पंजाबी ढाबा

Dhaba Style अमृतसरी छोले भटुरे रेसिपी

Tue, 09 Jun 2026 08:00:00 +0530

पंजाबी जेवण त्याच्या उत्कृष्ट चव, सुवासिक मसाले आणि रिच ग्रेव्हीसाठी जगभर प्रसिद्ध आहे. तसेच तुम्हाला घरीच अस्सल ढाबा स्टाईल किंवा रेस्टॉरंटसारखे पंजाबी अमृतसरी छोले भटुरे बनवायचे चला जाणून घेऊ या....

अमृतसरी छोले भटुरे रेसिपी
सकाळच्या नाश्त्यासाठी किंवा वीकेंडच्या बेतासाठी छोले भटुरे हा उत्तम पर्याय आहे.

छोले रेसिपी-
साहित्य: रात्रभर भिजवलेले काबुली चणे (छोले), कांदा-टोमॅटोची पेस्ट, चहापत्तीची पुरचुंडी (काळ्या रंगासाठी), छोले मसाला, आले-लसूण पेस्ट, तमालपत्र, जिरे.

कृती- कुकरमध्ये भिजवलेले छोले, पाणी, मीठ आणि चहापत्तीची पुरचुंडी टाकून ४-५ शिट्ट्या काढून मऊ शिजवून घ्या. (नंतर चहाची पुरचुंडी काढून टाका). कढईत तेल गरम करून जिरे आणि तमालपत्राची फोडणी द्या. मग कांदा आणि आले-लसूण पेस्ट परतून घ्या. त्यात टोमॅटो प्युरी, लाल तिखट, हळद आणि २ चमचे 'छोले मसाला' टाकून मसाला तेल सुटेपर्यंत परता. आता शिजवलेले छोले पाण्यासह त्यात टाका आणि थोडे मॅश करा जेणेकरून ग्रेव्ही दाट होईल. १०-१२ मिनिटे उकळू द्या.

भटुरे रेसिपी-
साहित्य: मैदा (२ कप), दही (अर्धा कप), बेकिंग सोडा (पाव चमचा), सूजी/रवा (२ चमचे), तेल, मीठ.
कृती: मैद्यात रवा, दही, बेकिंग सोडा, मीठ आणि थोडे तेल घालून कोमट पाण्याने मऊ पीठ मळून घ्या. हे पीठ २ तास ओल्या कपड्याने झाकून ठेवा. नंतर त्याचे जाडसर भटुरे लाटून कडकडीत तेलात सोनेरी रंगावर तळून घ्या.

ALSO READ: सर्वांना आवडणारा पदार्थ पंजाबी आलू कुलचा

तर चला तयार आहे आपले अस्सल ढाबा स्टाईल अमृतसरी छोले भटुरे रेसिपी, गरम नक्कीच सर्व्ह करा.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीचीपूर्णता, विश्वासार्हता आणि अचूकता याबाबत वेबदुनिया कोणतीही हमी देत नाही. अधिक माहितीसाठी संबंधित तज्ज्ञांचा सल्ला घ्यावा.

ALSO READ: Sunday Special Recipe स्वादिष्ट असा पंजाबी मसाला पुलाव

Edited By- Dhanashri Naik

Achari Bhindi Recipe: पारंपरिक भारतीय मसाल्यांचा वापर करून आचारी भेंडी अशा प्रकारे बनवा

Thu, 14 May 2026 18:14:00 +0530

अचारी भेंडी ही चवीला अतिशय चटपटीत आणि मसालेदार लागते. रोजच्या भेंडीच्या भाजीला हा एक उत्तम पर्याय आहे. खालीलप्रमाणे तुम्ही ही रेसिपी बनवू शकता:

साहित्य :

भेंडी २५० ग्रॅम (मध्यम आकारात चिरलेली)

मोहरीचे तेल किंवा साधे तेल ३-४ मोठे चमचे

दही २-३ चमचे (फेटलेले)

अचारी मसाला: मोहरी, मेथी दाणे, बडीशेप, जिरे, कलौंजी (प्रत्येकी अर्धा चमचा)

आले-लसूण पेस्ट १ चमचा

मसाले- हळद, तिखट, धणे पूड, आमचूर पावडर

मीठ चवीनुसार

कृती (Instructions):

१. भेंडी तयार करणे:

भेंडी स्वच्छ धुवून पूर्णपणे कोरडी करून घ्या (कोरडी केल्यामुळे ती चिकट होत नाही).

भेंडीचे देठ काढून मधून उभी चीर द्या किंवा १-१ इंचाचे तुकडे करा.

२. मसाला तयार करणे:

एका कढईत थोडे तेल गरम करा. त्यात मोहरी, मेथी, बडीशेप, जिरे आणि कलौंजी टाकून तडतडू द्या.

त्यानंतर त्यात हिंग आणि आले-लसूण पेस्ट घालून परता.

३. भेंडी परतणे:

आता कढईत चिरलेली भेंडी टाका. मध्यम आचेवर भेंडी ५-७ मिनिटे परतून घ्या, जोपर्यंत ती थोडी मऊ होत नाही.

४. मसाले घालणे:

भेंडी थोडी शिजल्यावर त्यात हळद, लाल तिखट, धणे पूड आणि चवीनुसार मीठ घाला.

मसाले जळू नयेत म्हणून गॅसची आंच कमी ठेवा.

५. दह्याचा वापर:

आता गॅस अगदी कमी करा आणि त्यात फेटलेले दही टाका. दही फाटू नये म्हणून सतत हलवत राहा.

शेवटी आमचूर पावडर टाकून मिक्स करा. (जर दही जास्त आंबट असेल तर आमचूर पावडर टाळली तरी चालेल).

६. वाफ काढणे:

कढईवर झाकण ठेवून २-३ मिनिटे मंद आचेवर वाफ काढा जेणेकरून सर्व मसाले भेंडीत व्यवस्थित मुरतील.

खास टीप: भेंडी चिकट होऊ नये यासाठी त्यात मीठ सुरुवातीला न टाकता मध्यम शिजल्यावर टाकावे. तसेच, लिंबाचा रस किंवा आमचूर पावडर वापरल्यानेही चिकटपणा कमी होतो.

तुमची गरमागरम अचारी भेंडी तयार आहे! ही भाजी पोळी किंवा पराठ्यासोबत अप्रतिम लागते.

सर्वांना आवडणारा पदार्थ पंजाबी आलू कुलचा

Sat, 03 May 2025 08:00:00 +0530

साहित्य-
उकडलेले बटाटे - सहा
तिखट -अर्धा टीस्पून
हिरव्या मिरच्या - दोन
चाट मसाला - एक टीस्पून
कोथिंबीर
मीठ - चवीनुसार
कुलचा पीठ - दोन कप
दही - अर्धा कप
बेकिंग सोडा - अर्धा टीस्पून
पिठीसाखर - दोन टीस्पून
सुके पीठ
मीठ चवीनुसार

ALSO READ: स्वादिष्ट कॉर्न पुलाव रेसिपी

कृती-
सर्वात आधी उकडलेले बटाटे सोलून एका भांड्यात मॅश करा. आता मॅश केलेल्या बटाट्यांमध्ये लाल तिखट, गरम मसाला, चाट मसाला, चिरलेली हिरवी मिरची, कोथिंबीर आणि मीठ घाला आणि चांगले मिसळा. आता दुसरे भांडे घ्या आणि त्यात मैदा घाला. आता मैद्यात साखर, बेकिंग सोडा, दही आणि चवीनुसार मीठ घाला आणि मिक्स करा. आता थोडे थोडे पाणी घाला आणि मऊ पीठ तयार करण्यासाठी मळून घ्या. पीठ मळल्यानंतर साधारण२० मिनिटे बाजूला ठेवा. आता मोठे गोळे तयार करा. एक मोठा गोळा घ्या आणि तो हलका दाबा. आता त्यावर कोरडे पीठ लावा आणि थोडे जाडसर लाटून घ्या. आता त्यात एक चमचा बटाट्याचे मिश्रण टाका आणि ते सर्व बाजूंनी पॅक करा आणि पिठाचा गोळा बनवा.
आता पिठाच्या एका बाजूला कोथिंबीरची पाने ठेवा आणि दाबा. यानंतर, पिठाचा गोळा उलटा करा आणि त्यावर थोडे पीठ लावा आणि तुम्हाला हवा तो आकार द्या. आता मध्यम आचेवर एक नॉन-स्टिक तवा ठेवा आणि तो गरम करा. आता गुंडाळलेल्या कुल्चावर थोडे पाणी लावा आणि ते तव्यावर ठेवा. जिथे कोथिंबीरची पाने ठेवली नाहीत तिथे हे लावा.पाणी लावल्याने कुलचा तव्याला चांगला चिकटेल. कुलचा एका बाजूने चांगला शिजला की, गॅसच्या आचेवर पॅन उलटा करा.असे केल्याने कोथिंबीरच्या बाजूचा कुलचाही चांगला शिजेल. कुलचा चांगला शिजला की तो पॅनमधून काढा आणि त्यावर बटर लावा. तर चला तयार आहे आपले पंजाबी आलू कुलचा रेसिपी, गरम नक्कीच सर्व्ह करा.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत नाही. अधिक माहितीसाठी संबंधित तज्ज्ञांचा सल्ला घ्यावा.

ALSO READ: Delicious healthy recipe पालक उत्तपम

Edited By- Dhanashri Naik

Punjabi Recipe मका पराठा

Thu, 20 Jul 2023 21:37:00 +0530

Maka Paratha

बाजारात बाराही महीने मक्याची कणसं मिळत असतात. तर मका अगदी लहान गावापासून तर मोठ्या शहरापर्यंत उपलब्ध असतो. मक्यापासून अनेक पदार्थ केली जातात. आणि हे पदार्थ बनवणे खिशालाही परवडतात. मक्याचा पराठा हा प्रकार अतिशय चविष्ठ आहे. पंजाबमध्ये मक्याचा पराठा व साग आवडीने खाल्ले जाते.

साहित्य : 2 वाटी मक्याचं पीठ, अर्धी वाटी बेसन, अर्धी वाटी कणीक, 1 वाटी बारीक चिरलेली कोथिंबीर, 1 चमच्या आल्याची पेस्ट, 1 चमचा लसणाची पेस्ट, 1 चमचा जिरेपूड, चवीनुसार तिखट, मीठ, हळद अंदाजे 1/2 लहान चमचा ओवा, 1 चमचा तीळ, शेकण्यासाठी तेल.

कृती : मक्याचे पीठ, बेसन, कणीक तिन्ही पीठ मिसळून घ्या. चवीनुसार तिखट, मीठ, हळद, जिरेपूड, ओवा, तीळ व आले पेस्ट घालून कोमट पाण्याने पीठ भिजवून घ्या. कोथिंबीर घाला. चांगले मळून लहान लहान आकारात गोळे बनवा. नंतर पराठे बनवून गरम तव्यावर शेकून घ्या. दही व लोण्यासोबत सर्व्ह करा.

चविष्ट पालक पनीर भाजी

Fri, 22 Jan 2021 20:30:00 +0530

साहित्य -

10 कप किंवा 4 जुड्या चिरलेला पालक, दीड कप पनीर तुकडे केलेलं, 2 चमचे तेल, 3/4 कप बारीक चिरलेला कांदा, 4 पाकळ्या लसणाच्या ठेचलेल्या,1 तुकडा आलं,2 बारीक चिरलेल्या हिरव्या मिरच्या, 1 /2 चमचा हळद, 3/4 कप ताजी टोमॅटो प्युरी, मीठ चवीप्रमाणे, 1 चमचा गरम मसाला, 2 चमचे ताजे क्रीम.

कृती -

एका भांड्यात पाणी उकळवून त्यात पालक घालून 2 ते 3 मिनिटे उकळवून घ्या. गाळून थंड पाण्याने धुऊन एकीकडे ठेवा. मिक्सर मध्ये वाटून पेस्ट करा. एका कढईत तेल गरम करून त्यामध्ये कांदा घालून मध्यम आचे वर सोनेरी होई पर्यंत परतून घ्या या मध्ये लसूण,आलं,हिरव्या मिरच्या ,हळद, टोमॅटो प्युरी घालून परतून घ्या.जो पर्यंत तेल सुटत नाही. या मध्ये पालकाची पेस्ट आणि 2 चमचे पाणी घालून चांगल्या प्रकारे मिसळून घ्या आणि मध्यम आचेवर 2 मिनिटासाठी शिजवून घ्या. शिजताना गरम मसाला, मीठ आणि ताजे क्रीम घाला या मध्ये पनीरचे काप केलेले तुकडे घालून हळुवार पणे मिसळा आणि एक उकळी द्या. पालक पनीर तयार. गरम पालक पनीर पोळी सह सर्व्ह करा.

टीप : आपली इच्छा असल्यास पनीर तळून देखील घालू शकता.

पंजाबी चिकन करी

Tue, 25 Jun 2019 10:03:00 +0530

साहित्य : 500 ग्रॅम चिकन, 2 लहान वेलची, 1 मोठी वेलची, 2 तुकडे दालचिनी, 1 तेजपान (तमालपत्र), 1/2 चमचा तिखट, 1 लहान चमचा आलं लसूण पेस्ट, 3 मध्यम आकाराच्या कांद्याची पेस्ट, 2 टोमॅटो प्युरी, चवीनुसार मीठ, साजुक तूप किंवा तेल.

कृती : सर्वप्रथम कढईत तेल गरम करा. चिकनला हलक्याने तळून बाहेर काढा. आधी तेजपान नंतर कांद्याची पेस्ट घालून त्याला सोनेरी रंग होईपर्यंत परतून घ्या. नंतर त्यात आलं लसुणाची पेस्ट घाला. टोमॅटो प्युरी घाला. त्यात तिखट आणि मीठ घाला. साबूत गरम मसाल्याची पूड करून अर्धी पूड त्यात घाला. चिकन घालून चांगले परतून घ्या. आता थोडे पाणी घालून त्याला शिजू द्या. नंतर त्यात उरलेली मसाल्याची पूड घाला आणि तंदुरी पोळीसोबत गरमा गरम सर्व्ह करा.

तवा पनीर

Fri, 07 Dec 2018 11:58:00 +0530

साहित्य : 200 ग्रॅम पनीर, 1 कांदा, 2 टोमॅटो, 4 सिमला मिरची, पाव चमचा हळद, 1 चमचा लाल तिखट पावडर, पाव चमचा जिरे पावडर, पाव चमचा धने पावडर, चिमूटभर आमचूर पावडर, चवीपुरते मीठ, 2 चमचे तेल.

