रेल्वे बजेट 09

मुंबईकरांची पुन्हा उपेक्षाच- राम नाईक

Fri, 03 Jul 2009 19:05:24 +0530

देशातील एक कोटी वीस लाख दैनंदिन प्रवाश्यांपैकी निम्म्याहून अधिक म्हणजे ६५ लाख प्रवासी मुंबईकरांचा आपल्या भाषणात साधा उल्लेखही रेल्वे मंत्री ममता बॅनर्जी यांनी न केल्याने मुंबईकरांची घोर निराशा झाली आहे. मुंबईकरांना सापत्न भावाने वागविण्याचे लालू प्रसाद यांचे धोरणच त्या पुढे चालविणार असे यामुळे वाटल्याने मुंबईकर संतापले आहेत अशी प्रतिक्रिया माजी रेल्वे राज्यमंत्री राम नाईक यांनी दिली आहे.

एमयुटीपी १ व२ साठी किती तरतूद केली आहे याबाबत रेल्वे मंत्र्यांना भाषणात एक शब्दही नाही. एवढेच नव्हे तर हार्बर मार्गावर १२ डब्यांच्या गाडया देण्याचीही घोषणा त्यांनी केली नाही. गेली दोन वर्षे प्रवासी भाडयात कपात झाली. अन्य प्रवाशांप्रमाणेच मुंबई उपनगरी प्रवासी भाडेही कमी करण्याची
मागणी रेल्वे मंत्र्यांनी मान्य केली नाही. याचा करावा तेवढा निषेध कमीच आहे. चेन्नई कोलकात्यातील महिला प्रवाशांना विशेष गाडी देणार्‍या या रेल्वे मंत्र्यांनी वारंवार मागणी करुनही मुंबईच्या महिला प्रवाशांना गर्दीच्या वेळी मध्य व पश्चिम रेल्वे वर आणखी एक-एक गाडी दिली नाही याचा स्वाभाविक संताप मुंबईतील महिलांना आहे. असेही श्री. नाईक म्हणाले.

तात्काळ सेवची भाडे आकारणी ही प्रवासी जेवढे अंतर प्रवास करणार आहेत तेवढयासाठीच केली पाहिजे, अशी मागणीही त्यांनी केली. रेल्वे अर्थसंकल्पाच्या चर्चेच्या वेळी मुंबईकर प्रवाश्यांच्या मागण्या पूर्ण न झाल्यास आम्ही आंदोलन करु, असा इशाराही दिला.

रेल्वे अर्थसंकल्पात महाराष्ट्र

Fri, 03 Jul 2009 18:55:12 +0530

राज्यातील पुणे-नाशिक व नांदेड-बिदर या दोन नव्या रेल्वे मार्गांना मंजूरी मिळाली असून राज्यात नऊ रेल्वे गाड्या नव्याने धावणार आहेत. तर अमरावती-मुंबई, पुणे-पटना या गाड्या आता दैनंदिन धावतील. केंद्राचा रेल्वे अर्थसंकल्प शुक्रवारी रेल्वेमंत्री ममता बॅनर्जी यांनी संसदेत सादर केला. नव्या गाड्यांसह चार गाडयांचा विस्तार व राज्यातून धावणार्‍या काही गाडयांच्या फेर्‍यांमध्ये वाढ करण्यात आली आहे. अर्थसंकल्पामधील अनेक उपक्रमांची सुरुवात महाराष्ट्रातून होत आहे.

पुणे-नाशिक व नांदेड-बिदर या नव्या मार्गांना मंजूरी मिळावी म्हणून राज्याचे मुख्यमंत्री अशोक चव्हाण यांनी काही दिवसांपूर्वी रेल्वे मंत्र्यांना सविस्तर पत्र लिहिले होते. या मार्गांना मंजूरी मिळाल्याने पुण-मुंबई-नाशिक या औद्योगिक त्रिकोणाच्या विकासाला मोठा हातभार लागणार आहे. नव्याने सुरु झालेल्या नऊ गाडयांमध्ये विशाखापट्टण-सिकंदराबाद-मुंबई, श्रीगंगानगर-दिल्ली-नांदेड, पुणे-दौंड-सोलापूर, मुंबई-कारावार, मुंबई-वाराणसी, मुंबई-जोधपूर-बिकानेर, गोरखपूर-मुंबई, वेरावळ-मुंबई, मुंबई-जोधपूर या गाडयांचा समावेश आहे. तसेच राज्यातून धावणार्‍या हैद्राबाद-उस्मानाबाद या गाडीचा विस्तार पुणे, मुंबई-जयपूर गाडीचा दिल्ली, नागपूर-गया दीक्षाभूमी एक्सप्रेस कोल्हापूर तर मुंबई कानपूर उद्योगनगरी एक्सप्रेसचा विस्तार प्रतापगडपर्यंत वाढविण्यात आला आहे.

देशात विनाथांब्याच्या बारा नव्या रेल्वेगाडा सुरु करण्यात आल्या असून मुंबई-हावडा, मुंबई-अहमदाबाद, पुणे-दिल्ली या तीन गाडा राज्याच्या वाट्याला आल्या आहेत. युवा वर्गासाठी मुंबई-दिल्ली ही पहिली युवा रेल्वेगाडी मुंबईतून सुटणार असून तिचे भाडे केवळ २९९ रुपये इतके राहणार आहे. मुंबई-दिल्ली माल वाहतूकीचा स्वतंत्र कॉरिडॉर प्राधान्याने विकसित केल्या जात असतानाच या मार्गाशेजारी औद्योगिक पट्टाही विकसित करण्यावर रेल्वे खाते गांभीर्याने विचार करीत आहे.

