परदेशातील संधी

Abroad Education: हे विद्यापीठ देत आहे अप्रतिम शिष्यवृत्ती, तुम्ही अमेरिकेत 'फ्री' शिकू शकता

Wed, 29 Mar 2023 22:37:00 +0530

परदेशात राहणे आणि अभ्यास करणे सोपे नाही. हे सर्वांना माहीत आहे. तेथील शुल्क डॉलरमध्ये आहे, जे भारतीय चलनापेक्षा जास्त आहे. बहुतेक विद्यार्थी केवळ शैक्षणिक कर्ज किंवा शिष्यवृत्तीच्या मदतीने परदेशात शिक्षण घेण्याचे त्यांचे स्वप्न पूर्ण करू शकतात.

जर आपण फक्त अमेरिकेबद्दल बोललो, तर आता तिथे जाऊन शिक्षण घेण्याचे तुमचे स्वप्न पूर्ण होऊ शकते. वास्तविक, कॅथोलिक युनिव्हर्सिटी ऑफ अमेरिका अशी एक विशेष शिष्यवृत्ती देत आहे, जी 100% पर्यंत शिक्षण शुल्क (Scholarship for Indian Students)कव्हर करू शकते. त्याचे तपशील अधिकृत वेबसाइट catholic.edu वर तपासले जाऊ शकतात.

प्लेसमेंट संधी

बर्‍याचदा विद्यार्थ्यांच्या मनात हाच प्रश्न असतो की जर त्यांना शिक्षण पूर्ण करून तिथे नोकरी मिळाली नाही तर त्यांना भारतात परत यावे लागेल (Jobs In America). अमेरिकेची राजधानी वॉशिंग्टन डीसी येथे असलेले कॅथोलिक विद्यापीठ भारतीय विद्यार्थ्यांना अनेक शिष्यवृत्ती देत आहे. या शिष्यवृत्तींद्वारे केवळ ट्यूशन फी कव्हर केली जाणार नाही, तर विद्यार्थ्यांना प्लेसमेंट समर्थन देखील प्रदान केले जाईल.

अभ्यासक्रमातील ट्रेंडिंग विषय

कॅथोलिक युनिव्हर्सिटी ऑफ अमेरिका (STEM Education) येथे अनेक STEM कार्यक्रम शिकवले जातात. या अभ्यासक्रमांमध्ये संगणक अभियांत्रिकी, डेटा विश्लेषण, आर्टिफिशियल इंटेलिजेंस आणि मशीन लर्निंग इ. (Trending Courses)देखील समाविष्ट आहेत. कला आणि विज्ञान, व्यवसाय आणि व्यवस्थापन, आर्किटेक्चर आणि प्लॅनिंग यांसारख्या नाविन्यपूर्ण अभ्यासक्रमांमध्ये स्पेशलायझेशन कोर्स देखील चालवले जातात.

शिष्यवृत्तीसाठी अर्ज कसा करावा?

तुम्ही विद्यापीठाच्या अधिकृत वेबसाइट catholic.edu वर शिष्यवृत्तीसाठी अर्ज करू शकता. विद्यापीठाच्या सूचनेनुसार शैक्षणिक कागदपत्रे आणि इंग्रजी परीक्षेचा निकाल अपलोड करणे आवश्यक आहे. विद्यार्थ्यांना मान्यताप्राप्त भारतीय बोर्डातून 12वी उत्तीर्ण होणे अनिवार्य आहे. त्यानंतर अर्जात विचारलेले तपशील भरा.

एज्युकेशन लोन कसे मिळवता येते, संपूर्ण माहिती

Mon, 06 Sep 2021 10:05:00 +0530

दर्जेदार उच्च शिक्षणासाठी अनेकदा शैक्षणिक कर्ज घ्यावं लागतो. शैक्षणिक कर्जासंबंधीचे विविध पैलू जाणून घ्या.

एज्युकेशन लोन म्हणजे

एज्युकेशन लोनचा अर्थ असा होतो की माध्यमिक वर्गानंतर किंवा उच्च शिक्षण घेण्यासाठी केलेल्या खर्चासाठी वित्त व्यवस्था केली जाऊ शकते. शैक्षणिक कर्ज एकतर सरकारकडून घेतले जाऊ शकते किंवा ते खाजगी क्षेत्रातील कर्ज स्त्रोताकडून घेतले जाऊ शकते.

एज्युकेशन लोनचा ईएमआय कसा ठरवला जातो

इक्वेटेड मंथली इंस्टॉलमेंट्स (ईएमआई) लोन फेडण्याचा साधन असून हे लोनच्या प्रिंसिपल अमाउंट आणि लोनचा व्याजाला हळूहळू मासिक आधारावर पैसे चुकवण्याचं काम करतं. प्रत्येक ईएमआयमध्ये प्रिंसिपल लोन अमाउंट आणि फेडण्यात येणारं व्याजाचं कंपोनेंट असतं. कर्जाच्या एकूण कालावधीचा विचार केल्याशिवाय कर्ज घेण्याचा कोणताही निर्णय घेता येत नाही. जोपर्यंत शिक्षण कर्जाचा संबंध आहे, त्याची मर्यादा बँक ते बँक बदलू शकते. शिक्षण कर्जाची परतफेड सहसा विद्यार्थी कोर्स पूर्ण केल्यानंतर सुरू होते. या कालावधीसाठी प्रत्येक बँकेची वेगवेगळी मानके असतात, त्या आधारावर ते ठरवतात की विद्यार्थ्याला कर्जाची परतफेड करण्यासाठी किती वेळ द्यावा.

एज्युकेशन लोन ईएमआय कॅल्क्युलेटरचे काय फायदे आहेत

एज्युकेशन लोन ईएमआय कॅल्क्युलेटरने भारतात किंवा परदेशात शिक्षण घेण्यासाठी कर्ज घ्यायचे आहे ती रक्कम तुमच्या बजेटमध्ये येत आहे की नाही हे तुम्हाला कळते. एज्युकेशन लोन ईएमआय कॅल्क्युलेटरद्वारे आपण जलद आणि सोप्यारीत्या हे जाणून घेऊ शकता की आपल्या लोनची इंस्टॉलमेंट किती येईल जी आपल्याला रेगुलर इंटरवलवर फेडावली लागेल. कर्जाच्या एकूण रकमेची तसेच व्याज रकमेची गणना करून, हे आपल्याला सांगते की एकूण किती खर्च होईल.

ईएमआय कॅल्क्युलेशन तुम्हाला कशी मदत करते

ईएमआय कॅल्क्युलेशनद्वारे कर्जाच्या ईएमआयसाठी तुम्हाला दरमहा किती पैसे वेगळे ठेवावे लागतील हे तुम्हाला स्पष्टपणे कळेल, ज्याने आपण योग्य निर्णय घेऊ शकता की एज्युकेशन लोन आपल्या बझेटमध्ये आहे वा नाही. तुम्हाला दरमहा EMI म्हणून किती पैसे खर्च करावे लागतील, जर तुम्हाला हे माहीत असेल तर तुमच्या घरगुती खर्चाचे नियोजन करण्यात तुम्हाला खूप मदत होते.

ईएमआय तपासण्याचे फायदे काय आहेत

कर्ज घेण्याची क्षमता तपासू शकतो

कर्जाची एकूण रक्कम आणि कालावधी तपासाता येते

कर्जाची परतफेड करण्याची योजना करू शकतो

प्रीपेमेंटची योजना करू शकतो

एज्युकेशन लोन घेण्याचे फायदे जाणून घ्या

याद्वारे, आपण ट्यूशन फीस, हॉस्टल फीस आणि पुस्तके इत्यादींचा खर्च उचलू शकता.

बँका सहसा शिक्षणाच्या खर्चाच्या 90 % पर्यंत निधी देतात.

तुम्हाला त्याच्या व्याजावर आयकर कपातीचा लाभ मिळतो.

अभ्यासक्रम पूर्ण झाल्यानंतरच परतफेड करावी लागते.

शिक्षण कर्जाद्वारे, विद्यार्थ्याला ही सुविधा मिळते की कोर्स पूर्ण झाल्यानंतर त्याला कोणता पर्याय घ्यायचा आहे हे तो चांगले ठरवू शकतो, ज्याद्वारे तो कर्जाची परतफेड करू शकतो आणि खर्च देखील चालवू शकतो.

वेळेवर कर्जाची परतफेड केल्याने चांगला क्रेडिट स्कोअर होतो, ज्यामुळे भविष्यात कर्ज घेणे सोपे होते.

लोन संमत होण्यासाठी लागणारी कागदपत्रे

विद्यापीठ तसेच महाविद्यालयाचे प्रवेश निश्चित झाल्याचे पत्र

संपूर्ण शैक्षणिक खर्चाचा तपशील

दरवर्षी शैक्षणिक शुल्क किती याची माहिती

इतर खर्च असल्यास त्याचा तपशील

व्हिसा व प्रवासासंबंधीची कागदपत्रे

स्टडी परमिट

पूर्वीचा वर्षांचा शैक्षणिक रेकॉर्ड

पालकांची आयकरसंबंधी कागदपत्रे

पालकांद्वारे अगोदरची तीन वर्षे फाईल केलेले रिटर्न्स

हमीदाराच्या आयकरासंबंधीचे व उत्पन्नासंबंधीचे पुरावे

६७% विद्यार्थ्यांचे उच्च शिक्षणासाठी अमेरिकेला प्राधान्य, सर्वाधिक विद्यार्थी महाराष्ट्रातील

Tue, 25 May 2021 10:03:00 +0530

गेल्या काही वर्षांत भारतीय विद्यार्थ्यांचे परदेशी विद्यापीठांत शिक्षणासाठीचे प्रमाण वाढले आहे. विविध क्षेत्रांतील अत्याधुनिक शिक्षण मिळवण्यासाठी विद्यार्थ्यांचा ओढा हा परदेशी शिक्षणाकडे राहिला असून याकरिता विद्यार्थ्यांची अमेरिकेला सर्वाधिक पसंती मिळाली आहे. अमेरिकेपाठोपाठ ब्रिटन आणि फ्रान्सचा क्रमांक लागतो. विदेशात उच्च शिक्षण घेणाऱ्या भारतीय विद्यार्थ्यांमधील गेल्या १२ महिन्यांतील प्रवाह जाणून घेण्यासाठी प्रोडिजी फायनान्स या क्रॉस बॉर्डर फिनटेक प्लॅटफॉर्मने केलेल्या सर्वेक्षणातून ही बाब निदर्शनास आली आहे. परदेशात शिक्षण घेण्यासाठी सर्वाधिक विद्यार्थी हे महाराष्ट्रातून जात असल्याचे देखील या सर्वेक्षणातून स्पष्ट झाले आहे.

विदेशात मास्टर्स डिग्री करण्याकरिता प्रोडिजी फायनान्सद्वारे निधी पुरवलेल्या एकूण भारतीय विद्यार्थ्यांपैकी ६७% विद्यार्थी अमेरिकेत गेले. त्यानंतर ब्रिटन आणि फ्रान्समध्ये प्रत्येकी ८% विद्यार्थी गेले. मागील वर्षी उच्च शिक्षणाकरिता कर्जाच्या स्वरुपात प्रत्येक विद्यार्थ्याला जवळपास ४०,४६१ डॉलर (३० लाख रुपये) वितरीत करण्यात आले. विद्यार्थ्यांनी इंजिनिअरिंग कोर्ससाठी नॉर्थइस्टर्न युनिव्हर्सिटी, द युनिव्हर्सिटी ऑफ टेक्सास-अल्रिंगटन आणि स्टिव्हन्स इन्स्टिट्यूट ऑफ टेक्नोलॉजी या विद्यापीठांना पसंती दिली गेली. तर जॉर्जटाउन युनिव्हर्सिटी, युनिव्हर्सिटी ऑफ टोराँटो आणि युनिव्हर्सिटी ऑफ रॉचेस्टर या एमबीए अभ्यासक्रमासाठी प्रसिद्ध आहेत.

