बंगाली 'मिष्टी' स्वाद

मांगशोर झोल

Thu, 19 Jul 2018 00:17:00 +0530

साहित्य : मटण - 500 ग्रॅम, 2 कांदे, 1 टोमॅटो, 2 लसूण पाकळ्या, 1 तुकडा आलं, एक चमचा हळद, 1 चमचा तिखट, 1 चमचा गरम मसाला, एक चमचा तेल, 1 चमचा तूप, मीठ चवीनुसार.

कृती : सर्वप्रथम आलं, लसूण, टोमॅटो आरी कांद्याची बारीक पेस्ट तयार करून घ्यावी. नंतर कुकरमध्ये तेल गरम करून त्यात मटणाचे तुकडे घालून शिजवून घ्यावे. नंतर कढईत तेल गरम करून मटणाचे तुकडे तेलातून काढून घ्यावे. आता आलं-लसूण-काद्याची पेस्ट घालावी. नंतर त्यात हळद-तिखट घालून तेल सोडेपर्यंत ते मिश्रण परतावे. आता त्या मिश्रणात मटण घालून 2 कप पाणी, मीठ घालून 20 मिनिट शिजवावे. तूप व गरम मसाला घालून सर्व्ह करावे.

पनीर लॉली पॉप

Tue, 10 Jul 2018 00:02:00 +0530

साहित्य : २०० ग्रॅम पनीर, १ इंच आल्याचा तुकडा, ५ ते ६ लसूण पाकळ्या, १ बारीक चिरलेला कांदा, ४ ते ५ बारीक चिरलेल्या हिरव्या मिरच्या, ३ उकडलेले बटाटे, पाव वाटी बारीक केलेली कोथिंबीर. १ चमचा सोया सॉस, अर्धा चमचा साखर, चवीनुसार मीठ, पाव वाटी मैदा, ३ चमचे कॉर्नफ्लावर बेबी कॉर्न.

कृती : सर्वप्रथम पनीर किसनीवर बारीक करून, उकडलेले बटाटे किसनीवर बारीक करावे. बारिक चिरलेला कांदा, मिरची, आल, लसूण, कोथिंबीर, साखर, मीठ, सोयासॉस सर्व एकत्र करून त्यात, ३ चमचे कॉर्नफ्लॉवर, बटाटे आणि पनीरचं मिश्रण सर्व एकत्र करून त्याचे गोळे करून बेबी कॉर्नच्या जाड भागावर वरिल मिश्रणाचा गोळा दाबून लावा. त्यानंतर प्रत्येक गोळा मैद्याच्या पेस्टमध्ये घोळवून तेलात फ्राय करा. हे तीखट सॉस बरोबर खायला द्या.

सुखा जाम

Mon, 07 May 2018 10:22:00 +0530

साहित्य - गायीच्या दुधाने बनलेले पनीर 250 ग्रॅम, 100 ग्रॅम मावा, 1टे. स्पू. आरारोट पावडर किंवा मैदा, 400 ग्रॅम साखर, थोडी खडीसाखर, तूप.

कृती - पनीर व खवा दोन्ही किसून घ्यावेत. त्यात आरारोट पावडर किंवा मैदा मिक्स करून खूप मळावे. लिंबाएवढा गोळा घेऊन त्यात एक खडीसाखरेचा तुकडा ठेवून गोल किंवा लांबट आकार द्यावा. असे सर्व गोळे तयार करून-तुपात मंद आचेवर तांबूस रंगावर तळून घ्यावे. साखरेचा तीन तारी पाक तयार करून त्यात तळलेले गुलाबजाम घालावे. पाकात चांगले मुरू द्यावे. पाकातून काढून पेपरकपमध्ये ठेवावे वरून चांदीचे वर्ख लावावे.

टरबुजापासून बनलेली बोंडे

Mon, 02 Apr 2018 00:45:00 +0530

साहित्य : दोन वाट्या टरबुजाच्या पांढर्‍या भागाचा कीस, त्यात मावेल तेवढे बेसन, पाव वाटी तांदळाची पिठी, एक चहाचा चमचा हातावर चोळलेल्या ओवा, चवीनुसार मीठ व तिखट, तळण्यासाठी दोन वाट्या तेल.

कृती : प्रथम एक बाऊलमध्ये टरबुजाचा कीस घ्यावा. त्यात तिखट, मीठ, तीळ व ओवा घालावा. त्यात तांदळाची पिठी घालावी. हे मिश्रण थोडे दाट होण्यासाठी त्यात मावेल तेवढे बेसन घालावे. कढईत मंद आंचेवर तेल गरम करावे. त्यात वरील मिश्रणाची छोटी छोटी बोंडे तयार करुन तळावीत. गरम खायला द्यावीत.

सुके गुलाबजाम

Tue, 27 Mar 2018 00:12:00 +0530

साहित्य : पाव किलो खवा, अर्धा पाव किलो पनीर, २ टेबलस्पून मैदा, चिमूटभर बेकिंग पावडर, (२०० ग्रॅम साखर, शंभर मिली पाणी पाकासाठी, १ थेंब रोझ इसेन्स), जाड साखर, खोवलेले खोबरे १ थेंब लाल रंगात भिजवा.

कृती : खवा, पनीर मिक्सरमधून काढा. मैदा, बेकिंग पावडर चाळून मिसळा. अंडाकृती पण लहान गोळे बनवून मंद गॅसवर तळा. पाकात घाला. एक तासाने निथळून गुलाबी रंगवलेल्या खोबर्‍यात घोळवा. थोडा वेळ बाहेर ठेवा. लाल रंगाऐवजी आपण केशरी रंगातही घोळवू शकतो.

बंगाली खिचडी

Wed, 21 Feb 2018 19:53:00 +0530

साहित्य : 100 ग्रॅम तांदूळ, 50 ग्रॅम मूग डाळ, 2 बटाटे, 1 लहान कोबी, 100 ग्रॅम आलं, 3-4 हिरव्या मिरच्या, मीठ चवीप्रमाणे, 1/2 हळद, 1/2 साखर, 2 लाल मिरच्या, 1/4 चमचा जिरं, हिंग, 4 लवंगा, 2 वेलदोडे, 1 तुकडा कलमी, 2 तेजपान, 3 मोठे चमचे तूप.

कृती : बटाट्याचे सालं काढून त्याचे लांब लांब तुकडे करून घ्यावे. कोबीचे मोठे तुकडे करावेत. आले व हिरव्या मिरच्या बारीक चिरून घ्यावात. तांदळाला स्वच्छ धुऊन टाकावे. डाळींना तूप न घालता गुलाबी होईस्तोर परतून घ्यावे. नंतर त्यात तूप, लाल मिरच्या, जिरं व हिंग सोडून बाकी सर्व साहित्य टाकून 1/2 लीटर पाणी घालून गॅसवर 1/2 तास शिजत ठेवावे. मधून मधून त्याला पळीने हालवत राहावे. शिजून झाल्यावर खाली उतरवून घ्यावे. सर्व्ह करताना तूप गरम करून त्यात वरून लाल मिरच्या, जिरं व हिंगाची फोडणी द्यावी.

यम्मी रसगुल्ला श्रीखंड मूस

Thu, 23 Mar 2017 20:55:00 +0530

साहित्य : 8-10 लहान रसगुल्ले, 250 ग्रॅम श्रीखंड, 100 ग्रॅम बटर बिस्किट, 2 चमचे लोणी, सजावटीसाठी बारीक चिरलेली फळं, पिस्ता व चेरी.

कृती : सर्वप्रथम रसगुल्ल्यांना पाण्याने चांग्लयाप्रमाणे धुऊन टाकावे ज्याने चाशनी निघून जाईल. आता बटर बिस्किटाला क्रॅश करून त्यात लोणी घालून चांगल्याप्रकारे मिक्स क रावे. एका काचेच्या डिशमध्ये बिस्किटाचे मिश्रण घालून एकजीव करावे. आता श्रीखंडामध्ये रसगुल्ले टाकावे व त्यावर बिस्किटाची पेस्ट घालावी. चिरलेली फळं, पिस्ता व चेरीने सजवावे. फ्रीजमध्ये ठेवून थंड करवे. स्वादिष्ट रसगुल्ला श्रीखंड मूस तयार आहे.

व्हेज लॉलिपॉप

Fri, 18 Mar 2016 11:02:00 +0530

साहित्य : 1 कप उकडून-निथळून-चिरलेला पालक, अर्धा कप पनीर हाताने मोडून, 1 कप उकडलेला बटाटा, 1 कप कॉर्न थोडे ठेचून, कोथिंबीर, मीठ, मिरेपूड, ब्रेडक्रंप लागतील तसे घाला. जिरेपूड, अर्धा कप व्हाइट सॉस, (यासाठी बटरवर 1 टेबलस्पून मैदा परता.) थोडे दूध घाला. घट्ट सॉस बनवा.

कृती : सर्व पदार्थ एकत्र करावेत. त्याचे छोटे अंडाकृती गोळे बनवावेत. आइस्क्रीमचे लाकडी चमचे किंवा सूप स्टिक मोडून त्यावर हे गोळे टोचावे. आणि तळून घ्यावे. जेणे करुन लाल रंग आल्यावर ते बाहेर काढावेत थोडे गार झाल्यावर टोमॅटो सॉसबराबर मुलांना खाण्यास द्यावे.

मराठी पाककृती : वसंती संदेश

Sat, 29 Jun 2013 16:28:18 +0530

साहित्य : 250 ग्रॅम पनीर, साखर 50 ग्रॅम, 10-12 केसर काड्या, 1/2 चमचा गुलाब जल, 1 मोठा चमचा बारीक काप केलेला सुका मेवा, एक चिमूट पिवळा रंग.

