तुझं माझं सोबत असणं, अर्थ काही नाही,

सोबत आहोत पण तुझं मन शोधतय अजून काही,

मला दिसतं न तुझ्या नजरेत काही वेगळं,

भासवतोस तू , तू माझाच पण कारण आगळ,

इतक्या वर्षांनी साथ म्हणून थोडी आपुलकी असेल,

पण प्रेम नव्हे ते, वाटत नाही तुला, ते मज समजले ही असेल,

अर्थहीन वाटते मज अशी तुझी सोबत,इच्छाहीन,

दिसतो सहप्रवासी पण ठिकाणं दिशाहीन,

खूप मोठे कलाकार आहोत आपण, भूमिका छान वठवतो ,

गुंतलो ना एकमेकांत, पण एकत्र दिसतो.

संपेल ही कदाचित हा ही प्रवास आपला,

नियतीने लिहिलेला व आपण वठवलेला, जीवनपट आपला.

..अश्विनी थत्ते.

कशाचा ध्यास तुला लागला?

झुंजुरकाचं काखंवरती घेऊनिया घागर

एकली जातिस ओढ्यावर!

गुरं वासरं पार पिटाळुन वरल्या माळाकडं

झटकशी उन्हांत कोणाकडं?

शिरवाळीचं ओघळीतल्या निवत्या वाळूवर

बांधिशी कुणासंगाती घर?

कां घुटमळशी ग कडुसं

पडल्यावर? 

कां अल्याड चुकती रानिं तुझी वासरं?

ती रोजच घुमते शीळ कुणाची बरं?

करंजाखालीं कोण भेटतौ शमलेवाला तुला?

कशाचा ध्यास तुला लागला?

पिंपरणीचीं कवळीं पानं उन्हात व्हावीं तशी

कशानं मलूल झालिस अशी?

गालांवरती रसरस करिती मुरमाच्या पुटकुळ्या

चुरडल्या ओठांच्या पाकळ्या

कशी विरलि ग नवीन चोळी बाई छातीवर

पिचकले हातांतील बिलवर?

घे उरकुन आतां लौकर साखरपुडा

ह्यो खुळ्या पिरतीचा रस्ता लइ वांकडा

ह्यो लागो परता बोल तुला वावडा

पिकल्या आंब्यावरचा राघू चुकवुन जाईल तुला

द्वाड ह्यो इष्काचा मामला?

- ग. दि. माडगूळकर (गदिमा)

आपल्यास ती कुठंतरी राजकन्येत बघते,

प्रत्यक्षात ती कशी का असेना, फरक पडत नाही,

त्यानं तिची किंमत जराही कमी होत नाही,

तिचं ही मन गुंतत घेरदार सुंदर कपड्यात,

डोक्यावर असावा मुकुट,मिरवाव खूप थाटात,

यावा "तो"राजकुमार घोड्यावर बसुन ,

न्यावं तिला दूर देशी घोड्यावर बसवून,

दाखवावी रम्य "ती"दुनिया ज्यात जावं हरवून,

नुसत्या कल्पनेनं च ती बिचारी जाते सुखावून,

सत्यता जी असेल ती असेल,पण हे सत्य आहे,

प्रत्येक मुलीचा "राजकुमार"तिची वाट बघतो आहे.

...अश्विनी थत्ते

तुझ्या माझ्यातच न ते!, आपणच समजून घेऊ,

नकोच न कोणता अडसर, न सीमा कुठली,

मर्यादेत राहून निभावू, कुणाची तमा कसली!

सवयच आहे जगाला, काहितरी म्हणणार,

चांगलं असो की वांगल, तोंड उघडणार,

तुझ्या डोळ्यातली भाषा, मज उमगणेच पुरतं मला,

त्यातच समाधान माझं, कळलं असेलच तुला,

निर्व्याज प्रेम नसतं ?कुणी म्हटलं असं,

प्रत्येकला वाटतं ते नेहमी हवंहवंसं,

निष्पन्न काही त्यातून व्हावं की न व्हावं,

समांतर रेषा आहोत आपण, सोबतीन चालावं!

.....अश्विनी थत्ते

कुठं न डगमगणारा भरवसा,

असोत मार्गी खाच खळगे किती,

माझ्या सवे तुज कशाची ग भीती?

असा क्षण नाही येणार जिथं तू एकटी,

मनोधैर्य वाढविन तुझे,रक्षीन तुज संकटी,

कोण मी तुझा, अन तू माझी काय?