मागील वर्षात भारतातील ज्या राज्यांतून विद्यार्थी विदेशात शिकायला गेले त्या राज्यांमध्ये महाराष्ट्र (२०%) शीर्षस्थानी असून कर्नाटक (१५%), दिल्ली (१२%) आणि तेलंगणा (८%) यांचा समावेश होता. विदेशात गेलेल्यांपैकी जवळपास ७०% पुरुष तर ३०% महिला होत्या. मागील वर्षी देशव्यापी लॉकडाऊनमु‌ळे बहुतांश कुटुंबांना आर्थिक संकटांचा सामना करावा लागल्याने विदेशात उच्च शिक्षणासाठी गेलेल्या विद्यार्थ्यांमध्ये प्रचंड अनिश्चितता होती. तरीही २०१९ च्या तुलनेत २०२० मध्ये यासाठी अर्ज करणाऱ्यांमध्ये ४१% ची वृद्धी दिसून आली.

प्रोडिजी फायनान्सचे कंट्री हेड इंडिया श्री मयांक शर्मा म्हणाले, “जगभरातील विद्यार्थी, पालक आणि शैक्षणिक संस्थांसमोर २०२० या वर्षाने अनेक आ‌व्हाने उभी केली. आर्थिक बाजारही यामुळे आकुंचन पावला. त्यामुळे मागील वर्षात तत्परतेने विद्यार्थ्यांना भांडवल पुरवण्यासाठीही आम्हाला मर्यादा जाणवल्या. २०२१ मध्ये आंतरराष्ट्रीय सीमा हळू हळू खुल्या होत आहेत. लसीकरण मोहीम पाहता पुढील तिमाहीत कँपस शिक्षण आणखी आशादायी वाटते आहे. त्यामुळे २०२० च्या तुलनेत २०२१ मध्ये ३०-३५% वृद्धीची आम्ही अपेक्षा करतो.”

प्रोडिजी फायनान्सने नुकतीच सहा आंतरराष्ट्रीय महाविद्यालयांशी भागीदारी केली. याद्वारे भारतीय विद्यार्थ्यांना ८०० कॉलेज आणि १००० पोस्ट-ग्रॅज्युएट कोर्सची सुविधा मिळाली आहे. जगभरातील जवळपास २०,००० विद्यार्थ्यांना मदत केल्यानंतर या प्लॅटफॉर्मद्वारे पुढील तीन वर्षात २०,००० पेक्षा जास्त पात्र विद्यार्थ्यांना १ अब्ज डॉलरपेक्षा जास्त कर्ज वाटप करण्याचे उद्दिष्ट आहे.

फ्रेंच भाषेतील करिअर

Wed, 27 Apr 2016 15:52:00 +0530

फ्रेंच भाषेचे महत्त्व, ती शिकण्यापासून होणारे फायदे आणि करिअर म्हणून त्यात असलेली सर्वोत्तम संधी याची माहिती. आधुनिक तंत्रज्ञानामुळे जग दिवसेन्दिवस जवळ येत आहे. साहजिकच विविध संस्कृतींची, विविध भाषा बोलणारी माणसे जवळ येत आहेत. यामधून परदेशी भाषा शिकायला सुरुवात झाली. भारतामध्ये सध्या परदेशी भाषा शिकणार्‍यांचे प्रमाण दिवसेन्दिवस वाढत आहे. फ्रेंच, र्जमन, चिनी आणि जपानी भाषा शिकण्यावर प्रामुख्याने भर दिला जात आहे. विशेष म्हणजे भारतातील मुख्य शहरांमध्ये या भाषा शिकणार्‍यांसाठी विविध कोर्सेस उपलब्ध आहेत. या सदरात आपण फ्रेंच भाषेचे महत्त्व, ती शिकण्यापासून होणारे फायदे आणि करिअर म्हणून त्यात असलेल्या सर्वोत्तम संधीचा आढावा घेणार आहोत.

फ्रेंच भाषा का शिकावी?

* फेंच भाषा पाच खंडांमधील दोन डझनहून अधिक देशांमध्ये बोलल्या जाते.

* फ्रान्स देशामध्येही आयबीएम, फोर्ड, कोका-कोला यासारख्या नामवंत अमेरिकन कंपन्या कारभार चालवितात. फ्रेंच भाषेमुळे या कंपन्यांची फ्रान्समधील संधीची दारं उघडतात.

* जगभरात इंग्लिश वगळता फ्रेंच भाषा तिसरी सर्वाधिक बोलल्या जाणारी भाषा आहे.

* संयुक्तराष्ट्र, आंतरराष्ट्रीय ऑलिम्पिक कमिटी आणि आंतरराष्ट्रीय रेड क्रॉस यासारख्या अनेक मोठय़ा आंतरराष्ट्रीय संघटनांमध्येही फ्रेंच ही अधिकृत भाषा आहे.

* इंटरनेटवरही सर्वाधिक प्रमाणात वापरण्यात येणारी ही दुसरी भाषा आहे.

कुठे शिकावी ?

फ्रेंच भाषा शिकायची इच्छा असेल तर 'अलायन्स फ्रॉँसेज'(एएफ) या जगभरात उपलब्ध असणार्‍या शिक्षण संस्थेत जाऊन प्रवेश घेणे सोपे ठरेल. ही नावाजलेली संस्था भारतातही विविध प्रमुख शहरांमध्ये फ्रेंच भाषेचे धडे देते. आता 'अलायन्स फ्रॉँसेज' काय आहे हे जाणून घेऊया.

* 'अलायन्स फ्रॉँसेज' ही स्वयंसेवी संस्था जगभरात फ्रेंच भाषा आणि फ्रान्समधील संस्कृती याबाबतचा प्रसार करते. १३७ देशांमध्ये याच्या शाखा आहेत. नवोदितांना फ्रेंच भाषा शिकायची असेल तर त्यांनी 'अलायन्स फ्रॉँसेज'मध्ये प्रवेश घेणे हा उत्तम पर्याय ठरू शकतो. कारण त्या शैक्षक्षिक संस्थेमार्फत फ्रेंच चित्रपट पाहणे, फ्रान्समधील विविध विषयांवर चर्चासत्र ऐकणे, फ्रेंच लोकांशी संवाद साधणे अशा अनेक उपक्रमांमध्ये सहभाग घेता येतो. फ्रेंच भाषा सर्रासपणे बोलण्यास या उपक्रमाची मदत होते.

* भारतात 'अलायन्स फ्रॉँसेज' ही संस्था १६ शहरांमध्ये कार्यरत आहे. त्यामध्ये शिक्षण घेणार्‍या विद्यार्थ्यांची संख्याही दिवसेन्दिवस वाढत आहे.

* 'अलायन्स फ्रॉँसेज'मधून फक्त फ्रेंच भाषेचे क्लासेसच नाहीत तर शिक्षकांसाठीचे ट्रेनिंग, भाषांतराचे कोर्सेस आणि विविध फ्रेंच भाषेशी संबंधित प्रमाणपत्र कोर्सेस उपलब्ध आहेत. त्यामध्ये 'डीआयएलएफ-डीइएलएफ-डीएएलएफ' ही फ्रेंच भाषेत प्रावीण्य मिळवून देणारी परीक्षाही उपलब्ध आहे. या बाबतच्या अधिक माहितीसाठी http:afindia.org या संकेतस्थळाला भेट द्यावी.

कारकिर्दीच्या संधी

प्राध्यापक म्हणून कारकीर्द

* ज्यांना फ्रेंच भाषा शिकायला आवडते ते शिक्षक बनण्याचा पर्याय निवडतात. कारण यामुळे मुलांशी संवाद साधला जातो आणि फ्रेंच भाषा सहज बोलण्यास अधिक मदत होते तसेच शिकवण्यासाठी अनेकविध पर्याय उपलब्ध आहेत.

* फ्रेंच भाषेचे शिक्षक व्हायचे असेल तर कोणत्या वयोगटातील मुलांना शिकवायला आवडेल हे प्रथम ठरवावे.

* तसेच ही भाषा परदेशी भाषा म्हणून शिकवायची असेल तर तुम्ही 'अलायन्स फाँसेज'मधून प्रशिक्षण घेणे क्रमप्राप्त आहे.

* तुम्हाला शिकवण्याची आवड असेल तर शाळा, महाविद्यालये किंवा विद्यापीठस्तरावर तुम्ही शिक्षक म्हणून काम करू शकता.

भाषांतरकार आणि दुभाषी म्हणून कारकीर्द

* भाषांतरकार आणि दुभाषी म्हणून काम करणे हे सर्वात आव्हानात्मक आहे.

* इंग्लिश (किंवा अन्य कोणतीही भाषा) आणि फ्रेंच या दोन्ही भाषांवर प्रचंड प्रभुत्व लागते. जोडीला संयम आणि इच्छाशक्तीही लागते तसेच दुभाषी आणि भाषांतरकार म्हणून तुम्हाला अर्धवेळ आणि पूर्णवेळ कामाचा पर्याय उपलब्ध आहे.

* भाषांतरकाराचे काम हे लिहिलेल्या भाषेतून भाषांतर करण्याचे असते. त्यामध्ये पुस्तकांचे भाषांतर, सूचना, सॉफ्टवेअर मॅन्युअल्स आणि अन्य बाबींचे काम करावे लागते.

* दुभाषा हा एका भाषेतून दुसर्‍या भाषेत तोंडी भाषांतर करायचे काम करतो. जास्तकरून संयुक्त राष्ट्र, नाटो आणि सरकार अशा मोठय़ा आंतरराष्ट्रीय संस्थांमध्ये दुभाषक काम करताना दिसतो. मात्र पर्यटन व्यवसायातही दुभाषाचे वाढलेले महत्त्व दिसून येते.

* दुभाषाचे काम दोन प्रकारे चालते. एक म्हणजे दुभाषा हा बोलणार्‍या व्यक्तीचे संवाद हेडफोनद्वारे ऐकतो आणि मायक्रोफोनमधून त्याचे भाषांतर करतो. दुसरी पद्धत म्हणजे दुभाषा संवाद लिहून घेतो आणि मग ते बोलणार्‍या व्यक्तीला भाषांतर करून सांगतो.

आंतरराष्ट्रीय संस्थेत कारकीर्द

* फ्रेंच भाषा शिकल्यास आंतरराष्ट्रीय संस्थांमध्येही नोकरीची संधी उपलब्ध आहे.

आंतरराष्ट्रीय संस्था बर्‍याच असल्या तरी त्या खालील तीन मुख्य प्रकारांत मोडतात :-

* सरकारी

* बिगरसरकारी

* स्वयंसेवी धर्मादायी संस्था

फ्रान्समध्ये काम करा

फ्रेंच भाषा शिकल्यावर जर तुमच्याकडे शिक्षक, भाषांतरकार आणि दुभाषा म्हणून काम करण्याचे कौशल्य नसेल तर फ्रान्समध्ये भाषेशी निगडित नसणारी कामे तुम्हाला करणे सहज शक्य आहे.