कृती : सर्वप्रथम पनीराला हाताने चांगल्याप्रकारे मॅश करावे. एका नॉनस्टिक कढईत साखर आणि पनीर घालून कमी आचेवर शिजवावे. नंतर त्या मिश्रणाला थोडे थंड करावे, त्यात गुलाब जल, केसर व पिवळा रंग घालून एकजीव करावे. त्या मिश्रणाचे लहान-लहान गोळे करावे. प्रत्येक गोळ्याच्या मधोमध हाताने एक लहान छिद्र करून त्यात पिस्ता लावून सर्व्ह करावे.

फ्रूट प्लेटर

Fri, 15 Jul 2011 15:38:36 +0530

साहित्य : 1 लहान पपीता, 2 केळी, 1 डाळिंब, 1 कप इतर फळं चिरलेले, 2 लहान चमचे तीळ भाजलेले, मीठ, काळेमिरे व मध चवीनुसार.

कृती : सर्वप्रथम एका भांड्यात सर्व चिरलेले फळं घालावेत. त्यात भाजलेले तीळ, चवीनुसार मीठ, काळेमिरे, मध घालून चांगल्याप्रकारे मिक्स करून ताजे फ्रूट सलाड सर्व्ह करावे.

मोहिनी खीर

Thu, 03 Feb 2011 17:06:08 +0530

साहित्य : 1 लीटर फुलक्रीम मिल्क, 3 ग्रॅम सयट्रिक ऍसिड, दीड वाटी बारीक काप केलेला सुका मेवा, 2 मोठे चमचे साखर, 5-6 केसर काड्या, पिवळ्या खाण्याचा गोड रंग.

कृती : सर्वप्रथम दूध उकळत ठेवावे, उकळल्यानंतर त्यात सायट्रिक एसिड घालून गॅस बंद करून द्यावा. नंतर कमी आचेवर फाटलेल्या दुधाला घट्ट होईपर्यंत उकळावे व त्यात साखर घालून मिश्रणाला एकजीव करावे. पिवळा रंग व केसर घालावे. सजविण्यासाठी काप केलेला सुका मावा घालावा. आता या खिरीला तुम्ही थंड किंवा गरम जसे आवडत असेल तसे सर्व्ह करा.

पंचरतन कढी

Wed, 10 Nov 2010 16:23:15 +0530

साहित्य : 250 ग्रॅम दही, 50 ग्रॅम बेसन, 1/2 कप हिरवे चणे, 1 बटाटा (चिरलेला), 2-3 शेवग्याच्या शेंगा, 2 मोठे चमचे मुळ्याची पान चिरलेली, 2 हिरव्या मिरच्या, 2 चमचे तूप, 1 चिमूट हिंग, कढी पत्ते, 1/2 चमचा मोहरी, मीठ.

कृती : सर्वप्रथम दह्यात बेसन, मीठ, तिखट आणि 2 कप पाणी घालून चांगले फेटून घ्यावे. भांड्यात तूप गरम करून त्यात हिंग, मोहरी, कढी पत्ता, हिरवी मिरची घालून फोडणी द्यावी. नंतर त्यात दही-बेसनाचा घोळ घालून हालवावे. उकळी आल्यावर सर्व भाज्या घालाव्या. कमी आचेवर कढीला 15 मिनिटापर्यंत शिजवावे. स्वादिष्ट पंचरतनी कढी तयार आहे. या कढीला पोळीसोबत सर्व्ह करू शकता.

सफरचंदाची खीर

Tue, 12 Oct 2010 11:33:19 +0530

साहित्य : मध्यम आकारांचे दोन सफरचंद, 1 कप कंडेस्ड मिल्क, 2 कप दूध, 1 कप साखर, 1 चमचा वेलची पूड, सुके मेवे.

कृती : सर्वप्रथम दुधात साखर घालून उकळून घ्यावे. सफरचंदाचा कीस करून 1 चमचा साजुक तुपात परतून घ्यावे. दूध गार झाल्यावर त्यात कंडेस्ड मिल्क व कीस केलेले सफरचंद घालून चांगले एकजीव करावे. नंतर त्यात वेलची पूड आणि मिक्स ड्रायफ्रूटस घालून सर्व्ह करावी.

काजू करी

Mon, 27 Sep 2010 14:52:36 +0530

साहित्य : 50 ग्रॅम खरबूज व कलिंगड बी, 100 ग्रॅम खसखस, 60 ग्रॅम खोबरे, 500 ग्रॅम कांदा, 1/2 किलो टोमॅटो, 50 ग्रॅम काजू, 50 ग्रॅम चारोळी, 100 ग्रॅम मावा.

कृती : सर्वप्रथम खसखस, खरबुजे, कलिंगड, खोबरे, काजू, चारोळी वाटून घ्यावे. (काजू 25 ग्रॅम वाटावी) टोमॅटोचे कूप बनवावे. तसेच कांदा तळून वाटावा. कढईत तेल गरम करून त्यात चिरे टाकावे तसेच अद्रक टाकून भाजावे मग हळद, मिरची आणि वाटलेले काजू टाकावे. 2 मिनिटानंतर कांदा व टोमॅटोचा मसाला टाकावा. 100 ग्रॅम मावा टाकावा. 2 चमचे गरम मसाला टाकून थोडेसे पाणी टाकावे. चवीनुसार मीठ घालून काजू आणि कोथिंबीर ने सजवावे.

सफरचंदाचा हलवा

Mon, 06 Sep 2010 11:32:16 +0530

MHNEWS

साहित्य - ४ सफरचंदे, २०० ग्रॅम खवा, १५० ग्रॅम साखर, ३ चमचे तूप, ७-८ वेलची, २५ ग्रॅम बदाम, पिस्ते, चारोळी.

कृती - सफरचंदाची साले व बिया काढून घ्याव्या व स्टीलच्या किसणीने किसून घ्यावी. साखरेत थोडे पाणी घालून पाक करत ठेवावा. पाक दोन तारी झाला की त्यात किसलेले सफरचंद घालून मंद आचेवर ढवळत राहावे. मिश्रण घट्ट झाले की त्यात खवा घालून मंद आचेवर सारखे ढवळत राहावे. मिश्रण चांगले झाले की वेलचीची पूड, बदामाचे काप करुन घालावे. मिश्रण चांगले घट्ट झाले की खाली उतरावे. खायला देताना पिस्त्याचे काप, चारोळी घालून द्यावे.

सुकतो

Tue, 27 Jul 2010 17:53:43 +0530

साहित्य : दोन इंच लांब लांब तुकड्यात कापलेली 1 शेवग्याची शेंग, 2 कच्ची केळी उकळून काप केलेली, 1 कप बटाटा चिरलेला, 1 कप भोपळा चिरलेला, 1 कप वांगी चिरलेली, 1 कप कारली सालं काढून चिरलेले, 1 चमचा मेथीदाणा 1 चमचा तूप, 1 चमचा तेल, 1 चमचा साखर, 1 चमचा गरम मसाला, मीठ चवीनुसार.

कृती : सर्वप्रथम तेल गरम करून त्यात मेथीदाणे टाकावे, ते चांगले लाल झाल्यावर सर्व भाज्या त्यात टाकाव्या. 4-5 मिनिट शिजू द्यावा नंतर त्यात मीठ घालून 8-10 मिनिट शिजू द्यावे. शिजल्यानंतर त्यात तूप आणि गरम मसाला घालावा. ही भाजी भाता सोबत सर्व्ह करावी.

सोजी मटर टिकी

Tue, 02 Mar 2010 15:07:28 +0530

साहित्य : 1 कप सोजी, 1 कप मटरचे दाणे, 3 बटाटे उकळलेले, 4 चमचे मैदा, चवीनुसार मीठ आणि 2 मोठे चमचे तेल.

कृती : सोजीला 4 ते 5 तास पाण्यात भिजत ठेवावे. बटाटे उकळून त्याचे सालं काढून त्याला किसून त्यात मटरचे दाणे, मीठ, मैदा व
थोडी सोजी मिसळून मनाप्रमाणे आकार देऊन टिकी बनवावी. नॉनस्टिक तव्यावर एक चमचा तेल टाकून त्यांना दोन्हीबाजूने थोडी सोजी लावून परतून घ्यावे. गरमा गरम टिकी बरोबर चटणी किंवा सॉस सर्व्ह करावे.

सोयाबीन सलाड

Tue, 02 Mar 2010 14:50:19 +0530

साहित्य : 1 कप सोयाबीन दाणे उकळलेले, 1 लहान कांदा बारीक चिरलेला, 1 हिरवी मिरची बारीक चिरलेली, 1 टोमॅटो चिरलेला, 2 पोदिन्याची पानं, 1/2 लाल सिमला मिरची चिरलेली, 1/2 पिवळी सिमला मिरची चिरलेली, 1/2 लिंबाचा रस, चवीनुसार मीठ व काळे मिरे.
कृती सर्व साहित्य एकत्र करून मिसळावे व सर्व्ह करावे. सोयाबीन असल्याने हे सलाड पौष्टिक असते.

रोचर केक

Thu, 31 Dec 2009 11:44:33 +0530

साहित्य : स्पॉंजसाठी : 150 ग्रॅम मैदा, 100 मिली दूध, 200 ग्रॅम कंडेस्ड मिल्क, 50 ग्रॅम बटर, 1 चमचा व्हेनिला इसेंस, 1/4 चमचा बेकिंग सोडा, 1 चमचा ब्राउन कलर, 1 चमचा कोको पावडर.

फ्रॉस्टिंग साठी : 200 ग्रॅम आइसिंग शुगर, 50 ग्रॅम कोको पावडर, 2 चमचे व्हेनिला इसेंस 1 चमचा ब्राउन कलर.

सजावटीसाठी : 100 ग्रॅम चॉकलेट, 50 मिली दूध.

कृती : बटर व कस्टर्ड मिल्क एकजीव करून चांगले फेटून घ्यावे. त्यात मैदा, बेकिंग पावडर, कोको पावडर, सोडा, कलर आणि इसेंस
घालून चांगल्याप्रकारे फेटून घ्यावे. नंतर त्यात दूध घालून परत फेटावे. केक पात्राला चारी बाजूने तुपाचा हात लावून त्यावर थोडा मैदा
लावावा व त्या मिश्रणाला भांड्यात ओतून 180 डिग्री सें. वर 25 मिनिट बेक करावे.