देशातील ५० रेल्वे स्थानके सार्वजनिक व खासगी सहभागातून आंतरराष्ट्रीय दर्जाची केली जाणार असून त्यात राज्यातील मुंबई, पुणे, नागपूरचा समावेश आहे. तसेच ३७५ स्थानके आदर्श स्थानके म्हणून विकसित केली जाणार असून त्यात अंधेरी, बांद्रा, बेलापूर, भांडूप, भाईंदर, बोरिवली, चर्नीरोड, चेंबूर, चर्चगेट, करीरोड, दादर, डहाणूरोड, डॉकयार्डरोड, डोंबिवली, घाटकोपर, गोरेगाव, कर्जत, कसारा, खोपोली, किंग्जसर्कल, कुर्ला, मालाड, मरीनलाईन, माटुंगा, मिरारोड, मुलूंड, मुंबई सेंट्रल (लोकल), नाहूर, नायगाव, पनवेल, सानपाडा, सांताक्रुझ, सफाळे, टिळकनगर, उल्हासनगर, वाणगाव, वाशी, विरार, लातूर, परळी वैजनाथ, सांगली, शिवाजीनगर (पुणे) या ४३ स्थानकांचा समावेश आहे.

देशातील ५० रेल्वे स्थानके बहुउद्देशीय रेल्वे स्थानके म्हणून विकसित केली जाणार असून या स्थानकांवर मॉल्स, हॉटेल्स, पार्किंग आदींची अत्याधुनिक व्यवस्था राहणार आहे. त्यात नाशिक, नांदेड, शिर्डी, मनमाड या स्थानकांचा समावेश आहे. रेल्वे मंत्रालय देशात रेल्वे कर्मचार्‍यांसाठी १९ वैद्यकीय महाविद्यालये उघडणार असून त्यातील एक नागपुरात उघडले जाणार आहे. शिवाय देशातील सात पैकी एक नर्सिंग महाविद्यालय कल्याण (मुंबई) येथे उभे राहणार आहे. याशिवाय रेल्वे रुंदीकरणाच्या चालू प्रकल्पामध्ये लातूर-मिरज मार्गावरील पंढरपूर-मिरज रेल्वेमार्ग यावर्षी पूर्ण केला जाईल, तर नागभिड ते नागपूर या रेल्वेमार्गाचे रुंदीकरण करण्यात येईल, असे अर्थसंकल्पात म्हटले आहे.

नाशिकसह चार ठिकाणी 'मल्टिपर्पज कॉम्प्लेक्सेस'

Fri, 03 Jul 2009 18:27:43 +0530

रेल्वे स्टेशन्सचा परिसर आता आर्थिक फायद्यासाठी उपयोगात आणण्याचे रेल्वे मंत्रालयाने आता ठरविले आहे. त्यासाठी बहुउद्देशीय कॉम्प्लेक्सची निर्मिती करण्यात येणार असून तेथे प्रवाशांना खरेदीही करता येईल. विमानतळावर असलेल्या 'ड्यूटी फ्री शॉप'चाच हा देशी अवतार असेल. पर्यटन व तीर्थाटनाला प्रोत्साहन देण्याच्या उद्देशातून हे करण्यात येणार आहे.

महाराष्ट्रातील नाशिक, मनमाड, नांदेड, शिर्डी या स्थानकांचा समावेश आहे.

या मल्टपर्पज कॉम्प्लेक्सेसमध्ये हॉटेल्स, रेस्टॉरंट, बुक स्टॉल, पीसीओ, एसटीडी, फॅक्स, मेडिकल, व्हरायटी स्टोअर्स, भूमिगत पार्किंग असतील. एखाद्या मॉलसारखे त्याचे स्वरूप असेल. याची जबाबदारी रेल भूमी विकास प्राधिकरणाला सोपवली जाईल.

या स्टेशनांवर हे कॉम्प्लेक्सेस उभारले जातील.
अलीपुरद्वार. अलाहाबाद.आनंदपुरसाहिब.बांसपानी.बीकानेर.बिलासपुर .कटक. दार्जिलिंग. देहरादून. दिग्धा.दुर्ग एर्नाकुलम.गांधीधाम.गंगासागर .घाटशिला. हजूरसाहिब.हुबळी. हैदराबाद. इंदौर. जबलपुर.जम्मू तावी. जसीडीह. झांसी.जोधपुर. कन्याकुमारी.काठगोदाम. कटरा. खजुराहो. मदुराई. मनमाड. म्हैसूर. नादेड. नाशिक.पालाकाडा.पारसनाथ.रायबरेली.रायपुर.राजगीर.रामेश्वरम्.रांची.शिर्डी. सिलचर.तारापीठ.तिरचिरापल्ली.उदयपुर.उज्जैन.बडौदरा. और विशाखापत्तनम1

लोकांवर 'ममता' दाखविणारा अर्थसंकल्प

Fri, 03 Jul 2009 17:37:21 +0530

रेल्वेमंत्री ममता बॅनर्जी यांनी आगामी वर्षात रेल्वेच्या प्रवासी नि मालभाड्यात कोणतीही भाडेवाढ न सुचवता, लोकसभा निवडणुकीतील निकालाबद्दल 'जनतेचे आभार मानणारा' अर्थसंकल्प आज सादर केला. 'लालूच' दाखवून मोजकाच 'प्रसाद' हातात ठेवण्याच्या पूर्वसुरींच्या अर्थसंकल्पाचीच री ओढली. बारा नॉन स्टॉप लांबच्या अंतराच्या गाड्या आणि इंटरसिटी गाड्यांना डबलडेकर कोचेस लावण्याची योजना या अर्थसंकल्पातील लक्षवेधी बाबी ठरू शकतील.