कृती : प्रथम पनीर, टोमॅटो, कांदा व सिमला मिरचीचे मध्यम आकाराचे तुकडे करून घ्यावेत. आता गॅसच्या मंद आचेवर तवा गरम करण्यास ठेवावा. तवा गरम झाला की त्यात तेल टाकून पनीरचे तुकडे सोनेरी रंगावर परतून घ्यावेत. त्याच तेलात कांदा गुलाबी रंगावर परतून घ्यावा. नंतर सिमला मिरची परतावी. आता त्यात टोमॅटो घालून पूर्णपणे शिजवून घ्यावे. त्यात हळद, लाल तिखट पावडर, जिरे पावडर, धनेपावडर आणि आमचूर पावडर घालून दोन ते तीन मिनिटे मिश्रण चांगले परतून घ्यावे. आता त्यात पनीरचे तुकडे, कांदा, सिमला मिरची आणि मीठ घालून परत एकदा मिश्रण चांगले एकजीव करून घ्यावे व चार ते पाच मिनिटे शिजवून घ्यावे. आता तयार तवा पनीर नान अथवा पोळीसोबत खाणस द्या.

पंजाबी आलू

Fri, 05 Oct 2018 00:05:00 +0530

साहित्य : उकडलेला बटाटा, तेल, बडीशेप, आले, हळद, तिखट, मीठ, साखर गरम मसाला, टोमॅटो प्युरी, कोथिंबीर.

कृती : सर्वप्रथम बटाटे उकडून त्याच्या फोडी कराव्यात. कोथिंबीर बारीक चिरून घ्यावी. तेल गरम करून आले, बडीशेप, हळद, तिखट, गरम मसाला, टोमॅटो प्युरी घालून परतावे. साखर, मीठ घालून जरा शिजवावे. नंतर त्यात बटाट्याच्या फोडी, कोथिंबीर घालून वाफ आणावी आणि गरमा गरम पुरीसोबत सर्व्ह करावे.

खास पंजाबी ढाबा : माखनी डाळ (दाल माखनी)

Tue, 25 Sep 2018 00:29:00 +0530

साहित्य :- अर्धा कप उडीद डाळ, अर्धा कप राजमा, पाव कप चणाडाळ, एक टोमॅटो चिरलेला, एक कांदा चिरलेला, दोन टीस्पून लोणी, अर्धा टीस्पून गरम मसाला, चवीपुरते लाल तिखट, मीठ.

कृती :- सर्वप्रथम मसूर, राजमा, चणाडाळ धुवून घ्यावी. डाळी, राजमा, आलं-लसूण पेस्ट, टोमॅटो, मीठ, लाल तिखट, घालून कुकरला शिजवून घ्यावी. कढईत लोणी गरम करून त्यात चिरलेला कांदा सोनेरी रंगावर परतवून घ्यावा. त्यात टोमॅटोची पेस्ट घालून पुन्हा परता म्हणजे त्यातील तेल वेगळे होईल. त्यात हिंग आणि गरम मसाला घालून मिनिटभर परतावेत. शिजलेल्या डाळी घालून पुन्हा थोडा मंद आचेवर ठेवावा. वाढण्यापूर्वी वरून बटर घालावे, आणि सर्व्ह करावे.

तवा पनीर

Sun, 23 Sep 2018 00:10:00 +0530

साहित्य : 200 ग्रॅम पनीर, 1 कांदा, 2 टोमॅटो, 4-5 ढोबळी मिरची, 1/4 चमचा हळद, 1 चमचा तिखट, 1/4 चमचा जिरे पूड, 1/4 चमचा धने पूड, 1/4 चमचा आमचूर पूड, मीठ, तेल.

कृती : पनीर, टोमॅटो, कांदा, ढोबळी मिरची यांचे मध्यम आकाराचे तुकडे करणे. तवा गरम करून त्यात तेल घालून पनीरचे तुकडे भाजून घेणे. त्याच तेलात कांदा, गुलाबी रंगावर भाजून घेणे, त्याच तेलात ढोबळी मिरची भाजून बाजूला ठेवणे. आता त्याच तेलात टोमॅटो घालून पूर्णपणे शिजवणे. त्यात तिखट, हळद, जिरे पूड, धने पूड आणि आमचूर पूड घालून 2-3 मिनिट परत शिजवणे. त्यात पनीर, कांदा, ढोबळी मिरची आणि मीठ घालून चांगले एक‍त्र करणे व 4-5 मिनिट शिजवून गरम गरम सर्व्ह करावे.

भुट्याचे कटलेट

Sun, 08 Jul 2018 00:31:00 +0530

साहित्य : १ किलो भुट्टे (कणस), चार उकळलेले बटाटे, ५० गॅम रवा, ३ हिरव्या मिरच्या, १ चमचा धने पूड, कोथिंबीर कापलेली, १ चमचा आमचूर, मीठ, २५० ग्रॅम तेल.

कृती : भुट्ट्याला किसून घेऊन त्यात रवा, बटाटे, धणे पूड, बारीक चिरलेल्या हिरव्या मिरच्या, सर्व मसाले व मीठ घालून चांगले कालवावे. कढई गरम करून त्यात तेल टाकून मिश्रणाला कटलेटचे आकार देऊन गुलाबी होईपर्यंत तळून घ्यावे. हे कटलेट चटणी सोबत सर्व्ह करावे.

काश्मिरी पुलाव

Sat, 30 Jun 2018 00:59:00 +0530

साहित्य : बासमती तांदूळ 2 कप, मिक्स फ्रूट टीनं, 400 ग्रॅम तूप किंवा तेल 2 चमचे, काजू 1/2 कप, किसमिस 2 मोठे चमचे, 1 कांदा, मीठ चवीनुसार.

विधी : तांदूळ धुऊन अर्धा तास भिजवावे. भारी तेलाच्या भांड्यात 2 चमचे तूप टाकून कांद्यांना लाल करावे. कांदे थोडे सोनेरी झाल्यावर मीठ व तांदूळ टाका. पाणी 4 कपापेक्षा कमी ठेवा. उकळी आल्यावर आंच कमी करावी. थोडे कमी राहिल्यानंतर उतरवावे. त्यात काजू, किसमिस मिसळावी. दुसऱ्या भांड्यात 1 चमचा तूप टाकून अर्धा मिक्स फ्रूट टाकावा आणि हलक्या हाताने उलट-पालट करून झाकण ठेवावे. भांड्याला तव्यावर ठेवा। वाढताना वरून फळ व काजू, किसमिसांनी सजवावे.

पंजाबी मेथी पकोडा कढी

Tue, 08 May 2018 00:20:00 +0530

साहित्य : 200 ग्रॅम दही, 150 ग्रॅम बेसन, 1 चमचा आलं-लसूण पेस्ट, 1/2 चमचा मेथीदाणा, चवीनुसार मीठ, तिखट, चिमूटभर हिंग, 1-2 साबूत लाल मिरच्या, 1/2 कप मेथी बारीक चिरलेली, 1 कांदा कापलेला, 1/2 चमचा ओवा, तळण्यासाठी तेल.

कृती : दोन मोठे चमचे बेसन वेगळे काढून बाकी बेसनाचा घोळ तयार करावा. त्यात मीठ, तिखट, आलं-लसूण पेस्ट, कांदा, मेथी, ओवा मिसळावा. या घोळीचे भजी तळून वेगळे ठेवावे. दह्याला चांगलाप्रकारे फेटून त्यात बेसन, मीठ, हिरवी मिरची, हळद आणि 2 कप पाणी टाकावे. 2 मोठे चमचे तेल गरम करावे. हिंग, मेथीदाणा, साबूत लाल मिरच्या घालाव्या. नंतर त्यात दह्याचा घोळ घालावा. उकळी आल्यावर भजी घालून काही वेळ शिजवावे. पंजाबी मेथी पकोडा कढी तयार आहे.

रगडा पॅटिस

Thu, 03 May 2018 00:01:00 +0530

साहित्य : वाटाणे, मीठ, हळद, तिखट, उकडलेले बटाटे, हिरव्या मिरच्या, लसूण, आले, जिरे, बारीक शेव, हिरवी व आंबटगोड चटणी.

कृती : सर्वप्रथम वाटाणे रात्रभर भिजत घालावेत. सकाळी शिजवतानाच त्यात मीठ, हळद व आवडीप्रमाणे तोडे तिखट घालावे. ही उसळ मऊ शिजवून घ्यावी. यात मसाला किंवा घालत नाही.
पॅटिससाठी उकडून घेललेले बटाटे सोलून किसून घ्यावेत.
त्यात हिरवी मिरची, लसूण, आले व जिरे वाटून घालावेत.
चवीनुसार मीठ घालून सर्व एकत्र मिसळून घ्यावे.
हा बटाट्याचा गोळा थोडा चिकट वाटल्यास ब्रेडचे दोन तुकडे थोडे ओले करून कुस्करून घालावेत.
नंतर तयार मिश्रणाचे छोटे छोटे कटलेट्स करून शॅलो फ्राय करावेत.
सर्व्ह करताना एका डिशमध्ये दोन पॅटिस घेऊन त्यावर रगडा घालावा.
मग त्यावर शेव व आवडीप्रमाणे दोन्ही चटण्या घालाव्यात.

राजमा-उडीद डाळ

Tue, 03 Apr 2018 08:12:00 +0530

साहित्य : एक कप उडीद, 1/2 कप राजमा, 4 कप पाणी, 1 तुकडा कापलेला अद्रक, 4 पाकळ्या लसूण, 1 कापलेला कांदा, 3/4 चमचा गरम मसाला, 2 कापलेली हिरवी मिरची, 1/2 चमचा हळद, 1 चमचा मीठ, 2 मोठे चमचे तेल, 3/4 चमचा जिरे, कोथिंबीर, 2 मोठे कापलेले टोमॅटो, 3/4 चमचा तिखट.

कृती : उडीद व राजमाला चार काप पाण्यात एक चिमूट मीठ टाकून उकळावे. तेल गरम करून जिरं फोडणी द्यावी मग कांदा, लसूण, अद्रक व हिरवी मिरची फ्राय करावी. मीठ, तिखट व हळद घालून एक मिनिट फ्राय करावे नंतर टोमॅटो टाकावे. तीन मिनिटानंतर उकळलेल्या डाळी घालाव्या आणि चमच्याने चांगल्याप्रकारे घोटावे. चार-पाच मिनिट उरल्यानंतर कोथिंबीर व गरम मसाला घालावा आणि तंदुरी पोळीसोबत गरम-गरम सर्व्ह करावे.

कुलचा पिझ्झा

Sat, 31 Mar 2018 00:08:00 +0530

साहित्य : 2-4 कुलचे, चिरलेले टोमॅटो, चिरलेला कांदा, मश्रुम, लोणी, सॉस, चीज क्यूब्स, मीठ व काळेमिरे पूड.

कृती : सर्वप्रथम कुलच्यांवर लोणी लावावे. त्यावर सॉसची एक लेअर लावावी. त्यावर चिरलेले टोमॅटो व कांदे घालावे. नंतर मश्रुमच्या स्लाइस लावाव्या. मीठ, काळेमिरे पूड पसरवावी व चीज किसून त्यावर ठेवून ते ओव्हनमध्ये ठेवावे. गरमा गरम कुलचा पिझ्झा चहा सोबत सर्व्ह करा.

Punjabi Dhaba : फणस भाजी

Mon, 26 Mar 2018 16:28:00 +0530

साहित्य : फणस असमासे अर्धा किलो, ४ मोठे कांदे, लसूण, आलं, हिरवी मिरची, धणे पूड, काळीमिरी पूड, गरम मसाला, मीठ चवीनुसार, मोहरी तेल.

कृती : सर्वप्रथम फणसाची साले काढून त्याच्या फोडी कराव्यात. या फोडी उकडून घ्याव्यात. नंतर आलं, लसूण, हिरवी मिरची यांची पेस्ट करावी. एका भांड्यात मोहरीचे तेल टाकून आलं, लसूण आणि हिरवी मिरचीची पेस्ट त्यात टाकावी. त्यानंतर उकडलेला फणस कुस्करुन घ्यावा आणि तो त्यात घालावा. गरम मसाला टाकून ५ मिनिटे भाजी शिजवावी. ही भाजी खाण्यास पौष्टिक असते.

पंजाबी कढी

Thu, 08 Mar 2018 00:43:00 +0530

साहित्य : 100 ग्रॅम फूलकोबी, 250 ग्रॅम हिरवे मटर, 2 बटाटे, 50 ग्रॅम अरबी, 50 दुधी भोपळा, 8-10 फ्रेंचबिन्स शेंगा, 5-6 हिरव्या मिरच्या, 2 टोमॅटो, 25 ग्रॅम चिंच, अर्धा कप बेसन, दोन मोठे चमचे तूप.

कृती : सर्व भाज्यांना कापून एकीकडे ठेवावे. कढईत एक पळी तूप गरम करून पाव चमचा मेथी, एक चमचा जिरे व पाव चमचा मोहरीची फोडणी द्यावी. बेसन घालून गुलाबी होईपर्यंत भाजावे. दोन चमचे धने, एक चमचा मिरची, एक चमचा हळद, दीड चमचा मीठ व चार ग्लास पाणी टाका. आता कढईत सर्व भाज्या टाकून 5-6 मिनिटापर्यंत भाजावे.

भाजल्यानंतर भाज्या कुकरमध्ये टाकून दोन शिट्टी होईपर्यंत आंचेवर ठेवावे. शिट्टी आल्यानंतर चिंचेचे पाणी टाकावे. वाढताना लाल मिरची, हिरवी मिरची, जिरे व हिंगाची फोडणी द्यावी आणि वरून थोडेसे धने टाकावे. याला भात किंवा पोळीसोबत घ्यावे.

चविष्ट छोले

Thu, 01 Mar 2018 00:21:00 +0530

साहित्य : 250 ग्रॅम काबुली चणे, 1/2 चमचा खायचा सोडा, मीठ चवीनुसार, चिंचेचा गर 1 चमचा.

छोल्यासाठी साहित्य : तिखट, जिरे, काळे मिरे पूड, सुंठ-ओव्याची पूड, धने पूड, दालचिनी पूड, लवंगांची पूड, मोठी वेलची पावडर, या सर्वांना 1/2-1/2 चमचा घेऊन एकत्र करावे.

कृती : काबुली चण्यात खाण्याचा सोडा घालून 8 तास भिजत ठेवावे. नंतर कुकरामध्ये गळेपर्यंत शिजवावे. शिजल्यावर त्यात मीठ, चिंचेका कोळ, पाणी व छोल्याचा मसाला घालून 5 मिनिट शिजवून घ्यावे. छोले तयार आहे, या छोल्यांना पोळी किंवा ब्रेड सोबत सर्व्ह करावे.

मका स्पेशल पराठा

Mon, 26 Feb 2018 16:15:00 +0530

साहित्य : 2 वाटी मक्याचं पीठ, अर्धी वाटी बेसन, अर्धी वाटी कणीक, 1 वाटी बारीक चिरलेली कोथिंबीर, 1 चमचा आल्याची पेस्ट, 1 चमचा लसणाची पेस्ट, 1 चमचा जिरेपूड, चवीनुसार तिखट, मीठ, हळद अंदाजे, 1/2 लहान चमचा ओवा, 1 चमचा तीळ, शेकण्यासाठी तेल.