फ्रॉस्टिंग साठी लोणी आणि आयसिंग शुगरला एकजीव करून फेटून घ्यावे. फेटताना त्यात कोको पावडर, रंग आणि इसेंस घालावा. चॉकलेट डेकोरेशनसाठी चॉकलेटचे तुकडे करून दुधात विरघळावे. केकला दोन भागात कापावे. 1/2 भागावर 1/4 फ्रॉस्टिंगचे मिश्रण पसरवून द्यावे व दुसरा भाग त्यावर ठेवून केक थंड करून वर चॉकलेट पसरवून सर्व्ह करावे.

गूळ कोकनट बॉल्स

Fri, 04 Dec 2009 16:22:29 +0530

एका कढईत गूळ व तूप घालून गरम करून त्यात 1/4 कप पाणी घालून एक तारी पाक करावा. त्यात काजू, मनुका व नारळाचा कीस टाकून मिश्रणाला चांगल्याप्रकारे हालवावे व थंड झाल्यावर गोल गोल बॉल्स तयार करावे.

तोंडली-काजू भाजी

Mon, 16 Nov 2009 10:51:06 +0530

MHNEWS

साहित्य : तोंडली, काजू, अर्धी वाटी ताजा खोवलेला नारळ, कडूलिबांची पाने, सुक्या लालमिरच्या, कोथिंबीर, अर्धा चमचा साखर, अर्धा चमचा लिंबाचा रस, मिठ, तेल व फोडणीचे साहित्य.

कृती : सर्वप्रथम सर्व तोंडल्या स्वच्छ पाण्याने धुवून कोरड्या फडक्याने पुसून उभ्या चिरून घ्यावा नंतर चिरलेली तेंडली आणि काजू वेगवेगळी ठेऊन कुकरमधून काढले. कुकरमध्ये ठेवताना तोंडली पाण्यात न ठेवता फक्त काजूच पाण्यात ठेवले. चार ते पाच मिनिटात ही क्रिया झाल्यानंतर पॅनमध्ये तेल घऊन त्यात मोहरी, हळद, सुक्या मिरच्या, कडिलिंबाची पाने टाकावी. थोडं लालसर झाल्यानंतर त्यात वाफवलेली तोंडली आणि काजू मिसळली. चवीनुसार मिठ, साखर आणि नारळाचा चव घातला. सारे साहित्य ढवळून घ्यावे. एक ऊकळी आल्यानंतर गॅस बंद करून लिंबाचा रस आणि कोथिंबिर घालून भाताबरोबर सर्व्ह करावे.

शाही ब्रेड स्टिक्स

Fri, 09 Oct 2009 11:11:10 +0530

साहित्य : ब्रेड स्लाइस अंदाजे, 3-4 बटाटे, 1/4 कप पालक चिरलेला, 1 गाजराचा कीस, 1 चमचा आलं-लसूण पेस्ट, 1 चमचा बारीक चिरलेल्या हिरव्या मिरच्या, 1 कांदा चिरलेला, 1 चमचा सोया सॉस, चिमूटभर अजीनोमोटो, काजूचे काप, 10-12 मनुका, 2 चमचे तेल, मैदा, मीठ आणि आवरणासाठी तेल.

कृती : ब्रेडला सोडून सर्व साहित्य एकजीव करावे आणि ब्रेडच्या प्रत्येक स्लाइसवर लावावे. चाकूने स्लाइसला लांब कापावे. मैद्याचा घोळ तयार करून ब्रेडच्या त्या भागावर लावावे जिथे हे मिश्रण लावले आहे. कढईत तेल गरम करून तळून घ्यावे. गरम गरम चहा किंवा चटणी, सॉस सोबत सर्व्ह करावे.

नागोरी पुरी

Fri, 09 Oct 2009 10:55:39 +0530

साहित्य : 250 ग्रॅम मैदा, 50 ग्रॅम रवा, मीठ, ओवा चवीनुसार, तळण्यासाठी तूप.

कृती : सर्वप्रथम मैदा-रवा चाळून त्यात मीठ ओवा घालून पाण्याने घट्ट भिजवावा. नगोरी पुरीचा आकार पाणीच्या बत्ताशाच्या थोडा मोठा असतो म्हणून ह्या अंदाजाने गोळे बनवावे आणि लाटावे. कढईत तूप गरम करून पुरी अशी तळावी की फुटायला नको. नागोरी पुरी शिऱ्या सोबत खाण्यात स्वादिष्ट लागते. ह्या पुरिला भाजीसोबत सुद्धा खाता येते.

चमचम

Tue, 15 Sep 2009 10:19:46 +0530

साहित्य : एक किलो पनीर, एक सपाट वाटी मैदा किंवा आरारूट किंवा शिंगाड्याचे पीठ, चिमटीभर सोडा, केशर किंवा केशरी रंग.

कृती : एक किलो पनीर घेऊन त्यात एक सपाट वाटी मैदा व चिमटीभर सोडा घालावा व पाहिजे असल्यास केशर (पूड करून) किंवा केशरी रंग घालून, पनीर हलक्या हाताने लवकर मळून घ्यावे. नंतर त्यांचे लांबट आकाराचे गोळे करावेत. साखरेचा कच्चा पाक तयार करावा व पाक उकळत असतानाच त्यात बारीक गोळे सोडावेत व खूप आच आणावी. पाक घट्ट (पक्का) होऊ नये, म्हणून मधूनमधून पाण्याचा हबका मारावा. चमचम दहा मिनिटे उकळल्यावर एका भांड्यात पाणी घेऊन, त्यात एक चमचम टाकून पाहावा. तो एकदम खाली गेल्यास चमचम शिजून तयार झाले, असे समजावे. पण पाण्यात तरंगल्यास चमचम पाकात आणखी उकळू द्यावेत व पूर्ण शिजल्यावर पातेले खाली उतरवावे.

रसकदम

Tue, 15 Sep 2009 10:19:28 +0530

साहित्य : रसगुल्ले, खवा, पनीर, साखर, इसेन्स, केशर किंवा केशरी रंग.

कृती : रसगुल्ले तयार करून एका थाळीत ठेवावेत. पनीर घेऊन ते कढईत चांगले भाजावे. नंतर साखर (जितके गोड पाहिजे असेल, त्या मानाने), खवा, रोज (गुलाब) इसेन्स, केशराची पूड किंवा केशरी रंग घालून, सर्व जिन्नस चांगले मिसळून घ्यावेत. नंतर थाळीतील एक एक रसगुल्ला घेऊन त्याला सर्व बाजूंनी वरील तयार केलेले मिश्रण लावावे. नंतर एका ताटात भाजून घेतलेले पनीर घेऊन, त्यात रसगुल्ला घोळून घ्यावा. याप्रमाणे सर्व रसगुल्ले मिश्रण लावून व पनीरामध्ये घोळून घ्यावेत.

लवंगलोतिका

Tue, 15 Sep 2009 10:18:57 +0530

साहित्य : दोन वाट्या मैदा, अर्धी वाटी तूप, ‍चिमटीभर मीठ, दहा-15 लवंगा, नारळाची अर्धी वाटी, चारोळी, साखर, केशर किंवा केशरी (खाण्याचा) रंग.

कृती : मैद्यात तूप व एक चिमटीभर सोडा घालून, मैदा गरम पाण्यात घट्ट भिजवून घ्यावा. नारळ खोवून व खोबर्‍याच अर्धी साखर घेऊन, खोबरे व साखर एकत्र करून, शिजवून, सारण तयार करून घ्यावे. त्यात चारोळी घालावी. साखरेचा दोन-तारीपेक्षा जरा जास्त घट्ट पाक करून घ्यावा व त्यात केशर किंवा केशरी रंग घालावा.

नंतर मैदा मळून त्याच्या पुरीएवढ्या पापड्या लाटाव्यात. पापडीच्या मध्यावर अर्धा चमचा सारण घालून प्रथम पापडीच्या समोरासमोरच्या दोन बाजू सारणावर दुमडाव्या व नंतर दुसऱ्या दोन बाजू एकमेकांवर न येता एकमेकांना चिकटतील, अशा रीतीने दुमडाव्या. त्या दुमडलेल्या प्रत्येक बाजूवर एक एक अशा दोन लवंगा टोचाव्यात. याप्रमाणे बाकीच्या पापड्या कराव्यात व मंद विस्तवावर तळून साखरेच्या गरम पाकात सोडाव्यात.

पनीराची खीर

Tue, 15 Sep 2009 10:18:36 +0530

साहित्य : पनीर, साखर, बेदाणे, पिस्ते, बदाम, केशर किंवा केशरी रंग, मैदा.

कृती : पनीरामध्ये थोडा मैदा मिसळून पनीर चांगले दाबून ठेवावे. अर्ध्या तासानंतर पनीर काढून त्याचे लहा लहान तुकडे कापावेत. एका पातेल्यात दूध व साखर घालून आटवावयास ठेवावे. दूध आटत आल्यावर त्यात बेदाणे, पिस्ते आणि बदाम यांचे काप व केशर किंवा केशरी रंग घालावा. दूध जरा घट्ट होताच पनीराचे कापलेले तुकडे घालावेत व दूध पुन्हा चांगले उकळून घ्यावे. बासुंदीसारखे घट्ट होताच खाली उतरवून घ्यावे व वेलदोड्यांची पूड घालावी.

संदेश

Tue, 15 Sep 2009 10:18:20 +0530

साहित्य : अर्धा किलो पनीर, एक वाटी साखर, केशर किंवा केशरी रंग, बेदाणे, वेलदोडे, पिस्ते, बदाम.

