर्षात भारताच्या कुंडलीचा मंगळ तृतीयस्थ आला आहे. शनि पंचममध्ये भ्रमण करतोय, राहु धनु राशीत आहे. आठव्या स्थानात शुक्र व बुध एकमेंकासोबत आहे. केतु द्वितीय भावस्थ आहे. गुरु दशम गोचरमध्ये स्थानबध्द आहे.

आर्थिक स्थिती-
महागाईवर नियंत्रण ठेवणे फारच कठीण जाणार आहे. योजना कार्या‍न्वीत करताना मोठी कसरत करावी लागणार आहे. आर्थिक आवक ही सामान्य राहणार आहे. प्रगतीचा आलेख संथ गतीने वाटचाल करेल. मे महिन्यात गुरुचे पाठबळ वाढल्याने आवक वाढेल. वस्तूच्या किंमती सामान्यांच्या आवाक्यात येतील.

राजकिय स्थिती-
देशाच्या संपूर्ण राजकारण ढवळून निघणार आहे. अनेक प्रकारच्या अडचणींचा सामना प्रत्येक पक्षाला करावा लागणार आहे. मोठ्या पक्षामधील नेत्यांच्या मनमानीमुळे नवीन योजनांना खिळ बसेल. पक्षाक्षात आरोपप्रत्यारोप सुरूच राहतील. भ्रष्टाचार, फसवणूक नवीन प्रकरणे चव्हाट्यावर येतील.

कलावंत-
ND
ND

कलाकार तसेच या क्षेत्रात काम करणार्‍यासाठी वर्ष 2010 चांगले जाईल. नवीन शोध, पुरस्कार जाहीर होतील. गीत, नृत्य, चित्रकला, लेखन कलेतील कलावंताना राष्ट्रीय व आंतरराष्ट्रीय स्तराववर गौरविण्यात येईल तर किसी प्रतिष्ठीत कलाकारांची गुपेते जनतेसमोर येण्याची शक्यता आहे.

सामागिक स्थिती-
जनतेच्या दृष्टीने मात्र 2010 हे वर्ष फारसे चांगले नाही. महागाई व राजकारण यांच्यात सामान्य जनता अडकणार आहे. मोठी नैसर्गिक आपत्ती येण्याची संभावना आहे. मे महिन्यानंतर परिस्थितीत सुधारणा होईल.

2010: उन्हाळ्यात अधिक विवाहमुहुर्त

Tue, 29 Dec 2009 15:44:52 +0530

PTI

यंदा वर्षाच्या प्रारंभीच चंद्रग्रहण आल्याने शुभविवाहांना ब्रेक लागला आहे. मात्र 2010 च्या 15 मे 11 डिसेंबर 2010 पर्यंत खूप विवाह मुहूर्त आहे. त्यामुळे लोक आताच पुढील वर्षाच्या कुंडली जुळवून पाहाताना द‍िसत आहे.

2010 वर्षाचे विशेष म्हणजे मे ते सप्टेंबर या उन्हाळ्याच्या काळात विवाह मुहूर्त अधिक आहे. हिवाळ्यात मात्र विवाह मुहूर्त कमी आहे.

डिसेंबर 2009मध्ये 7, 8, 9, 10, 12, 13 तारखांना शुभ मुहूर्त होता. 13 डिसेंबर 09 ते 5 फेब्रुवारी 10 दरम्यान शुक्रास्त असल्याने विवाह मुहूर्त नाही.

त्यानंतर गुरू ग्रह अस्त असल्याने 16 फेब्रुवारी ते 20 मार्च दरमान अशुभ दिन आहे. 14 मार्च तसे 13 एप्रिलपर्यंत चित्र मास असल्याने विवाह मुहूर्त नाही. 15 एप्रिल ते 14 मेपर्यंत अधिकमास आहे. त्यामुळे या दरम्यान विवाह व शुभकार्य केले जात नाही.

जून- ऑगस्टदरम्यान 18 मुहुर्त

2010 च्या जून- ऑगस्ट दरम्यान 18-18 शुभ मुहूर्त आहे. हे मुहूर्त केवळ विवाहासाठीच नसून ते इतर शुभकार्यासाठी ही आहेत. 20 जानेवारी रोजी वसंत पंचमी आहे.
7 ते 10 फेब्रुवारी दरम्यान लग्न आहे. 16 मार्चला चैत्र नवरात्र सुरू होत असल्याने शुभ मुहुर्त आहे. 15, 28, 29, 31 मे हे शुभ मुहुर्त आहेत तर जूनमध्ये 1, 2, 3, 6, 8, 9, 16, 17, 19, 20, 21, 22, 23, 24, 27, 28, 29, 30 हे शुभ मुहुर्त आहे.