मित्रांनो, एक फ्रेंच भाषेची प्राध्यापक, दुभाषी आणि भाषांतरकार म्हणून मी तुम्हाला असा सल्ला देईन की, जर परदेशी भाषा शिकण्याची आवड असेल तर फ्रेंचचा पर्याय निवडा. कारण या स्पर्धात्मक युगात या भाषेला बराच वाव आहे. फ्रेंच भार्षेत कारकीर्द घडवणार्‍यांना माझ्या शुभेच्छा.

पर्यटन आणि आदरातिथ्य क्षेत्रात कारकीर्द

* तुम्हाला एकापेक्षा जास्त भाषा येत असतील आणि पर्यटनाची आवड असेल तर तुम्ही पर्यटन उद्योगात प्रवेश करणे उपयुक्त ठरेल. एअर हॉस्टेस-पर्सर, पायलट आणि विमानतळावरील स्टाफ यांची नेमणूक ही जास्तकरून त्यांच्या भाषाकौशल्यावर अवलंबून असते.

* टूर गाइड म्हणूनही काम करण्याची संधी मिळू शकते. म्युझिअम, स्मारके आणि अन्य पर्यटनस्थळांवर टूर गाइडची गरज भासते.

* परदेशात रेस्टॉरंट, हॉटेल, शिबिरे आणि स्काय रिसॉर्ट्स आदी ठिकाणांमध्येही दुभाषकाचा उपयोग होतो.

परराष्ट्र सेवा खात्यातील संधी

* तुम्हाला दोन भाषा येत असतील तर तुम्ही परराष्ट्र सेवेतही जाऊ शकता. राजदूतांचे दुभाषी म्हणूनही तुम्हाला काम मिळू शकते.

* परराष्ट्र सेवा खात्यामध्ये जाऊ इच्छिणार्‍यांना स्वत:च्या देशामधील सरकारमधील इत्थंभूत माहिती असणे गरजेचे असते. त्यातच फ्रेंच भाषा ही १२ पेक्षा जास्त देशांमध्ये स्थानिक भाषा म्हणून बोलल्या जाते. त्यामुळे जर तुम्ही त्यात प्रगल्भ असाल तर परराष्ट्र सेवा खात्यातून तुमची परदेशातही नियुक्ती होऊ शकते.

एडिटिंग आणि प्रूफ-रीडिंग

* दोन किंवा अधिक भाषांवर ज्यांचे प्रभुत्व आहे त्यांना बरीच मागणी आहे. लेख, पुस्तके आणि वर्तमानपत्रांमध्ये एडिटिंग, भाषांतरकार आणि प्रूफ-रीडिंगचे काम मिळवता येऊ शकते. मॅगेझिन, प्रकाशन संस्था आणि भाषांतरांच्या कार्यालयांमध्ये काम मिळू शकते.

* तुमची स्वत:ची कंपनी असेल तर तुम्ही फ्रेंच किंवा इंग्लिश भाषेतील वेबसाइटच्या भाषांतराचे कामही स्वीकारू शकता.

परदेशी विद्यापीठाची ओढ असल्यास काळजी बाळगा

Mon, 20 Apr 2015 14:24:00 +0530

देशभरात सध्या परदेशी विद्यापीठांकडून अनेक प्रकारच्या पदव्या एक ते दोन वर्षात देण्याचं आमिष दाखविलं जात आहे. या जाहिरातबाजीला अनेक विद्यार्थी बळी पडत आहेत. मात्र या विद्यापीठांच्या पदव्या मुंबई विद्यापीठातील पदव्युत्तर शिक्षणासाठी अमान्य असल्यानं अनेक विद्यार्थ्यांना पदवी घेऊनही पुढील शिक्षण घेता येत नाही.

एका परदेशी युनिव्हर्सिटीमध्ये बारावी झालेल्या विद्यार्थिनीनं हॉटेल मॅनेजमेंट अभ्यासक्रमासाठी प्रवेश घेतला. तिला एमबीए करायचं असल्यानं तिनं यशवंतराव चव्हाण विद्यापीठातून पदवी घेतली. तिनं पदविका शिक्षण पूर्ण झालं असल्यामुळं तिला मुक्त विद्यापीठाच्या नियमांनुसार पदवीच्या शेवटच्या वर्षात प्रवेश मिळाला. या पदवीच्या आधारे तिनं मुंबई विद्यापीठाच्या जमनालाल बजाज व्यवस्थापन शिक्षण संस्थेत पदव्युत्तर पदवीसाठी प्रवेश घेतला.

यासाठी तिनं हातची नोकरी सोडून प्रवेश घेतला, मात्र सहा महिन्यांचं शिक्षण घेतल्यानंतर तिची पदवी ग्राह्य नसल्याचं विद्यापीठानं सांगितल्यानं तिला नोकरी आणि शिक्षणही गमावण्याची वेळ आली होती. मात्र तिचं नुकसान टाळण्यासाठी विद्यापीठाच्या तक्रार निवारण विभागाकडून प्रयत्न केले जात असल्याचं सांगितलं जातंय.

मुंबई विद्यापीठाच्या पदव्युत्तर शिक्षणासाठी तीन वर्षाची पदवी घेणं अनिवार्य आहे. मात्र अनेक परदेशी विद्यापीठं दीड-दोन वर्षातच पदवी देत असल्यामुळं ही पदवी विद्यापीठ नियमानुसार पदव्युत्तरासाठी ग्राह्य धरली जात नाही.

कॅलिफोर्नियाच्या शाळेत योगप्रशिक्षणाला मंजुरी

Sat, 06 Jul 2013 14:17:49 +0530

योगप्रशिक्षणाद्वारे हिंदू धर्माच्या संकल्पनांचा पुरस्कार केल्याचा आरोप करणार्‍या पालकांची याचिका फेटाळून लावत अमेरिकेतील न्यायालयाने दक्षिण कॅलिफोर्निया येथील शाळेत शाले अभसक्रमाचा एक भाग म्हणून योग प्रशिक्षणाला मंजुरी दिली आहे. योगप्रशिक्षणामुळे कोणत्याही धर्माचा प्रसार होत नाही, असे सॅन दिएगो येथील न्यायालयातील न्यायाधीशांनी सांगितले. योगशास्त्रातील ‘अष्टांगयोग’ या प्रकाराद्वारे हिंदू धर्मातील संकल्पनांचा प्रचार केला जात असल्याचा आरोप एन्सिनिटास युनिन डिस्ट्रिक्ट स्कूलमधील विद्यार्थ्यांच्या पालकांनी केला होता.

या शाळेमध्ये श्वसन आणि ताण देणार्‍या व्यायामांद्वारे विद्यार्थ्यांना सतत ताजेतवाने ठेवण्याचा प्रयत्न करण्यासाठी 30 मिनिटांचा अभसक्रम आयोजित केला जात होता. अष्टांगयोगाचा प्रसार करणार्‍या संस्थेकडून त्यासाठी निधी उपलब्ध करण्यात आला होता. त्यामुळेच या योगप्रशिक्षणाला पालकांनी आक्षेप घेतला होता. मात्र या प्रशिक्षणामध्ये आसनांच्या प्रकाराचेही इंग्रजी भाषांतर करण्यात आले होते. तसेच संस्कृत शब्दांचा वापरही टाळण्यात आला होता. त्यामुळे न्यायालयाने ही याचिका फेटाळून लावली. तरीदेखील पालकांच्यावतीने काम पाहणार्‍या डीन ब्राईल्स यांनी या विरोधात वरच्या न्यायालयात दाद मागणार असल्याचे सांगितले आहे.

हे प्रकरण योगशास्त्रामुळे आरोग्याचे फायदे मिळतात की नाही आणि कोणी योगशास्त्राचा सराव करावा की करू ने याबाबत नाही, असे तंनी म्हटले आहे. सरकारी शाळांमधून एखाद्या धार्मिक संस्थेकडून दिले जाणारे प्रशिक्षण योग्य आहे की नाही आणि विशिष्ट धर्माच्या परंपरा आणि विचारसरणी प्रसारित करणे योग्य आहे की नाही याबाबतचा हा खटला आहे, असे ब्राइल्स यांनी स्पष्ट केले आहे.

विदेशी शिक्षणासाठी विशेष शिष्यवृत्ती

Sat, 23 Feb 2013 15:51:38 +0530

नजीकच्या काळात विदेशात जाऊन उच्चशिक्षण घेण्यासाठी खालीलप्रमाणे शिष्यवृत्तीच्या विशेष संधी उपलब्ध राहणार आहेत.

लुंड युनिव्हर्सिटी ग्लोबल स्कॉलरशिप
लुंड युनिव्हर्सिटी, स्वीडन येथे युरोपबाहेरील विद्यार्थ्यांसाठी त्यांच्या पदवी व पदव्युत्तर शिक्षणासाठी शिष्यवृत्ती देण्यात येतात.

आवश्यक शैक्षणिक पात्रता
अर्जदरांनी लुंड युनिव्हर्सिटीच्या पदवी वा पदव्युत्तर अभ्यासक्रमासाठी प्रवेश घेतला असाव व त्यांच्या शैक्षणिक आलेख चांगला असायला हवा.

शिष्यवृत्ती
निवड झालेल्या विद्यार्थ्यांना त्यांच्या संबंधित अभ्यासक्रमांच्या शैक्षणित शुल्काच्या 25 ते 100 टक्के रक्कम शिष्यवृत्तीच्या स्वरूपात देण्यात येईल.

अधिक माहितीसाठी संपर्क
अधिक माहिती व तपशिलासाठी लुंड युनिव्हर्सिटीच्या www.lunduniversity.lu.se या संकेतस्थळाला भेट द्यावी.

हॅमलिन विद्यापीठ, अमेरिका

Sat, 16 Feb 2013 15:30:51 +0530

जगातील पहिल्या क्रमांकाची अर्थव्यवस्था असल्यामुळे अमेरिकन शिक्षणाला जगभर मान आहे. हॅमलिन विद्यापीठ ही अमेरिकेतील एक नावाजलेली शिक्षणसंस्था आहे. मिनिसोटा प्रांतात या दिव्यापीठाच्या दोन शाखा आहेत. सेंट पॉल आणि मिनियापोलिस येथे.

एम.बी.ए. अभ्यासक्रम
हा हॅमलिन विद्यापीठातील एक लोकप्रिय अभ्यासक्रम आहे. या अभ्यासक्रमाकरतिा अर्जतारजी पातत्रा खालीलप्रमाणे.
पदवी परीक्षेत 60 टक्के गुण.
TOFEL मध्ये 79 गुण
नोकरीचा एक वर्षाचा अनुभव असणे जरुरी आहे.
य अभ्यासक्रमासाठी दर वर्षी दोन बॅचेस घेतात म्हणजे जानेवारी व सप्टेंबर महिन्यात.

शिक्षणाचा खर्च
अभ्यासक्रम 21 महिन्यांचा आहे त्याचा खालीलप्रमाणे शैक्षणिक फी-वर 18,750/- वर्ष अर्थात 8.55 लाख/- वर्ष.
एकूण 21 महिन्यांची फी रु. 15 लाख.

राहण्याचा दरमहा खर्च वर 5,000 म्हणजे रु. 22500 दर महिना. 21महिन्यांचा राहण्याचा खर्च रु. 4.72 लाख. एम.बी.ए. शिक्षणाचा एकूण खर्च रु. 10.72 लाख.

एम.बी.ए. पदवीत विशेष अभ्यास
हॅमलिन विद्यापीठात एम.बी.ए. शिकताना विद्यार्थ्याला खालील विषयात विशेष व्यासंग करता येते.
मार्केटिंग मॅनेजमेंट
फायनान्स
इंटरनॅशनल बिझनेस
ह्युमन रिलेशन मॅनेजमेंट.