कृती : कढईत पनीर व साखर मिसळून कोरडे होईपर्यंत परतावेत. नंतर वेलदोड्यांची पूड व केशर किंवा केशरी रंग घालून पनीर कोरडे होताच कढई खाली उतरवावी व पनीर गरम असतानाच त्याचे गोळे करून पाहिजे तो आकार द्यावा. वरून बेदाणे, बदाम आणि पिस्ते यांचे काप लावावेत.

टोमॅटोची जेली

Mon, 14 Sep 2009 10:42:41 +0530

साहित्य : 1 किलो टोमॅटो, अर्धा किलो सफरचंद, 500 ग्रॅम साखर, 20 ग्रॅम लिंबाचा रस, आवश्यकतेनुसार पाणी.

कृती : सर्वप्रथम टोमॅटो स्वच्छ धुऊन उकळून त्याचा रस काढून घ्यावा तसेच सफरचंदाचे सालं काढून बारीक बारीक चिरून घ्यावे व ते तुकडे पाण्यात उकळून त्याचासुद्धा रस काढावा. दोन्ही रस एका भांड्यात एकत्र करून ते भांडे गॅसवर ठेवावे व एक उकळी आल्यावर त्यात साखर घालावी, उकळी आल्यावर त्यात लिंबाचा रस घालून चांगले कालवावे व ते मिश्रण जमण्यासारखे झाले की त्याला गॅसवरून खाली उतरवून फ्रीजमध्ये ठेवावे नंतर सर्व्ह करावे.

ओल्या नारळाची करंजी

Thu, 10 Sep 2009 10:42:51 +0530

MHNEWS

पारीसाठी : १ कप बारीक रवा, १ कप मैदा, मुटका वळेपर्यंत तुपाचं मोहन, निरस दूध व पाणी घालून भिजत ठेवा. पीठ भिजवून अर्धा तास ठेवा. चटणी ग्राईंडरमध्ये थोडं थोडं पीठ घालून मऊ करुन घ्या.

सारणासाठी : एक मोठे नारळ, १ कप साईसकट दूध, दीड ते दोन कप साखर. सर्व एकत्र शिजवून घ्या. घट्ट झाल्यावर वाटल्यास मिक्सरमधून काढा, म्हणजे सारण एकसारखं मोकळं होईल. वेलीदोडे, जायफळपूड, चारोळी इत्यादी घाला. पुर्‍या लाटून घ्या. सारण भरून कड दुधाने चिकटवा. मंद गॅसवर तळा.

बेक्ड मँगो कुकीज

Mon, 31 Aug 2009 11:42:13 +0530

साहित्य : आंबे 1 किलो, 350 ग्रॅम पिठी साखर, 1/2 चमचा बेकिंग पावडर, 250 ग्रॅम तूप, 1 लहान चमचा वेलची पूड.

कृती : आंब्याचे सालं काढून त्याचा कीस करून घ्यावा. मैदा व बेकिंग पावडर चाळून, त्यात गरम तूप टाकावे. नंतर वेलची पूड, पिठी साखर आणि किसलेला आंबा घालून मिश्रणाला पोळी सारखं लाटून घ्यावा. वेगवेगळ्या शेपमध्ये हे कापून घ्यावे व ओव्हनमध्ये भाजून घ्यावे. थंड झाल्यावर प्रयोगात आणावे.

स्वीट खसखस कुकीज

Mon, 31 Aug 2009 11:38:56 +0530

साहित्य : 1 कप मैदा, 1 कप रवा, 1 कप खसखस, 1 कप लोणी, 1 लहान चमचा बेकिंग पावडर, 1 लहान चमचा साखर, आवश्यकतेनुसार दूध, रंग बेरंग्या गोळ्या किंवा शोपचे दाणे.

कृती : रवा व मैदा चाळून घ्यावा. त्यात खसखस वाटून त्यात मिसळावी. लोणी, साखर आणि बेकिंग पावडर त्यात टाकावी. दूध गरम करून या मिश्रणात घालून एकजीव करावे. काही वेळ ते मिश्रण झाकून ठेवावे. नंतर या मिश्रणाला एका आकारात लाटून त्याचे काप करावे. ट्रेमध्ये थोडं तूप लावून कुकीजला बेक करून घ्यावे. शोप किंवा रंग बेरंग्या गोळ्या घालून सर्व्ह करावे.

सुरणाची भजी

Fri, 21 Aug 2009 11:40:35 +0530

साहित्य : सुरण, चिंच भजीच्या पीठासाठी बेसन, तिखट, मीठ.
कृती : सुरणाच्या चकत्या करुन त्यांना मीठ आणि कोकम किंवा चिंच लावून ठेवा. थोड्या वेळाने या चकत्यांनाच थोडं तिखट लावा आणि नंतर त्या बेसन पीठात बुडवून तळा.

एग फ्राईड राईस

Fri, 21 Aug 2009 11:37:06 +0530

MHNEWS

साहित्य : तांदूळ 2 वाट्या, 4 वाट्या पाणी, 2-3 गाजर, बिन्स, 2 चमचे तेल, तमालपत्र, दालचिनीचे तुकडे, 10-12 मिरे, 1 कांदा बारीक चिरलेला, 1/2 चमचा लसूण पेस्ट, 4 अंडी, मीठ व काळे मिरे पूड चवीप्रमाणे.

कृती : सर्वप्रथम दोन वाट्या बासमती तांदूळ धुऊन निथळत ठेवावे. नंतर चार वाट्या पाणी घालून मोकळा भात शिजवून घ्यावा. भात तयार झाला की तो परातीत मोकळा करुन ठेवावा. दोन, तीन गाजर व थोडे बीन्स आवडीप्रमाणे बारीक अथवा जरा लांबट चिरुन शिजवून ठेवावे. नंतर एका कढईत दोन मोठे चमचे रिफाईंड तेल घालून त्यात तमालपत्र, दालचिनीचे तुकडे, दहा बारा मिरे घालावेत. नंतर एक बारीक चिरलेला कांदा तांबूस परतून घ्यावा. अर्धा चमचा आले लसूण पेस्ट घालावी. त्यात उकडलेल्या भाज्या घालून परताव्या त्यानंतर मोकळा करुन ठेवलेला भात घालून परतावा. अंदाजे मीठ व थोडी मीरपूड घालावी. चार अंड्याचे साधे व मसाला ऑम्लेट बनवून त्याचे तुकडे करुन भातात मिसळावे किंवा उकडलेल्या अंड्याचे तुकडे मिसळावे. काही जण तेलात कांदा, आले, लसूण परतल्यानंतर चार अंडी फोडून घालतात. अंडी तेलात शिजतात. मग भाज्या व भात घालून परतून घ्यावे.

दुधीभोपळ्याची रबडी

Mon, 10 Aug 2009 14:18:48 +0530

साहित्य : 200 ग्रॅम दुधी भोपळा, 3 कप दूध, 1/2 डबा कंडेन्स्ड मिल्क, 25 ग्रॅम काजू, 2 चमचे तूप, 1/4 चमचा इसेन्स, 1/2 वेलदोड्याची पूड, 4 ब्रेडचे स्लाइस.

कृती : थोड्या तुपावर किसलेला दुधी भोपळा परतून घ्यावा. दुधात पाणी न टाकता त्यातच दुधी भोपळा शिजवावा. थोड्या दुधात ब्रेडचे स्लाइस भिजत घालावे. नंतर मिक्सरमधून काढावे. थोडे दूध कंडेन्स्ड मिल्कमध्ये मिसळून घ्यावे. नंतर शिजलेल्या दुध्यावर ओतून सारखे करावे. त्यात ब्रेड घातलेले दूध घालावे. वेलदोड्याची पूड व इसेन्स घालून जरा ढवळावे व गॅसवरून उतरवावे. मिश्रण कोमट झाले, की फ्रीजमध्ये ठेवावे. सर्व्ह करताना वरून काजूचे काप घालून सजवावे.

चायनाग्रास पुडिंग

Mon, 10 Aug 2009 14:12:24 +0530

साहित्य: 2 चमचे बारीक चिरलेले चायनग्रास, 3 कप दूध, 3 चमचे साखर, 50 ग्रॅम कस्टर्ड पावडर, अर्धा चमचा व्हॅनिला इसेन्स, 1 सफरचंद, 3 केळी, 7-8 काजू, 3-4 अक्रोड व लाल रंगाचा 2 चमचा जॅम.

कृती : चायना ग्रास 2 तास पाण्यात भिजत घालावे. नंतर थोड्या गरम दुधात घालून विरघळवून घ्यावे. थोड्या दुधात कस्टर्ड पावडर घालून मिश्रण सारखे करावे. उरलेले दूध व साखर एकत्र करून गॅसवर ठेवावे. साखर विरघळली की त्यात चायनाग्रासचे मिश्रण घालावे. मोठ्या चमच्याने मिश्रण ढवळावे. चांगले उकळले की त्यात कस्टर्ड पावडरचे दूध घालावे. व्हॅनिला इसेन्स घालावा. सतत ढवळत राहावे. मिश्रण घट्टसर झाले की उतरवावे. भांड्यात काढून फ्रीजमध्ये ठेवून थंडगार करावे. जॅममध्ये 1 चमचा पाणी घालून गरम करावे. केळ्याचे काप करावे. पुडिंगच्या वर पसरावे. अक्रोडाची व काजूची जाडसर पूड करावे. प्रत्येकाच्या बाऊलमध्ये पुडिंग सर्व्ह करताना त्यावर अक्रोड काजूची पूड घालून द्यावे.

भुट्टा रोल्स

Sat, 01 Aug 2009 10:53:34 +0530

साहित्य : 2 भुट्टे, 8-10 पालकाचे पानं, 1 कांदा, 1 टोमॅटो, 2 हिरव्या मिरच्या चिरलेल्या, कोथिंबीर, 1/4 नारळाचा कीस, मीठ चवीनुसार, 1 चमचा गरम मसाला, 1 चिमटी हिंग, 1/2 चमचा हळद, 1/2 चमचा तिखट व 1/2 चमचा खायचा सोडा, तळण्यासाठी तेल.