जुलैमध्ये 3, 4, 8, 9, 14, 17, 18, 19, 20, 21, 23, 26, 28, 30, 31 या तारखा. ऑगस्टमध्ये 1, 2, 5, 6, 11, 12, 13, 14, 17, 19, 21, 22, 23, 24, 26, 27, 29, 30 या तारखा. सप्टेंबरमध्ये 1, 2, 3, 9, 10, 11, 12, 13, 17, 18, 19, 20 या तारखा. ऑक्टोबरमध्ये 8, 9, 10, 11, 15 या, नोव्हेंबरमध्ये 18, 22, 23, 27, 28, 29, 30 व डिसेंबरमध्ये 1, 2, 8, 9, 10, 11 या तारखा विवाहास शुभ आहेत.

2010 मध्ये सावधगिरी महत्त्वाची!

Tue, 29 Dec 2009 14:58:10 +0530

2010 वर्षाची सुरवात ज्योतिष घटनानी होणार आहे. नववर्षांच्या प्रारंभी अर्थात पहिल्याच दिवशी चंद्रग्रहण होणार आहे. यंदा सुरू होणारे मलमास 2011 मधील 14 जानेवारीला संपणार आहे. पाच फेब्रुवारीपर्यत शुक्रास्त असल्याने शुभमंगल कार्याला ब्रेक लागला आहे. त्यामुळे शहनाईचे गुंजन कानी पडणार नाही. पूजा पाठ करणार्‍यांसाठी खुशखबर म्हणजे, यंदा अधिकमास आहे.

2010 वर्षाचा पहिला महिना चंद्रग्रहणाच्या नावे आहे. 15 फेब्रुवारी सूर्यग्रहण आहे. 16 डिसेंबरपासून सूर्यने धनुराशीमध्ये प्रवेश केल्याने मलमास सुरू झाला आहे. याचा प्रभाव संपूर्ण एक महिना राहणार आहे. विवाह तसेच शुभ कार्यासाठी हा काळ अशुभ मानला जात असतल्याने या महिन्यात एक ही शुभ कार्य करता येणार नाही. मलमाससह शुक्रास्ताचाही योग आहे. 19 डिसेंबर ते 5 फेब्रुवारी दरम्यान शुक्रास्त रहाणार आहे. त्यामुळे मार्चपर्यंत एकही विवाहाचा मुहुर्त नाही.

वर्षांच्या सुरवातीच्या पंधरवाड्यात दोन ग्रहण आल्याने हे वर्ष देशाच्या राजकारणात उलथापालथ करणारे आहे. भ्रष्टाचार वाढण्याचे संकेत आहे तर ब्राह्मण, पुढारी व कलाकारांना हे वर्ष विशेष प्रतिकृल आहे. तूप, तेल, गुळ, पोलाद यांचे दर वाढतील. चंद्रग्रहण हे अनेक देशातून दिसणार आहे.

मुलांकानुसार फलादेश 2010

Tue, 29 Dec 2009 14:45:21 +0530

वर्ष 2010च्या अंकांची बेरीज केली तर 2+0+1+0= 3 येते. अर्थात 2010 हे मुलांक 3 आहे. म्हणून या मुलांकाचे व इतर मुलांक असणार्‍या व्यक्तींना येणारे वर्ष कसे जाईल, हे आता आपण पहाणार आहोत.

मुलांक 1 : महत्त्वाकाक्षांवर नियंत्रण ठेवावे लागणार आहे. आत्मस्तृत‍ि करणे टाळावे. सावधगिरीने वाटचाल करावी लागेल. महत्त्वाचा निर्णय घेण्यापूर्वी गुरु अथवा वरिष्ठांचे मार्गदर्शन घ्यावे. शुभ वार्ता कळतील.

मुलांक 2 : वर्षाच्या प्रारंभी अडचणी सोडवाव्या लागतील. आत्मविश्वास डगमगणार नाही याची काळजी घ्यावी लागेल. आर्थिक व्यवहार करताना काळजी घ्यावी लागेल. काळजीपूर्वक कामे करा. शक्यतो, महत्त्वाचे कामे पुढे ढकलण्यास हरकत नाही.