कृती : मक्याचे पीठ, बेसन, कणीक तिन्ही पीठ मिसळून घ्या. चवीनुसार तिखट, मीठ, हळद, जिरेपूड, ओवा, तीळ व आले पेस्ट घालून कोमट पाण्याने पीठ भिजवून घ्या. कोथिंबीर घाला. चांगले मळून लहान लहान आकारात गोळे बनवा. नंतर पराठे बनवून गरम तव्यावर शेकून घ्या. दही व लोण्यासोबत सर्व्ह करा.

बिटाचा पराठा

Sun, 25 Feb 2018 00:20:00 +0530

साहित्य : मध्यम आकाराचे एक बीट, चमचाभर तीळ, तीन-चार हिरव्या मिरच्या भरडसर वाटलेल्या, बारीक चिरलेली कोथिंबीर, मोठा चमचा तेल, चिमूटभर साखर, चवीप्रमाणे मीठ, हळद, हिंग.

कृती : बीट बारीक किसणीने किसून घ्या. त्यात तीळ, हळद, हिंग, मीठ, साखर, तेल, वाटलेली मिरची, कोथिंबीर घालून कालवून घ्या. त्यात मावेल तेवढी कणीक घाला. थोडे-थोडे पाणी घालून पीठ मळून घ्या. साधारण पाच वाटी पाणी त्याला पुरते. भिजवलेली कणीक थोड्यावेळ झाकून ठेवा. नंतर या पिठाचे पातळ पराठे लाटा. ते मध्यम आचेवर तूप सोडून भाजून घ्या. या पराठ्यासोबत दही देऊन सर्व्ह करा.

चना पिंडी (काबुली चणे पंजाबी पद्धत)

Thu, 18 Jan 2018 00:36:00 +0530

साहित्य : 4 कप काबुली चणे रात्रभर भिजवून निथळून घेतलेले, 2 मोठे चमचे डाळिंबाचे दाणे, 2 मोठे चमचे जिरे, 4 कप पाणी, चवीप्रमाणे मीठ, 4 मसाला वेलच्या, 5 तुकडे दालचिनी, 10 लवंगा, 4 मोठे चमचे धणे पूड, 2 छोटे चमचे गरम मसाला पूड, 3 मोठे चमचे कैरी पूड, 6 हिरव्या मिरच्या उभ्या चिरलेल्या, 15 ग्रॅम आले बारीक कापलेले, 1/2 कप तेल, 1/2 कप तूप, 1 कांदा उभा चिरलेला, 2 लिंबे फोडी केलेली.

कृती : तव्यात डाळिंबाचे दाणे आणि जिरे एकत्र ‍भाजा आणि त्याची पूड करा. कुकरमध्ये पाणी घाला. चणे, 4 छोटे चमचे मीठ, वेलच्या, दालचिनी आणि लवंगा घालून 20 मिनिटे शिजवा. कुकर उघडून पाणी निथळून राखून ठेवा. उरलेलं मीठ डाळिंबाचे दाणे, जीरे, कोथिंबीर, काळी मिरी, गरम मसाला आणि कैरी पूड घाला. तव्यात तेल आणि तूप धूर निघेपर्यंत गरम करा आणि ते चण्यांवर सारखे ओता. चणे शिजवलेलं पाणी घाला. चणे असलेला कुकर मध्यम आचेवर ठेवा आणि पाणी आटून जाईपर्यंत आणि तेल वेगळे सुटेपर्यंत शिजवा. अधून मधून ढवळत रहा. चणे वाढायच्या भांड्यात काढून घ्या. कांदा आणि लिंबासह गरम गरम वाढा.

मक्याची पोळी

Tue, 16 Jan 2018 00:41:00 +0530

साहित्य : 300 ग्रॅम मक्याचे पीठ, 1/2 कप तूप किंवा लोणी, 1 चिमूट मीठ, गरम पाणी.

कृती : पिठात मीठ मिळवा आणि गरम पाणी टाकून नरम चुरून घ्या. चुरलेल्या पिठाचे उंडे बनवा आणि ओल्या हाताने थापून गोल पोळी बनवून गरम तव्यावर दोन्हीकडून कुरकुरीत शेकावे. शेकलेली पोळीवर लोणी लावून सरसोच्या भाजीसोबत गरम गरम वाढावे.

मटार-पनीर

Mon, 18 Dec 2017 00:23:00 +0530

साहित्य : दूध, मैदा किंवा डाळीचे पीठ, ओल्या मिरच्या किंवा लाल तिखट, मीठ कांदा, लसूण, आले, धने, जिरे, लिंबू, साखर, तेल, एक वाटी मटाराचे दाणे व दोन मोठे लाल टोमॅटो.

कृती : पनीर तयार करून घेतल्यावर त्यात मैदा किंवा डाळीचे पीठ घालून, सारखे करून एका फडक्यावर अर्धा इंच जाडीचे पसरावे. त्यावर दुसरे एक फडके घालावे व त्यावर पाट ठेवावा. अंदाजे अर्ध्या तासाने त्यातील सर्व पाणी निघून जाईल. नंतर त्या पनीरच्या चौकोनी वड्या कापून, त्या तेलात किंवा तुपात तांबूस तळून घ्याव्यात व फोडणी करून त्यात इतर मसाला घालून व परतून नंतर त्यात वाफवून घेतलेले मटाराचे दाणे घालावेत. लिंबू पिळण्याऐवजी टोमॅटो चिरून घालावेत व नंतर पनीरचे तुकडे घालून चांगले उकळावे. पनीरच्या तुकड्यांपेक्षा मटाराचे दाणे जास्त प्रमाणात घालावेत.

टीप : याप्रमाणेच मटाराच्या दाण्यांऐवजी फ्लॉवर किंवा बटाटे घालून फ्लॉवर पनीर किंवा आलू-पनीर करावे.

पंजाबी समोसा

Sat, 28 Oct 2017 17:22:00 +0530

साहित्य : अर्धा किलो मटरचे दाणे, ३-४ फ्लॉवरची फुले, अर्धे छोटे लिंबू, ७-८ मिरच्या, ७-८ लसूण पाकळ्या, कोथिंबिर, १ चमचा धने-जिरे पावडर, १ चमचा तिखट, हळद, हिंग, मीठ, साखर, २ वाट्या मैदा, तळण्यासाठी तेल. कूकरमध्ये मटरचे दाणे व बटाटा शिजवावे, नंतर मैद्यात तिखट, धनेजीरे पूड, थोडी हळद व हिंग, भाजलेले तीळ, चवीपुरते मीठ, चिरलेली कोथिंबीर व अर्धी वाटी तेल गरम करून त्यावर ओतावी. हे सर्व मिश्रण कालवून मैदा घट्ट भिजवावा आणि तो २ तास मुरवत ठेवावा.

बटाटे कुस्करून घ्यावेत. फ्लॉवरची फुले बारीक चिरावी. त्यानंतर मटार, कुस्करलेला बटाटा, चिरलेला कांदा लसूण, मिरच्या, अर्धी वाटी चिरलेली कोथिंबीर, चिरलेले फ्लॉवर यामध्ये थोड लाल तिखट, हळद, हिंग, धनेपूड, चवीप्रमाणे मीठ व लिंबू पिळून सर्व मिश्रण परत एकसारखे कालवून घ्यावे.

भिजवलेल्या मैद्याचा छोटा गोळ घेऊन सर्वात पातळ व मोठी पोळी लाटावी. या पोळीचे तीन भाग करावे. तीन पट्ट्यांवर मटारचे केलेले सारण घालून खणासारखी त्रिकोणी घडी करावी. याप्रमाणे सर्व समोसे करून घेतल्यानंतर गुलाबी रंग येईपर्यंत मध्यम आचेवर तेलात तेळावे.

कणसाची रसेदार छल्ली

Tue, 05 Sep 2017 16:22:00 +0530

साहित्य : 4 अमेरिकन कार्न, 1 लहान चमचा बटर, मीठ चवीनुसार, तिखट आवडीनुसार, 4 लहान चमचे चाट मसाला, पाव वाटी लिंबाचा रस.

कृती : सर्वप्रथम प्रेशर कुकरमध्ये बटर गरम करून त्यात भुट्टे घालून चांगले हालवून घ्यावे व त्यात 1/2 वाटी पाणी घालून कुकरचे झाकण लावून 2-3 शिटा होऊ द्या.

रसा तयार करण्यासाठी : लिंबाच्या रसात तिखट, मीठ आणि चाट मसाला घालून चांगले एकजीव करावे, आवडत असल्यास थोडे लोणीसुद्धा घालू शकता.

भुट्टे उकळ्लयावर त्यांना लिंबाच्या रसाने तयार केलेल्या रस्यात चांगल्याप्रमाणे चोळून घ्यावे, आणि गरम गरम भुट्टे सर्व्ह करावे.

काबूली पालक

Tue, 18 Jul 2017 00:02:00 +0530

साहित्य : दोन वाट्या काबुली चणे, एक कांदा, दोन टोमॅटो, दोन कप उकडून बारीक केलेला पालक, पाव लहान चमचा हळदपूड, अर्धा लहान चमचा लाल तिखट, अर्धा लहान चमचा गरम मसाला, अर्धा लहान चमचा मीठ, दोन लाल सुक्या मिरच्या, दोन चमचे तेल, एक इंच आल्याचा तुकडा.

कृती : मीठ टाकून चणे उकडून घ्या, त्यानंतर कढईत एक चमचा तेल टाकून त्यात कांदा टोमॅटो व पालक व्यवस्थित परतून घ्या, मसाला मिसळून शिजू द्या, त्यात आल्याची पेस्ट करून टाका, नंतर त्यात उकडलेले चणे टाकून शिजू द्या, उरलेल्या तेलात सुकी मिरची टाकून कडकडीत गरम करा व काबुली पालकाला वरुन फोडणी द्या. यात फॉलिक अॅसिड भरपूर प्रमाणात आहे.

पंजाबी ढाबा : छोले

Mon, 10 Jul 2017 09:26:00 +0530

साहित्य : अर्धा किलो काबुली चणे, चार बटाटे, चार टोमॅटो, अर्धा चमचा जिरे, एक इंच आल्याचा तुकडा, दालचिनीचे तीन तुकडे, दहा-बारा मिरे, मसाल्याची वेलची, एक लसणीचा गड्डा, सोडा अर्धा चमचा, सुक्या लाल मिरच्या, तूप एक वाटी.

कृती : रात्री पाण्यात सोडा घालून, त्यात काबुली चणे भिजत घालावेत. दुसऱ्या दिवशी सकाळी बटाटे उकडून, सोलून, त्यांच्या फोडी कराव्यात. मिरे, दालचिनी, जिरे, मसाल्याची वेलची यांची पूड करून ती पूड व आले, लसूण, मिरच्या असे सर्व साहित्य बेताचे पाणी घालून वाटून घ्यावे. हा वाटलेला गोळा तुपावर खमंग परतावा. आदल्या रात्री भिजत घातलेले चणे त्यात- म्हणजे चणे भिजत घातलेल्या - पाण्यात मऊ होईपर्यंत शिजवून घ्यावेत व त्यात वरील वाटलेला गोळा व बटाट्याच्या फोडी घालाव्यात. टोमॅटोच्या फोडी करून घालाव्यात. नंतर पुन्हा चांगले शिजवावे. टोमॅटो न घातल्यास अनारदाणे घालावेत. छोल्यात गूळ घालू नये.

पनीरची भाजी

Tue, 11 Apr 2017 22:23:00 +0530

साहित्य : दूध, मैदा किंवा डाळीचे पीठ, ओल्या मिरच्या किंवा लाल तिखट, मीठ कांदा, लसूण, आले, धने, जिरे, लिंबू, साखर, तेल.

कृती : पनीर तयार करून घेतल्यावर त्यात मैदा किंवा डाळीचे पीठ घालून, सारखे करून एका फडक्यावर अर्धा इंच जाडीचे पसरावे. त्यावर दुसरे एक फडके घालावे व त्यावर पाट ठेवावा. अंदाजे अर्ध्या तासाने त्यातील सर्व पाणी निघून जाईल. नंतर त्या पनीरच्या चौकोनी वड्या कापून, त्या तेलात किंवा तुपात तांबूस तळून घ्याव्यात. नंतर फोडणी करून घ्यावी, कांदा, लसूण, ओल्या मिरच्या, धने व जिरे-सर्व एकत्र वाटून, फोडणीत घालून, थोडे परतावे व दोन वाट्या पाणी त्यात घालून, चवीप्रमाणे मीठ व साखर घालावी. थोडे लिंबू पिळावे व त्यानंतर त्यात पनीराचे तुकडे घालून चांगले उकळावे.

कच्च्या वांग्याचे भरीत

Sun, 26 Mar 2017 06:13:00 +0530

साहित्य : 2 मोठी कोवळी वांगी, २ पातीचे कांदे, १ चमचा चाट मसाला मसाला, २ चमचे मीठ, 3/4 चमचा साखर, 3 चमचे ओले खोबरे, कोथिंबीर, अर्धा चमचा तेल.

कृती :वांगी स्वच्छ धुवावी. अर्धा चमचा तेलाचा हात वांग्यावरून फिरवून ती भाजून घ्यावी. भाजल्यानंतर ताटलीत ठेवून त्याचे साल व देठे काढावी. गर हाताने किंवा चमच्या कुस्करावा. कांदे बारीक चिरावे व गरात कच्चेच मिसळावे. इतर साहित्य घालून भरीत कालवावे.

वसंत पंचमी स्पेशल: केशरी भात

Wed, 01 Feb 2017 11:33:00 +0530

साहित्य: 1 वाटी तांदूळ, अर्धा वाटी साखर, 4 केशर काड्या 1 चमचा दूधात चुरुन घ्याव्यात, दोन चिमटी खाण्याचा पिवळा रंग (पाव टीस्पून पाण्यात कालवून), 4 लवंगा, 4 वेलच्या, मनुका, सुके मेवे, दोन टेबलस्पून तूप.

कृती: अर्धा तास तांदूळ भिजवून ठेवा. एका पॅनमध्ये तूप घालून लवंगा, वेलची परतून त्यात तांदूळ मिसळा. केसर आणि दुप्पट गरम पाणी घालून उकळी घ्या. उकळ्यावर रंग, साखर आणि मनुका घाला. तांदूळ शिजल्यावर (8 ते 10 मिनिट) सुके मेवे घालून सर्व्ह करा.

मटर उडीद

Fri, 23 Dec 2016 00:31:00 +0530

साहित्य : 1 कप उडीदची डाळ, 1 कप मटर, 1 लहान चमचा आल्याची पेस्ट, 1/2 लहान चमचा ‍तिखट, 1/2 लहान चमचा गरम मसाला, 1/4 लहान चमचा हिंग पूड, चवीनुसार मीठ आणि 2 मोठे चमचे सरसोचे तेल.

कृती : सर्वप्रथम कुकरमध्ये तेल गरम करून त्यात जिरं हिंग घालावे, डाळ व मटर घालून परतावे. तिखट, गरम मसाला व मीठ घालावे. पाणी घालून 2 शिटी द्यावे. पूरी किंवा परोठे सोबत सर्व्ह करावे.