कृती : भुट्ट्याचे दाणे उकळून वाटून घ्यावे व त्यात सर्व साहित्य घालून मिश्रणाला चांगले एकजीव करावे. आता पालकाच्या पानांना चांगल्याप्रमाणे पसरवून घ्यावे, प्रत्येक पानावर थोडं मिश्रण घालून त्याचे रोल करावे. कढईच्या वर चाळणी ठेवून ते रोल वाफवून घ्यावे. नंतर गरम तेलात ते रोल तळून घ्यावे. सर्व्ह करताना चटणी व सॉस बरोबर द्यावे.

काजू करी

Sat, 01 Aug 2009 10:47:04 +0530

साहित्य : 50 ग्रॅम खरबूज आणि टरबुजाच्या बी, 100 ग्रॅम खसखस, 60 ग्रॅम खोबरे, 500 ग्रॅम कांदा, 1/2 टोमॅटो, 50 ग्रॅम काजू, 50 ग्रॅम चारोळी, 100 ग्रॅम खवा.

कृती : खसखस, खरबूज, टरबूज, खोबरे, काजू (25 ग्रॅम), चारोळी यांना वाटावे. टोमॅटो व कांद्याला चिरून तळून वाटून घ्यावे. कढईत तेल गरम करून त्यात जिरे व आलं घालून परतून घ्यावे. नंतर त्यात हळद, तिखट व वाटलेले काजू टाकावे. 2 मिनिटाने कांदे व टोमॅटोचा मसाला टाकावा. खवा घालावा. 2 चमचे गरम मसाला आरी थोडे पाणी घालावे. चवीनुसार मीठ टाकून काजू आणि कोथिंबीराने सजवावे.

चीज टोमॅटो बटाटा चाट

Mon, 06 Jul 2009 17:17:31 +0530

साहित्य : 1 मोठा टोमॅटो, 1 मोठा उकळलेला बटाटा, 1 क्यूब चीज, 1 चमचा बटर, मीठ, काळेमिरे चवीनुसार.

कृती : टोमॅटो, बटाटे आणि चीजचे स्लाइज कापावे. टोमॅटोवर थोडं बटर लावून तव्यावर लाल होईपर्यंत परतावे. बटाट्यावरसुद्धा थोडं बटर लावून तव्यावर परतून घ्यावे. दोघांवर मीठ व काळेमिरे पूड घालावी. टोमॅटोवर बटाटे व चीजचे स्लाइज ठेवून सर्व्ह करावे.

चणा - बटाटा चाट

Mon, 06 Jul 2009 17:12:56 +0530

साहित्य : 2 कप उकळलेले बटाटे, 1 कप उकळलेले हिरवे चणे, 1/2 बारीक चिरलेला कांदा, 1 कप डाळिंबाचे दाणे, बारीक चिरलेली कैरी 1/2 कप, किसलेले नारळ 1/2 कप, पाव कप बारीक चिरलेले पुदिनाची पानं, पाव कप चिरलेली कोथिंबीर, 2 चमचे जिरे पूड, 2 चमचे चाट मसाला, मीठ व साखर चवीनुसार.

फोडणीसाठी साहित्य : 1 चमचा तेल, 2 चमचे मिरची पेस्ट.

कृती : चाटचे सर्व साहित्य एकजीव करावे. तेल गरम करून त्यात मिरचीचे पेस्ट घालून थोडे परतून घ्यावे व चाटमध्ये मिक्स करावे. मुलं आणि मोठ्यांना ही आंबट गोड चाट फारच आवडेल.

आलमंड पिस्ता फिरणी

Sat, 27 Jun 2009 17:02:54 +0530

साहित्य : 4 चमचे तांदूळ, 2 चमचे बदामाचे काप, 1 चमचा पिस्त्याचे बारीक काप, 8 चमचे साखर, 1/2 चमचा इसेन्स, 2 चमचे तुटी फ्रूटी, 750 मिली लीटर दूध, 1/2 चमचा वेलची पूड.

कृती : तांदुळाला स्वच्छ धुऊन चार तासासाठी भिजत ठेवावे. बदामाला भिजवून त्याची सालं काढून घ्यावी. अर्धे बदाम तांदुळासोबत वाटून घ्यावे. दूध उकळून त्यात साखर व तांदळाची पेस्ट घालून चांगले एकजीव करावे. मिश्रण जेव्हा घट्ट झाल्यावर थंड करून त्यात इसेन्स घालावा. सर्विंग बाउलमध्ये थोडी तुटी-फ्रुटी घालून त्यावर मिश्रण घालावे. वेलची पूड, पिस्ता व बदामाचे काप घालून सजवावे. फ्रीजमध्ये थंड करून सर्व्ह करावे.

मँगो पनीर रबडी

Sat, 27 Jun 2009 15:55:20 +0530

साहित्य : दूध 1 लीटर, 1 पिकलेला आंबा, 1 चमचा बदाम गिरी, 1 चमचा पिस्त्याचे काप, वेलची पूड 1/4 चमचा, साखर चवीनुसार.

कृती : दूध उकळून घ्यावे व अर्ध्या दुधात लिंबाचा रस किंवा दही घालून त्याचे पनीर तयार करावे. बाकी उरलेल्या दुधाला रबडी सारखे घट्ट करावे. पनीराला कुस्करून रबडीत घालून, साखर टाकावी. थंड करून सर्विंग बाउलमध्ये काढून घ्यावे व त्यात पिस्ता, बदाम, वेलची पूड आणि आँब्याचे लहान लहान तुकडे कापून टाकावे. फ्रीजमध्ये थंड करून सर्व्ह करावे.

चिजी कॉर्न कुरकुरे

Thu, 18 Jun 2009 15:38:52 +0530

साहित्य : 2 कप कॉर्न फ्लॉवर, 1/4 कप कणीक, 2 मोठे चमचे तूप, 3/4 चमचे मीठ, दीड कप बेक्ड बीन्स, 1 मोठा चमचा कोथिंबीर चिरलेली, 100 ग्रॅम पनीराचे तुकडे, 1 चमचा लोणी, तळण्यासाठी तेल.

कृती : सर्वप्रथम कॉर्न फ्लॉवर, कणीक, मीठ एकत्र करून चाळणीने चाळून घ्यावे. तुपाचे मोहन घालून कणीक मळून घ्यावी. कणकेचे गोळे बनवून गोल किंवा त्रिकोणी मुटकुळे तयार करावे. तेल गरम करून ते तळून घ्यावे. नंतर लोणी गरम करून त्यात बेक्ड बीन्सला गरम करून तळलेले मुटकुळे त्यावर टाकावे. चिरलेला कांदा व कोथिंबीर त्यात घालून पनीरच्या तुकड्यांनी सजवून सर्व्ह करावे.

कर्ड एपीटाइजर विथ क्युकंबर

Sat, 06 Jun 2009 14:51:51 +0530

साहित्य : दही 250 ग्रॅम, 2 काकड्या, 1 लहान चमचा मीठ, 1/2 चमचा मिरे पूड, 1 चिमटी हिंग, 1 लहान चमचा जिरे पूड, शेंदे मीठ थोडंसं, कोथिंबीर, पुदिनाची पान.

कृती : सर्वप्रथम काकडीचे सालं काढून मिक्सरमधून त्याचे ज्यूस काढून घ्यावे. नंतर त्यात दही, मीठ व इतर सर्व साहित्य घालून एकजीव करून घ्यावे. 1 ग्लास पाणी टाकून परत एकदा फिरवून घ्यावे व थंड करून त्यात कोथिंबीर, पुदिनाची पान घालून सर्व्ह करावे.

कोकोनट डफ

Sat, 06 Jun 2009 14:45:49 +0530

साहित्य : 5 हिरवे नारळ, 4 लिंबू, 3 लहान चमचे आलाचा रस, 1/4 कप पिठी साखर.

कृती : नारळातून पाणी काढून घ्यावे. नंतर त्या पाण्यात साखर टाकून एकजीव करावे. त्यात लिंबू आणि आलाचा रस घालावा. थंड होण्यासाठी फ्रीजमध्ये ठेवावे. थंड झाल्यावर सर्व्ह करावे.

प्रॉन्स टोस्ट

Fri, 29 May 2009 15:45:34 +0530

साहित्य : 1 वाटी पांढरी कोळंबी, 1 अंडे, दोन टी स्पून आलं-लसूण पेस्ट, एक चमचा मिरे पूड, मीठ, तीळ, तेल, ब्रेडसलाइस.

कृती : कोळंबीचा मधला धागा काढून स्वच्छ धुऊन आता कोळंबी, अंड्याचा बलक, आलं-लसूण पेस्ट, मिरे पूड व मीठ घालून पेस्ट करून घ्यावे. त्यात पाणी घालू नये. ब्रेडचे स्लाइस घेऊन मधून उभे दोन भाग करून घ्या. ब्रेडच्या स्लाइसवर पेस्ट दाटसर लावून त्यावर तीळ पसरावे. कढईत तेल गरम झाल्यावर पेस्ट लावलेली बाजू खालच्या बाजूला घालून टोस्ट तळून घ्या. चटणी किंवा सॉसबरोबर सर्व्ह करा.

ग्रीन कूलर सूप

Fri, 29 May 2009 15:27:51 +0530

साहित्य : दोन काकड्या, दोन ढोबळी मिरच्या, पालकाची दोन पानं, एक हिरवी मिरची, दोन लसूण पाकळ्या, तीन कप पाणी, नारळाचं
दूध दोन कप, अर्धा कप ताक किंवा लिंबाचा रस दोन चमचे, मीठ, साखर, मिरपूड अर्धा चमचा, जिरं पूड, एक तमालपत्र.