त्याचवेळी युपीएचा हक्काचा मतदार असलेल्या आम आदमीकडे लक्ष देऊन ममता दिदींनी त्याच्यासाठी दीड हजार रूपये मासिक उत्पन्न असलेल्यांना २५ रूपयांत महिनाभर शंभर किलोमीटरपर्यंत फिरता येईल, याचीही तरतूद करून ठेवली. याशिवाय नव्या ५७ गाड्याही सुरू करण्याची घोषणा त्यांनी केली असून २७ गाड्यांचे मार्ग वाढविण्यात आले असून तेरा गाड्यांच्या फेर्‍या वाढविल्या आहेत.

तत्काळ ही अत्यंत लोकप्रिय ठरलेली योजना अधिका प्रवासीभिमुख बनविताना, तिच्या आरक्षणाचा कालावधी पाचवरून दोन दिवसांवर आणला असून किमान शुल्क दीडशेवरून शंभरापर्यंत आणले आहे.

मुस्लिमांना खुश करण्यासाठी मदरशातील विद्यार्थ्यांनाही तिकीट सवलत योजना लागू करण्यात आली आहे. कोलकत्यातील विद्यार्थ्यांचे सवलतीतील पास आता रेल्वे आणि मेट्रो रेल्वेलाही चालतील.

आगामी वर्षांत मालवाहतुकीचे उद्दिष्ट ८८२ दशलक्ष टनांचे ठेवण्यात आले असून गेल्या वर्षीच्या तुलनेत ते ४९ दशलक्ष टनांनी जास्त आहे. तसेच प्रवाशांच्या संख्येतही सहा टक्के वाढ गृहित धरण्यात आली आहे. वाहतुकीतून एकूण उत्पन्न ८८ हजार ४१९ कोटी रूपये मिळतील आणि गतवर्षाच्या तुलनेत ८ हजार ५५७ कोटी रूपयांनी अधिक आहे. त्याचवेळी सर्वसाधारण खर्च ६२ हजार ९०० कोटीचा गृहित धरण्यात आला आहे. यात सहाव्या वेतन आयोगामुळे पडलेल्या भाराचीही तरतूद करण्यात आली आहे.

ममतादिदींनी पश्चिम बंगालच्या कचरापारा- हालिशपूर रेल्वे कॉम्प्लेक्समध्ये नवी कोच फॅक्टरी सुरू करण्याचे जाहीर केले. यात दरवर्षी पाचशे कोच तयार होतील. यात खासगी क्षेत्राचीही मदत घेतली जाईल.

मुंबईप्रमाणेच दिल्ली, चेन्नई व कोलकाता येथे 'लेडिज स्पेशल' ट्रेन सुरू करण्याची घोषणाही त्यांनी केली. याशिवाय युवा आणि आर्थिक कमकुवत वर्गासाठी स्वस्तात प्रवास शक्य असलेल्या आणि वातानुकुलित व्यवस्था असलेल्या 'युवा' ट्रेन सुरू करण्याचेही त्यांनी घोषित केले. ग्रामीण भागातून या गाड्या शहराकडे येतील. त्यांचे दीड हजार किलोमीटरपर्यंतचे भाडे २९९ तर अडीच हजार किलोमीटरपर्यंतचे भाडे ३९९ रूपयांपर्यंत असेल. मुंबई-दिल्ली आणि दिल्ली-कोलकता या दरम्यान आगामी तीन महिन्यात चाचणी म्हणून या गाड्या सुरू केल्या जातील.

असंघटित क्षेत्रातील वर्गाला सवलतींचा मासिक पास 'इज्जत' या योजनेखाली दिला जाईल. याशिवाय बारा नॉन स्टॉप ट्रेन्सना 'तुरंत' असे नाव देण्यात आले आहे.

रेल्वेवर सामाजिक दायित्वाचेही भान आहे, हे सांगून आर्थिकदृष्टया न परवडणारे परंतु, सामाजिकदृष्ट्या आवश्यक अशा प्रकल्पांचा आढावा घेऊन मागास विभागांना अधिक फायदा कसा देता येईल, हे पाहण्यात येईल, असेही त्यांनी सांगितले. असा प्रकल्पांना वित्तपुरवठा कसा होईल नि त्याची अंमलबजावणी कशी होईल, यासाठी तज्ज्ञांची समिती नेमण्यात येईल, असे त्या म्हणाल्या.

रेल्वेतील स्वच्छतेत सुधारणा, गुणवत्ता, सुरक्षितता आणि तत्परता या गोष्टींकडेही लक्ष देण्यात येणार आहे. रेल्वेत दिल्या जाणार्‍या जनता खानाची गुणवत्ता तपासण्यावर भर दिला जाईल, तसेच त्यात राष्ट्रीय व स्थानिक पदार्थांचा समावेश असावा याकडे लक्ष दिले जाईल.

पर्यटन, तीर्थयात्रा आणि औद्योगिक ठिकाणे असलेल्या ५० ठिकाणी मल्टिफंक्शनल कॉम्प्लेक्स उभारण्यात येतील. यात शॉपिंग, फूड स्टॉल व स्वस्तातली हॉटेल्स असतील. गाड्यांमध्येच 'हाऊस किपिंग'ची व्यवस्थाही आता आणखी दोनशे गाड्यांमध्येही देण्यात येईल. यात आधुनिक लॉंड्रीसह विविध व्यवस्था असतील. याशिवाय लांबच्या अंतराच्या गाड्यांमध्ये डॉक्टरही असतील. याशिवाय सात शहरांत रूग्णवाहिका सेवाही सुरू करण्यात येईल.