व्हेज कबाब

Fri, 22 Jul 2016 00:35:00 +0530

साहित्य : १ कप चण्याची डाळ, २ कांदे चिरून, अर्धा कप श्रावणघेवडा चिरून, थोडे जिरे, ३ लवंगा, १ दालचिनीचा तुकडा, १ हिरवी मिरची, २ वेलदोडे, पाणी.

कृती : सर्व एकत्र शिजवावे. कोरडे करुन पुरणाप्रमाणे वाटून घ्यावे. मीठ, आले, लसूण पेस्ट घालावी. सारणासाठी : थोडा खवा मोडून त्यात कोथिंबीर, काजू तुकडा, बेदाणे घालावे. पुरणाच्या वाटीत सारण भरून शॅलो फ्राय करावे. प्रत्येक कबाबवर कांद्याची एक रिंग ठेवून मधोमध थोडा टोमॅटो सॉस घालून द्यावे.

क्रीम पनीर

Fri, 10 Jun 2016 14:30:00 +0530

साहित्य : पनीर, लसूण, मीठ, साखर, मिरी पावडर, तेल, दही, ओवा, फ्रेश क्रीम,

कृती :सर्वप्रथम पनीरचे दोन भाग करावे. अर्ध पनीरची पेस्ट करावी व अर्ध पनीरचे तुकडे करावेत. तुकडे केलेले पनीर तेलात परतून घवेत, तेल गरम करून लसूण, पनीरची पेस्ट, साखर, मीठ, मिरी पावडर, दही, ओवा, पनीरचे तुकडे, फ्रेश क्रीम टाकून मंद आचेवर शिजवा. क्रीम पनीर गरम पोळीबराबेर छान लागते.

फाफडा (पंजाबी पदार्थ)

Thu, 17 Mar 2016 14:00:00 +0530

साहित्य : दोन वाट्या चण्याचे बारीक पीठ, दोन चमचे ओवा, एक चमचा जिरे, हळद, पाऊण चमचा तिखट, मीठ, हिंग, एक कप दूध.

कृती : चण्याच्या पिठात थोडे मोहन घालावे व ओवा, जिरे, हळद, हिंग तिखट व चवीप्रमाणे मीठ हे जिन्नस घालून चांगले मिसळावे. त्यात दूध घालून पीठ भिजवावे व दोन तास ठेवून द्यावे. नंतर ते चांगले मळावे व पातळ पापडासारखे लाटून तेलात तळावे.

पनीर मक्खनी

Sat, 20 Feb 2016 20:58:00 +0530

साहित्य- 225 ग्रा.पनीर, 2 टे.स्पू. मक्खन (लोणी), 2 तेजपान (10 काळी मिरी), 2 इंच दालचिनी, 2 मसाला वेलची 8-10 लवंगा, 2 टे.स्पू. लसूण, आले पेस्ट, 2 हिरव्या मिरच्या, 2 टे. स्पून साय, लाल तिखट, 2 टोमॅटो, 1 टी स्पून गरम मसाला, मीठ, 1 टी स्पून, साखर, 1 टी. स्पून कसुरी मेथी.

कृती- पनीरचे लहान चौकोनी काप करा, टोमॅटोची प्यूरी तयार करा. मायक्रोवेव्ह सेफ डिशमध्ये लोणी टाकून त्यात तेजपान- वेलची- दालचिनी, लवंगा- मिरी टाका. त्यात आले-लसूण पेस्ट, टोमॅटो प्यूरी, हिरव्या मिरच्या- लाल-तिखट- गरम मसाला- मीठ- साखर आणि १ वाटी पाणी टाकून एकत्र करून झाकण न ठेवता ५ मिनिट हायवर (100%) ठेवा, पनीरचे तुकडे व कसूरी मेथी एकत्र करून झाकण न ठेवता मध्यम तपमानावर (70%) ५ मिनिटं ठेवा, वरून साय पसरवून २ मिनिटे कमी तपमानावर (50%) ठेवा. गरमागरम वाढल्यास एकदम छान.

कॉर्न उपमा

Tue, 01 Dec 2015 00:47:00 +0530

साहित्य - 225 ग्रा. मक्याचे दाणे, हिरव्या-मिरच्या, मीठ, चवीपुरती साखर, 1 टी स्पू. लिंबूचा रस, हळद, 1/2 वाटी खवलेले नारळ, बारीक चिरलेली कोथिंबीर, फोडणीसाठी तेल, कढीपत्त्याची पानं, मोहरी, जिरे आणि हिंग.

कृती - मक्याचे दाणे, हिरव्या मिरच्या, मीठ-साखर, लिंबाचा रस घालून मिक्सरमधून भरडून घ्या. मायक्रोवेव्हमधल्या काचेच्या भांड्यात थोडं तेल टाकून त्यात जिरे-मोहरी- चिरलेल्या हिरव्या मिरच्या, कढीपत्त्याची पानं, हिंग टाका, मायक्रोवेव्हमध्ये हायवर (100%) 10 सेकंद ठेवा. भांडं बाहेर काढून भरडलेलं मिश्रण त्यात टाकून चांगलं हलवून घ्या. भांड्यावर झाकण ठेवून परत मायक्रोवेव्हमध्ये हायवर (100%) ३-४ मिनिटे ठेवा, बाहेर काढून कोथिंबीर व खोवलेलं नारळ पेरा. कॉर्न उपमा तयार !

मराठी पाककृती : कोबीचे वडे

Mon, 24 Jun 2013 16:14:43 +0530

साहित्य - कोबी - १ वाटी किसुन घ्यावा, कांदा - १ मोठा किसलेला, कोथिंबीर - आर्धा कप बारीक चिरलेली, डाळीचे पीठ - २ वाटी, साखर चवीनुसार, गरम मसाला पावडर - १/२ टी-स्पून, हिरव्या मिरच्या - ४ ते ५, मीठ, हळद, जिरे, तेल - मोहनासाठी १ टी-स्पून व तळण्यासाठी आवश्यकतेनुसार, लिंबू १/२, हिंग - चिमूटभर.

कृती- सर्वप्रथम कोबी व कांदा किसून घ्यावा त्यात मिरच्या, ‍कोथिंबीर, गरम मसाला, हळद, जिरे, डाळीचे पीठ सर्व साहित्य एकत्र करावे, त्यावर लिंबू पिळावे. पाणी वापरू नये. कोबी, कांदा व कोथिंबीर यांचा ओलेपणा पीठ भिजवण्यास पुरेसा असतो. सरसरीत पीठ करून घ्यावे व हाताच्या तळव्यांना किंचित तेल लावून डाळ व वडय़ाप्रमाणे छोटे-छोटे चपटे वडे करून घ्यावेत. गरम तेलात भज्यांप्रमाणे कोबीचे वडे तळावेत आणि गरम सव्‍‌र्ह करावे.

पंजाबी फुलगोबी पकोडा

Thu, 24 May 2012 17:48:08 +0530

साहित्य : फ्लॉवरचे मोठे तुरे काढून वाफवून घ्या (अर्धवट वाफवा) गार झाल्यावर लिंबाचा रस, मीठ, तिखट, गरम मसाला चोळा.

कृती : भज्यांच्या पिठाप्रमाणे बेसन भिजवा. त्यात आवडत असल्यास ओवा, जिरेपूड, गरम तेल, मीठ, तिखट घाला. पिठात फ्लॉवर बुडवून गरम तेलात भजी तळा. भजी थोडी तळून काढून घ्या. खायला देण्यापूर्वी भजी हाताने दाबून मंद गॅसवर पुन्हा तळून पुदिन्याच्या चटणीबरोबर खायला द्या. असे केल्याने भजी कुरकुरीत होतात.

व्हेज हरियाली

Thu, 24 May 2012 17:43:38 +0530

सामग्री - फुलकोबी- 1कप, फ्रेंचबीन्स 1 कप, हिरवे मटर 3 वाट्या, गाजर 1/2 कप, पानकोबी - 1 कप, पालक 4 कप, आलं-लसूण पेस्ट 4 टी स्पून, काजू 10-12, खवा 1/2 वाटी. दुधावरील मलई 1/2 वाटी, मैदा 1/2 कप, कॉर्न फ्लोअर 1/2 कप, पनीर (किसलेला) 1/2 कप, हिरव्या मिरच्या -4, मीठ, तेल तळण्यासाठी, 1 मध्यम कांद्याचा कीस.

कृती : वरील दिलेल्या सर्व भाज्या बारीक चिरून घ्याव्यात व अर्ध्या-अर्ध्या करून घ्यावा. कोफ्ते तयार करताना अर्धा काढलेल्या भाज्यांमध्ये मैदा, कॉर्नफ्लोअर, मीठ मिसळावे. वाटाणे मिक्सरमधून दळून घ्यावे व अर्धा भाग कोफ्त्यांमध्ये मिसळावा. किसलेला पनीर यात मिसळून घेतल्यानंतर वरील मिश्रणात मिसळून छोटे छोटे बॉल्स करून तळून घ्यावे. पनीरमुळे बॉल्स अधिक स्पंजी होतात. कोफ्ते तळून वेगळे ठेवावे. ग्रेव्ही तयार करताना प्रथम 1/2 वाटी तेल गरम करून त्यात लसूण-आले पेस्ट व किसलेला कांदा लालसर होतपर्यंत फ्राय करून घ्यावा. यात उरलेल्या अर्ध्या भाज्या टाकून व मटर पेस्ट टाकून व्यवस्थित मॅश करून घ्यावे. यात वाफलेला पालक टाकून मॅश करावे.

खवा परतून घ्यावा व मॅश केलेल्या भाज्यांमध्ये खवा व मलाई घालनू शिजवावे. हिरवी मिरची पेस्ट टाकावी व खदखदून शिजवावे. यात कुठलाही मसाला वापरू नये. केवळ चवीप्रमाणे मीठ घालावे. गॅस बंद करून कोफ्ते मिसळावेत. वर सजवण्यासाठी किसलेला पनीर घालावा.

पनीर इन गार्लिक सॉस

Sat, 10 Dec 2011 16:03:45 +0530

साहित्य - पनीरचे लहान चौकोनी तुकडे.

गार्लिक सॉससाठी - गरजेनुसार लाल मिरच्या, आलं, लसूण, व्हिनेगर, साखर, मीठ, तिळाचे तेल.

कृती - चिली गार्लिक सॉस तयार करण्यासाठी मिरच्यांमधल्या बिया काढून रात्रभर व्हिनेगरमध्ये घालून ठेवाव्या. मिरच्या काढून त्यात मीठ आलं-लसूण-साखर-तेल घालून मिक्सरमधून बारीक वाटावे. तयार सॉस फ्रीजमध्ये ठेवावे. पनीरचे तुकडे थोड्या तेलावर परतावे, जास्त तळू नयेत. गार्लिक सॉस-सोया सॉस, टोमॅटो सॉस टाकून चांगले मिक्स करावे. गरजेनुसार मीठ व साखर घालावी.

स्प्राउटेड मुगाचे धिरडे!

Thu, 25 Aug 2011 14:27:59 +0530

साहित्य : 1 कप हिरवे मूग (मोड आलेले), 1 चमचा आलं मिरचीचे पेस्ट, 2 मोठे चमचे बेसन, कोथिंबीर बारीक चिरलेला, मीठ, गरम मसाला चवीनुसार.

कृती : हिरव्या मुगाला रात्रभर ओल्या कपड्यात भिजत ठेवून मोड आणावे. आता मोड आलेल्या मुगाला थोडंसं उकडून गार करून मिक्सरमधून काढून घ्यावे. नंतर या मिश्रणात मीठ, गरम मसाला, आलं, मिरची पेस्ट, हिरवी कोथिंबीर व थोडंसं बेसनही घालावे. आता तव्यावर तेल घालून धिरडे तयार करावे. सोनेरी होईपर्यंत दोन्हीकडून परतून घ्यावे. हे धिरडे स्वादिष्ट असून आरोग्यासाठीही उत्तम आहे.

पास्ता चाट!

Fri, 15 Jul 2011 15:28:16 +0530

साहित्य : 1 कप उकळलेला पास्ता (मॅकरोनी), 1/4 वाटी उकडलेले काबुली चणे, उकडलेले बटाटे, बारीक चिरलेली कोथिंबीर, मिरच्या, सुंठ, कोथिंबिरीची चटणी, मीठ, तिखट, काळे मीठ व चाट मसाला, 1 लहान चमचा तेल.

कृती : सर्वप्रथम फ्राइंग पॅनमध्ये तेल घालून त्यात पास्ता आणि सर्व मसाले घालून एकजीव करावे. त्यात उकडलेले चणे, बटाटे, कोथिंबीर, हिरवी मिरची घालावी. दही, सुंठ व चटणी घालून पास्ता चाट सर्व्ह करावे.

सबत भिडी

Mon, 02 May 2011 15:57:06 +0530

साहित्य : पाव किलो कोवळी भेंडी, चमचाभर लाल तिखट, अर्धा चमचा प्रत्येकी धणेपूड व जिरेपूड, चमचाभर आमचूर, अर्धा चमचा गरम मसाला, चिमूट कसुरी मेथी, प्रत्येकी दोन टोमॅटो व कांदे, मीठ, हळद, अर्धी वाटी तेल.

कृती : भेंडीचे डोके व देठ तोडून उभी चीर फक्त एका बाजूने द्यावी व भरपूर तेलावर भेंडी परतून घ्यावी. कांदा पातळ उभा चिरून परतावा, नंतर त्यात लाल तिखट, धणे- जिरे पूड, आमचूर, गरम मसाला घालून हलवावे. मीठ व हळद घालावी. कसुरी मेथीपूड टाकावी. शिजल्यावर टोमॅटोचे उभे पातळी काप वर टाकावेत. कोथिबीर घालावी व झाकण ठेवून गॅस बंद करावा. गरम भाजीत टोमॅटो शिजतात.

पालक-पिठले

Wed, 06 Apr 2011 12:05:19 +0530

PIB

साहित्य- पालक, लसूण, डाळीचे पीठ, मीठ ४/५ हिरव्या मिरच्या, तेल.
कृती- प्रथम २५० ग्रॅम पालक स्वच्छ धुवून चिरून घ्यावा. नंतर तो उकडून घ्यावा. उकडून झाल्यावर खोल ताटात पसरावा. पालक गार झाल्यावर त्यात १।। वाटी, डाळीचे पीठ कालवावे. सर्व गाठी मोडाव्यात. तेलाची लसूण हिरव्या मिरच्या बारीक करून फोडणी करावी. चवीप्रमाणे मीठ घालून डाळीचे पीठ एकरूप झालेला उकडलेला पालक त्यात टाकून पिठल्याप्रमाणे परतावे. एक वाफ आणावी.

'पंजाबी भरलेली' बाटी

Mon, 13 Dec 2010 16:12:37 +0530

साहित्य : १ किलो कणीक (जाडसर), २ उकडलेले बटाटे, २५० ग्रॅम मटर उकडलेले, १ इंच आल्याचा तुकडा, ६-७ हिरव्या मिरच्या, २ चमचे तिखट, १ चमचा शोप, १/२ चमचा काळे मिरे, ५ ग्रॅम हिंग, १ चमचा गरम मसाला, ३० ग्रॅम मीठ.