शिकत असताना तात्पुरती नोकरीची सोय
हॅमलिन विद्यापीठात शिकत असताना विद्यार्थ्याला तात्पुरती(Temporary) नोकरी करयाची परावानगी आहे. म्हणजे 9 महिने दर आठवड्याला 20 तास व सुटीच्या महिन्यात दर आठवड्याला 40 तास.

एम.बी.ए. पदवीधराचे भविष्य
हॅमलिनमधून पदवी मिळविल्यानंतर विद्यार्थ्याला अमेरिकेत किंवा भारतात व्यवस्थापकाची चांगली नोकरी मिळेल. अमेरिकेत एम.बी.ए. मिळवल्यानंतर भारतीय विद्यार्थी उत्तम भवितव्याकडे वाटचाल करेल. अधिक माहितीसाठी संपर्क-
www.learningoverseas.in

कला अध्ययनासाठी जर्मनीत जायचंय?

Tue, 18 Dec 2012 14:40:27 +0530

जर तुम्ही कला क्षेत्राशी निगडीत असाल आणि उच्च शिक्षण घेण्याची ईच्छा असेल तर जर्मनीत जाऊन तुम्ही तुमचे स्वप्न साकार करू शकता. डीएएडीद्वारा कलाकारांना दिली जाणारी स्कॉलरशिप आहे जी एक्सटेंशन स्टडीजच्या रूपात दिली जाते. यासाठी फाईन आर्ट, डिझाईन, फिल्म, म्युझिक, परफॉर्मिंग आर्ट इत्यादी विषयात बॅचलर किंवा मास्टर डिग्री करणारे यासाठी अर्ज करू शकता. अ‍ॅकेडमिक ईयर अंतर्गत संपूर्ण कोर्सच्या दरम्यान आर्थिक मदत दिली जाते. आर्थिक मदत म्हणून प्रत्येक महिन्याला 750 यूरो स्टायपेंडसह, भारत ते जर्मनी विमान खर्च दिला जातो. ज्या विद्यार्थ्याची निवड स्कॉलरशिपसाठी केली जाते त्यांच्याकडून नंतर कोणत्याही प्रकारची फिस घेतली जात नही. स्टडी आणि रिसर्चमध्ये सबसिडी दिली जाते. डीएएडीनिवड झालेल्यांची हेल्थ इन्शोरन्ससुद्धा केला जातो. सहा महिन्यांसाठी इंटरनेट बेस्ड्‍ लॅग्वेज कोर्ससुद्धा केला जातो. जो यासाठी प्रवेश घेतो त्याच्यासोबत पती अथवा पत्नी असल्यास त्याचा कोणत्याही प्रकारचा खर्च उचलला जात नाही.

योग्यता
प्रथम श्रेणीमध्ये शेवटची डिग्री मिळवलेली असावी आणि शेवटची डिग्री घेण्यात 6 वर्षापेक्षा जास्त अंतर नसावे. अर्ज करतेवेळी अर्जदार भारतातील रहिवासी असावा.

विषय
फाईन आर्ट डिझाईन, फिल्म-म्युझिक परफॉर्मिंग आर्ट (ड्रामा, डायरेक्शन, डांस, कोरिओग्राफी ‍इत्यादी). लक्षात ठेवा अर्ज करताना सर्व डाक्युमेंटच्या दोन कॉपी संबं‍धीत पत्त्यावर पाठवाव्यात. ऑनलाईन अर्जाबरोबर पासपोर्ट आकाराचा फोटो अवश्य लावावा. दोन्ही ठिकाणी अर्जदाराच्या स्वाक्षर्‍या असाव्यात. संपूर्ण बायोडाटा टाईप केलेला असावा. जर्मनीत प्लान्ड स्टडी प्रोजेकट करण्याचे अ‍ॅके‍डमिक आणि पर्सनल रिझन देणे आवश्यक आहे. ही माहिती पाठविताना वरिष्ठ अधिकार्‍यांचा रेफरन्स पाठविणे आवश्यक आहे. याबरोबर लॅग्वेज स्कोअर पाठविणे अनिवार्य आहे. अधिक माहितीसाठी डीएएडी-2, न्यायमार्ग चाणक्यपुरी, नवीदिल्ली- 110021 किंवा www.daaddelhi.org या वेबसाईटवर ऑनलाईन अर्ज भरू शकता.

'टफेल'चे वाढते क्षेत्र

Fri, 21 Sep 2012 17:28:35 +0530

'टफेल' म्हणजे टेस्ट ऑफ इंग्लिश अ‍ॅज अ‍ॅन फॉरेन लॅग्वेज. आता केवळ अमेरिकेत स्टडी करण्यासाठीच नाहीतर इतर देशांतील युनिव्हर्सिटीमध्येही अ‍ॅडमिशन घेण्याकरीता कंपलसरी आहे. हावर्ड, ऑक्सफर्ड, मॅकगिल, ईटिएच, ज्युरिश, ऑस्ट्रेलियन नॅशनल युनि‍र्व्हसिटी आणि नॅशनल युनिव्हर्सिटी ऑफ सिंगापूरसह जवळजवळ 6 हजार युनिर्व्हसिटीने 'टफेल'ला मान्यता दिली आहे.

इंटरनेट बेस्ड टेस्ट अंतर्गत 'टफेल'मध्ये चार सेक्शन येतात.

1. रीडिंग : या सेक्शनमध्ये 3 ते 5 लांब पॅसेज आणि यावर आधारित प्रश्न दिले जातात. हे पॅसेज अंडरग्रॅज्युएट सिलॅबसमधून घेतले जातात आणि यात बघितले जाते की, स्टुडंट्‍स टॉपिक, पॅसेज, आयडिया, वॉकेब्ज आणि इतर मुद्यांवर किती सक्षम आहे ते. यात इंटरनेट बेस टेस्टमध्ये 3 पॅसेज आणि 39 प्रश्न 60 मिनिटात सोडवायचे असतात.

‍2. लिसनिंग : या सेक्शन अंतर्गत सुडंट्स6 पॅसेजला खूप गांभिर्याने ऐकतो. त्यानंतर चार अ‍ॅकॅडमिक पॅसेज बरोबर दोन स्टुडंटस्मध्ये बातचित घेतली जाते. लिसनिंग सेक्शनमध्ये स्टुडंट्‍सला पॅसेजमदील आयडिया, डिटेल्सवर विशेष लक्ष द्यावे लागते. यातील इंटरनेट बेस टेस्टमध्ये 6 पॅसेज आणि 34 प्रश्न 50 मिनिटात सोडवायचे असतात.

3. स्पिकिंग : या सेक्शन अंतर्गत टॉस्क ‍‍दिले जातात. ज्यात दोन टास्क स्वतंत्रपणे करण्यासाठी दिले जातात. पण सर्व टास्क सामुहीकच असतात. यात स्टुडंट्‍स पॅसेज वाचतो तर दुसरा त्याला लक्ष देवून ऐकतो. मग दोघेही त्यातील फरक स्पष्ट करून त्याची व्याख्या तयार करतात. यासाठी घेण्यात येणार्‍या इंटरनेट बेस टेस्टमध्ये 6 टास्क आणि 6 प्रश्न 20 मिनिटात सोडवायचे असतात.

4. रायटिंग : या सेक्शनमध्ये दोन टास्क दिले जातात. यात एक टास्क स्वतंत्ररित्या तर दुसरा सामुहिकपणे करायचा असतो. यात स्टुडंट्‍स ऐक पॅसेज वाचतो आणि दुसरा ते ऐकतो. मग दोघेही तो पॅसेजमदील संबंध स्पष्ट करून आपले विचार मांडतात. शेवटी यातील इंटरनेट बेस टेस्टमध्ये 2 टास्क आणि 2 प्रश्न 55 मिनिटात सोडवायचे असतात.

कला अध्ययनासाठी जर्मनीत जायचंय?

Mon, 03 Sep 2012 16:47:41 +0530

जर तुम्ही कला क्षेत्राशी निगडीत असाल आणि उच्च शिक्षण घेण्याची ईच्छा असेल तर जर्मनीत जाऊन तुम्ही तुमचे स्वप्न साकार करू शकता. डीएएडीद्वारा कलाकारांना दिली जाणारी स्कॉलरशिप अशी स्कॉलरशिप आहे जी एक्टेंशन स्टडीजच्या रूपात दिली जाते. यासाठी फाईन आर्ट, डिझाईन, फिल्म, म्युझिकल परफॉर्मिंग आर्ट इत्यादी विषयात बॅचलर किंवा मास्टर डिग्री करणारे यासाठक्ष अर्ज करू शकतात. अ‍ॅकडमिक ईयरअंतर्गत संपूर्ण कोर्सच्या दरम्यान आर्थिक मदत दिली जाते. आर्थिक मदत म्हणून प्रत्येक महिन्याला 750 यूरो स्टायपेंडसह, भारत ते जर्मनी विमान खर्च दिला जातो. ज्या विद्यार्थ्याची निवड स्कॉलरशिपसाठी केली जाते त्यांच्याकडून नंतर कोणत्याही प्रकारची फिज घेतली जात नाही. स्टडी आणि रिसर्चमध्ये सबसिडी दिली जाते. डीएएडी निवड झालेल्यांची हेल्थ इन्शोरन्ससुद्धा केला जातो. सहा महिन्यांसाठी इंटरनेट बेसड्‍ लॅग्वेज कोर्ससुद्धा केला जातो. जो यासाठी प्रवेश घेतो त्याच्यासोबत पती अथवा पत्नी असल्यास त्याचा कोणत्याही प्रकारचा खर्च उचलला जात नाही.

योग्यता
प्रथम श्रेणीत शेवटची डिग्री मिळवलेली असावी आणि शेवटची डिग्री घेण्यात 6 वर्षाकेक्षा जास्त अंतर नसावे. अर्ज करतेवेळी अर्जदार भारतातील ‍रहिवासी असावा.

विषय
फाईन आर्ट डिझाईन, फिल्म-म्युझिक परफॉर्मिंग आर्ट (ड्रामा, डायरेक्शन, डांस, कोरिओग्राफी इत्यादी). लक्षात ठेवा अर्ज करताना सर्व डाक्युमेंटच्या दोन कॉपी संबंधीत पत्त्यावर पाठवाव्यात. ऑनलाईन अर्जाबरोबर पासपोर्ट आकाराचा फोटो अवश्य लावावा. दोन्ही ठिकाणी अर्जदाराच्या स्वाक्षर्‍या असाव्यात. संपूर्ण बायोडाटा टाईप केलेला असावा. जर्मनीमध्ये प्लान्ड स्टडी प्रोजेक्ट करण्याचे अ‍ॅकेडमिक आणि पर्सनल रिझन देणे आवश्यक आहे. ही माहिती पाठविताना वरिष्ठ अधिकार्‍यांचा रेफरन्स पाठविणे आवश्यक आहे. याबरोबर लॅग्वेज स्कोअर पाठविणे अनिवार्य आहे. अधिक माहितीसाठी डीएएडी -2, न्यायमार्ग, चाणक्यपूरी, नवीदिल्ली - 110021 किंवा www.daaddelhi.org या वेबसाईटवर ऑनलाईन अर्ज भरू शकता.

चिनी भाषा करीयरसाठी आवश्यक

Mon, 07 May 2012 16:59:39 +0530

मॅनेजमेंटच्या विद्यार्थ्यांनी सगळ्यात आधी एक गोष्ट मनात पक्की केली पाहिजे, ती म्हणजे अवघ्या जगात त्यांना करीयरची संधी आहे. एखादा प्रांत, देशापुरते ते मर्यादित नाहीत. आपल्या पात्रतेच्या जोरावर ते जग मुठीत घेऊ शकतात.