प्रश हे जनास पडतील, आपल्यास त्याचे काय?

नकोस जाऊ गोंधळून प्रिये, हो निर्धास्त,

तुझ्यावरील प्रेमाचा कधी न होईल अस्त!

....अश्विनी थत्ते

वाट पाहते युगांन पासूनी

कशी ही ओढ अंतरीची

साद तुझी ऐकण्या साठी

अधीर आहे किती मी

दिवस सरला, रात्र गेली

घटका, पळ, सरता-सरता

अनेक वर्ष पण निघुन गेली

साद राहीली फक्त तुझ्या ओठा वरती

वाट पाहीन मी अजुन तुझी

सांग कशी ही ओढ अंतरीची ।।1।।

एक क्षण तुला पाहण्या साठी

किती वाट पाहते मी

प्रतिक्षे मधे अधीर होतात डोळे

वाहते अश्रु धारा समवेत

अंतर मधले तेच रा‍हीले

वाट पाहीन मी अजुन तुझी

सांग कशी ही ओढ अंतरीची ।।2।।

माझ्या मनीची ओढ तुजला

आणेल जरूर माझ्या पाशी

किती ही दूर असला तरी

सदैव राहील माझ्या हृदयाशी

येईल जरूर क्षण भाग्याचा

संपेल रात्र युगांतरीची

जाणवेल तुजला ओढ अंतरीची ।।3।।

- सौ. स्वाती दांडेकर

लोपल डोळ्यांतल प्रेम जे तुझ्यासाठी होतं,

नुसती ओळख उरली होती,असच वाटत होतं!

नजरेआड तुला होऊच देऊ नये, असं वाटायचं,

नजरेतून उतरशील असं तू कारे वागायचं?

तोडायची भाषा करायची नाही, ठरवलं होत,

पण तडजोडीत जगायचं,हे कुठं मान्य होत,

चालवू असं ही जिथंवर जाईल तिथवर,

पडू देत कितीही ओरखडे, स्वतः च्या मनावर ,

नियतीचा खेळ म्हणून तो बघत बसायचं,

एकट्याने मात्र सतत कुढत राहायचं ...!

....अश्विनी थत्ते

भ्रमात असणं पण कधी कधी चांगलं असतं,

नसतं ते मनाला लावून घेतल्या जात नसत,

हलक असतं माणूस, खोलात जात नाही,

नसत्या गोष्टींच्या विचारात सहसा पडत नाही,

जे आहे त्यास च सत्य मानतो, अन उगी बसतो,

आपल्या च दुनियेत नेहमी मशगुल असतो,

पण एकदा का भोपळा भ्रमाचा फुटला  ,

सत्यात येऊनच तो मात्र पार लटपटला,

आपण ज्यास मानत होतो नितांत सुंदर,

ते आपल्या करीता नव्हेच, ह्याचा हा प्रत्यंतर,

मग येऊ लागते हळूहळू जाग, अन वास्तवते शी सामना,

चित्रं स्पष्ट होऊ लागते, स्पष्ट होते कल्पना!

सावराव लागत स्वतःला हेलपटण्या पासून,

पुन्हा उभं राहायचं असतं मजबूत पाय रोवून!!

....अश्विनी थत्ते 

डोळ्यात डोकावून त्यानं बघितलं तरी का?

आधी असलेला अपार विश्वास अन प्रेम,हरवलं!

त्यानं त्याच्याच मुळे कदाचित ते गमावलं!

खोटे भाव आणून दाखवू तरी का मी?

वाचता येतं असेल खरंच त्याला, तर समजावं स्वतः नी!

आता न येणे परतून "तो" हे निश्चित आहे,

गमावलेल्या व्यक्ती चा विश्वास मिळवणं कठीण आहे.

असंच चालत असावं आजूबाजूला कदाचीत,

ते बघूनच तो ही शिकला असावा खचित!

चालतं य तेवढं चालवा प्रवास असाही,

मार्ग वेगळे करता येतात,ज्यास त्यास केव्हाही!