कृती : सर्वप्रथम कणकेत 20 ग्रॅम मीठ, तूप किंवा तेल (मोहनासाठी) आणि एक चिमूट भर खाण्याचा सोडा घालून कणीक मळून घ्यावी. आलं, हिरवी मिरची बारीक कापावी. बटाटे मॅश करून त्यात सर्व मसाले घालावे. कणकेचे गोल गोल लाडू तयार करावे. त्याच्या मधोमध मसाला भरून बंद करावे. ओव्हनला आधी गरम करून घ्यावे. नंतर बाट्या शेकून घ्याव्या. सर्व्ह करताना तुपात बुडवून द्याव्या.

कढई मटर

Wed, 17 Nov 2010 00:05:00 +0530

साहित्य : 1 कप मटरचे दाणे, 1/4 कप कांद्याची पेस्ट, 1/4 कप टोमॅटो पेस्ट, 1/4 कप दही, 1 लहान चमचा आलं पेस्ट, 2 हिरव्या मिरच्या बारीक चिरलेल्या, कोथिंबीर चिरलेला, 1/2 लहान चमचा जिरं, 3-4 लवंगा, 6-7 काळे मिरे, 1 तुकडा दालचिनी, 2 तेजपान , 1/4 चमचा दही, 1 चमचा धने पूड, 1/4 चमचा तिखट, 1/4 चमचा गरम मसाला, चवीनुसार मीठ, 1 मोठा चमचा तेल.

कृती : कढईत तेल गरम करून त्यात जिरं, लवंग, काळे मिरे, दालचिनी व तेजपान टाकावे, नंतर त्यात आलं - कांद्याची पेस्ट घालून परतून घ्यावे, मग त्यात टोमॅटो पेस्ट घालावी. 2 मिनिटाने त्यात दही, मिरची, मटरचे दाणे, मीठ, हळद, धने पूड व तिखट घालून चांगले परतून घ्यावे. मटर शिजल्यावर कढई खाली उतरवून त्यात गरम मसाला व कोथिंबीर घालून सर्व्ह करावे.

ब्रेडची दाबेली

Mon, 15 Nov 2010 12:41:22 +0530

साहित्य:- बटाटे, दाबेलीचे पाव, हिरवी मिरची, मीठ, साखर, आलं, चिचेची चटणी, टोमॅटो सॉस, बारीक शेव, डाळिब अर्धा वाटी, शेंगदाणे, हिरवी चटणी, अमूल बटर.

कृती:- सर्वप्रथम उकडलेल्या बटाट्यात थोडी हिरवी चटणी मिक्स करा. पाव मधून कापून तव्यावर अमूल बटर टाकून दाबून शेकून घ्यावा. तव्यावरून काढून त्यावर क्रमश: हिरवी चटणी, टोमॅटो सॉस, बटाट्याचे पुरण, चिचेची चटणी पसरवून त्यावर चिरलेला कांदा, डाळिबाचे दाणे, शेंगदाणे, बारीक शेव टाकून सर्व्ह करावा.

नूडल्स धिरडे

Sat, 23 Oct 2010 17:01:11 +0530

साहित्य : 1 कप उकडलेली नूडल्स, दीड कप मैदा, एक लहान चमचा मीठ, अर्धा चमचा काळेमिरे पूड, दोन चीज क्यूब्स, तळण्यासाठी तेल, दूध आवश्यकतेनुसार, सुक्या लाल मिरच्या.

कृती : सर्वप्रथम मिक्सरमध्ये मैदा, मीठ व काळे मिरे पूड घालून नंतर त्यात दूध घालून मिश्रणाला एकजीव करावे. आता नॉनस्टिक पॅन गरम करून त्यावर थोडेसे उकडलेले नूडल्स ठेवावे त्यावर एक चमचा तयार मिश्रण घालून चांगले पसरवून घ्यावे. वरून चीज व लाल मिरच्याचे तुकडे घालून गुलाबी होईस्तोर दोन्ही बाजून परतून घ्यावे. सर्व्ह करताना सॉस व चटणी घालून सर्व्ह करावे.

फणस चाट

Tue, 12 Oct 2010 12:27:40 +0530

साहित्य- फणसाच्या बिया १ पाव, तिखट, मीठ आवडीनुसार, जिरेपुड (भाजलेली) १ चमचा, वाटलेली हिरवी मिरची १ चमचा, आमचूर पावडर १ चमचा, साखर पाव चमचा, तेल किंवा तूप अंदाजे, जिरे अर्धा चमचा.

कृती- फणसाच्या बिया उकडून तीन शिट्या काढून उकडून घ्या. थंड झाल्यावर सोलून घ्या व मधोमध कापून (दोन भाग) घ्या. तेलावर लालसर रंगावर तळून काढा. थोड्या तेलावर जिरं व वाटलेले मिरची परता, एका भांड्यामध्ये तिखट, मीठ, आमचूर पावडर, थोडी साखर, भाजलेली जिरे पुड एकत्र करा. थोडं मीठ व तयार केलेला मसाला घाला व चाट सर्व्ह करा.

बेक्ड कॉर्न टोस्ट

Wed, 04 Aug 2010 11:31:04 +0530

साहित्य : 5 पीस ब्रेड,1 वाटी उकळलेल्या कणसाचे दाणे, अर्धा कप बारीक चिरलेला कांदा,1 लहान सिमला मिरची बारीक चिरलेली,1 मोठा चमचा मैदा,1 ग्लास दूध,1 लहान चमचा मीठ, मिरे पूड 1/2 लहान चमचा,1 मोठा चमचा लोणी,1/4 चमचा मोहरी,1 क्यूब चीज.

कृती : सर्वप्रथम ब्रेडला टोस्टरमध्ये थोडेसे भाजून घ्यावे. कढईत लोणी आणि मैदा घालून परतून घ्यावा. नंतर त्यात कांदा, सिमला मिरची घालून1 मिनिट भाजून घ्यावे. दूध घालून हालवतं राहावे, घट्ट होत आल्यावर त्यात कणसाचे दाणे, मीठ, काळेमिरे पूड घालून एकजीव करावे व कढई गॅसवरून खाली उतरवून घ्यावी. मिश्रण गार झाल्यावर टोस्ट केलेल्या ब्रेडवर एक मोठा चमचा हे मिश्रण पसरवून वर चीजचा किस करून त्यावर घालावे. ओव्हनमध्ये 100 डिग्री सेंटीग्रेड वर 10-12 मिनिट बेक करून बेक्ड कॉर्न टोस्ट सर्व्ह करावे.

मुळ्याचा चटका

Thu, 01 Jul 2010 12:35:53 +0530

MH Govt

MHNEWS

साहित्य : २ वाटय़ा मुळ्याचा कीस, पाऊण वाटी भिजलेली चणाडाळ, ४-५ हिरव्या मिरच्या, एक छोटा आल्याचा तुकडा, १ वाटी सायीचे फेटलेले दही, हळद, मीठ.

फोडणीसाठी : तेल, मोहरी, सुक्या लाल मिरच्या, हिंग.

कृती : प्रथम बाऊलमध्ये मुळ्याचा कीस पिळून घ्यावा, त्यामुळे मुळ्याचा उग्र वास लपतो.भिजवलेली चणाडाळ, हिरवी मिरची, आल्याचा तुकडा मिक्सरमधून जाडसर वाटून मुळ्याच्या किसात घालावी. नंतर मीठ, साखर, कोथिंबीर, फेटलेले दही, हळद घालून मिक्स करावे. त्याला वरून तेलाची मोहरी, हिंग, सुक्या लाल मिरच्या घालून खमंग, चरचरीत फोडणी द्यावी. वाढताना कोथिंबीर घालून सजवा.

हिरवी कढी

Fri, 02 Apr 2010 15:07:26 +0530

MHNEWS

साहित्य : ५० ग्रॅम दही, एक वाटी दूध, लसणाच्या दोन लहान पाकळ्या, थोडंसं आलं, सात-आठ पानं कढीपत्ता, पाव वाटी बारीक चिरलेली कोथिंबीर, एक लहान हिरवी मिरची, साखर आणि मीठ चवीप्रमाणे.

कृती : सर्वप्रथम दूध आणि मीठ सोडून वरील सर्व साहित्य एका भांड्यात एकत्र करून घ्यावेत. हे मिश्रण मिक्सरमध्ये वाटून घ्यावे. नंतर वेगळ्या भांड्यात काढून त्यात दूध व मीठ घालून एकजीव करावे. कढी पातळ हवी असल्यास त्यात थोडे पाणी घालावे. जेवणाच्या आधी प्यायची असल्यास थंड सर्व्ह करावी.

मका पराठा

Fri, 02 Apr 2010 15:00:14 +0530

MHNEWS

साहित्य : २ वाटी मक्याचं पीठ, अर्धी वाटी बेसन, अर्धी वाटी कणीक, १ वाटी बारीक चिरलेली कोथिंबीर, १ चमच्या आल्याची पेस्ट, १ चमचा लसणाची पेस्ट, १ चमचा जिरेपूड, चवीनुसार तिखट, मीठ, हळद अंदाजे १/२ लहान चमचा ओवा, १ चमचा तीळ, शेकण्यासाठी तेल.

कृती : मक्याचे पीठ, बेसन, कणीक तिन्ही पीठ मिसळून घ्या. चवीनुसार तिखट, मीठ, हळद, जिरेपूड, ओवा, तीळ व आले पेस्ट घालून कोमट पाण्याने पीठ भिजवून घ्या. कोथिंबीर घाला. चांगले मळून लहान लहान आकारात गोळे बनवा. नंतर पराठे बनवून गरम तव्यावर शेकून घ्या. दही व लोण्यासोबत सर्व्ह करा.

दुधीभोपळ्याच्या फुलांची भजी

Fri, 19 Feb 2010 16:37:48 +0530

साहित्य : 8-10 दुधी भोपळ्याचे फुलं, 1 कप बेसन, चवीनुसार मीठ, 1 चिमूट भर हिंग, 1/2 चमचा तिखट, 1/2 चमचा ओवा, 1/4 चमचा हळद, तळण्यासाठी तेल.

कृती : सर्वप्रथम बेसनामध्ये सर्व साहित्य व आवश्यकतेनुसार पाणी घालून भजीचा घोळ तयार करावा. कढईत तेल गरम करत
ठेवावे. भोपळ्याच्या फुलांना स्वच्छ करून धुवावे, नंतर या फुलांना भजीच्या घोळात बुडवून सोनेरी रंगावर तळून घ्यावे. हे पकोडे टोमॅटो सॉस किंवा हिरव्या चटणी सोबत सर्व्ह करावे.

चॉकलेट ब्राउनी केक

Thu, 31 Dec 2009 12:12:13 +0530

साहित्य : 80 ग्रॅम मैदा, 130 ग्रॅम कंडेंस्ड मिल्क, 80 मिली दूध, 60 ग्रॅम बटर, 1 चमचा बेकिंग पावडर, 1 चमचा व्हेनिला इसेंस, 1/4 चमचा बेकिंग सोडा, 1 चमचा कोको पावडर, 2 चमचा ब्राउन शुगर, 2 चमचा काळा रंग, 2 चमचा चॉको चिप्स, 30 ग्रॅम चॉकलेट.

कृती : सर्वप्रथम क्रीम, बटर आणि कस्टर्ड मिल्क चांगल्याप्रकारे फेटून घ्यावे. त्यात मैदा, बेकिंग पावडर, सोडा आणि इसेंस घालून परत एकदा फेटावे. नंतर त्यात दूध घालून मिश्रण एकजीव करावे. केकपात्राला तुपाचा हात लावून मैदा टाकावा आणि त्यावर हे मिश्रण ओतावे. 180 डिग्री सें. वर 25 मिनिटापर्यंत केक बेक करावी. थंड झाल्यावर चॉकलेट सॉस आणि चॉको चिप्सने सजवून सर्व्ह करावी.

मका पराठा

Sat, 19 Dec 2009 17:36:27 +0530

MH News

MHNEWS

साहित्य : 2 वाटी मक्याचं पीठ, अर्धी वाटी बेसन, अर्धी वाटी कणीक, 1 वाटी बारीक चिरलेली कोथिंबीर, 1 चमच्या आल्याची पेस्ट, 1 चमचा लसणाची पेस्ट, 1 चमचा जिरेपूड, चवीनुसार तिखट, मीठ, हळद अंदाजे 1/2 लहान चमचा ओवा, 1 चमचा तीळ, शेकण्यासाठी तेल.

कृती : मक्याचे पीठ, बेसन, कणीक तिन्ही पीठ मिसळून घ्या. चवीनुसार तिखट, मीठ, हळद, जिरेपूड, ओवा, तीळ व आले पेस्ट घालून कोमट पाण्याने पीठ भिजवून घ्या. कोथिंबीर घाला. चांगले मळून लहान लहान आकारात गोळे बनवा. नंतर पराठे बनवून गरम तव्यावर शेकून घ्या. दही व लोण्यासोबत सर्व्ह करा.

(साभार- महान्यूज)

शाही पनीर

Thu, 08 Oct 2009 16:36:07 +0530

साहित्य : 250 ग्रॅम पनीर, 3-4 बारीक चिरलेले टोमॅटो, 100 ग्रॅम लोणी, 50 ग्रॅम खवा, 10-15 काजू, तेज पत्ता, 2 चमचे क्रीम, लहान-मोठी वेलची, 4 चमचे दालचिनी, 2 लवंगा, मीठ, 2 कांदे, अद्रक-लसूण पेस्ट, लाल व हिरवी मिरची, धने, अर्धी वाटी लोणी.

कृती : कांद्याचे बारीक तुकडे करावे. कढईत लोणी गरम करून अद्रक-लसूण पेस्ट टाकून परतावे. त्यात कांदा, हिरवी मिरची लाल होईपर्यंत भाजावी. आता वाटलेले टोमॅटो, खडा मसाला, मीठ, लाल मिरची, वाळलेले धने घालून तूप सोडेपर्यंत भाजावे. त्यात मावा, काजू व लोणी टाकावे आणि कोणत्याही आकारात पनीर कापून घालावे.

गाजराची कांजी

Tue, 15 Sep 2009 10:40:52 +0530

साहित्य : 1 किलो गाजरे, एक वाटी मोहरीची डाळ, दोन चमचे हळद, चवीप्रमाणे मीठ.
कृती : गाजरे स्वच्छ धुऊन ती, तासून घ्यावीत व त्यांच्या साधारण तीन इंच लांब व अर्ध्या इंच रुंदीच्या फोडी कराव्यात. एक मध्यम आकाराचा माठ घेऊन, तो स्वच्छ धुऊन, कोरडा करून घ्यावा. मोहरीची डाळ, हळद व मीठ हे सर्व मिसळून घेऊन गाजराच्या फोडीना लावावे व त्या फोडी माठात टाकून वर कढत पाणी घालावे. माठाचे तोंड फडक्याने बांधून माठ एका घडवंचीवर ठेवावा. रोज एकदा रवीने हालवावे. तीन दिवसांनंतर पेय तयार होते. हे पेय जेवणाच्या वेळी व विशेषत: थंडीच्या दिवसांत ते पिण्यास देण्याची पंजाबमध्ये पद्धत आहे. हे पेय 3-4 दिवस टिकते.