भारतीय मॅनेजमेंटच्या विद्यार्थ्यांना स्पर्धेत पुढे जायचे असेल तर त्यांना प्रत्येक देशाची संस्कृती आत्मसात करावी लागणार आहे. 'हे विश्चची माझे घर', असे एमबीए झालेल्या विद्यार्थ्यांनी समजले पाहिजे. या 'ग्लोबल व्हिलेज'मध्ये टिकाव धरण्यासाठी सार्‍या जगाचे धागेदोरे हातात घेणे गरजेचे आहे.

चीनी भाषाच का?
'ग्लोबल व्हिलेज'च्या या वातावरणात मॅनेजमेंटच्या विद्यार्थ्यांनी चिनी भाषेकडे करीयर म्हणून पाहिले पाहिजे. कारण त्यामुळे चीनमध्ये करीयरची कवाडं उघडी होण्याची संधी आहे. याच कारणामुळे सध्या चीनमध्ये अमेरिकन विद्यार्थ्यांनी बस्तान बसवायला प्रारंभ केला आहे.

भारतीय विद्यार्थ्यांनीही आपल्या शिक्षणाच्या जोरावर चीनमध्ये क‍रीयर करण्याची धमक दाखवली पाहिजे. आपण कुठल्याच बाबतीत कमी नाही, असे समजले पाहिजे. कारण अमेरिकन एक्झिक्टुयिव्हमध्ये चीनमध्ये जास्त काळ टिकण्याची क्षमता नाही. त्याचबरोबर चीनी संस्कृती आत्मसात करू शकतील, एवढा आत्मविश्वासही त्यांच्यात नाही. त्या उलट भारतीय विद्यार्थ्यांमध्ये हे सगळं करण्याची केवळ धमकच नाही तर आत्मविश्वासही आहे. कारण चीनी संस्कृती ही भारतात असलेल्या बौद्ध धर्मातूनच विकसित झाली आहे.

फायदाच फायदा....
चीन जगातील सर्वच देशाच्या बाजारात आपल्या वस्तूंचा बाजार मांडत आहे. त्यामुळे आगामी काळात चीनचा जगात विस्तार वाढेल व त्याचा बिझनेस सांभळण्यासाठी मॅनेजमेंटच्या विद्यार्थ्यांची मोठ्या प्रमाणात गरज भासणार आहे. त्यामुळे चिनी भाषा अवगत असलेल्या ‍भारतीय विद्यार्थ्यांना करीयरची मोठी संधी उपलब्ध होणार आहे. त्यामुळे इंग्रजी भाषेसोबत चिनी भाषा आत्मसात करणे, ही भारतातील मॅनेजमेंटच्या विद्यार्थ्यांची गरज बनली आहे.

ऑस्ट्रेलियात शिका कौन्सिलिंग

Mon, 07 May 2012 16:56:18 +0530

गेल्या काही वर्षांपासून ऑस्ट्रेलियात शिक्षण घेण्याचा नागरिकांचा कल वाढला आहे. मेडिकल, मॅनेजमेंट, इंजीनियरिंगनंतर फॅशन डिझायनिंग, लाइफ स्टाइल, कौन्सिलिंग अशा अनेक विषयांमध्ये प्रवेश घेऊन त्यात करीयर करता येऊ शकते.

ऑस्ट्रेलिया इंस्टिट्यूट ऑफ प्रोफेशनल काऊंसेलर या संस्थेत 'व्यावसायिक कौन्सिलिंग' या विषयाचे डिप्लोमा व पदवीपर्यंतचे अभ्यासक्रम उपलब्ध आहेत. या अभ्याक्रमांतर्गत पूर्ण वेळ, अर्ध वेळ व दूर शिक्षण पध्दतीने पदवी व डिप्लोमा करण्याची सोय उपलब्ध आहे.

कौन्सिलिंगची पदवी प्राप्‍त केल्यानंतर कुठल्याही कौन्सिलिंग इंस्टिट्यूटमध्ये नोकरी करून किंवा स्वत: 'कौन्सिलर' होऊन स्वतंत्र करीयर सुरू करता येऊ शकते.

अधिक माहितीसाठी येथे संपर्क साधावा-
15, फोर्टिट्यूड व्हॅली, क्यूएलडी, ऑस्ट्रेलिया.

न्यूझीलंडमध्ये शिक्षण!

Wed, 17 Nov 2010 14:29:21 +0530

न्यूझीलंडचे शैक्षणिक विश्व हे साधारणत: युनिव्हर्सिटी, कॉलेज ऑफ एज्युकेशन, पॉलिटेक्निक आणि खासगी शिक्षण संस्था या प्रकारात मोडणारं. मुख्यत: शैक्षणिक वर्ष मार्चमध्ये सुरू होत असतं.
डिग्री साधारणत: तीन र्वष आणि मास्टर्स साधरणत: दोन र्वष. पॉलिटेक्निक्समध्ये आपण पहिली दोन वर्षे पूर्ण करून तिसऱ्या वर्षाकरिता विद्यापीठात प्रवेश घेऊ शकता. प्रत्येक विद्यापीठ आणि संस्थांची स्वत:च्या प्रवेश पात्रता असून, इंग्रजी विषयात प्रश्नवीण्य अर्थात IELTS/TOEFL ची आवश्यकता बहुतांश संस्थांची प्रमुख अट आहे.

परदेशी विद्यार्थी म्हणून आपल्याला न्यूझीलंडमध्ये जाण्याकरिता व्हिसाची आवश्यकता असून, त्याकरिता खालील बाबींची पूर्तता आवश्यक आहे.
१) प्रवेशासंबधीचे संबंधित संस्थेचे पत्र
२) रिसिष्ट ऑफ फीज किंवा स्कॉलरशिप
३) व्हिसा अ‍ॅप्लिकेशन
४) राहण्याच्या संदर्भातील कागदपत्रे
५) पासपोर्ट
६) साधरणत: एक वर्षापर्यंतच्या राहण्या-खाण्याच्या खर्चासंबंधीचे बँकेचे पुरावे.
७) इतर बँक स्टेटमेंट व आवश्यक फायनान्स फ्रूफ आपला कोर्स जर २४ महिन्यांपेक्षा अधिक कालावधीचा असेल तर.
१) न्यूझीलंड इमिग्रेशन सव्‍‌र्हिसचे मेडिकल आणि चेस्ट एक्स-रे रिपोर्ट.
२) कॅरेक्टर सर्टिफिकेट.

जर आपणास वरील कागदपत्रांची पूर्तता केल्यानंतर न्यूझीलंडचा व्हिसा प्रश्नप्त झाला तर नक्कीच आपण शिकायला म्हणून न्यूझीलंडला जाऊ शकता, मात्र विद्यार्थी म्हणून. जर आपल्याकडे काम करण्याची परमिशन असेल तरच आपण पार्ट-टाइम वर्क करू शकतो. जर आपल्या कोर्सची आवश्यकता असेल तर न्यूझीलंड इमिग्रेशन सव्‍‌र्हिसकडून तशी परवानगी मिळू शकते. मात्र हे सगळं परिस्थितीजन्य असून, जर प्रश्नप्त परिस्थितीत स्थानिक उमेदवार उपलब्ध नसतील तर आपल्याला काम करण्याची संधी मिळू शकते.

परदेशी विद्यार्थी म्हणून आपला अभ्यासक्रम जर दोन वर्षापेक्षा अधिक लांबीचा असेल तर आपल्याला न्यूझीलंड सरकारतर्फे ‘हेल्थ - बेनिफिट’ मिळू शकतात. मात्र ज्यांचा अभ्यासक्रमांचा कालावधी दोन वर्षापेक्षा कमी असेल अशांनी मेडिकल पॉलिसी घेऊन गेलेलेच बरे.

न्यूझीलंड सरकारतर्फे न्यूझीलंडमध्ये शिक्षण घेऊ इच्छिणाऱ्या भारतीय विद्यार्थ्यांकरिता ‘फायनाशियल एड’ किंवा स्कॉलरशिपचे प्रयोजन असून, विद्यार्थी त्याचाही लाभ घेऊ शकतात. न्यूझीलंडमध्ये मुख्यत: पाच विद्यापीठे असून, बरीचशी पॉलिटेक्निक्स आणि काही खासजी संस्थासुद्धा आहेत. विद्यापीठामध्ये युनिव्हर्सिटी ऑफ ऑकलंड, मॅसे युनिव्हर्सिटी, युनिव्हर्सिटी ऑफ कॅन्टेबरी, व्हिक्टोरिया युनिव्हर्सिटी ऑफ वेलिंग्टन आणि युनिव्हर्सिटी ऑफ व्हायकाटो इत्यादींचा समावेश होतो. तेव्हा आपण जर आपल्या पुढील करिअरकरिता न्यूझीलंडची निवड केली असाल तर उपरोक्त माहितीचा आपल्याला नक्कीच उपयोग होईल.

- प्रशांत ओचावार

परदेशातील शिक्षणासाठी बॅंकेचे कर्ज

Thu, 29 Jan 2009 15:25:43 +0530

परदेशात जाऊन शिक्षण घेण्याची प्रत्येक विद्यार्थ्यांची इच्छा असते. परंतु, हे स्वप्न फार थोड्या विद्यार्थ्यांना पूर्ण करता येते. एवढा पैसा आणयचा कुठून? हा प्रश्न बहुतेक विद्यार्थी व पालक यांच्यासमोर निर्माण होतो. परदेशात जाण्यासाठी व्हिसा काढणे महत्त्वाचे असते. त्यासाठीही प्रचंड पैसा लागतो. विद्यार्थी व पालकांना भेडसावणारा पैशाचा प्रश्न आता भारतातील बॅंका सोडवत आहेत. परदेशातील शिक्षणासाठी आता बॅंका माफक व्याज दरात कर्ज उपलब्ध करून देत आहे. असे झाल्याने मध्यम वर्गातील विद्यार्थ्यासाठी भारतीय बॅंकानी परदेशात जाण्याचा उत्तम मार्ग शोधून काढला आहे.

परदेशात शिक्षण घेण्यासाठी दोन प्रकारचे खर्च येतात. ते म्हणजे अभ्यासक्रमाचे शुल्क व तेथे राहण्यासाठी लागणारा पैसा. बॅंकेत कर्ज प्रकरण करताना कोर्सची फ‍ी, परदेशात जाण्या-येण्याचा विमान खर्च, राहण्याचा खर्च तसेच आरोग्य विमा व दररोजच्या गरजांवर होणारा खर्च यांचे सविस्तर तपशील द्यावे लागतात. परदेशात शिक्षण घेण्यासाठी लागणारा खर्च साधारण 10 ते 15 लाख रूपये एवढा असतो. एवढा प्रचंड खर्च येत असूनही परदेशात शिक्षण घेण्यासाठी जाणार्‍या विद्यार्थ्यांची संख्या ही दिवसेंदिवस वाढतच आहे. यामागचे मुख्य कारण म्हणजे बॅंकाकडून सुलभ हप्त्यांनी मिळणारे कर्ज होय. होतकरू विद्यार्थी अशा प्रकारचे कर्ज घेऊन पालकांचा भार कमी करत असतात.

स्टेट बॅंक ऑफ इंडिया, बॅंक ऑफ महाराष्ट्र, बॅंक ऑफ इंडिया अशा सर्व राष्ट्रीयकृत बॅंका परदेशातील शिक्षणासाठी कर्ज उपलब्ध करून देतात. तसेच खाजगी क्षेत्रातील एचडीएफसीसारखी मोठी बॅंकही कर्ज देत आहे.