पत्रकारांना खुश करताना त्यांना प्रवास भाड्यात सवलतीची टक्केवारी ३० वरून ५० पर्यंत नेली आहे. पत्रकारांच्या बायकांनाही वर्षातून एकदा प्रवासावर ५० टक्के सवलत मिळेल. याशिवाय पत्रकारांना सध्याच्या कूपन प्रणालीतून मुक्त करून फोटो आयडेंटिटी कार्ड व क्रेडिट कार्ड देण्यात येईल.

देशातील पन्नास विशेष रेल्वे स्थानकांना जागतिक दर्जाचे बनविण्यासाठी विकसित करण्यात येईल. याशिवाय ३७५ स्टेशन्स आदर्श म्हणून विकसित करण्यात येतील.

देशभरातील ५०० पोस्ट ऑफिसातून संगणकीकृत तिकीट विकण्यात येण्याची घोषणाही त्यांनी केली. याशिवाय मोबाईल व्हॅनमधून 'मुश्किल आसान' या योजनेखाली तिकीट विक्री करण्यात येईल. देशभरात अशा ५० व्हॅन्स तिकीट विकतील.

त्यांनी पार्सल सुपरफास्ट एक्सप्रेस गाड्या चालविण्याचीही घोषणा केली. त्यामुळे पार्सल्स वेळेत पोहोचतील. त्याचे बुकिंग इंटरनेटवर होईल, असेही त्यांनी सांगितले.

फळ आणि भाज्यांची वेळेत वाहतूक होत नसल्याने होणारे नुकसान टाळण्यासाठी रेल्वे विशेष गाड्या चालविणार आहे. फळ व भाज्या खराब होऊन दरवर्षी ३५ ते ४० कोटींचे नुकसान होते. म्हणूनच या नाशवंत वस्तूंना उत्पादनस्थळापासून ते ग्राहकापर्यंत पोहोचविण्यासाठी विशेष गाड्या चालविण्यात येतील, अशी घोषणा रेल्वेमंत्री ममता बॅनर्जींनी आज केली. त्यामुळे या भाज्या नाश पावणार नाहीत, असे त्या म्हणाल्या. याशिवाय खासगी व सार्वजनिक उद्योगांच्या एकत्रीकरणातून शीतगृह उभारण्याची योजनाही त्यांनी जाहीर केली. यासंदर्भात खासगी क्षेत्राची मदत घेतली जाणार आहे.

ममतांची 'लालूच' अव्यवहारीक- लालू

Fri, 03 Jul 2009 16:43:02 +0530

रेल्वेला नफ्यात आणून दाखविण्याची करामत करणारे आणि 'रेल्वे अर्थसंकल्पावर आपली 'लालू छाप' उमटवणारे माजी रेल्वेमंत्री लालूप्रसाद यादव आज ममता बॅनर्जींनी सादर केलेल्या बजेटवर फारसे खुश असलेले दिसले नाहीत. उलट त्यांनी आपला रोषच व्यक्त केला. एक तर रेल्वेमंत्रिपदाची 'गाडी' चुकलेल्या लालूंनी ममतांच्या बजेटमधील दोष काढायची संधी सोडली नाही.

बजेटमधील योजना लोकांना 'लालूच' दाखविणार्‍या असल्या तरी त्या व्यवहारीक नाहीत, असे सांगून हे बजेट बनविण्यात बरीच गडबड करण्यात आल्याची प्रतिक्रिया त्यांन दिली. यातल्या अनेक योजना आपल्या कार्यकाळात सुरू करण्यात आल्याचे 'साच्यातले' उत्तरही त्यांनी दिले. थेट बजेटवर टीका न करताना, 'लोकांनी ठरवावे बजेट कसे आहे ते', असे ते म्हणाले.

आपल्या काळात रेल्वे नफ्यात होती. आता ममतादिदी ती तशीच ठेवतात की नाही, हे पहायचे असे सांगून २५ रूपयांचा पास, डबलडेकर गाड्या चालविणे या योजना व्यवहारीक वाटत नाहीत, असे मत व्यक्त केले. प्रवासी व मालभाड्यात वाढ करण्यात आली नाही, याकडे लक्ष वेधले असता, आपण तर हे भाडे कमी करून दाखविले होते, याची आठवण लालूंनी करून दिली.

मुंबई प्रमाणेच महत्त्वाच्या शहरात 'महिला ट्रेन'

Fri, 03 Jul 2009 16:41:43 +0530

मुंबईमध्ये केवळ महिलांसाठी चालवण्यात येणाऱ्या स्पेशल ट्रेन प्रमाणेच आता इतर महत्त्वाच्या शहरातही अशाच प्रकारच्या ट्रेन सुरू करण्याची घोषणा ममता बॅनर्जी यांनी रेल्वे अर्थसंकल्पात केली आहे.
महिलांचे 'टाइम टेबल' लक्षात घेऊन या गाड्यांचे वेळापत्रक ठरवण्यात येणार असल्याचे त्या म्हणाल्या. सध्या ही सेवा फक्त मुंबईमध्येच सुरू असून, आता दिल्ली, कोलकाता, चेन्नईतही अशाच प्रकारच्या ट्रेन सुरू करण्यात येणार आहेत.