पीक डिलाईट

Mon, 10 Aug 2009 12:33:18 +0530

साहित्य : 2 अंडी, 2 कप दूध, अर्धा वाटी साखर, 1 चमचा बेदाणा, 1 चमचा काजू काप, 1/4 चमचा व्हॅनिला इसेन्स, 1 चमचा कॉर्नफ्लॉवर.

कृती : अंड्यातील पिवळा व पांढरा भाग वेगळा करावा. अंड्यातला पांढरा भाग खूप फेसून घ्यावा. फ्राइंग पॅनमध्ये दूध व 1/4 वाटी साखर उकळायला ठेवावी. दुधाला उकळी आली की चमच्याने थोडा थोडा अंड्यातला पांढरा भाग त्यात टाकावा. जरा उकळू द्यावे. नंतर झाऱ्याने शिजलेला पांढरा भाग वेगळा काढावा.

थोड्या दुधात कॉर्नफ्लॉवर मिसळून घ्यावे. नंतर ते वरील दुधात घालावे. उरलेली साखर घालावी. अंड्यातला पिवळा भाग त्यात घालावा. मंदाग्नीवर असावे. व्हॅनिला इसेन्स घालावा. नंतर जरा दाटसर झाले की उतरवावे. डिशमध्ये अंड्यातला पांढरा भाग ठेवावा. त्यावर हे मिश्रण ओतावे. वरून काजू काप व बेदाणा घालावा. फ्रीजमध्ये ठेवून थंडगार करून सर्व्ह करावे.

दही बटाटा शेव पुरी

Mon, 10 Aug 2009 11:57:22 +0530

साहित्य : 1 वाटी पांढरे वाटाणे, 2 हिरव्या मिरच्या, 8-10 पाणीपुरीच्या पुऱ्या, 2 उकळलेले बटाटे, दही, तिखट, गोड चटणी, बारीक शेव
व कोथिंबीर.

कृती : सर्वप्रथम रात्री पांढरे वाटाणे चिमूटभर सोडा घालून पाण्यात भिजत घालावे. सकाळी त्यात मीठ घालून कुकरमध्ये मऊ शिजवून घ्या. हिरव्या मिरचीचा ठेचा करून त्यात घाला. पाणीपुरीच्या पुऱ्या थोड्या कुस्करून घ्या. त्यावर उकळलेल्या बटाट्याच्या छोट्या फोडी, दही, तिखट व गोड चटणी घाला. सर्वात नंतर त्यावर बारीक शेव घाला व सर्व्ह करताना कोथिंबीरीने सजवून द्या.

मसाला राजमा

Sat, 01 Aug 2009 10:18:14 +0530

साहित्य : 250 ग्रॅम राजमा, 2 कांदे चिरलेले, 1 कप दही, 2 कप कापलेली हिरवी मिरची, हळद, गरम मसाला, तिखट प्रत्येकी अर्धा चमचा, 1 चमचा धने पूड, 1 चमचा क्रीम, 2 मोठे चमचे तेल, 1 चिमटी सोडा, 1 तुकडा कापलेलं आलं, मीठ चवीनुसार.

कृती : राजमाला रात्री सोडा मिसळलेल्या पाण्यात भिजत घालावे. त्याच पाण्यात सकाळी उकळावे. फ्राइंग पैनमध्ये तूप गरम करून कांदा फ्राय करून त्यात आलं व हिरवी मिरची घालून दोन मिनिट परतावे. दह्याला घोटून त्यात हळद, धने पूड, मीठ व तिखट घालावे. एक मिनिटांनंतर पाण्यासहित राजमा डाळीत टाका आणि हलकेसे घोटा. दोन वेळा उकळी आल्यावर गरम मसाला, क्रीम टाकून काही वेळ झाकून ठेवा नंतर साध्या भात किंवा फुलक्यांसोबत वाढावे.

स्प्राउट चाट

Mon, 06 Jul 2009 16:24:29 +0530

साहित्य : 2 चमचे तेल, 1 चमचा हिरवी मिरचीची पेस्ट, 1 कप कडआलेलं मूग, 1/2 कडआलेलं चणे, पाव कप शेंगदाणे 1/2 तास पाण्यात भिजलेले, पाव कप बारीक चिरलेला कांदा, 1/2 कप बारीक चिरलेली पत्ताकोबी, पाव कप गाजर किसलेले, पाव कप कोथिंबीर बारीक चिरलेली, लिंबाचा रस, मीठ, साखर, चाट मसाला, जिरं व काळे ‍िमरेपूड चवीनुसार.

कृती : तेल गरम करून त्यात हिरव्या मिरचीचे पेस्ट घालून परतून घ्यावे. नंतर त्यात मूग, चणे आणि थोडंसं मीठ घालून चांगल्या प्रकारे परतून 2-3 मिनिट झाकण ठेवावे. हे मिश्रण थंड झाल्यावर त्यात बाकी उरलेले साहित्य टाकावे. या चाटमध्ये द्राक्ष, डाळिंब किंवा संत्र्या सारखी फळेसुद्धा घालू शकतो.

रगडा ऑन टोस्ट

Sat, 27 Jun 2009 14:31:29 +0530

साहित्य : 2 कप पांढरे वाटाणे, 1/4 चमचा खायचा सोडा, 1 चमचा बारीक चिरलेला कांदा, 2 चमचे चिरलेले टोमॅटो, 1 चमचा हिरवी मिरची व आल्याचे पेस्ट, चिरलेली कोथिंबीर, चाट मसाला 1 चमचा, 1 मोठी वेलची, 2 लवंगा, दालचिनी 1/2 इंचीचा तुकडा, मीठ चवीप्रमाणे, 1 चमचा लिंबाचा रस, 8 ब्रेडचे स्लाइस.

कृती : वाटाण्यांना रात्रभर भिजत ठेवावे. कुकरामध्ये पाणी, लवंगा, दालचिनी, मोठी वेलची आणि 1/2 चमचा मीठ टाकून गळेपर्यंत शिजवून घ्यावे. नंतर उकळलेल्या वाटाण्यांमधून लवंगा, दालचिनी व मोठी वेलची वेगळी काढून घ्यावी. त्यात कांदे, टोमॅटो, हिरव्या मिरच्या, कोथिंबीर, चाट मसाला, मीठ इत्यादी सामग्री टाकून मिश्रण एकजीव करावे. रगडा (भाजी) तयार आहे. आता टोस्टरमध्ये ब्रेड भाजून त्यावर थोडीसी भाजी व कोथिंबीर घालून सर्व्ह करावे.

ड्रायफ्रूट कॉर्न

Thu, 18 Jun 2009 15:15:39 +0530

साहित्य : दीड कप कणसाचे दाणे, 3 कप दूध, 3/4 चमचा साखर, दीड मोठा चमचा साजुक तूप, फ्राइड मख्खाने 10-12, 1/4 कप काप केलेले सुके मेवे.

कृती : तूप गरम करून त्यात कणसाचे दाणे टाकावे व सोनेरी होईपर्यंत तळून ते दुधात टाकावे. मंद आचेवर त्याला शिजू द्यावे. जेव्हा दूध आटायला लागेल तेव्हा त्यात मख्खाने, साखर व मेवा घालावा. या ड्रायफूट कॉर्न गरम गरम सर्व्ह करावे.

पिकलेल्या केळीची भाजी

Fri, 05 Jun 2009 15:30:57 +0530

साहित्य : 2-3 मोठी केळी, 1/4 चमचा हळद, 1/2 चमचा तिखट, 1 चमचा धने पूड, 1 मोठा चमचा तेल, मीठ चवीनुसार, 1 हिरवी मिरची, 1 चमचा साखर, 1/2 चमचा लिंबाचा रस, 1 मोठा चमचा कोथिंबीर, 1/2 चमचा जिरं, 1/2 चमचा मोहरी, 1/4 चमचा गरम मसाला.

कृती : केळी सोलून त्याचे गोल गोल काप करावे. एका भांड्यात हळद, तिखट, धने पूड, गरम मसाला, मीठ व साखर घालून चांगल्या प्रकारे एकजीव करावे. नंतर पॅनमध्ये तेल गरम करून त्यात मोहरी जिऱ्याची फोडणी देऊन त्यात चिरलेल्या हिरव्या मिरच्या घालाव्या. त्यावर मसाल्याचे साहित्य घालावे. सर्वात शेवटी लिंबाचा रस व बारीक चिरलेली कोथिंबीर घालून भांडे खाली उतरून घ्यावे. ही भाजी फारच लवकर बनते.

अंगुर-काकडीची भाजी

Fri, 05 Jun 2009 15:19:35 +0530

साहित्य : 1 कप काकडी (चिरलेली), 1 कप हिरवे अंगूर, 2 मोठे चमचे तेल, 1/4 चमचा मोहरी, 1/2 चमचा जिरं, 1/2 चमचा तिखट, 1/4 चमचा हळद, मीठ चवीनुसार, 1/2 चमचा गरम मसाला, 2 मोठे चमचे कोथिंबीर बारीक चिरलेली.

कृती : सर्वप्रथम तेल गरम करून त्यात मोहरी जिऱ्याची फोडणी द्यावी. त्यात चिरलेली काकडी व अंगूर घालून वर झाकण ठेवावे. 5 मिनिटाने त्यात हळद, तिखट, मीठ, धने पूड घालून 1 मिनिट शिजवून द्यावी. पोळी किंवा परोठे सोबत सर्व्ह करावे.

मसाला पापड

Tue, 26 May 2009 17:08:07 +0530

साहित्य : मूग व उडदाचे 2 पापड, १ कांदा बारीक कापलेला, २ लाल टोमॅटो बारीक कापलेले, 1/2 वाटी धुवून कापलेली कोथिंबीर, 1/2 लहान चमचा तिखट, मीठ चवीनुसार, थोडंसं तूप.

कृती : सर्वप्रथम दोन्ही पापड भाजून घ्यावे. नंतर पापडाला वरून तूप लावावे. नंतर तूप कडील बाजू वर ठेवून त्यावर बारीक कापलेले कांदा, टोमॅटो, तिखट व कोथिंबीरने सजवून सर्व्ह करावे.

साबुदाणा पेटीस

Tue, 26 May 2009 17:03:16 +0530

साहित्य : 1 वाटी साबूदाणा, 1/2 वाटी दाणे, 2 बटाटे (उकळलेले), हिरव्या मिरच्या, कोथिंबीर, मीठ चवीनुसार, तिखट, धने, ओवा, शोप, गरम मसाला अंदाजे, तळण्यासाठी तेल.

कृती : सर्वप्रथम साबूदाण्याला 4 तास अगोदर भिजत घालावा. शेंगदाण्यांना वेगळे भिजवून जाडसर वाटून घ्यावे. उकळलेल्या बटाट्यांना साबूदाणा व दाण्याच्या कूटाबरोबर चांगल्या प्रकारे मिक्स करून घ्यावे व बाकीचे सर्व साहित्य घालून एकजीव करावे. आता मिश्रणाचे चौकोनी काप करून, कढईत तेल गरम करून तळून घ्यावे. गरमा गरम पेटिसला कोथिंबीरने सजवून सॉस किंवा चिंचेच्या चटणीसोबत सर्व्ह करावे.

चिली सलाड

Thu, 21 May 2009 17:32:08 +0530

साहित्य : 100 ग्रॅम काकडी, 100 ग्रॅम गाजर, 150 ग्रॅम हिरवी सिमला मिरची, 150 ग्रॅम लाल सिमला मिरची, कांद्याची 3 जुडी, 2 पाकळ्या लसूण, 3 चमचे सोया सॉस, 2 चमचे चिली सॉस, 1/2 चमचा अजीनोमोटो, दीड चमचे विनेगर, 1 चमचा साखर, 1/2 चमचा मीठ, 1/2 चमचा तेल.

कृती : सोया सॉस, चिली सॉस, विनेगर व साखर एकजीव करून घ्यावे. काकडी, गाजर व सिमला मिरचीचे लांब लांब पातळ काप करावे.
कांदा, लसूण चिरून घ्यावे. तेल गरम करून त्यात लसण टाकून नंतर भाज्या व कांदा घालून प्रखर आचेवर 2-3 मिनिट परतून काढावे.
सॉस घालून 2-3 मिनिट अजून परतून घ्यावे. मीठ व अजीनोमोटो घालून 2 मिनिटाने खाली उतरवून घ्यावे.

रुमली वड्या

Sat, 09 May 2009 15:08:16 +0530

साहित्य : दीड वाटी बेसन, 1 चमचा गरम मसाला, 1 चमचा आलं लसूण पेस्ट, 1 कांदा, पाव वाटी स्फट खोपले, पाव वाटी ओले खोवलेले खोबरे, दीड वाटी नारळाचे दूध, पीठात पुरण भरण्यासाठी ओले खोपरे, थोडी खसखस, चवीसाठी मीठ व साखर बाजूला ठेवावे.

कृती : बेसन घेऊन त्यात 1 वाटी नारळाचे दूध घालून त्या दुधाला हळद मीठ व 1 चमचा गरम मसाला, धणेजिरेपूड व कांदा, खोबरे भाजून वाटून गोळी हे साहित्य घालून पीठ भिजवावे. गुठळी होऊ देऊ नये. तेच भांडे कुकर ठेवून वाफ द्यावी व नंतर एका ताटात उपडे करून त्यात पान ठेवून हाताला तेलाचा हात लावून सारखे पसरावे. त्यावर खसखस साखर पसरून पाना सकट गुंडाळी करावी. सर्व गुंडाळी झाल्यावर त्रिकोणी आकाराचे पीस कापावे गार झाल्यावर तूप किंवा तेल सोडून तळावेत या रुमाली वड्या दिसायला वेगळ्या व चवीला छान लागतात.

पंजाबी छोले

Sat, 09 May 2009 15:02:28 +0530

साहित्य : 3 वाट्या काबुली चणे, 2 कांदे, 2 टोमॅटो चिरलेले, 2 हिरव्या मिरच्या, बोटभर आलं, 1 चमचा धणे, 1/2 चमचा जिरे, 4 लवंगा, दालचिनीचा तुकडा, 4 मोठ्या विलायची, 7-8 मिरे, 1/2 चमचे शाह जिरे, 3 तमालपत्रं, 1 चमचा तिखट, चिमूटभर हळद, 1 चमचा अणारदाणा, चिमूटभर सोडा, बारीक चिरून कोथिंबीर, 1 चमचा तूप, चवीप्रमाणे मीठ, 1/2 चमचा साखर.