कृती : काकड्यांची सालं काढून चकत्या करून त्या दोन कप पाण्यात तमालपत्र घालून उकळत ठेवाव्या. त्यातच पालकाची पानं, चिरलेल्या ढोबळी मिरच्या घालून उकळी आणावी. उतरवून त्यातल्या भाज्या गाळून घ्याव्यात व मिक्सरमध्ये मिरची-लसूण वाटून प्युरी करावी. त्यात गाळलेलं पाणी घालून पुन्हा एकदा गाळून घ्यावं. त्यात लिंबाचा रस, मीठ, साखर, मिरपूड, जिरं पूड, नारळाचं दूध घालून फ्रीजमध्ये थंड करून हे सूप प्यायला द्यावं.

चॉकलेट रोल

Thu, 21 May 2009 17:25:26 +0530

साहित्य : 125 ग्रॅम मारी बिस्किटे, 50 ग्रॅम ड्रिंकिंग चॉकलेट, 50 ग्रॅम सुकवलेले खोबरे, पाव वाटी लोणी, पाऊण वाटी पिठीसाखर थोडेसे दूध.

कृती : प्रथम बिस्किटांची पावडर करावी. दुधात अर्धी साखर व ड्रिंकिंग चॉकलेट घालून ही पावडर भिजवावी. नंतर लोणी फेसून त्यात उरलेली साखर व किसलेले खोबरे घालावे. नंतर भिजवलेल्या बिस्किटाच्या पिठाचे व खोबऱ्याच्या सारणाचे सारखे भाग करावे. पोळपाटावर प्लॅस्टिकच्या कागदांवर पिठाची पोळी लाटावी व त्यावर सारण पसरावे. नंतर या पोळीची घट्ट गुंडाळी करून एक तास फ्रीजमध्ये ठेवावी. नंतर वड्या पाडाव्यात. दोन रंगातील या वड्या चांगल्या लागतात. या वड्या फ्रीजमध्येच ठेवाव्यात.

दूध वडी

Thu, 21 May 2009 17:22:26 +0530

साहित्य : 1 डबा कंडेन्स्ड मिल्क, 1 वाटी दूध, अर्धी वाटी साखर, अर्धी वाटी काजू, 2 चमचे साजूक तूप.

कृती : प्रथम डब्यातील दूध, सादे दूध, साखर एकत्र मिसळून गॅसवर ठेवावे व सारखे ढवळावे. मिश्रण घट्ट होत आल्यावर खाली उतरवून 2 चमचे पिठीसाखर घालावी व मिश्रण तसेच गरम पातेल्यात ठेवावे. नंतर सुकामेवा घालून खूप ढवळावे व तूप लावलेल्या पाटावर मिश्रण थापावे व वड्या पाडाव्यात.

मश्रुमी पुलाव

Wed, 13 May 2009 17:02:23 +0530

साहित्य : 1/2 किलो तांदूळ, 250 ग्रॅम मश्रुम बारीक कापलेले, 2 कांदे बारीक चिरलेले, 1/2 चमचा लसणाची पेस्ट, 1/2 वाटी बारीक चिरलेला कोथिंबीर व कांद्याची जुडी, 5 -7 काळे मिरे, 1 चमचा लाल तिखट, मीठ चवीनुसार.

कृती : तांदूळ स्वच्छ धुऊन घ्यावे. एका भांड्यात कांदे-लसण व तिखट घालावे. नंतर मश्रुम टाकून चांगले परतावे व तांदूळ, मीठ, काळे मिरे टाकावे. तांदुळाच्या दुप्पट पाणी घालून भात शिजवावा. भात चांगला शिजल्यावर वरून कोथिंबीर घालून गरम गरम सर्व्ह करावा.

राईस पकोडे

Wed, 13 May 2009 17:02:02 +0530

साहित्य : 1 कप भात, 1/4 कप मटर उकळलेले, 1 मोठा चमचा काजू व मनुका, 1/4 कप कांदे बारीक कापलेले, कोथिंबीर चिरलेली, 2-3 हिरव्या मिरच्या, 1/2 चमचा चाट मसाला, मीठ चवीनुसार, तेल तळण्यासाठी.

कृती : थंड भातात कोथिंबीर व हिरव्या मिरच्या घालून चांगले कुस्करून घ्यावे. उकळलेल्या मटरमध्ये चाट मसाला, कांदा, काजू व मनुका घालून चांगले एकजीव करून घ्यावे. या मिश्रणाला भातात कालवून वडे तळून घ्यावे. सॉस किंवा चटणीसोबत सर्व्ह करावे.

खरबुज रायता

Sat, 09 May 2009 16:39:49 +0530

साहित्य : एक मध्यम आकाराचे खरबूज, 500 ग्रॅम दही, वेलची पूड, मनुका व एखादे इसेन्स.

कृती : खरबुजाला सोलून त्यात कीस करून घ्यावा. दह्याला चांगले फेटून घ्यावे, त्यात साखर, वेलची पूड, मनुका व 1/2 चमचा इसेन्स व खरबुजाचा कीस घालनू फ्रीजमध्ये थंड करून सर्व्ह करावे. हा रायता मुलांना फारच आवडेल.

अननस संदेश

Sat, 09 May 2009 16:31:00 +0530

साहित्य : 200 ग्रॅम पनीर, 6 चमचे पिठी साखर, डबाबंद अननस रिंग, 4 मोठे चमचे अननस सिरप (डब्यातून),10-12 चेरी.

कृती : सर्वप्रथम पनीराला किसून त्यात पिठीसाखर टाकून मिश्रणाला एकजीव करून घ्यावे. अननसच्या तुकड्यांना बारीक कापून मिश्रणात मिक्स करावे. या मिश्रणाचे आवडत असल्या वेगवेगळ्या आकाराचे गोळे बनवून फ्रीजमध्ये ठेवावे. थोडं सेट झाल्यावर अननस सिरप गोळ्यांवर टाकून परत एकदा थंड करायला ठेवावे. सर्व्ह करताना चेरीचे फळ टाकून द्यावे.

संत्राभोग

Fri, 01 May 2009 14:20:04 +0530

साहित्य : दोन दिवसांचे शिळे रसगुल्ले, केशर किंवा केशरी रंग, संत्र्याचा इसेन्स.

कृती : रसगुल्ल्याच्या पाकात केशर किंवा केशरी रंग घालावा. नंतर पाकात रसगुल्ले घेऊन, पाक उकळून, एकतारी होऊ द्यावा. भांडे नंतर खाली उतरवून पाक गार झाल्यावर त्यात संत्र्याचा इसेन्स घालावा.

चिकन स्टॉक

Fri, 01 May 2009 13:56:40 +0530

साहित्य : 900 ग्रॅम चिकन कॅककॅस, 5 कप पाणी, 1 लहान कांदा उभा चिरलेला, 1 लहान गाजर चकत्या केलेले, 1 काडी सेलरी तुकडे केलेली, 1 छोटा चमचा मीठ, 1/4 छोटा चमचा मिरे पूड, दीड चमचा तेल.

कृती : कुकरमध्ये तेल सोडून बाकी सर्व पदार्थ घाला. उकळी येऊ द्या. वर येणारा फेस काढून टाका. तेल घाला. कुकर बंद करून 15 मिनिटे शिजवा. कुकर थंडझाल्यावर बारीक जाळीच्या गाळणीतून स्टॉक गाळून घ्या.

मिष्ठी दहीच्या वड्या

Wed, 22 Apr 2009 11:10:54 +0530

साहित्य : 500 ग्रॅम गोड दही, 1 कंडेन्स्ड मिल्कचा डबा, 10 ग्रॅम पिस्ते.

कृती : दही व कंडेन्स्ड मिल्क एकत्र करून सारखे करावे आणि एका स्टीलच्या भांड्यात काढावे. एका भांड्यात पाणी घालून त्यात रिंग ठेवावी. त्यावर हे भांडे ठेवावे. साधारण अर्धा तास गॅसवर ठेवून वाफवावे. नंतर चांगले सेट करण्यासाठी फ्रीजमध्ये ठेवावे. सेट झाल्यावर वड्या कापून सर्व्ह कराव्या.

भाप्पा दोई

Wed, 22 Apr 2009 11:02:44 +0530

साहित्य : 1 कप दही घुसळलेले, 1 कप दूध, 1 डबा गोड कन्डेन्स्ड मिल्क, 5 बदाम गरम पाण्यात भिजवून, सोलून काप कलेले, 10 पिस्ते कापलेले, 5 बेदाणे, 2 कप पाणी.

कृती : सर्वप्रथम दही, दूध आणि कन्डेन्स्ड मिल्क एकजीव होईपर्यंत एकत्र घुसळा. बदाम, पिस्ते आणि बेदाणे घाला. चांगले मिसळा. हे मिश्रण 1 लिटर पुडिंगच्या साच्यात ओतून साचा घट्ट बंद करा. कुकरमध्ये पाणी घालून जाळीवर हा साचा ठेऊन 20 मिनिटे शिजवा. कुकर थंड झाल्यावर साचा काढून उघडा. सर्वसाधारण तापमानापर्यंत थंड करा. पाणी असल्यास निथळून टाका. वाढायच्या वेळेपर्यंत फ्रीजमध्ये ठेवा. वाढायची डिश साच्यावर उलटी ठेवून साचा उलटा करा. सुटण्यासाठी हळूच हलवा. साचा काढा. भाप्पा दोई असे थंडगार वाढा.

आलूर पोटोलेर दालना

Sat, 18 Apr 2009 14:26:32 +0530

साहित्य : 4 बटाटे सोलून तुकडे केलेले, सवा कप पाणी, 3 मोठे चमचे धणे पूड, 2 मोठे चमचे जिरे पूड, 10 ग्रॅम आले, सवा किलो परवर सोलून कापलेले, 2 तमालपत्रे, दीड छोटा चमचा हळद पूड, 3 1/2 चमचा लाल मिरची पूड, 1 छोटा चमचा गरम मसाला पूड, 3 1/2 छोटे चमचे मीठ, 1 मोठा चमचा साखर, 1 मोठा चमचा तूप.