लांब पल्ल्यांच्या गाड्यांना अधिक सुविधा

Fri, 03 Jul 2009 16:37:41 +0530

ममता बॅनर्जी यांनी आपल्या अर्थसंकल्पात लांब पल्ल्यांच्या गाड्यांना अधिक सुविधा देण्याची घोषणा केली आहे.

माजी रेल्वे मंत्री लालू प्रसाद यादव यांनीही अशाच स्वरूपाची घोषणा केली होती. त्यांचीच री ओढत आज ममतांनी लांब पल्ल्यांच्या गाड्यांमध्ये मनोरंजनासाठी खास सुविधा करणे तसेच ऑन बोर्ड सूचना फलक (डिजीटल) लावण्यात येईल असे ममतांनी म्हटले आहे.

यासह या गाड्यांमध्ये एक डॉक्टरही नियुक्त करण्यात येणार असून, चेन्नई, बेंगलुरू, कोलकाता, भुवनेश्वर, दिल्ली, हैदराबाद, मुंबई या शहरातील स्थानकांमध्ये रुग्णवाहिकांची सेवा देण्यात येणार आहे.

पुणे-नाशिक मार्गाला हिरवा कंदील

Fri, 03 Jul 2009 16:01:25 +0530

रेल्वे मंत्री ममता बॅनर्जी यांनी ५३ नव्या रेल्वे मार्गांना या बजेटमध्ये मंजुरी दिली असून यात बहुप्रतिक्षित नाशिक-पुणे मार्गाला अखेर हिरवा कंदील मिळाला आहे. याशिवाय नांदेड बिदर हा महाराष्ट्रातला म्हणावा असा आणखी एक मार्ग आहे. बाकी यात अहमदनगर-बीड-परळीवैजनाथ (२६१.२५ किमी), वर्धा-नांदेड (२७० किमी), मनमाड-इंदौर (३५० किमी) आणि वडसा देसाईगंज-आरमोरी-गडचिरोली (४९.५ किमी) या मार्गांच्या प्रतिक्षेत असणार्‍यांच्या तोंडाला पाने पुसली आहेत.

पुणे- नाशिक मार्गासाठी गेल्या अनेक वर्षांपासून प्रयत्न केले जात होते. २६५ किलोमीटरचा हा मार्ग असेल. १ हजार ४४ कोटींची तरतूद यासाठी करण्यात आली आहे. माजी खासदार देविदास पिंगळे यांनी यासाठी विशेष प्रयत्न केले होते.

याशिवाय नवे मार्ग असे. 1.शाहगंज..उंचाहार बरास्ता सुलतानपुर. अमेठी.सालोन 2.बोंगाम..बगदाहा 3.बासपानी..बिमलगढ.बरसुआ 4.दानकुनी..जोरगलपाडा..फुरफुरा शरीफ. जंगीपाडा. बरगछिया 5.चिकबल्लापुर..श्रीसत्यसाईं प्रशांति निलयम 6.बालुरघाट..हिल्ली 7.अलमाट्टी..कोप्पल 8.सालबोनी..झारग्राम वाया लालगढ. बेलपहाडी 9.बोलनगीर..नवपाडा रोड 10.दीघा..जलेश्वर..पुरी 11.यादगीर..शाहपुर.शोरापुर.मुद्देबिहल.अलमाट्टी 12.बिष्णुपुर..मुकुटमोनिपुर 13.गदग..हवेरी 14.समसी..दलखोला 15.कृष्णानगर..बेहरामपुर बरास्ता छपरा.करीमपुर 16.गदग..वाडी 17.तारकेश्वर..मगरा पुनर्स्थापन 18.शिमोगा..हरिहर 19.कलियागंज..बुनियादपुर 20.मधुबन..गिरिडिह 21.पंसकुरा..घटल.चंद्राकोना और घटल.आरामबाग 22.अनेकल रोड..बिदादी 23.नामखाना..बक्काली 24.पुणे.नासिक 25.जायनगर..रायडिगी 26.राजखरस्वां..रांची 27.हसनाबाद..समशेरनगर 28.मेडक..अक्कानापेट 29.आरामबाग..खाना 30.दातेवाडा..मलकानगीरी 31.केनिंग..गोसाबा बरास्ता बसंती 32.विशनुपुरम..वेनुकोंडा 33.काक द्वीप..सागर.कपिलमुनि 34.दुल्लाबछेरा..चिराजी 35.मंदिर बाजार.रामगंगा 36.सम्बलपुर..बेहरामपुर 37.चालसा.झालडाका 38.मदुरै..एर्णाकुलम.कोचीन. 39.घटकपुकुर..मिनाखान 40.बिलारा..बर 41.बरुईपाडा..फुरफुरा शरीफ.आरामबाग 42.रतनाम..बांसवाडा.डुंगरपुर 43.कृष्णानगर..नबीद्वीपघाट बीबी लूप तक विस्तार 44.रामनगर..चौखुटिया 45.मचलंदपुर..स्वरुपनगर 46.इरुमली..पथनमथिता.पुनलूर.तिरुवन्नतपुरम 47.अजमेर..सवाईंमाधोपुर बरास्ता टोंक 48.सैंथिया..चौरीगाछा बरास्ता कांदी 49.यमुनानगर..चंडीगढ वाया सधऊरा.नारायणगढ 50.नांदेड..बिदर 51.सिंगुर..नंदीग्राम 52.डववाली..कलांवाली बरास्ता सिरसा 53.मिरक..गंगटोक शोभना सचिन जगबीर1341