कृती : अदल्या दिवशी रात्री गरम पाण्यात चिमूटभर सोडा घालून चणे भिजत ठेवावे. सकाळी त्याच पाण्यात तमालपत्र, वेलची, मिरे घालून चणे शिजवून घ्यावे. कांदे, आलं, लसूण, हिरव्या मिरच्या वाटून घ्यावात. लवंग, दालचिनी, धने, जिरे, शाहजिरे या मसाल्याची पूड करून घ्यावी. उरलेला मसाला, वेलची, मिरे व तमालपत्र तुपावर परतावे. नंतर त्यात कांदा घालून परतावे. दोन मिनिट टोमॅटो घालून हलवावे. टोमॅटोच्या सुटलेल्या रसात हळद, तिखट, मसाला पावडर, दोन चमचे बारीक कुटलेला अनारदाणा घालावा. 3‍ मिनिटाने त्यात शिजलेले छोले, मीठ, गूळ पाणी घालून गॅसवर शिजत ठेवावे. उकळून दाटसर झाल्यावर खाली उतरवून कोथिंबीर भुरभुरावी. गरमागरम छोले भटुर्‍यासोबत सर्व्ह करावे.

मावा-काजू ग्रेव्ही

Fri, 01 May 2009 11:35:13 +0530

साहित्य : 50 ग्रॅम मावा, 100 ग्रॅम काजू, 100 ग्रॅम बटाटा, 100 ग्रॅम फ्लावर तुरॅ दोन-तीन हिरव्या मिरच्या, मीठ, जिरेपूड.

कृती : अर्धी वाटी पाणी घालून काजूची मऊ पेस्ट मिक्सरमधून करून घ्यावी. खवा मिक्सरमदून मऊ करावा. फ्रायपॅनमध्ये काजू पेस्ट, मावा एकत्र करून परतावे. काजूपेस्टचा रंग तांबूस झाला की एक वाटी पाणी घालून मीठ, हिरव्या मिरच्यांचे तुकडे घालून उकळावे. बटाटा उकडून मोठ्या फोडी करून ग्रेव्हीला घालाव्यात. फ्लावर तुरे थोडेसे उकडून निथळून ग्रेव्हीला घालावेत. जिरेपूड घालावी. पुरी पराठा सोबत मावा काजू ग्रेव्ही सर्व्ह करावी.

मूग पुदिना पकोडे

Fri, 01 May 2009 10:45:03 +0530

साहित्य : मूग 2 वाट्या, पुदिना पाने 2 वाटी, 3 ते 4 हिरव्या मिरच्या, लसूण पाकळ्या पाच ते सहा, अद्रक तुकडा लहान, 2 चमचे बेसन, तीळ 2 चमचे, धणेपूड, जिरेपूड अर्धा चमचा, मीठ हळद अंदाजे, बारीक चिरून कांदा 1 वाटी, मूग 4 ते 5 तास भिजवून जाडसर वाटून घ्या. पुदिना, हिरवी मिरची, आले व लसूण वाटून घ्या.
कृती : वरील सर्व साहित्य एकत्र करून कालवून घ्या. गरम तेलावर पकोडे तळून घ्या.

दालभरी पुरी

Wed, 22 Apr 2009 11:23:04 +0530

साहित्य : 1/2 वाटी मूगडाळ, चणाडाळ रात्री भिजत घाला. सकाळी त्यातील पाणी काढून मिक्सरमधून बारीक वाटा. 3 लवंगा, 5-6 मिरे, 4 वेलदोडे, 1/2 चमचा जिरे पूड, 2 मोठे चमचे तूप, मसाला, मीठ, कणीक.

कृती : सर्वप्रथम 2 मोठे चमचे तुपावर डाळी परता. मसाला मीठ घालून परतून कोरडे सारण करा. दोन वाट्या कणकेत चिमूटभर मीठ व दोन चमचे तूप घालून ती घट्ट भिजवा व अर्धा तास झाकून ठेवा. सारखे करून लिंबाएवढा गोळा घ्या. वाटी करून सारण भरा. पुर्‍या लाटा. तापलेल्या तुपात किंवा तेलात तळा. गरमागरम पुर्‍या सॉससोबत सर्व्ह करा.

छोला दाल

Sat, 18 Apr 2009 14:24:56 +0530

साहित्य : 1 मोठा चमचा तूप, 2 मोठे चमचे नारळ कापलेले, 2 मोठे चमचे राईचे तेल, 2 अख्ख्या सुक्या लाल मिरच्या, 2 तमाल पत्रे, 3 लवंगा, 1 तुकडा दालचिनी, 2 हिरव्या वेलच्या, 1/2 चमचा जिरे, 5 ग्रॅम आले चिरलेले, 3 हिरव्या मिरच्या उभ्या चिरलेल्या, 10 ग्रॅम गूळ किसलेला, 1 कप चणा डाळ धुतलेली, दीड चमचा मीठ, दीड कप पाणी.

कृती : तव्यात 1/2 मोठा चमचा तूप घालून 1 मिनिट गरम करा. नारळाचे तुकडे घाला आणि बदामी होईपर्यंत परतून बाजूला ठेवा. कुकरमध्ये तेल साधारण 2 मिनिटे गरम करा. तमालपत्र, लाल मिरच्या, लवंगा, दालचिनी, वेलच्या-आणि जिरे घाला. काही सेकंद ढवळा. पाणी व उरलेल्या तुपाशिवाय (1/2 मोठा चमचा) परतलेला नारळ आणि इतर सर्व पदार्थ घाला. ढवळा आणि साधारण 1 मिनिट परता. पाणी घाला आणि एकदा ढवळून 3 मिनिटे शिजवा. नंतर उरलेले तूप डाळीवर एकसमान घाला गरम गरम सर्व्ह करा.

मा की दाल (अख्खे उदीड)

Sat, 18 Apr 2009 14:24:34 +0530

साहित्य : 3 कप पाणी, 1 /2 अख्खे उदीड, 2 मोठे चमचे राजमा पाण्यात 1 तास भिजवून निथळलेला, 1 टोमॅटो गरम पाण्यात साल
काढून चिरलेले, 2 ग्रॅम आले बारीक कापलेले, 3 पाकळ्या लसूण चिरलेला, 4 हिरव्या मिरच्या चिरलेल्या, 1 अख्खी सुकी लाल मिरची, 2
चमचे मीठ, 1/4 चमचा, तिखट, 1/2 चमचा तूप.

फोडणी : 1 मोठा चमचा तूप, 1/2 कांदा चिरलेला, 2 ग्रॅम आले चिरलेले, 1/4 चमचा तिखट.

कृती सर्वप्रथम कुकरमध्ये पाणी घालून उकळून घ्या. उदीड आणि फोडणी शिवाय बाकी सर्व पदार्थ घाला. एकदा ढवळा. कुकरला कमी आच करून 25 मिनिटे शिजवा. थंड झाल्यावर डाळीला सर्वबाजूने ठेचा. पुन्हा डाळीला दाट होईपर्यंत शिजवा. फोडणीसाठी तव्यात तूप गरम करा. कांदा घालून चांगले परता. आले घाला आणि कांदा गुलाबी होईपर्यंत परता. तवा आचेवरून काढा. मिरची पूड घाला आणि डाळीवर एक समान ओता. गरम गरम वाढा.

राजमा

Fri, 10 Apr 2009 11:13:31 +0530

साहित्य : 11/2 कप राजमा रात्रभर भिजवून निथळू घेतलेले, 5 ग्रॅम आले, 6 पाकळ्या लसूण, 1/4 कप वनस्पती तेल, 2 अख्ख्या लाल सुक्या मिरच्या, 1 मोठा कांदा किसलेला, 1 1/2 टोमॅटो चिरलेले, 1/2 चमचा तिखट, मीठ चवीप्रमाणे, 2 कप पाणी, गरम मसाला 1 चमचा.

कृती : सर्वप्रथम कुकरमध्ये तेल गरम करून त्यात मिरच्या घाला, कांदा घाला आणि गुलाबी होईपर्यंत परता. आले आणि लसणाचे पेस्ट करून ते घाला व थोड्या वेळ परता. टोमॅटो, मिरची पूड आणि मीठ घाला. मधून मधून ढवळत राहा, टोमॅटोचा गळेपर्यंत शिजवा नंतर त्यात राजमा आणि पाणी घालून कुकर बंद करा, व कमी आचेवर 20 मिनिटे शिजवा. कुकर उघडा व पळीच्या मागच्या बाजूने राजमा सायीसारखा मुलायम होईपर्यंत थोडा ठेचा. गरम मसाला पूड टाकून ढवळा. गरम गरम वाढा.

मसाला गोबी

Fri, 10 Apr 2009 11:03:45 +0530

साहित्य : 41/2 कप पाणी, मीठ चवीप्रमाणे, 1 मोठा गोबीचे फूल देठ काढून तुरे वेगळे केलेला, 1 मोठा चमचा खसखस, 2 मोठे चमचे काजू तुकडे केलेले, 10 ग्रॅम आले, 6 पाकळ्या लसूण, 2 हिरव्या मिरच्या, 1/2 कप वनस्पती तेल, 2 मोठे कांदे किसलेलं, 2 मोठे टोमॅटो गरम पाण्यात सोललेले व चिरलेले, 1/2 लहान चमचा हळद पूड, 1 छोटा चमचा धणे पूड, 1/2 चमचा जिरे पूड, 1 छोटा चमचा तिखट, 1/2 कप दही, कोथिंबीर कापलेली.
कृती : 4 कप पाण्यात 2 चमचे मीठ घालून 1/2 तास फ्लॉवर भिजत ठेवा. थोडे थोडे पाणी घालून खसखस व काजूची पेस्ट करा. आले, लसूण व मिरच्यांचे वेगळे पेस्ट करा. कांदा चांगला परतून घ्या. आले-लसणाची पेस्ट, टोमॅटो, हळद, धणे, जिरे व मिरची यांची पूड, 1/4 पाणी आणि उरलेले मीठ घालून टोमॅटो चांगले शिजवून घ्या. त्यात 1 मोठा चमचा दही घाला ढवळा आणि दही एकजीव होईपर्यंत परता व नंतर उरलेले दही घालून परतून घ्या. नंतर त्यात फ्लॉवर घालून 5 मिनिटे परता काजूची पेस्ट व पाणी घालून चांगले ढवळून घ्या. व भाजीला 2 मिनिट शिजवून घ्या. नंतर त्यावर मसाला एकासमान ओता. कोथिंबीर घालून गरम गरम वाढा.

पंजाबी कढी

Sat, 04 Apr 2009 18:00:06 +0530

साहित्य : 50 ग्रॅम तूर डाळ, 50 ग्रॅम हरबऱ्याची डाळ, 50 ग्रॅम मसूर डाळ, बीन्स, गाजर व मटार प्रत्येकी 100 ग्रॅम, 1 वांगं, 1-2 भेंड्या, 1 बटाटा, 1 लहान कोबी, 1 टोमॅटो, 1 सीमाला मिरची, 1 जुडी कोथिंबीर, बोटाएवढे आले, 1-2 हिरव्या मिरच्या, कढीलिंब, 3-4 कोकम किंवा चिंच, 1/4 चमचा हळद, 1 1/2 चमचा मीठ, 1/2 जिरं, 1/2 तिखट, 1-2 लवंगा, 1-2 कलमीचे तुकडे, 1 मोठा चमचा तूप व तळण्यासाठी तेल.

कृती : सर्वप्रथम डाळींना स्वच्छ धुऊन शिजवून घ्याव्या. बीन्स, गाजर, कोबी तिघांचे लहान लहान तुकडे चिरून उकळून घ्यावे, त्यात मटाराचे दाणेसुद्धा टाकावे. बटाटे, वांगं, भेंडी, मिरच्या व आलं यांना बारीक बारीक चिरून तळून घ्यावे. एका भांड्यात 1 मोठा चमचा तूप गरम करून त्यात जिरं, लवंगा, कलमी व उकळलेल्या भाज्या परताव्या व त्यात तळलेल्या भाज्या टाकून एकजीव करावे व नंतर त्यात शिजवलेल्या डाळी टाकाव्या. जर आवश्यक असेल तर उकळलेल्या भाज्यांचे पाणी त्यात घालू शकतो. नंतर त्यात कोकम धुऊन, मिरच्या चिरून, गोडं लिंब, हळद, मीठ टाकून थोड्या वेळ उकळत ठेवावे. टोमॅटो बारीक चिरून घालावे व वरून कोथिंबीर टाकावी.
सर्व्ह करताना 1 चमच्या तुपात तिखटाची फोडणी द्यावी. या कढीला भाताबरोबर खाव्यास द्यावे.

प्याज दा परोठा

Sat, 04 Apr 2009 17:59:32 +0530

साहित्य : 500 ग्रॅम कणीक, 2-3 बारीक चिरलेले कांदे व हिरव्या मिरच्या, 2 चमचे तिखट, 1/4 वाटी कोथिंबीर, 10 ग्रॅम अनारदाण्याची पूड, तूप व मीठ चवीप्रमाणे.

कृती : कणीक प्रथम पिठाच्या चाळनीने चाळून त्यात एक मोठा चमचा तूप घालून मळून घ्यावी. नंतर त्यात कांदे, मिरच्या, कोथिंबीर, मीठ, तिखट अनारदाणा व पाणी घालून घट्ट भिजवून घ्यावी. त्यातील कणीक घेऊन गोळा करावा व पोरोठे लाटून बदामी रंगावर भाजून काढावे.

मश्रुम कॉर्न कटलेट

Mon, 23 Mar 2009 15:12:39 +0530

साहित्य : 2 मोठे कांदे व 100 ग्रॅम मश्रुम चिरलेले, 1 वाटी ओल्या मक्याचे दाणे, 1 वाटी उकळून मॅश केलेले बटाटे व ब्रेडचा चुरा, 2 चमचे बदाम काप, 1 मोठा चमचा टोमॅटो कॅचप, बटर, तूप, गरम मसाला, मीठ, मिरेपूड अंदाजे.

कृती : तूप गरम करून कांदे परतून घ्या. ब्रेडचे तुकडे सोडून सर्व साहित्य एका नंतर एक टाकून परतून घ्या. मीठ मिरेपूड टाकून 2 मिनिटे शिजू द्या. थंड झाल्यावर ब्रेडचे तुकडे मिसळा व कटलेटच्या आकाराचे गोल बनवा. अर्धीवाटी कॉर्नफ्लोअर आणि 1/2 वाटी मश्रुम पावडरमध्ये तेल व मीठ टाकून पाण्याने पातळ मिश्रण बनवा. या मिश्रणात कटलेटस बुडवून ब्रेडच्या चुऱ्यात रोल करा. गरम तेलात सोनेरी होईपर्यंत तळा.

ग्रीन बटाटे

Thu, 19 Mar 2009 17:40:44 +0530

साहित्य : 4 बटाट्यांना तुकड्यांत कापून घ्यावे, 3 हिरव्या मिरच्या, 1 मोठा चमचा तूप, 1/2 वाटी कोथिंबीर, 1/2 पुदिना, 1 चमचा लिंबाचा रस, हिंग, 1 चमचा जिरं, मीठ, गरम मसाला चवीनुसार.
कृती : कोथिंबीर, पुदिना, हिरव्या मिरच्या व आलं याची पेस्ट करून घ्यावी. त्यात लिंबाचा रस मिसळावा. नंतर कढईत तूप गरम करून त्यात जिरं, हिंग टाकून बटाट्याचे तुकडे टाकावे. थोडं परतून झाल्यावर त्यात कोथिंबीर-पुदिनाचे पेस्ट टाकून 5 मिनिट उकळावे. वरून मीठ व गरम मसाला घालावा.