बहुतेक सर्व पदवी, पदव्यूत्तर पदवी व पीएचडी तसेच इतर अभ्यासक्रमासाठी कर्ज उपलब्ध होत असते. काही बॅंका केवळ व्यावसायिक शिक्षण घेणार्‍या विद्यार्थ्यांना कर्ज देत असतात. 50 हजार ते 15 लाखापर्यंत कर्ज बॅंकाकडून सुलभतेने उपलब्ध होते.

मध्यम वर्गातील होतकरू विद्यार्थीचे परदेशातील शिक्षणाचे स्वप्न कर्ज उपलब्ध करून देणार्‍या बॅंका पूर्ण करत आहेत.

कॅनडात शिकायला जायचंय?

Tue, 24 Jun 2008 14:24:54 +0530

कॅनडात शिक्षण घ्यायचे असेल तर, काही गोष्टी लक्षात घ्यायला हव्यात. सर्वांत आधी तुम्हाला कॅनडातील स्कूल बोर्ड किंवा सेकंडरी स्कूल इन्स्टिट्यूटचे प्रवेश पत्र मिळवावे लागेल त्याशिवाय कॅनडात शिक्षणासाठी प्रवेश मिळणार नाही.

दुसरी गोष्ट म्हणजे आधी कॅनडाचा व्हिसा मिळवावा लागेल. हे काम जरा कठीण आहे. याविषयाची अधिक माहिती तुम्हाला डब्लू डब्लू डब्लू डॉट सीआयआय डॉट जीसी डॉट सीए या संकेतस्थळावर मिळू शकते.

कॅनडात शिक्षणासाठी आधी तुम्हाला व्हिजिटर व्हिसा मिळवावा लागेल त्याशिवाय कोणतीही शिक्षण संस्था तुम्हाला प्रवेश देणारच नाही. ही दोन्ही कामे झाली तर कॅनडात शिक्षणाचा मार्ग मोकळा झालाच म्हणून समजा. परंतु, यासाठी तुम्हाला लवकर हालचाल करणे गरजेचे आहे.

शिक्षणासाठी अमेरिकेत जायचंय?

Tue, 24 Jun 2008 14:24:43 +0530

परदेशात कोणतीही डिग्री मिळवली की शिक्षणाचे महत्त्व वाढते असा एक समज आशियातील विद्यार्थ्यांमध्ये आहे. बारावीनंतरच मग याची तयारी सुरू होते आणि घाईघाईत घेतलेल्या निर्णयांमुळे पैसे तर वाया जातातच परंतु मनस्ताप सहन करावा लागतो तो वेगळा.

भारतीय विद्यार्थ्यांचा ओढा 1970 च्या दशकात इंग्लंडकडे अधिक होता. परदेशी शिक्षण म्हटल्यानंतर लंडन किंवा इंग्लंडच्या प्रमुख विद्यापीठांचे नाव पुढे येई.

ही परंपरा 90 च्या दशकापर्यंत सुरूच होती. आता काळ बदलला आहे. इंग्लंड व्यतिरिक्त ऑस्ट्रेलिया जर्मनी, जपान, रशिया, फ्रान्स, आणि अमेरिका या देशांकडे विद्यार्थ्यांचा ओढा वाढला आहे.

अमेरिकेत आज घडीला विविध क्षेत्रात भारतीयांचा बोलबाला आहेच. परंतु, गेल्या काही दिवसांमध्ये भारतीयांचे अमेरिकेत शिक्षणासाठी जाणे वाढले आहे.

अमेरिकेतील शिक्षण
अमेरिकेत अनेक खाजगी आणि सरकारी विद्यापीठ आहेत. यात 226 राष्ट्रीय तर 500 प्रादेशिक विद्यापीठांचा समावेश होतो. यात विविध विषय शिकवले जातात. वर देण्यात आलेली संख्या ही केवळ विद्यापीठांचीच असल्याने यापेक्षा कितीतरी अधिक पटीने येथे महाविद्यालये आहेत हेही लक्षात ठेवणे गरजेचे आहे.

संकेतस्थळांवर या सर्वांची माहिती मिळतेच यात शंका नाही परंतु त्यांचा दर्जा नेमका काय हे मात्र भारतात बसून ठरवणे अशक्यप्राय गोष्ट आहे.

अमेरिकेतील प्रमुख शिक्षण संस्था
लॉ शिक्षणासाठी
न्यूयॉर्क विद्यापीठ
कोलंबिया विद्यापीठ
येल विद्यापीठ
स्टेनफोर्ड विद्यापीठ,
हावर्ड विद्यापीठ
शिकागो विद्यापीठ
व्हर्जीनीया विद्यापीठ
कॉरनेल विद्यापीठ

कलाशाखा
आर्ट सेंटर कॉलेज ऑफ डिझाइन, कॅलिफोर्निया,
ब्लुमिंटन आयोवा विद्यापीठ,
कॉलेज ऑफ आर्ट्स एड क्राफ्टस मेरीलँड

बिझनेस स्टडीज
कोलंबिया विद्यापीठ
नॉर्थ वेस्टर्न विद्यापीठ
हावर्ड विद्यापीठ
पेनसेल्वीनीया विद्यापीठ

मेडिकल अभ्यासासाठी
हावर्ड विद्यापीठ
सेंट लुईस विद्यापीठ
कॉलेज ऑफ फिजीशियन्स एड सर्जन
फोर्ड विद्यापीठ

परदेशात शिक्षणाला जाण्यापूर्वी ही काळजी अवश्य घ्या
1. संस्था, महाविद्यालय, किंवा विद्यापीठाची संपूर्ण माहिती घ्या.
2. विद्यापीठांचा निकाल, आपल्याला हवे असलेले विषय यांची पडताळणी करा.
3. विद्यापीठातील वातावरण कसे आहे याची कसून चौकशी करा.
4. विद्यापीठात राहण्याची व्यवस्था असेल तर भारतीय विद्यार्थी त्यात किती आहेत, याची चौकशी करा.
5. अमेरिकेतील विद्यापीठांना लागलेले ग्रहण म्हणजे परदेशी विद्यार्थ्यांवर होणारे हल्ले, त्यामुळे सुरक्षिततेची संपूर्ण चौकशी करा.
6. महाविद्यालयातील ग्रंथालयात तुमच्या अभ्यासाची किती पुस्तके आहेत हे पडताळून पाहा.
7. विद्यापीठात राहण्याची व्यवस्था नसेल तर अशा वेळी तेथील भारतीय मंडळाशी संपर्क साधून त्यांच्याकडून माहिती घ्यावी.
8. आपल्या पासपोर्टवर नेमक्या किती कालावधीसाठी आपल्याला परदेशात जाण्याची परवानगी स्वीकारण्यात आली याची खात्री
करून घ्या.

बारावीनंतरच परदेशवारी

Tue, 24 Jun 2008 14:24:33 +0530

विदेशात शिक्षण घेण्याची सुविधा आता आपल्याला भारतातच उपलब्ध होत आहे. आणि यासाठी आपल्याला आता कोणतीही डिग्री मिळवण्याची गरज नाही, तुम्ही बारावी पास असाल तरी तुम्हाला ऑस्ट्रेलिया सरकारतर्फे नोंदणीकृत युनिफाईड पाथवे प्रोग्रॅम(एयूपीपी) अंतर्गत शिक्षणाची सुविधा मिळणार आहे. हे शिक्षण भारतीय खर्चातच विद्यार्थी पूर्णं करू शकतील.

या कार्यक्रमांअंतर्गत ऑस्ट्रेलियन सरकारच्या महत्त्वाच्या विद्यापीठांनी भारतीय महाविद्यालयात क्रेडिट ट्रान्स्फर सुविधा उपलब्ध करून दिली आहे. या सुविधेअंतर्गत विद्यार्थ्यांकडे पासपोर्ट, व्हिसा, आयइएलटीएस, आणि कोणत्याही स्पर्धा परीक्षेशिवाय भारतातच शिक्षण सुरू करून ऑस्ट्रेलियात ते पूर्ण करू शकतात.

या कार्यक्रमांतर्गत माहिती तंत्रज्ञान, प्रोफेशनल अकाऊंटींग, इन्फॉर्मेशन सिस्टिम, बिझनेस मार्केटिंग, ह्युमन रिसोर्स, हॉस्पिटली मॅनेजमेंट, बीबीए आदी तीन वर्षांचे कोर्सही आपण करू शकाल. एमटेक आणि एमबीए या पदवीसाठीही आपल्याला सरळ प्रवेश मिळू शकेल.

ब्रिटनमध्ये शिक्षणासाठी स्कॉलरशिप

Tue, 24 Jun 2008 12:37:32 +0530

तुम्हाला विदेशात शिक्षण घ्यायचे असेल तर सर्वात सुखकारक मार्ग म्हणजे स्कॉलरशिप. या माध्यमातून तुमचा तिथला खर्चही भागू शकतो आणि तुमच्या करियरसाठीही हे फायद्याचे आहे.

जगातील जवळपास सर्वच देश आंतरराष्ट्रीय स्कॉलरशिप देतात. ब्रिटनमध्ये याची चांगली सुविधा आहे. ब्रिटिश सरकार आणि कॉमनवेल्थ कार्यालय यासाठी मदतनिधी पुरवतो. जवळपास 150 देश अशी स्कॉलरशिप देतात. या लेखात आपण ब्रिटनच्या शॉर्ट टेलर मेड प्रोग्रॅमविषयी माहिती करून घेणार आहोत.

1. ब्रिटिश चिवनिंग गुरुकुल स्कॉलरशिप इन लीडरशिप एड एक्सीलेंस (लंडन स्कूल ऑफ इकोनॉमिक्स एड पॉलिटिकल सायंस):-ही स्कॉलरशिप ग्लोबल गवरनेंस, मॅनेजमेंट, पब्लिक रिलेशन्स मेक्रोइकोनामिक्स, इंटरनेशनल रिलेशन, पॉलिटिक्स, इंटरनेशनल फायनेंस आणि इतर काही क्षेत्रात दिली जाते. भारतातून दरवर्षी 12 विद्यार्थी यासाठी निवडले जातात. या स्कॉलरशिपला शॉर्ट टर्म म्हणतात कारण ती ऑक्टोबरमध्ये दिली जाते आणि मार्चपर्यंत तिचा कालावधी असतो.

या अंतर्गत ट्यूशन फी, मेंटेनन्स अलाऊंस आणि विमानखर्चही दिला जातो. यासाठी अट म्हणजे विद्यार्थी पोस्ट ग्रॅज्युएट असावा, त्याला या क्षेत्रात पाच वर्षांचा अनुभव असावा, तसेच त्याचे शैक्षणिक रेकॉर्ड चांगले असणे गरजेचे आहे.

2. ब्रिटिश चिवनिंग मॅनेजर्स फॉर लीडरशिप कोर्स-
ही स्कॉलरशिप मॅनेजमेंट विषयासाठी दिली जाते. हि देखील शार्ट कोर्स स्कॉलरशिप आहे. याचा कालावधी दहा आठवड्यांचा आहे. भारतासाठी याची संख्या 12 आहे. यासाठी वयाची अट 25 ते 30 वर्षांची आहे. या स्कॉलरशिपमध्ये ट्यूशन फीस, राहण्याचा खर्च दिला जातो. विमान प्रवासाचा खर्च मात्र स्वतः:ला करावा लागतो. यातही अट म्हणजे कोणत्याही मान्यताप्राप्त विद्यापीठाची डिग्री आवश्यक आहे.