फळ, भाज्यांसाठी विशेष गाड्या सोडणार

Fri, 03 Jul 2009 15:38:33 +0530

फळ आणि भाज्यांची वेळेत वाहतूक होत नसल्याने होणारे नुकसान टाळण्यासाठी रेल्वे विशेष गाड्या चालविणार आहे. फळ व भाज्या खराब होऊन दरवर्षी ३५ ते ४० कोटींचे नुकसान होते. म्हणूनच या नाशवंत वस्तूंना उत्पादनस्थळापासून ते ग्राहकापर्यंत पोहोचविण्यासाठी विशेष गाड्या चालविण्यात येतील, अशी घोषणा रेल्वेमंत्री ममता बॅनर्जींनी आज केली. त्यामुळे या भाज्या नाश पावणार नाहीत, असे त्या म्हणाल्या. याशिवाय खासगी व सार्वजनिक उद्योगांच्या एकत्रीकरणातून शीतगृह उभारण्याची योजनाही त्यांनी जाहीर केली. यासंदर्भात खासगी क्षेत्राची मदत घेतली जाणार आहे.

रेल्वे भरती बोर्डातल्या 'राज'कारणाची चौकशी !

Fri, 03 Jul 2009 15:30:46 +0530

राज ठाकरेंचा भलेही एकही खासदार निवडून गेला नसेल पण त्यांनी मांडलेला मुद्दा मात्र दिल्लीश्वरांच्या कानात चांगलाच झणझणला. रेल्वे भरतीत भूमिपुत्रांना प्राधान्य देण्याच्या मुद्यावर त्यांनी छेडलेल्या आंदोलनाचा 'योग्य' तो परिणाम झाला असून रेल्वे मंत्री ममता बॅनर्जी यांनी रेल्वेच्या भरती धोरणाची आणि रेल्वे भरती बोर्डाच्या कारभाराची चौकशी करण्याचे आश्वासन आज दिले.

रेल्वे भरती बोर्डाच्या कारभाराबाबत अनेकांकडून तक्रारी आल्याचे सांगून, यासंदर्भात लवकरच चौकशी करण्यात येईल, असे त्या बजेट मांडताना म्हणाल्या. महाराष्ट्रात होणार्‍या रेल्वे भरतीत परप्रांतीयांना प्राधान्य दिले जात असल्याचा आरोप करून गेल्या वर्षी राज ठाकरे यांच्या महाराष्ट्र नवनिर्माण सेनेच्या कार्यकर्त्यांनी बिहार व युपीहून आलेल्या विद्यार्थ्यांना झोडपून काढले होते. त्या त्या राज्यांच्या रेल्वे भरतीत स्थानिकांना प्राधान्य द्यावे अशी मनसे, शिवसेना या पक्षांची मागणी आहे. ममतांनी अखेर या मागणीचा विचार केल्याचे यातून दिसून आले.

कोलकत्यावर 'ममत्व' मुंबईला का 'सापत्न'?

Fri, 03 Jul 2009 15:20:24 +0530

मुंबईला पूर्ण देशभराशी जोडून अधिकाधिक लोंढे येथे आदळवण्याची करामत लालूंप्रमाणे ममता बॅनर्जींनीही आपल्या बजेटमध्ये केली, मात्र रोज धक्काबुक्कीच्या प्रवाशाचे अग्निदिव्य करणार्‍या चाकरमान्यांचा साधा विचारही केला नाही. कोलकत्यावर मेहेरनजर दाखविणार्‍या ममतांच्या भाषणात मुंबईच्या लोकल ट्रेन्सचा उल्लेखही आला नाही. त्यासाठी तरतूद तर दूरची बाब.

मुंबईतल्या छत्रपती शिवाजी टर्मिनसला 'वर्ल्ड क्लास' स्टेशन बनविणे आणि अनेक 'नॉन स्टॉप' गाड्यांच्या माध्यमातून मुंबईला देशाशी जोडणे या व्यतिरिक्त मुंबईचा पूर्ण बजेटभर उल्लेख झाला नाही. रोज साठ लाख लोक प्रवास करत असलेल्या मुंबईच्या लोकल्ससाठी काही विशेष घोषणा होईल, अशी अपेक्षा होती, पण तीही फोल ठरली.

विशेष म्हणजे यावेळी लोकसभा निवडणुकीत मुंबईतून युपीएला घसघशीत सहा खासदार मुंबईने दिले असूनही मुंबईकरांच्या पारड्यात मात्र काहीही पडलेले नाही. या उलट ममतांनी कोलकत्याही विशेष 'ममता' दाखविताना तिथल्या मेट्रो रेल्वेची कक्ष वाढवली. गाड्यांची संख्या वाढवली. तिथल्या मदरशांसह सर्व विद्यार्थ्यांसह तिकिटांत सवलत दिली. आपल्याकडे केवळ कोलकता मेट्रो असल्याने (दिल्ली मेट्रो रेल्वे मंत्रालयाच्या थेट अखत्यारीत नाही.) आपण या सवलती जाहीर करत आहोत, असे सांगणार्‍यांना त्यांच्याच रेल्वे मंत्रालयाच्या अंतर्गत येत असणार्‍या मुंबई लोकल सेवेसाठी मात्र छदामही दिला नाही. त्याचवेळी मुंबईला बाहेरून येणार्‍या गाड्यांची संख्या वाढवून इथे परप्रांतीयांसाठी मुंबई आणखी मोकळी केली.