....अश्विनी थत्ते 

प्रत्येकानं आपापलं ते अनुभवावं,

कांहींच न बोलता फुलत जातं,

काहींचं भांडत भांडत बहरत जातं,

काहींच नजरेच्या कोपऱ्यातून बघत,

तर काहींच जीवापाड एकमेकांना जपत,

काहींच्या आणाभाका असतात खूप,

काहींच आपलं आपलं सगळंच असत चूप,

पण जे आहे ते खूपच निर्मळ असावं,

फसवेपणा ला कुठंच थारा त्यात नसावं,

देऊन टाकणे हेंच सदा आचरणात आणावं,

काही घेऊन कुणाचं भल नसतं हेच जाणाव,

अशी ही प्रेमनगरी आगळी वेगळी असते,

हे ही खरंय की ती सगळ्यांच्या नशीबी ही नसते!!

...अश्विनी थत्ते.

प्रेम म्हणजे अंतरीचा श्र्वास,

प्रेम म्हणजे एकेकांवरचा विश्र्वास

प्रेम म्हणजे नातंची गुंफण,

प्रेम म्हणजे एकमेकांची आठवण

प्रेम म्हणजे भेटण्याची आस,

प्रेम म्हणजे दोघंही एकेकांना खास

प्रेम म्हणजे झुरणं, एकमेकांना जीव लावणं,

प्रसंगी एकमेकासाठी जीवाला जीव देणं

प्रेम म्हणजे भेटण्यासाठी आतुर होणं,

एकमेकासाठी एकमेकांनं रीतं होणं

प्रेम म्हणजे रुसणं, फुगणं, एकमेकांशी भांडणं,

दोघांनीही एकमेकांना सावरून घेणं

प्रेम म्हणजे दोघांनीही एकमेकांना समजून घेणं

प्रेम म्हणजे एकमेकांनी एकमेकात एकरूप होणं

 डॉ. शिवाजी शिंदे  

सरींचा इशारा होऊन जातो.

सुसाट वाहणारा वारा मग,

मनाच्या खिडक्या उघडू जातो.

दूर कुठेतरी सर कोसळताना दिसते,

मधुर सुगंध मग या मातीचा सर्वत्र दरवळत तू राहतो.

लागतात जसे पावसाचे थेंब अंगाशी खेळायला,

पावसात भिजायला एक नवा बहाणा मिळून जातो!

- आसावरी उदय खोत

भल्या पहाटे आजोबा घ्यायला गेले भाजी..

आज जरा बाजाराचे वेगळेच होते रूप,

फूलवाल्या मावशी कडे गर्दी होती खूप!!

फुलांच्या टोपलीत नव्हती झेंडूची फुले!

गुलाबाची कळी घ्यायला उतावळी होती मुले!

आजोबांचे काही उलगडतं नव्हते कोडे.. 

एवढी गर्दी बघून वैतागले होते थोडे!

"हा काय प्रकार? " विचारलं घरी येऊन आजीला।

"अहो आज व्हॅलेंटाईन डे!" माहीत नाही तुम्हाला!!?

आजी चं हे उत्तर ऐकून आजोबा आधी गोंधळले, 

मनात काही विचार करून मिश्किलपणे हसले..

"बरं ,मग आज तू निवांत बसून माझ्या हातचा चहा घे।"

कोबी चं फूल देत म्हणाले, " डार्लिंग हॅपी व्हॅलेंटाईन्स डे!! " 

-ऋचा दीपक कर्पे

रंग हा प्रेमाचा तुम्हा सांगू कसा

चिडका असला तरी नवरा असतो आपुला

सकाळी भांडला तरी

वाटतो रात्री असावा घरी

दिवस भराचा अबोला

सायंकाळी सरतो तरी

रंग हा प्रेमाचा तुम्हा सांगू कसा              

सूर कटकटीचे रोज साधती नवे

आरोह, अवरोह होता

संगीत मैफल जणू सजे

असाच चालतो जीवन राग भैरवीचा

रंग हा प्रेमाचा तुम्हा सांगू कसा            

रोजच असतो एकच वाद

वरण भाजीत मीठ आहे फार

शर्टाची कॉलर आहे मळकी

पायजम्याची नाडी गेली आत

रंग हा प्रेमाचा तुम्हा सांगू कसा            

असेच धागे जुळती जीवनाचे

कधी गोड, कधी खारट

अश्रूंची असे डोळ्यावरती झालर

स्मित हास्य ओठांवारी

संसाराची असे धुरी

क्षण दोन क्षणांचे भांडण

असते साता जन्मांचे बंधन

असेच असावे सर्वाचे सह-जीवन

रंगपंचमी ही जीवनाची

सुख रंग उधळो सारे जीवन

हिच शुभेच्छा आमुची. 