कृती : धणे पूड आणि जिरे पूड या मध्ये 1/4 पाणी थोडे थोडे घालत मऊ मिश्रण तयार करा. आल्याचे वाटण करा. परवराचे दोन भाग करा. कुकरमध्ये तेल साधारण 5 मिनिटे गरम करा. प्रत्येक भाग हलवा परतून घ्या आणि काढा. त्याच तेलात बटाटे हलके परतून काढून घ्या कुकरमध्ये उरलेल्या तेलात तमाल पत्र घाला. काही सेकंद ढवळा. धण-जिर्‍याचे आणि आल्याचे वाट, हळद पूड, मिरची पूड आणि गरम मसाला पूड घाला. ढवळा आणि साधारण 1 मिनिट परता. परवर, बटाटे, मीठ साखर आणि उरलेले पाणि घाला. चांगले ढवळा. व 5 मिनिट शिजवा. नंतर परवर करीवर तूप एकसमान सोडा. गरम गरम वाढा.

ताल गुरेरे पयेश

Sat, 18 Apr 2009 14:26:25 +0530

साहित्य : 4 कप दूध, 4 मोठे चमचे बासमती तांदुळ धुतलेला, 125 ग्रॅम पाताली गूळ किसलेला, 1/4 कप बेदाणे.

कृती : एका भांड्यात दूध उकळेपर्यंत तापवा. तांदुळ घाला. एकदा ढवळून 15 मिनिट शिजवा. नंतर त्यात गूळ आणि बेदाणा घाला. गूळ विरघळेपर्यंत ढवळा व गरम गरम सर्व्ह करा.

इलीश सरसो बाता (हिलसा मासा राईच्या तेलात)

Fri, 10 Apr 2009 10:52:17 +0530

साहित्य : 3/4 किलो हिलसा मासा जाड तुकडे केलेला, 1 1/2 छोटा चमचा मीठ, 3/4 चमचा हळद पूड, 2 मोठे चमचे मोहरी, 6 हिरव्या मिरच्या, 3 अख्ख्या, 3 उभ्या चिरलेल्या, 1/2 पाणी, 2 छोटे चमचे दही, 4 मोठे चमचे राईचे तेल.

कृती : माशाला मीठ आशी हळद चोळा, राई आणि अख्ख्या मिरच्या यांचे थोडे पाणी घालून पेस्ट तयार करा, त्यात दही घालून पेस्टला एकजीव करा आणि माशाबरोबर मिसळा. कुकरमध्ये 3 मोठे चमचे तेल टाकून पेस्ट, मासा, उभ्या चिरलेल्या मिरच्या, उरलेले पाणी आणि तेल घाला. सर्व मिश्रणाला 2 मिनिट शिजवा व गरम गरम सर्व्ह करा.

अलूर दम (मसालेदार बटाटे)

Fri, 10 Apr 2009 10:40:25 +0530

साहित्य : 1लहान कांदा, 2 ग्रॅम आले, 2 लवंगा, 2 तुकडे दालचिनी, 1 कप पाणी, 750 ग्रॅम अत्यंत लहान आकाराचे बटाटे, 1 छोटा चमचा हळद, 1 कप तेल, 1 तमाल पत्र, 1/2 चमचा जिरे, 1 कांदा, टोमॅटो चिरलेला, 2 चमचे तिखट, 1 चमचा जिरे पूड, 1 चमचा धने पूड, मीठ चवीप्रमाणे, 1/2 चमचा साखर, 1 मोठा चमचा तूप.

कृती : कांदा व आल्याचे पेस्ट करा व लवंगा आणि वेल्याची पूड तयार करा. बटाटे शिजवून घ्या. बटाटे सोलून 1 /2 चमचा हळद टाकून चांगले मिसळा. बटाटेचे 3 भाग करा. कढईत तेल गरम करून तमालपत्र आणि जिरे घाला. काही सेकंद ढवळा. चिरलेला कांदा घालून बदामी होईपर्यंत परता. त्यात पेस्ट घालून 2 मिनिटे परता. नंतर टोमॅटो, मिरची पूड, जिरे, धने पूड, मीठ साखर आणि उरलेली हळद घाला. मधून मधून ढवळत तेल सुटेपर्यंत शिजवा. बटाटे घाला. लवंग, दालचिनीची पूड आणि उरलेले पाणी घालून 5 मिनिट शिजवा. सर्व्ह करताना तूप सोडा व गरम गरम वाढा.

दही भात

Mon, 06 Apr 2009 11:16:33 +0530

साहित्य : 100 ग्रॅम तांदूळ, 2 कप दही, 1 आलेचा तुकडा, हिरव्या मिरच्या, 1/2 चमचा मीठ, 1/4 चमचा मोहरीची डाळ, कोथिंबीर, 1 चमचा, नारळाचा कीस, 1/2 चमचा मोहरी, 1/2 चमचा जिरं, 1/4 चमचा मेथी, 2 चिमटी हिंग, 1 चिमटी हळद, गोड लिंबाचा पाळा, 1 चमचा तूप.

कृती : 6-7 तास अगोदर तांदळाचा भात शिजवून घ्यावा. त्यात दही, आलं, हिरव्या मिरच्या, मोहरीची डाळ, कोथिंबीर व नारळाचा कीस टाकावा. तूप गरम करून मोहरी, जिरं, मेथी, गोड लिंब व हिंगाची फोडणी देऊन त्याला भातात घालून कालवावे. जर जास्त थंड पाहिजे असल्यास त्याला थोड्यावेळ फ्रीजमध्ये ठेवावे.

अळू वडी

Mon, 23 Mar 2009 17:43:23 +0530

साहित्य : अळूची पाने, चण्याच्या डाळीचे पीठ, तिखट, मीठ, चिंच, गूळ, धने व जिरे यांची पूड, हिंग, तीळ, फोडणीचे साहित्य.

कृती : चण्याच्या पिठात चिंचेचे पाणी, गूळ, तिखट, मीठ, धण्याजिऱ्याची पूड़ व हिंगाची पूड घालून पीठ कालवावे. नंतर अळूच्या पानाच्या पालथ्या बाजूवर पीठ पातळसर लावावे. त्याच्यावर दुसरे पान ठेवून त्याला पीठ लावावे. याप्रमाणे एकावर एक अशी चार पाने ठेवावी व पानांची बळकटी करून ती वाफवून घ्यावी व काप करावेत. फोडणीत तीळ घालून त्यात हे काप परतून काढावेत.

फिश करी

Mon, 23 Mar 2009 17:41:20 +0530

साहित्य : मध्यम आकाराच्या फिशचे तुकडे, 1/4 तेल, 1 लहान कांदा, 1 चमचा लसूण पेस्ट, मीठ चवीप्रमाणे, 1 चमचा धने पूड, तिखट, 1/2 चमचा जिरे पूड, हळद, 1/2 चमचा कसुरी मेथी, चिमटीभर आमचूर पावडर.

कृती : सर्वप्रथम फिशच्या तुकड्यांना अर्धा तास मीठ लावून फ्रीजमध्ये ठेवावे नंतर फिशला स्वच्छ पाण्याने साफ करावे. कांद्याला बारीक कापून कढईत सोनेरी होईपर्यंत परतावे. त्यात बाकी मसाल्याचे साहित्य टाकून 5 मिनिट शिजवावे. त्यात फिश टाकून 2 मिनिट ठेवावे व 1/2 कप पाणी घालून 5 मिनिट शिजवावे. या फिशकरीला भातासोबत सुद्धा सवर्ह करू शकतो.

एग मलाई

Tue, 17 Mar 2009 16:36:41 +0530

साहित्य - 4 अंडी उकळलेली, 1 चमचा तूप, मोहरी-जीरे थोडेसे, 3-4 चमचे फेटलेली दूधाची साय, 10-12 काळ्यामिरची पावडर, मीठ चवीनुसार.

कृती- सर्वप्रथम उकळलेली अंडी 4 भागात कापावे. एक पॅन मध्ये तूप गरम करून मोहरी-जिर्‍याची फोडनी करून कापलेल्या अंडीवर टाकावे. त्यानंतर फेटलेली साय टाकून मीठ आणि मिर्‍यांचे पावडर टाकून सर्व्ह करावे.

मटण कोफ्ते

Tue, 17 Mar 2009 16:36:22 +0530

साहित्य - 500 ग्रॅम खिमा, 2 मोठे चमचे खसखस, अंडी 1 किंवा 2 चमचे भाजलेले बेसन, 5-6 कांदे, 10-12 लसणाच्या पाकळ्या, आले, चवीनुसार मीठ, 1/2 चमचा हळद, 4 चमचे धन्याची पूड, 2 चमचे तिखट, 1/2 वाटी मसाला, 5-6 पाने तेजपान, 1/2 चमचा गोड मसाला, तूप.

कृती - कोफ्ते बनवण्याच्या अगोदर खसखसला स्वच्छ करून धुऊन भिजत ठेवावे. 1/2 तासानंतर त्याला वाटून घ्यावे. कांदा, लसूण, आले यांना सोलून ठेवावे. तूप गरम करावे त्यात तेजपान व कच्च्या मसाल्याची फोडणी टाकावी. चिरलेला कांदा गुलाबी होईपर्यंत परतावे. त्यात थोडेसे पाणी टाकूण मीठ व मसाले परतावे. मसाला चांगला परतून झाल्यावर 1/4 भाग मसाला खिम्यात टाकून चांगले एकजीव करावे. आता एका कडाईत तूप तापत ठेवावे व त्यात खिम्याचे भजे तळावे. आता उरलेला मसाल्याची आमटी बनविण्यासाठी थोडे पाणी टाकून झाकण ठेवावे. 4-5 उकळी आल्यावर तयार भजे टाकून 2-3 उकळी आणून गरमा गरम मटणचे कोफ्ते पोळीसोबत सर्व्ह करावे.

बनाना केक

Tue, 17 Mar 2009 16:36:07 +0530

साहित्य : 1 वाटी साखर, 2 वाट्या मैदा, 1/2 कप लोणी किंवा डालडा, 2 अंडी, एक चमचा सोडा, 1 चमचा बेकिंग पावडर, थोडे दूध, पाव चमचा मीठ, चांगली तयार झालेली 3 केळी, पाव चमचा लिंबाचा रस.