दरम्यान, ममतांनी मुंबईच्या तोंडाला पाने पुसल्याबद्दल खासदारही नाराज आहेत. राष्ट्रवादी कॉंग्रेसचे मुंबईतील खासदार संजय दीना पाटील यांनी ही नाराजी बोलून दाखवली. आपण या बजेटवर समाधानी नाही, असे सांगतानाच मुंबईतील इतर खासदारांच्याही याच भावना असल्याचे ते म्हणाले. यासंदर्भात ममता बॅनर्जींची भेट घेऊन त्यांना पुन्हा निवेदन देण्यात येईल, असे ते म्हणाले. खासदार संजय निरूपम यांनी मात्र, ममतांन जाहिर केलेल्या योजना सर्व मुंबईवासीयांसाठीच आहेत, असे सांगून मुंबईसाठी काहीही नाही, असे म्हणण्यात अर्थ नसल्याचे सांगितले.

लालूंची रेल्वे मतदारांना खूश करणार?

Fri, 13 Feb 2009 21:01:42 +0530

संसदेच्या अधिवेशन आज हंगामी रेल्वे अर्थसंकल्प मांडला जाणार असून निवडणुका तोंडावर असल्याने रेल्वेमंत्री लालू प्रसाद यादव प्रवाशांना पर्यायाने मतदारांना खूश करण्याचा प्रयत्न करतील.

लालू प्रसाद यादव यांनी गेल्या पाचवर्षांत भाडेवाढ न करता रेल्वे सेवा अधिक सक्षम करण्याचा प्रयत्न केला असला तरी कर्मचारी भारती प्रश्नावरून जोरदार गदारोळ झाला आहे. याचे पडसाद संसदेत उमटण्याची शक्यता आहे. भाडेवाढ मात्र, कोणाची भाडभीड न ठेवता आपली 'गाडी' पुढे रेटणारे रेल्वेमंत्री यादव निवडणूक आयोगाला चकवा देऊन मतदारांना कसे खूश करतील? याकडे सा-यांचे लक्ष लागून राहिले आहे. यापूर्वी भाडेवाढ करण्यात आलेली नाही त्यामुळे आता भाडेकपात करणे अथवा कर्मचा-यांना नवीन पॅकेज देण्याचे पर्याय त्यांच्यासमोर आहेत.
दरम्यान, रेल्वे आणि सर्वसाधारण अर्थसंकल्पाच्या लेखा अनुदानाला मंजुरी मिळवणे हाच या अधिवेशनाचा मुख्य उद्देश असून नवे मार्ग जोडल्याची घोषणा करण्याबरोबरच काही नवीन रेल्वेगाड्या सुरू करण्याचा प्रस्ताव मांडण्यात येण्याची शक्यता आहे.

बजेट अगदी जसाचा तसा

Fri, 13 Feb 2009 20:58:32 +0530

अध्यक्ष महाशय,

आज मी भारतीय रेल्‍वेच्‍या वर्ष 2008-09 साठी संशोधित, अनुमानित आणि 2009-10 साठीचा अंदाजित लेखानुदान विवरण सभागृहासमोर सादर करीत आहे.

अध्‍यक्ष महाशय

शुक्रिया से मैं शुरू करता हूँ अपनी बात आज,
साथ लेकर मैं चला हूँ देश, दुनिया और समाज,
मैं चुकाता ही रहूँगा देश की मिट्टी का कर्ज,
राष्ट्र सेवा रीत मेरी और यही मेरा रिवाज

राष्‍ट्र सेवेच्‍या प्रवासात रेल्‍वेने महत्‍वाचा टप्‍पा माझ्या कारकिर्दीत पार पाडला याबद्दल मला अभिमान वाटतो. सर्वसामान्‍य माणसावर कोणताही बोजा न टाकता रेल्‍वेला दरवर्षी नव्‍या शिखरावर पोचविण्‍यासाठी माझा प्रयत्‍न राहिला आहे. पाच वर्षाच्‍या माझ्या काळात रेल्‍वे प्रथमच 90 हजार कोटींचा नफा कमवण्‍याच्‍या दिशेने अग्रेसर झाली आहे. 2001 मध्‍ये ज्‍या रेल्‍वे विभागाकडे आपल्‍या जर्जर गाड्यांना व त्‍यांच्‍या भागांना बदलण्‍यासाठीही पैसे नव्‍हते. आज त्‍याच रेल्‍वेने आपल्‍या ऐतिहासिक वित्तीय कायाकल्पाने संपूर्ण जगाला आश्‍चर्यचकीत केले आहे.

महोदय, नव्वदच्‍या दशकात साधारणतः तीन टक्के वार्षिक दराने प्रगती करणा-या रेल्‍वेने गेल्‍या पाच वर्षात सुमारे आठ टक्‍क्‍यांच्‍या वार्षिक दराने आपल्‍या फ्रेट लोडिंगमध्‍ये वाढ करण्‍यात यश मिळविले आहे. इतकेच नव्‍हे तर सिमेंट व स्टीलच्‍या वाहतुकीतही अनेक वर्षांपासून होत असलेल्‍या घसरणीला थांबवून त्‍यात अमुलाग्र बदल घडविण्‍यात यश मिळविले आहे.