मिश्रित डाळींचे वरण

Thu, 19 Mar 2009 17:34:13 +0530

साहित्य : 25-25 ग्रॅम उडीद, मसूर, हरबरा, तूर व मूग डाळ, 2 कांदे- टोमॅटो बारीक चिरलेले, 1/4 चमचा हळद, 1/2 चमचा गरम मसाला, 1 चमचा तिखट, 1 चमचा अमचूर पूड, 1 चमचा आलं-लसणाचे पेस्ट, तेल, मीठ चवीनुसार.

कृती : सर्वप्रथम सर्व डाळींना स्वच्छ धुऊन भिजत ठेवावे. कुकरामध्ये तेल गरम करून त्यात चिरलेले कांदे व टोमॅटो घालून परतावे त्याच सोबत आलं-लसणाचे पेस्ट टाकून गुलाबी होईपर्यंत परतावे.

नंतर त्यात तिखट, हळद, मीठ, अमचूर टाकून सर्व डाळी त्यात टाकून पाणी टाकावे व 10 मिनिट शिजवावे. वरण तयार झाल्यावर त्यात गरम मसाला टाकावा.

दही भल्ले

Wed, 18 Mar 2009 16:51:05 +0530

साहित्य : 200 ग्रॅम उडीद डाळ, 5 ग्रॅम जिरं, 1 चमचा आल्याचा कीस, 4-5 बारीक चिरलेली मिरची, 250 ग्रॅम तेल, मीठ चवीप्रमाणे.

कृती : उडीद डाळ 2 तास भिजून ठेवावी. नंतर त्याला चांगली बारीक वाटून घ्यावी, मग त्यात मीठ, जिरं, आलं, हिरव्या मिरच्या टाकून मिश्रणाला एकजीव करून त्याचे एकसारखे गोळे बनवावे.
कढईत तेल गरम करून गोळ्यांना सोनेरी होईस्तोर तळावे, तळायच्या आधी त्यात मधोमध एक छिद्र पाडावे. तळलेल्या गोळ्यांना थोड्या वेळ पाण्यात भिजत ठेवावे.
दह्यात साखर, मीठ, जिरं पूड, शेंद मीठ तिखट टाकून एकजीव करावे. भल्लांचे पाणी काढून दह्यात टाकावे. वरून कोथिंबीर, तिखट, जिरं पूड, हिरवी चटणी व चिंचेची चटणी टाकून सर्व्ह करावे.

कोबी परोठा

Wed, 18 Mar 2009 16:50:48 +0530

साहित्य : 500 ग्रॅम कणीक, 250 ग्रॅम कोबी, आलं, 2 चमचे तिखट, 2-3 हिरव्या मिरच्या बारीक कापलेल्या, हिंग, तूप, कोथिंबीर, मीठ आवश्यकतेनुसार.

कृती : कणकेत 1 मोठा चमचा तूप टाकून त्याला चांगली भिजवावी. कोबीला थोडंसं उकळून त्याचा बारीक कीस करावा. नंतर त्यात तिखट, मीठ, हिंग, आलं, हिरव्या मिरच्या व कोथिंबीर टाकून सर्व मिश्रण एकजीव करावे. कणकेचे लहान लहान गोळे करून त्यात कोबीचे सारण भरून खमंग परोठे तयार करावे. सॉस किंवा चटणी सोबत सर्व्ह करावे.

तंदूरी चिकन

Wed, 04 Mar 2009 14:25:28 +0530

साहित्य : मध्यम आकाराच्या चिकनचे 2 तुकडे, तिखट आवश्कयतेनुसार, 3 चमचे लिंबाचा रस, 100 ग्रॅम लोणी

पेस्ट बनविण्यासाठी साहित्य : 100 ग्रॅम दही, 20 ग्रॅम आलं पेस्ट, 1 चमचा जीरं पूड, मीठ चवीप्रमाणे, 100 ग्रॅम क्रीम, 20 ग्रॅम लसणाचे पेस्ट, 1/2 गरम मसाला.

कृती : चिकनला स्वच्छ पाण्याने धुऊन टाकावे. एका मोठ्या भांड्यात दही फेटून घ्यावे पेस्टसाठी ठेवलेली सर्व सामग्री त्यात टाकून एकजीव करावे. चिकनच्या दोन्ही तुकड्यांना मधुन चिरा लावावे आणि त्यात ही पेस्ट भरावी.

4-5 तासानंतर चिकनला एका सळईत ओवावे. दोन्ही तुकडे एक-दुसर्‍यापासून 1-2 इंचाच्या अंतरावर असावे. ओवनला 350 डिग्री फेरनहाइट वर गर्म करावे. त्यात 8-10 मिनिटासाठी चिकनला रोस्ट करावे.

चिकनला बाहेर काढून चारीबाजूने लोणी लावून परत 5 मिनिट लिंबु आणि कोथिंबीर पेरून सर्व्ह करावे.

पाकातील जलेबी

Sat, 21 Feb 2009 11:12:26 +0530

साहित्य : 1/2 लीटर दूध, 750 ग्रॅम मावा, एक किलो साखर, 500 ग्रॅम तूप, केसर.

कृती : दूध उकळून त्यात खवा टाकून जलेबीचे मिश्रण तयार करावे. साखरेचा एक तारी पाक तयार करून त्यात केसर टाकावे. त्या मिश्रणाच्या जलेबी तूपात तळून घ्यावी. तयार जलेबी गरम पाकात काही वेळ ठेवून सर्व्ह कराव्या.

मसाला चिकन

Tue, 17 Feb 2009 09:04:54 +0530

साहित्य : अर्धा किलो चिकन (4 ते 8 पिस), दोन कांदे किसलेले, आलं, लसणाचे पेस्ट, सरसोचे तेल, लिंब सत्व, एक लहान चमचा शोप पावडर, , अर्धा वाटी मेथीदाणे, एक लहान चमचा तिखट, एक चमचा जिरे पूड, कोथिंबीर व चवीनुसार मीठ.

कृती : चिकनच्या तुकड्यांना तेलात तळून घ्यावेत. त्याच तेलात कांद्या सोनेरी रंगाचा होईस्तोर भाजून घ्या. आता त्यात लसण व आल्याचे पेस्ट टाकून परतून घ्या. त्यानंतर त्यात चिकन, मीठ, तिखट, मसाले व लिंबाचे सत्व टाकून 10 मिनिट शिजवा. पोळी किंवा पुरीसोबत सर्व्ह करू शकता.

ब्रेडची कचोरी

Thu, 12 Feb 2009 15:23:22 +0530

साहित्य : चार-पाच कांदे, एक कप नारळाचा चव, थोडी कोथिंबीर, आलं व हिरव्या मिरच्या वाटून दोन चमचे, मीठ, साखर, काजू तुकडा, बेदाणे, जिरेपूड, लिंबाचा रस, एक ब्रेड.

कृती : ब्रेड स्लाइस वाटीने गोल कापून, थोडे पंख्याखाली ठेवून सुकू द्या. थोडी फोडणी बनवून कांदा, आलं, मिरच्या परता. इतर साहित्य गार झाल्यावरच मिसळा. दोन स्लाइसमध्ये सारण भरून कडा पाण्यानं नीट चिकटवा किंवा मैद्याची पेस्ट लावून चिकटवा. तेलात तळून घ्या. टोमॅटो सॉसबरोबर द्या.

टोमॅटो ऑम्लेट

Thu, 12 Feb 2009 15:20:51 +0530

साहित्य : चण्याचे पीठ 2 वाट्या, एक मोठा चमचा टोमॅटो, तीन-चार हिरव्या मिरच्या, अर्धा इंच आले, लसणीच्या पाच-सहा पाकळ्या, जिरे, मीठ, कोथिंबीर, तेल.

कृती : मिरच्या, आले व लसूण वाटून घ्यावी. टोमॅटो बारीक चिरून मिक्सरमधून काढून घ्यावे व वाटलेल्या गोळ्यात घालावा आणि हे मिश्रण चण्याच्या पिठात घालावे. नंतर पिठात मीठ, जीरे, चिरलेली कोथिंबीर आणि दोन चमचे तापलेले तेल घालून व पाणी घालून पीठ पातळसर भिजवावे व जाड तव्यावर तेल टाकून हे पीठ घालावे. हे पीठ चरा जाडच घालावे. वर झाकण ठेवावे.
ऑम्लेट खावयास देताना त्या सोबत लोणी द्यावे.

टोमॅटो पुर्‍या

Thu, 12 Feb 2009 15:10:59 +0530

साहित्य : टोमॅटो, कणीक, चण्याचे पीठ, ओल्या मिरच्या किंवा लाल तिखट, ओवा, मीठ, कोथिंबीर, जिरे, हिंग

कृती : टोमॅटोचा रस काढून घ्यावा. त्यात भिजेल एवढी कणीक व कणकेच्या पाव हिस्सा चण्याचे पीठ घालावे. तसेच चवीप्रमाणे लाल तिखट किंवा ओल्या मिरच्या, ओवा, जिरे, कोथिंबीर व चवीप्रमाणे मीठ हे सर्व जिन्न्स एकत्र वाटून तो वाटलेला गोळा त्यात घालावा. तेलाचे मोहन घालून, सर्व एकत्र मळून, घट्ट गोळा तयार करावा. नंतर तेलावर पुर्‍या लाटून त्या तेलात तळाव्यात.

एग सॅंडविच

Thu, 12 Feb 2009 14:57:25 +0530

लागणारे जिन्नस:
दोन अंडे उकळवून बारीक कापलेले, 6 स्लाइस ब्रेड, एक उकळलेला बटाटा, एक-दोन हिरव्या मिरच्या बारीक चिरलेल्या, 1/2 शिमला मिरची बारीक कापलेली, दोन चमचे चीज किसून, तीन चमचे बटर, दोन चमचे हिरवी चटणी, चवीनुसार मीठ, टोमॅटो सॉस.
करावयाची कृती:
ब्रेड, दही, चटणी सोडून इतर जिन्नस मिक्समधून वाटून घ्या. दोन ब्रेडला बटर लावा आणि दोन ब्रेडवर चटणी लावा. बटर लावलेला ब्रेडवर तयार केलेले मिश्रण व्यवस्थित लावून घ्या. आणि चटणी लावलेला ब्रेड त्यावर ठेवा. हलक्या हाताने दाबून आपल्याला आवडीप्रमाणे कापून सॉस सोबत सर्व्ह करा. हवे असल्यास टोस्टरमध्ये गरम करून घ्या.

दही-बटर

Thu, 12 Feb 2009 14:54:39 +0530

साहित्य : बटर, गोड दही, मीठ, साखर, आले, ओल्या मिरच्या, सुक्या मिरच्या, दोन चमचे तूप, हिंग, जिरे, कढीलिंब, कोथिंबीर.

कृती : बटर गरम पाण्यात बुडवून काढावेत. गोड ताकात चवीपुरते मीठ व साखर घालावी व त्याच पाण्यात भिजवून घेतलेले बटर बुडवून एक तास भिजत ठेवावेत. बटर एकावर एक न घालता पसरून ठेवावेत. दही घुसळून घ्यावे. नंतर त्यात थोडे मीठ, थोडी साखर, आले, ओल्या मिरच्या वाटून घालाव्यात. तुपात हिंग, जिरे, सुक्या मिरच्या व कढीलिंब घालून फोडणी करावी व दह्याला द्यावी.

नंतर खावयास देताना भिजत ठेवलेला बटर डिशमध्ये घालून त्याच्यावर वरील तयार केलेले दही व कोथिंबीर घालावी. हे बटर अगदी दहीवड्यासारखे दिसतात व चवीला तसेच लागतात.

फ्लावर-पनीर

Thu, 12 Feb 2009 14:23:23 +0530

फ्लावर-पनीर
साहित्य : दूध, मैदा किंवा डाळीचे पीठ, ओल्या मिरच्या किंवा लाल तिखट, मीठ कांदा, लसूण, आले, धने, जिरे, लिंबू, साखर, तेल, फलावर व दोन मोठे लाल टोमॅटो.

कृती : पनीर तयार करून घेतल्यावर त्यात मैदा किंवा डाळीचे पीठ घालून, सारखे करून एका फडक्यावर अर्धा इंच जाडीचे पसरावे. त्यावर दुसरे एक फडके घालावे व त्यावर पाट ठेवावा. अंदाजे अर्ध्या तासाने त्यातील सर्व पाणी निघून जाईल. नंतर त्या पनीरच्या चौकोनी वड्या कापून, त्या तेलात किंवा तुपात तांबूस तळून घ्याव्यात व फोडणी करून त्यात इतर मसाला घालून व परतून नंतर त्यात वाफवून घेतलेली फ्लावरची तुकडे घालावी. लिंबू पिळण्याऐवजी टोमॅटो चिरून घालावेत व नंतर पनीरचे तुकडे घालून चांगले उकळावे. पनीरच्या तुकड्यांपेक्षा मटाराचे दाणे जास्त प्रमाणात घालावेत.

वेज जालफ्रेजी

Thu, 05 Feb 2009 16:13:50 +0530

भाजीसाठी साहित्य - एक लहान पत्ताकोबी, आठ ते दहा फरसबिन्सच्या शेंगा, गाजर, सिमला मिरची, कांदा, हिरव्या मिरची, पाच लसणाच्या पाकळ्या, आल्याचा लहान तुकडा.

ग्रेवीसाठी साहित्य - 2 मोठे चमचे तेल, तिखट, धने, 2 चमचे जिरे पूड, 1/2 चमचा हळद व गरम मसाला, 1/2 कप दूधाची साय, मीठ-साखर चवीनुसार, 4 चमचे टोमॅटो कॅचप.

सजविण्यासाठी : अननसाचे काप व चेरी.

कृती : पत्ताकोबी, ‍बीन्स, गाजर आणि ‍सिमला मिरचीच्या उभ्या खापा करून उकळून घ्या. कांदे आणि हिरव्या मिरचीचे उभे काप करून घ्या. कांदे, आलं आणि लसणाची बारीक पेस्ट करावी. तेल तापत ठेऊन त्यात वाटलेला मसाला परतून घ्यावा. त्या नंतर त्यात कापलेले कांदे, हिरव्या मिरच्या टाकून परतून घ्या. त्यात तिखट, हळद, धने, जिरे, गरम मसाला, साय व मीठ आणि साखर टाकून मसाला एकदा परतावा. त्यानंतर त्यात सगळ्या उकळलेल्या भाज्या, बेक्ड बींस व टोमॅटो कॅचप टाकून 3-4 मिनिटे शिजवावे. या भाजीत पाणी टाकयची गरज नसते. भाजी तयार झाल्यावर ती अननसाचे काप व चेरीने सजवता येते.