मुलांक 3 : कुटुंबात मंगलकार्य जुळतील. व्यापार-व्यवसायात वातावरण अनुकूल राहील. देवाण-घेवाण काळजीपूर्वक करा. वरिष्ठांचे सहकार्य मिळेल.

मुलांक 4 : संमिश्र काळ राहील. प्रत्येक कामात परिश्रम घ्यावे लागतील. विरोधकांचा अंदाज घ्यावा लागेल. व्यापार-व्यवसायातील व्यवहार बिघडणार नाही, याची काळजी घ्या.

मुलांक 5 : मानसिक तणाव जाणवेल. अनुभवाचा चांगला उपयोग करून घेता येईल. आत्या- मामाला भेटवस्तू देऊन तर पहा..!

मुलांक 6 : मानसिक सुख-शांतीचे वातावरण राहील. दागदागिन्यांची हौसही पुरी करू शकाल. नोकरी-धंदा व अन्य व्यवहारातून भरपूर धन मिळेल. मन प्रसन्न राहील.

मुलांक 7 : प्रवास योग संभवतो. कलाकारांना यश मिळेल. सामाजिक कार्य प्रतिष्ठा मिळवून देईल. आर्थिक योग उत्तम राहील.

मुलांक 8 : प्रत्येकाशी संयमाने वागा. परिस्थितीशी मिळतेजुळते घ्यावे लागेल. धार्मिक भावना वाढेल.

मुलांक 9 : महत्त्वाकांक्षा पूर्ण होतील. नव्या योजना कार्यान्वित करण्‍यास चांगला काळ. मित्रमंडळ व कुटुंबाकडून सहकार्य मिळेल.
टिप : प्रतिकूलता असल्यास गाय व गुरुची सेवा, अन्नदान, देवळात जाणे, अध्ययन सामग्री दान करणे व केळीची पूजा केल्याने यश मिळेल.

नववर्षाची सुरवात चंद्रग्रहणाने...

Tue, 29 Dec 2009 14:41:47 +0530

नववर्ष 2010च्या प्रारंभीच चंद्रग्रहण आहे. 'थर्टि फर्स्ट'च्या रात्री पौष शुक्ल पक्ष पौर्णिमामध्ये आर्द्रा नक्षत्र व मिथुन राशीमध्ये चंद्रग्रहण होईल. ज्योतिष व वास्तुशास्त्रज्ज्ञ दीपक शर्मा यांच्यामते चंद्रग्रहण 31 डिसेंबरला रात्री 12 वाजून 22 मिनिटानी होईल व रात्री 1 वाजून 24 मिनिटांनी ते समाप्त होईल. ग्रहणाचा कालावधी 1 तास 2 मिनिटाचा राहील.

चंद्रग्रहण हे संपूर्ण भारतात दिसणार आहे. हे एक खंडग्रास चंद्रग्रहण होणार आहे. सूतक काळ 31 डिसेंबरला दुपारी 3.22 वाजता प्रारंभ होईल. मिथुन राशी व आर्द्रा नक्षत्रात जन्मलेल्या लोकांनी ग्रहणकाळात विशेष सावधगिरी घेण्‍याची आवश्यकता आहे. त्यांच्यासाठी हे ग्रहण अशुभ आहे.

मेष, कर्क, सिंह, कन्या, तूळ या राशीवाल्यांना हे ग्रहण फलदायी आहे तर वृषभ, वृश्चिक, मकर व कुंभ राशीवाल्यांसाठी हे ग्रहण मिश्रित फळ देणारे आहे.

काय करावे:-
- ग्रहणापूर्वी स्नान आटोपून पूजनाशी संबंधित वस्त्र धारणकरून मंत्र जाप करावा.
- गर्भवती महिलांनी आपल्या पोटाव गाईचे शेन व गेरू लावून घ्यावा.
- ग्रहणानंतर यथाशक्तीप्रमाणे दान करावे.
- ग्रहणकाळात परमेश्वराचे नाम:स्मरण करावे.

काय करू नये:-
- ग्रहण काळात घराच्या बाहेर पडू नये.
- प्रवास, खाणे- पिणे वर्जित करावे.
- शुभकार्य कार्य करू नये.
- गर्भवती महिलांनी कापणे, शिलणे अशी‍ कामे करू नये.
- मूर्ती स्पर्श व पूजा वर्जित करावी.
- अग्नि संबंधित वस्तुपासून लांब रहावे.