सौं. स्वाती दांडेकर 

मी कशी तुझ्यासवे
चुकले वाट रे, सांग ना
घन रानी साजणा !

भिरभिर वाऱ्याची
थरथर पाण्याची
अवखळ सजणी मी
मनभर गाण्याची
तरी बाई सूर नवे नवे
सुखद मधुर वाटतात हवे या मना
घन रानी साजणा !

मधुमय समय असा
बहरुन कुंज हसे
तरळत गंध नवा
वय ते लावी पिसे
इथे तिथे गोड निळेपण
बावरते मन साद घालि कोण यौवना ?
घन रानी साजणा !

किती अधीर अधीर भाषा प्रीतीची
मन माझे, मन माझे, मन बोलत नाही ग माझे
किती लाजे, किती लाजे, वेडे लाजरे ग मन माझे
एक शपथ शपथ त्याला प्रीतीची
हृदया रे अदया रे बोल ना
घन रानी साजणा !

तिला प्रेमात पाडायचं राहून गेलं
तोंड दुखेपर्यंत बडबडलो
पण हवं ते सांगायचं राहूनच गेलं.

तिनं माझ्या नजरेतून जग पाहिलं
तिच्या नजरेला नजर भिडवतांना
तिला डोळ्यात साठवायचं राहूनच गेलं.

तिच्या हाताचा, ओठणीचा,
स्पर्श हवाहवासा वाटतो
सांगेन तिला कधीतरी म्हणतांना
हा विषय काढायचं राहूनच गेलं.

हसत राहीलो, हसवत राहिलो
तिला दरवेळी, दर भेटीला.
तिच्या हसण्यामागचे अर्थ शोधतांना
माझ्या हसविण्याचा मतितार्थ सांगायचं राहूनचं गेलं.

ती आली की वेळही
उडून जायचा मला न समजता.
पण,
त्या दिवशी ती आली आणि निघाली
त्यावेळी तिला नेमकं अडवायचं राहून गेलं...

मी ओळखून आहे सारे तुझे बहाणे

डोळ्यांस पापण्यांचा का सांग भार व्हावा ?
मिटताच पापण्या अन्‌ का चंद्रही दिसावा ?
हे प्रश्न जीवघेणे हरती जिथे शहाणे

हाती धनुष्य ज्याच्या त्याला कसे कळावे ?
हृदयात बाण ज्याच्या त्यालाच दुःख ठावे !
तिरपा कटाक्ष भोळा, आम्ही इथे दिवाणे

जाता समोरुनी तू उगवे टपोर तारा
देशातुनी फुलांच्या आणी सुगंध वारा
रात्रीस चांदण्याचे सुचते सुरेल गाणे



गीत - मंगेश पाडगावकर

ती कॉलेजमध्ये दिसली की,

कॉलेज विधानसभेसारखं वाटतं

आणि ती माझ्याकडे पाहून हसली की,

मला बिनविरोध निवडून आलसारखं वाटतं!

जीवन फार सुंदर आहे

अनुभव तुला सांगत जाईन

प्रयत्न करायला विसरू नको

यश तुला लाभत जाईल.

ती येईल म्हणून खूप वाट पाहिली

पण तिने मात्र आल्यावर

माझी वाट लावली.

]]> Thu, 27 Jun 2013 14:40:33 +0530 Sat, 15 Feb 2014 03:05:24 +0530 वेबदुनिया https://marathi.webdunia.com/article/marathi-love-songs/आला-पाऊस-मातीच्या-वासात-गं-113062700012_1.htm https://marathi.webdunia.com/article/marathi-love-songs/आला-पाऊस-मातीच्या-वासात-गं-113062700012_1.htm https://nonprod-media.webdunia.com/public_html/_media/mr/img/article/2014-11/07/thumb/1_1/1_1/1_1/1415345177-6567.jpg