3. ब्रिटिश चिवनिंग/मान्वेस्टर बिझनेस स्कूल शेयर्ड स्कॉलरशिप -
ही स्कॉलरशिप स्ट्रटेजिक मॅनेजमेंट साठी देण्यात येते. 4 ते 6 भारतीयांनाच ही स्कॉलरशिप दिली जाते. तीन आठवड्याच्या कालावधीसाठी ही स्कॉलरशिप दिली जाते.

यासाठी अट म्हणजे स्कॉलरशिपसाठी अर्ज केलेली व्यक्ती सीनिअर एक्झुकेटिव्ह असावी. एप्रिल महिन्यात याच्या प्रवेशाची अंतिम मुदत असते. आपल्याला उत्तम इंग्रजी येत असावे ही यातील सर्वात महत्त्वाची अट आहे. ब्रिटिश गर्व्हमेंट फॉरेन आणि कॉमनवेल्थ कार्यालय या स्कॉलरशिपसाठी पैसे देतो.

4. ब्रिटिश चिवनिंग प्रोग्रॅम फॉर यंग इंडियन बँकर्स (लंडन स्कूल ऑफ इकोनॉमिक्स एड पॉलिटिकल साइंस)-
हि स्कॉलरशिप बँकिंग आणि फायनेंस क्षेत्रासाठी दिली जाते. 12 भारतीयांना ही स्कॉलरशिप दिली जाते. या स्कॉलरशिपचा कालावधी तीन महिन्यांचा आहे.

लंडन स्कूल ऑफ इकोनामिक्समध्ये प्रवेशासाठी एमबीए फाइनेंस किंवा चार्टड अकाउटेंसीमध्ये पोस्टग्रेजुएशन डिग्री आणि मीडल लेवल बँकर्स किंवा पाच वर्षांचा बँकिंग क्षेत्रातला पाच वर्षांचा अनुभव यासाठी महत्त्वाचा आहे.

फ्रान्समधील शिक्षण

Tue, 24 Jun 2008 12:33:34 +0530

फ्रान्स प्रसिद्ध आहे ते पर्यटनासाठी आणि तेथील उच्चभ्रू संस्कृतीसाठी. फ्रान्समध्ये गेलेला माणूस फॅशनेबल झाल्याशिवाय परतणे अशक्यच मानले जाते. परंतु या ओळखी सोबतच फ्रान्स प्रसिद्ध आहे, ते येथील शिक्षणासाठीही. फ्रान्समध्ये जवळपास 1 लाख 25 हजार आंतरराष्ट्रीय विद्यार्थी दरवर्षी शिक्षण घेत असतात.

फ्रान्स फॅशनसाठी जगभरात प्रसिद्ध आहे. फ्रान्सनेच फॅशन इंडस्ट्रीजचा खरा विकास केला आणि जगाला एक नवीन क्षेत्र देऊ केले. दरवर्षी सुमारे 1000 भारतीय विद्यार्थी उच्च शिक्षणासाठी फ्रान्समधील विविध संस्थांकडे अर्ज देतात. यातील अनेकांचा कल हा फॅशन शिक्षणाकडे असतो.

तसे पाहायला गेले तर फॅशन विषयातील प्राथमिक धडे घेण्यासाठी भारत अत्यंत महत्त्वाचे शिक्षण केंद्र मानले जाते, परंतु यानंतर या विषयातील उच्च शिक्षणासाठी फ्रान्सचे नाव पुढे येते.

फ्रान्समध्ये अनेक शिक्षण संस्थांमधून याचे धडे दिले जातात. फ्रान्समध्ये अनेक विद्यापीठांमध्ये फॅशन हा वेगळा विषय शिकवला जातो. आंतरराष्ट्रीय दर्जाचे प्राध्यापक या विविध विद्यापीठांतून ज्ञानार्जनाचे काम करतात.

एसमोड इंटरनेशनल, पॅरिस अमेरिकन अकादमी, ईएसआईवी, आर्ट स्कूल या पॅरिसमधील संस्था फॅशन जगतात प्रसिद्ध आहेत. भारतीय विद्यार्थ्यांना फ्रान्समध्ये प्रवेश घ्यायचा असेल तर ते तीन प्रकारे अर्ज करू शकतात. यात

फ्रेंच गव्हर्नमेंट ग्रांट-
फ्रान्समधील विविध संस्थांतर्फे ही ग्रँट दिली जाते. दिल्लीतील फ्रेंच दूतावासाच्या कल्चरल, आणि सायंटिफिक विभागात आपल्याला याची अधिक माहिती मिळू शकते.

खर्च
फ्रान्समध्ये शिक्षणाचा खर्च जास्त नाही. विविध संस्थांमध्ये याचे दर कमी अधिक आहेत. टाऊन किंवा लॉजमध्ये राहण्याचा खर्च दरमहा 15 ते 30 हजारांपर्यंत पडू शकतो.

युनिव्हर्सिटी रेसिडेंस हॉलमध्ये राहणाऱ्याचा खर्च 5,500 ते 8,000 रुपए प्रती महिना लागतो. जेवण, आणि इतर खर्च धरला तर एकूण खर्च 19 ते 27 हजारांदरम्यान येऊ शकतो.

व्हिसा प्रक्रिया:
फ्रान्सचा व्हिसा काढायचा असेल तर, राजधानी दिल्ली, मुंबईतील फ्रेंच कन्सल्टंट विभागाशी संपर्क करू शकता. यासाठी आपल्याला पासपोर्ट, फ्रेंच एकेडमिक इंस्टीट्यूटचे एडमिशन सर्टिफिकेट आणि तुम्ही तिथे कुठे राहणार, व्यवस्था याची पूर्णं माहिती द्यावी लागते.

अधिक माहितीसाठी संपर्क साधा
एंबेसी ऑफ फ्राँस, सेंट्रल कल्चरल, 2 औरंगजेब रोड, नवी दिल्ली -110011 फोन- 3015631, 3793892
-एजुफ्राँस-
173, बोलीवर्ड सेंट-जर्मेन, 75006, पॅरिस, फोन नं. -01 53 63 35 08, फॅक्स-01 53 63 35 49

- इंस्टीट्यूट पेरिसियन डी लँग्वेज सिविलाइजेशन ट्रांसकेस,87, बोलीवर्ड ग्रीनेला- 75015, पॅरिस,
फोन नं. - 0140560953, फॅक्स- 0143064630

अमेरिकेत शिक्षण फारच खर्चिक

Tue, 24 Jun 2008 12:31:07 +0530

अमेरिका आधुनिक शिक्षणाचे माहेरघर मानले जाते. इथे शिकणाऱ्या प्रत्येक विद्यार्थ्यासाठी सरकार तर खर्च करतेच, परंतु खाजगी शिक्षण संस्थाही खर्च करतात. विद्यार्थ्यांच्या अभ्यासाची पुरेपूर काळजी येथे घेतली जाते. त्यामुळे येथे शिक्षण भरपूर महाग आहे.

या लेखात आपण अमेरिका आणि तेथील शिक्षण, येणार खर्च, तेथील काही संस्था यांची माहिती घेणार आहोत. अमेरिकेतील शिक्षणासाठी करावयाच्या अर्जाची किंमत भारतीय चलनात 500 ते 700 रुपये आणि जास्तीत जास्त चार ते पाच हजार रुपये आहे.

अमेरिकेत शिक्षण घेण्यापूर्वी तेथील प्रवेश परीक्षा देणे गरजेचे आहे. यासाठीही आपल्याला दोन ते पाच हजार रुपयांचा खर्च येतो. भारतात शिक्षण जेवढे स्वस्त आहे, तितकेच अमेरिकेत ते महाग आहे.

तेथे केवळ पुस्तकांसाठीच 600 डॉलरचा खर्च करावा लागतो. ज्याप्रमाणे भारतात खाजगी शिक्षण संस्थांच्या माध्यमातूनही विविध कोर्स शिकवले जातात त्याच प्रमाणे अमेरिकेतही अनेक शिक्षण संस्था आहेत. सरकारी आणि खाजगी या दोघांच्या शैक्षणिक शुल्कांत बरेच अंतर आहे.

सरकारी शिक्षण संस्थांमध्ये 5 ते 9 हजार डॉलरचा खर्च येतो, तर खाजगी शिक्षणसंस्थांमध्ये 10 ते 16 हजार डॉलरचा खर्च येतो. (भारतीय चलनात चार ते साडेसात लाख. )

खाजगी आणि सरकारी या दोन्ही शिक्षणसंस्थांमध्ये निवासाची व्यवस्था आहे. हा सारा खर्च मिळून 10 लाखांच्या जवळपास खर्च एका वर्षाला अपेक्षित आहे.

या व्यतिरिक्त तेथे जेवण, राहणीमान, प्रवास यासाठी प्रतिवर्ष चार ते पाच हजार डॉलरचा खर्च येतो. म्हणजे तुम्ही जर पाच वर्षांसाठी अमेरिकेत जाणार असाल तर तुम्हाला पन्नास लाखांचा खर्च अपेक्षित आहे. सामान्य विद्यार्थ्याला इतका खर्च करणे अवघड आहे.

त्यामुळे अमेरिकेत जाताना तुम्हाला तुमच्या आर्थिक परिस्थितीचा आढावा घेणे गरजेचे आहे. असे केले नाही, तर तुम्हाला शिक्षण अर्धवट सोडूनच घरी परतावे लागेल. भारतातीलच काय परंतु कोणत्याही परदेशी विद्यार्थ्याला अमेरिकेत नोकरी करण्याची परवानगी नसल्याने तेथे काही शोधू हा विचारच चुकीचा आहे. भारतातील काही बँका अथवा आर्थिक संस्थांची मदत घेऊनच तुम्ही शिक्षणासाठी जाऊ शकता हे ध्यानात ठेवा.

ऑस्ट्रेलियात शिकायचंय?

Tue, 24 Jun 2008 12:26:53 +0530

आपल्या देशात परदेशी विद्यार्थ्यांनी प्रवेश घ्यावा यासाठी सारेच देश प्रयत्नशील आहेत. यात अमेरिका, भारत, ब्रिटन, जर्मनी आदी देशांचा समावेश आहे. आता ऑस्ट्रेलियानेही परदेशी विद्यार्थ्यांना आपल्याकडे आकर्षित करण्यास सुरुवात केली असून, यासाठी भारतातही तेथील काही संस्था, विद्यापीठे आपल्या जाहिराती करत आहेत.

अमेरिकेच्या मानाने ऑस्ट्रेलियात भारतीयांसाठी अत्यंत कमी आणि सुलभ दरात शिक्षण उपलब्ध आहे. फक्त त्यासाठी प्रवेश परीक्षेचा चक्रव्यूह भेदावा लागतो. विविध विद्यापीठांमार्फत घेण्यात येणाऱ्या प्रवेश परीक्षेत तुम्ही उनुत्तीर्ण झालात तर तुम्हाला प्रवेश मिळणे अशक्य आहे. येथील विविध विद्यापीठे आणि संस्थांमध्ये प्रवेश पूर्व परीक्षा घेतल्या जातात. या परीक्षांमध्ये उत्तीर्ण होणे गरजेचे आहे.

इंग्रजी अत्यावश्यक
ऑस्ट्रेलियात शिक्षणासाठी तुम्हाला इंग्रजी येणे गरजेचे आहे. तुमची प्राथमिक भाषा इंग्रजी असावी किंवा तुमचे शिक्षण इंग्रजी माध्यमातून झाले असावे किंवा तुमची या भाषेवरती चांगली पकड असणे गरजेचे आहे.