कृती : साखर, लोणी आणि मीठ एकत्र करून चांगले ‍‍‍मिसळावे. नंतर त्यात अंड्याचा बलक, लिंबाचा रस व केळी बारीक कुस्करून घालावी व मिश्रण सारखे करावे. मैदा, सोडा व बेकिंग पावडर एकत्र करून मिसळून चाळून घ्यावे व तो मैदा वरील मिश्रणात घालून चांगले कालवून घ्यावे. घट्ट वाटल्यास थोडे दूध घालेवे. केकच्या भांड्याला तुपाचा हात लावून त्यात वरील मिश्रण ओतून ओव्हनमध्ये केक भाजून काढावा.

मिल्क कॅन्डी

Tue, 17 Mar 2009 16:35:51 +0530

साहित्य : अर्धा लिटर दूध, पाव लिटर दही, एक किलो साखर, एक वाटी पिठीसाखर, चारोळी, बदामाचे काप, वेलदोड्यांची पूड.

कृती : दूध गरम करून, नंतर गार करून घ्यावे. एका पातेल्यात दूध, दही व साखर एकत्र करून मिश्रण करावे. नंतर विस्तवावर ठेवून ते मिश्रण चांगले घोटावे. मिश्रण घट्ट होन आल्यावर ते खाली उतरवून, त्यात पिठीसाखर व वेलदोड्यांची पूड घालून चांगले मिसळावे व ताटाला तुपाचा हात लावून त्यावर ते मिश्रण थापावे. त्यावर बदामाचे काप व चारोळ्या घालून लहान लहान वड्या पाडाव्यात.

स्टॉबेरीचा मुरंबा

Tue, 17 Mar 2009 16:35:41 +0530

स्ट्रॉबेरी स्वच्छ करून घ्यावी. स्ट्रॉबेरीच्या दीडपट साखर घेऊन त्याचा पक्का पाक करावा त्या पाकात स्ट्रॉबेरी घालून पाक दाट होईपर्यंत शिजवावे. मुरंबा मंद आचेवर शिजवावा. गार झाल्यावर बरणीत भरावा.

मावा साटोरी

Mon, 16 Mar 2009 17:16:37 +0530

साहित्य : 2 वाटी खवा, 1 1/2 वाटी साखर, अर्धा चमचा वेलची पूड, नारळाचा कीस पाऊण वाटी, 2 वाटी मैदा, चिमटीभर मीठ, लाटण्यसाठी पिठी, तळण्यासाठी तूप.

कृती : सारण प्रथम कढईत खवा परतून घ्या, त्यावर साखर घाला. परतत रहा. खवा पातळ होईल. वेलची पूड, नारळाचा किस घाला. मिश्रण घट्ट येईपर्यंत शिजू द्या व थंड करण्यास ठेवा.

आवरण : 2 वाटी मैदा, थोडे मीठ घालून थोडे थोडे पाणी घालून भिजवून ठेवा. अर्धा तास मुरू द्या. करताना तुपाचा हात घेऊन लहान लहान आकारात गोळे करा. छोटी पुरी लाटून खव्याचे सारण भरून पुरी लाटा. तव्यावर दोन्ही बाजूनी शेकून घेऊन लगेच गरम तुपावर लालसर साटोरी तळून घ्या.

अंडा भुर्जी

Wed, 04 Mar 2009 15:28:10 +0530

साहित्य : सहा अंडी, 100 मिलीग्रॅम शेंगदाणा किवा सोयाबीन तेल, दोन मोठे कांदे, 25 ग्रॅम लसूण पाकळ्या, एक टोमॅटो, 20 ग्रॅम आले, जीरे, मोहरी, हिरवी कोशिंबीर, 50 ग्रॅम हिरव्या मिरच्या

कृती : अंडे अलगदपणे फोडून एका पातेल्यात द्रावण काढावे. चमच्याने द्रावण चांगले फेटून घ्यावे. कांदा चिरून घ्यावा. लसूण, जीरे व आल्याची पेस्ट बनवून घ्यावी. गॅसवर कढई ठेवावी. कढईत तेल घालून तापू द्यावे. तापलेल्या तेलात कांदा सोडावा. कांदा तांबूस होईपर्यंत भाजावा. लसूण, जिरे व आल्याची पेस्ट कढईत घालून तळावी.

या मिश्रणात वाटलेल्या हिरव्या मिरच्यांचा ठेचा घालून तळावा. संपूर्ण मिश्रण तेलात चांगले घोळून घ्यावे. अंड्याचे फेटलेले द्रावण यात घालावे व चमच्याने घोळत रहावे.

हिरवी कोथिंबीर व हिरव्या कांद्याची पात, थोडा गरम मसाला घालून संपूर्ण मिश्रण चमच्याने परतवून घ्यावे. मिश्रण मोकळे होईपर्यत ही कृती करत रहावी. अंडा भुर्जीचा सुगंध नाकात दरवळू लागला की समजावे भुर्जी तयार.

शाही रबडी विथ पनीर

Sat, 28 Feb 2009 18:45:59 +0530

साहित्य : 250 ग्रॅम पनीर, 1 मोठा चमचा गुलाब पाणी, 8-10 केशर काड्या, 1 1/2 लिटर दूध, 2 मोठे चमचे काजू, पिस्ता, 1/2 चमचा वेलची पूड, 2 मोठे चमचे साखर, तळण्यासाठी तूप, सजावटीसाठी गुलाब पाकळ्या.

कृती : पनीरचे लहान-लहान गोळे करावे. गुलाब पाण्यात केशरच्या काड्या टाकून मिक्स करावे. तूप गरम करून त्यात पनीरचे गोळे तळून केशरच्या पाण्यात टाकाल्याने त्यांचा रंग केशरी होईल, नंतर त्या गोळ्यांवर साखर भुरकावी.

दूध उकळत ठेवावे, जेव्हा दूध 1/3 होईल तेव्हा साखर टाकून त्याला परत उकळावे. थंड झाल्यावर त्यात वेलची पूड टाकावी. सर्व्ह करताना काचेच्या बाउलमध्ये सर्वप्रथम रबडी टाकावी नंतर त्यात पनीरचे गोळे टाकून वर सुका मेवा व गुलाबच्या पाकळ्यांनी ते सजवावे. फ्रिजमध्ये थंड करून शाही रबडी सर्व्ह करावी.

बंगाली शुत्तो

Tue, 17 Feb 2009 09:54:19 +0530

साहित्य : चार बटाटे, दोन रताळे, दोन कारली, चार लहान वांगे, दोन इंच आल्याचे तुकडे, दोन लहान चमचे जीरे, एक लहान चमचा मोहरीची डाळ, दोन लहान चमचे खसखस, अर्धा लहान चमचा हळद, एक लहान चमचा तिखट, मीठ चवीप्रमाणे, कोथिंबीर, चार मोठे चमचे तेल.

कृती : सर्व भाज्यांचे तुकडे करून घ्या. ते मऊ होत नाही तोवर उकळून घ्या. आलं व जिर्‍याचे पेस्ट तयार करावे. खसखसीला गरम पाण्यात टाकून त्याची पेस्ट करावी.

एका भांड्यात तेल गरम करून त्यात मोहरीची डाळ टाकावी. भाज्या, मीठ व तिखट टाकून पाच मिनिट हलवून घ्या. जिरा व आलाची पेस्ट टाकून शिजवावे. त्यानंतर त्यात खसखस पेस्ट व हळद टाकावी. शिजल्यावर कोथिंबीर टाकून सर्व्ह करावे.

रोज स्ट्रॉबेरी जॅली

Sat, 14 Feb 2009 14:59:29 +0530

साहित्य : रोज आईस्क्रीम 200 ग्रॅम, 1 कप फुल क्रीम दूध, 50 ग्रॅम पीठी साखर, ताजे क्रीम 1/2, जिलेटीन 25 ग्रॅम, पाणी 1/4 कप, 400 ग्रॅम ताजी स्ट्रॉबेरी, गुलाब इसेंस 4-5 थेंब, गुलाबाची पाने व सजविण्यासाठी स्ट्रॉबेरी.

कृती : जिलेटीन कोंबट पाण्यात मिसळावे. आईस्क्रीम, स्ट्रॉबेरी, दूध, साखर टाकून एकजीव करावे. जिलेटीन मिसळेपर्यंत शिजवावे. त्यानंतर मिश्रणाला गार करावे. आईस्क्रीम पेस्टमध्ये जिलेटीन इसेंस व क्रीम टाकून फेटावे व ग्लासमध्ये टाकून 2-3 तास फ्रिजमध्ये सेट होण्यासाठी ठेवावे. त्यात क्रश स्ट्रॉबेरी व गुलाबाची पाने सजवून सर्व्ह करावे.

केशरी रसगुल्ले

Thu, 29 Jan 2009 16:14:26 +0530

साहित्य : अर्धा किलो उडदाची डाळ, 100 ग्रॅम तांदुळ, एक किलो साखर, बुंदीचा रंग, तूप, चांदीचा वर्ख, केशरच्या काड्या.

कृती : डाळ व तांदुळ स्वच्छ धुवून 7-8 तास पाण्यात भिजत ठेवा. त्यानंतर पाणी काढून ते मिक्शरमध्ये वाटून घ्या. दूधात रंग टाकून चांगले फेटून घ्या. साखरचा एकतारी पाक करून त्यात इसेन्स व केशर टाकावे. जलेबी बनवण्याच्या कापडात पेस्टला भरावे. तूप गरम करून त्यात जलेबी सारखे घेरात ते टाकवे. दोन्ही बाजूने शेकून 2 मिनिटासाठी साखरेच्या पाकात ठेवावे. चांदीचा वर्ख लावून गरमा गरम केशरी रसगुल्ले सर्व्ह करावे.