PR

आला पाऊस मातीच्या वासात गं

मोती गुंफित मोकळ्या केसात गं ।। धृ ।।

आभाळात आले, काळे काळे ढग

धारा कोसळल्या, निवे तगमग

धुंद दरवळ, धरणीच्या श्वासात गं ।। 1 ।।

कोसळल्या कश्या, सरीवर सरी

थेंब थेंब करी नाच पाण्यावरी

लाल ओहळ वाहती जोषात गं ।। 2 ।।

लिंबोळ्यांची रास कडूनिंबाखाली

वारा दंगा करी, जुई शहारली,

चाफा झुरतो, फुलांच्या भासात गं ।। 3 ।।आला पाऊस

]]> Thu, 27 Jun 2013 14:33:36 +0530 Sat, 15 Feb 2014 03:05:24 +0530 वेबदुनिया https://marathi.webdunia.com/article/marathi-love-songs/हे-चिंचेचे-झाड-दिसे-मज-चिनार-वृक्षापरी-108073100025_1.htm https://marathi.webdunia.com/article/marathi-love-songs/हे-चिंचेचे-झाड-दिसे-मज-चिनार-वृक्षापरी-108073100025_1.htm https://nonprod-media.webdunia.com/public_html/_media/mr/img/article/2014-11/07/thumb/1_1/1_1/1_1/1_1/1415345177-6567.jpg

WD

गीत - ग. दि. माडगूळकर

चित्रपट - मधुचंद्र]]> Thu, 21 Feb 2013 17:40:27 +0530 Fri, 14 Feb 2014 21:05:11 +0530 वेबदुनिया https://marathi.webdunia.com/article/marathi-love-songs/अजुनी-रुसून-आहे-खुलता-कळी-खुले-ना-108073100023_1.htm https://marathi.webdunia.com/article/marathi-love-songs/अजुनी-रुसून-आहे-खुलता-कळी-खुले-ना-108073100023_1.htm https://nonprod-media.webdunia.com/public_html/_media/mr/img/article/2014-11/07/thumb/1_1/1_1/1_1/1_1/1_1/1415345177-6567.jpg अजुनी रुसून आहे, खुलता कळी खुले ना
मिटले तसेच ओठ, की पाकळी हले ना !

समजूत मी करावी, म्हणुनीच तू रुसावे
मी हास सांगताच, रडताहि तू हसावे
ते आज का नसावे, समजावणी पटे ना
धरिला असा अबोला, की बोल बोलवेना !

का भावली मिठाची, अश्रूंत होत आहे
विरणार सागरी ह्या जाणून दूर राहे ?
चाले अटीतटीने, सुटता अढी सुटेना
मिटवील अंतराला, ऐसी मिठि जुटे ना !

की गूढ काहि डाव, वरचा न हा तरंग
घेण्यास खोल ठाव, बघण्यास अंतरंग ?
रुसवा असा कसा हा, ज्या आपले कळेना ?
अजुनी रुसून आहे, खुलता कळी खुले ना !

गीत - आ. रा. देशपांडे ’अनिल’]]> Thu, 31 Jul 2008 19:40:43 +0530 Fri, 14 Feb 2014 21:05:11 +0530 वेबदुनिया https://marathi.webdunia.com/article/marathi-love-songs/बोल-माझ्या-फुला-108071100021_1.htm https://marathi.webdunia.com/article/marathi-love-songs/बोल-माझ्या-फुला-108071100021_1.htm https://nonprod-media.webdunia.com/public_html/_media/mr/img/article/2014-11/07/thumb/1_1/1_1/1_1/1_1/1_1/1_1/1415345177-6567.jpg रंग माझा तुला, गंध माझा तुला,
बोल काही तरी, बोल माझ्या फुला
सांग लाजूनही नाव आता तरी
एक खोळंबले गीत माझ्या उरी
अन वसंतास शब्द मी माझा दिला
वेळ जादू भरी ही गुलाबी हवा
ही न मेंदी तुझी रंग माझा नवा
भास झाला खरा, श्वास झाला खुला
हाय माझी-तुझी भेट झाली अशी
शीळ यावी पुढे चांदण्यांची जशी
सांग सोडू कसा हात हातातला
बोल काही तरी बोल माझ्या फुला]]> Fri, 11 Jul 2008 13:07:43 +0530 Fri, 14 Feb 2014 21:05:11 +0530 वेबदुनिया https://marathi.webdunia.com/article/marathi-love-songs/नसतेस-घरी-तू-जेव्हा-108071100016_1.htm https://marathi.webdunia.com/article/marathi-love-songs/नसतेस-घरी-तू-जेव्हा-108071100016_1.htm https://nonprod-media.webdunia.com/public_html/_media/mr/img/article/2014-11/07/thumb/1_1/1_1/1_1/1_1/1_1/1_1/1_1/1415345177-6567.jpg

ND