आंतरराष्ट्रीय शिक्षणासाठी घेण्यात येणाऱ्या आयईएलटीएम अर्थात इंटरनॅशनल लँग्वेज टेस्टिंग सिस्टिम अंतर्गत तुम्हाला या परीक्षेत किमान 6 पर्यंत तरी गुण मिळवणे गरजेचे आहे. टेफ या परीक्षेचेही हेच मापदंड आहेत. ब्रिटिश काउंसिलद्वारे ही परीक्षा घेतली जाते. टी. ओ. ई. एफ्. एल. (अमेरिकन टेस्ट ऑफ इंग्लिश एज ए फॉरेन लँग्वेज) साठीही हेच नियम लागू आहेत. व्हिजा कार्यालयानेही इंग्रजी भाषेसंदर्भात अशीच परीक्षा घेण्यास सुरुवात केली आहे.

अमेरिकेप्रमाणेच ऑस्ट्रेलियातही आधुनिक शिक्षण दिले जाते. विद्यार्थ्यांवर मोठ्या प्रमाणावर खर्च केला जातो. परंतु अमेरिकेच्या मानाने येथे शिक्षण कमी खर्चिक आहे. तसेच येथील शिक्षणाचा दर्जाही चांगला आहे. ऑस्ट्रेलियात शिक्षणाला अत्यंत महत्त्वाचा दर्जा देण्यात आला आहे.

या क्षेत्रात तुम्ही शिक्षण घेऊ शकता:
हयूमॅनिटीज - इंग्लिश, फिलॉसॉफी, हिस्ट्री, इथनिक स्टडीज, फॉरेन लँग्वेज स्टडीज, रिलीजियस स्टडीज, कम्युनिकेशन, वूमेंस स्टडीज.

शिक्षण (एज्युकेशन) - एज्युकेशन स्टडीज, टीचिंग.
समाजशास्त्र (सोशल स्टडीज) - ज्यॉग्राफी लाइब्रेरी एड आर्काइवल स्टडीज, बिहेवियोरल स्टडीज, वेलफेयर एड काउंसलिंग, स्पोर्ट एड रीक्रिएशन, योविटिकल साइंस, सोशियोलॉजी.

- गणित आणि कंप्युटिंग - मॅथेमेटिक्स एड स्टॅटिस्टिक्स, कॉम्प्युटर बेस्ड इन्फॉर्मेशन सायंस, कॉम्प्युटर सायंस.
- सायंस - बायॉलॉजिकल सायंसेस, फिजिक्स अर्थ सायंसेस, फार्माकॉलोजी वेटेनरी सायंस, एनिमल हसबेंड्री, केमिस्ट्री.
- व्ह्यिज्युअल एड परफॉमिंग आर्ट्स - आर्ट, ग्राफिक आर्ट्स, फॅशन डिझाइन, क्राफ्टस, परफॉर्मिंग आर्ट्स, म्युझिक.
- इंजिनियरिंग - केमिकल, सिविल, इलेक्ट्रिकल, इलेक्ट्रॉनिक, स्ट्रक्चरल, मॅकेनिकल, ऑटोमोटिव, एयरोनॉटिकल, माइनिंग,
इंडस्ट्रियल, जनरल इंजिनियरिंग, कॉम्प्युटर इंजिनियरिंग, टेलीकम्यूनिकेशंस. बिझनेस एडमिनिस्ट्रेशन अँड लॉ - इकॉनॉमिक्स, एकाउंटिंग, कॉमर्स, मॅनेजमेंट, एडमिनिस्ट्रेशन, सेक्रेटियल स्टडीज, सेक्स एड

सर्विसेज, लॉ जस्टिस, लीगल स्टडीज.
हेल्थ अँड सायंसेस - मेडिक्स एड थेराप्यूटिक टेक्नोलॉजी, नर्सिंग, न्यूट्रीशन, मेडिकल सायंस, इनवायरमेंटल हेल्थ, ऑप्टोमेट्री,

पर्सनल एड फॅमिली हेल्थ केयर.
एग्रीकल्चर - एग्रीकल्चर, फॉरेस्ट्री पार्क्स एड वाइल्ड लाइफ.

व्यावसायिक अभ्यासक्रम
टेक्नीकल अँड फर्दर एज्युकेशन (टेफ) सह खासजी ट्रेनिंग संस्थांद्वारा हा अभ्यासक्रम घेतला जातो. यात सरकारच्या नियंत्रणाखाली टेफची परीक्षा घेतली जाते. यासाठी प्रवेश परीक्षा उत्तीर्ण होणे गरजेचे आहे.

निवास व्यवस्था
परदेशी विद्यार्थ्यांसाठी ऑस्ट्रेलियात रहाण्याच्या अनेक सुविधा उपलब्ध आहेत. यात कॉलेजचे हॉस्टेल, हॉल ऑफ रेसींडन्स, कॅपस हाऊसिंग, किंवा मग तुम्ही पेईंग गेस्ट म्हणूनही राहू शकता. समाधानाची बाब म्हणजे अमेरिकेप्रमाणे इथे विद्यार्थ्यांवर अधिक बंधनं नाहीत. इथे तुम्ही पार्ट टाइम जॉबही करू शकता. आठवड्याला 20 तास असा याचा कालावधी आहे.

अधिक माहितीसाठी संपर्क:
ऑस्ट्रेलियन एज्युकेशन सेंटर, ऑस्ट्रेलियन हाय कमिशन, 1/50, जी, शांती पथ, चाणक्यपुरी, नवी दिल्ली -21, फोन-
6888223, एक्स्टेन्शन- 408

परदेशी शिक्षणासाठी पूर्वपरीक्षा

Tue, 24 Jun 2008 12:19:45 +0530

परदेशात शिक्षण घ्यायचे असेल तर त्यासाठी आवश्यक असणारी माहिती तुमच्याजवळ हवी. त्यामुळे अनेकदा केवळ माहिती नसल्याने आपण संधींना मुकतो. परदेशात शिक्षण घेण्याचा मार्ग खडतर असला तरी त्यासाठी पूर्वतयारी केल्यास फारशा अडचणी येत नाहीत. परदेशात शिक्षण घेण्यासाठी काही पूर्वपरीक्षा द्याव्या लागतात. त्याची माहिती आपल्याला हवी. तीच येथे देण्याचा प्रयत्न केला आहे.

परदेशात जाण्यासाठी प्रामुख्याने या परीक्षांचा विचार करा:
1. जीआरई अर्थात ग्रॅजुएट रेकॉर्ड एक्झामिनेशन
2. जी मेट अर्थात ग्रॅजुएट मॅनेजमेंट एडमिशन टेस्ट
3. टोफेल अर्थात टेस्ट ऑफ इंग्लिश एज ए फॉरेन लँग्वेज
4. सेट अर्थात स्कालिस्टिक एटीट्यूड

ग्रेजुएट रेकॉर्ड एक्जामिनेशन (जी. आर. ई.)
अमेरिकेत किंवा कॅनडात शिक्षणासाठी जायचे असेल तर, तुम्हाला ही परीक्षा उत्तीर्ण होणे गरजेचे आहे. यासाठी खालील प्रश्न अपेक्षित असतात.

1. इंग्रजी वाचनाची परीक्षा
2. इंग्रजी शब्दसंग्रह
3. वाक्याचा अर्थ
4. वाचन क्षमता
5. गणितीय योग्यता
6. तुलनात्मक अभ्यास
7. सांख्यिकीय योग्यता
8. विश्लेषण योग्यता
9. तर्कबुद्धी परीक्षण

साधारणत: 2 हजार मार्कांची ही परीक्षा तीन टप्प्यात घेण्यात येते. ही परीक्षा खालील केंद्रांवर घेण्यात येते.
1. बेंगलुरू
2. मुंबई
3. कोलकाता
4. दिल्ली
5. चेन्नई

जुलैनंतर याची माहिती पुस्तिका खालील पत्त्यावर आपल्याला मिळू शकते. इंन्स्टिट्यूट ऑफ सायकोलॉजिकल एण्ड एज्युकेशनल मेजरमेंट (आय. पी. ई. एम.)
25-ए, महात्मा गांधी मार्ग
अलाहाबाद - 9

ग्रॅजुएट मॅनेजमेंट एडमिशन टेस्ट (जीएमएटी)
अमेरिका, ऑस्ट्रेलिया आणि ब्रिटनमध्ये प्रवेश घेताना जी. एम. ए. टी. परीक्षा उत्तीर्ण होणे गरजेचे आहे. यासाठी केवळ 30 मिनिटांचा कालावधी आपल्याला मिळतो. यात आपल्याला खालील प्रश्न विचारले जातात,

1. इंग्रजी वाचनाची परीक्षा
2. इंग्रजी शब्दसंग्रह
3. वाक्याचा अर्थ
4. वाचन क्षमता
5. गणितीय योग्यता
6. तुलनात्मक अभ्यास
7. सांख्यिकीय योग्यता
8. विश्लेषण योग्यता
9. तर्कबुद्धी परीक्षण

परीक्षेत प्रत्येक प्रश्नाला पाच संभाव्य उत्तरे दिली असतात. त्यात आपल्याला योग्य उत्तर निवडायचे असते. तुम्ही चुकीचे उत्तर दिले तर तुमचे अंक वजा होतात. 500 पेक्षा अधिक मार्क्स मिळवणाऱ्या विद्यार्थ्याला सामान्य प्रवेश तर 700 हून अधिक मार्क्स घेणाऱ्या विद्यार्थ्याला स्कॉलरशिप प्रवेश दिला जातो. खालील केंद्रांवर परीक्षा घेतली जाते.

बेंगलूरू
मुंबई
कोलकाता
नवी दिल्ली

अधिक माहितीसाठी संपर्क:
ग्रेजुएट मॅनेजमेंट एडमिशन टेस्ट
एज्युकेशनल टेस्टिंग सर्विस
बीओएस 966 प्रिसिंटन न्यूयॉर्क
08541, अमेरिका

टेस्ट ऑफ इंग्लिश एज ए फॉरेन लँग्वेज (टीओइएफएल)
इंग्रजी भाषेचे तुम्हाला कितपत ज्ञान आहे, हे अभ्यासण्यासाठी तुम्हाला अमेरिका आणि कॅनडा सरकारच्या या परीक्षेत उत्तीर्ण व्हावेच लागते. त्याशिवाय पर्याय नाही. यासाठी तुमची छोटी परीक्षा घेतली जाते यात तुमची

1. इंग्रजीची श्रवणशक्ती
2. व्याकरण
3. वाचन योग्यता
4. वाक्यांची ओळख करण्याची क्षमता तपासली जाते.
ही परीक्षा केवळ वस्तुनिष्ठ प्रश्नांवर आधारीत असते.550 मार्क्स मिळवणाऱ्या विद्यार्थ्याला सामान्य प्रवेश तर 677 मार्क्स मिळवणाऱ्या विद्यार्थ्याला स्कॉलरशिप मिळू शकते.

खालील केंद्रांवर ही परीक्षा घेतली जाते.
1. अलीगढ
2. भोपाळ
3. कोचीन
4. दार्जिलिंग
5. गुंटूर
6. कानपूर
7. कोडईकनाल
8. मेंगलोर
9. मसुरी
10. पंतनगर
11. पाटणा
12. श्रीनगर
13. वाराणसी

अधिक माहितीसाठी संपर्क:
इंन्स्टिट्यूट ऑफ बाइकोलॉजिकल एण्ड एज्युकेशनल मेजरमेंट (आय. पी. ई. एच. ) 25 ए, महात्मा गांधी मार्ग
अलाहाबाद 211001
फोन : (532) 624881