कारीगरी का ऐसा तरीका बता दिया,
घाटे का जो भी दौर था बीता बना दिया,
भारत की रेल विश्व में इस तरह की बुलंद,
हाथी को चुस्त कर दिया, चीता बना दिया

या बदलाचा फायदा केवळ रेल्‍वे आणि रेल्‍वेकर्मचा-यांनाच झाला नाही तर देशाच्‍या जनतेलाही त्‍याचा लाभ झाला आहे. आधुनिक तंत्रज्ञानाचा वापर करून रेल्‍वे आपल्‍या ग्राहकांना पहिल्‍यापेक्षा अधिक चांगली सुविधा देण्‍यात यश मिळविले आहे. गेल्‍या पाच वर्षांत रेल्‍वेच्‍या अपघातांची संख्‍याही कमी झाली आहे. 2003-04 मध्‍ये 325 अपघाताच्‍या घटना घडल्‍या होत्या हे प्रमाण वर्ष 2007-08 मध्‍ये 194 पर्यंत आले आहे. या वर्षी एप्रिल ते नोव्‍हेंबर दरम्‍यान 117 झाली आहे.

रेल्‍वेने ग्राहकांच्‍या गरजा पूर्ण करा आणि त्‍यांची मने जिंका हे सुत्र आता आत्‍मसात केले आहे. रेल्‍वेत काम करणारे कर्मचारी व अधिकारी आजही तेच आहेत मात्र त्‍यांच्‍या कामात आणि विचारसरणीत बदल झाला आहे. त्‍यामुळेच हे शक्‍य झाले. आता ग्राहकांना घर बसल्‍या इंटरनेटवरून रेल्‍वे तिकीट आरक्षण करता येते. या शिवाय एटीएम, पेट्रोल पंप व पोस्‍ट ऑफीसमधूनही रेल्‍वे रिझर्वेशन करता येते. आता '139 ट्रेन इंक्वायरी सेवा' झाल्‍याने घर बसल्‍या रेल्‍वेची इत्‍यंभूत माहिती उपलब्‍ध झाली आहे. देशाच्‍या चार भागांमध्‍ये चार कॉल सेंटर कार्यरत आहेत. सध्‍या देशात पाच लाखांपेक्षाही अधिक प्रवासी याचा लाभ घेत आहेत.

रेल्‍वेकडून पाच वर्षात 4 हजार 900 किलोमीटरचे रेल्‍वे रूळ बदल, 1 हजार 800 किलोमीटरचे दुहेरीकरण आणि 1 हजार 100 किलोमीटर नव्‍या रेल्‍वे लाईन टाकण्‍यात आल्‍या आहेत.

स्‍वातंत्र्यानंतर प्रथमच इशान्‍येकडील राज्‍यांमध्‍ये रेल्‍वे सुविधा सुरू करण्‍यात आम्‍हाला यश आले आहे. तर काश्मीर खो-यातही रेल्‍वे पोचविण्‍यात यश आले आहे. अनंतनाग ते राजवंशर दरम्‍यान सेल्‍वे सेवा सुरू करण्‍यात यश आले आहे. येत्‍या काही दिवसात ही सेवा बारामुला आणि त्‍यानंतर काजीकुंडपर्यंत जाणार आहे.

रेल्‍वे विद्युतीकरणाचे कामही पूर्ण झाले असून वर्ष 2003-04 च्‍या 504 रूट किलोमीटरचया जागी 2008-09 मध्‍ये एक हजार रूट किलोमीटरचे विद्युतीकरणाचे उद्दीष्‍ट आहे. विद्युत मार्गांवर डबल स्टेक कंटेनर ट्रेन चालविण्‍याचाही आमचा प्रयत्‍न असून सुमारे साडे सात मीटर ऊंच ओएचईवर विद्युत रेल्‍वे इंजिन चालविण्‍याची यशस्‍वी चाचणी केली गेली आहे. यामुळे विद्युतीकृत पश्चिमी डेडीकेटेड फ्रेट कॉरिडोरवर डबल स्टेक कंटेनर ट्रेन चालविली जाणार आहे.

याच प्रकारे वॅगन उत्पादन दरवर्षी 6 हजार 600 ने वाढून सुमारे 15 हजार (व्हीकल यूनिट) आणि डीजल व वीज निर्मिती उत्पादन 202 ने वाढून सुमारे 480 करण्‍याचे उद्दीष्‍ट आहे. नव्‍या डिजाइनचे बंद व खुल्‍या वॅगन्‍सचे उत्पादन सुरू झाले आहे. यामुळे बंद वॅगन्‍सवाल्‍या मालगाड़ीची क्षमता जुन्‍या मालगाडीच्‍या तुलनेत 78 टक्‍के अधिक असणार आहे. यात आता 2 हजार 300 टन ऐवजी 4 हजार 100 टन माल वाहतूक करणे शक्य होणार आहे. प्रवासी गाड्यांची क्षमताही वाढविण्‍यात आली आहे.

हर शिखर को पार करते नित नई मंजिल की ओर,
प्रगति का काफ़िला बढ़ने लगा है चारों ओर ,
राह के हर शख्स को लेकर चले हैं साथ हम,
एक नए अंदाज़ से फिर एक नई मंजिल की ओर

महोदय, आता मी गेल्‍या आर्थिक वर्ष 2007-08 मधील राबविण्‍यात आलेल्‍या योजनांबद्दल माहिती देऊ इच्छितो. रेल्‍वेने या वर्षात 9 टक्‍क्‍यांचा विकास दर साध्‍य करीत 794 मिलियन टन माल वाहतूक केली आहे. माल आणि प्रवासी वाहतुकीतून क्रमशः 14 व 15 टक्क्‍यांची वाढ झाली आहे. एकूण वाहतुकीपासूनच उत्‍पन्‍नही 71 हजार 645 कोटी रुपये झाले आहे.

संशोधित लेखानुदान 2008-09

2008-09 मध्‍ये सप्‍टेंबरपर्यंत रेल्‍वेने माल वाहतुकीपासूनच्या उत्‍पन्‍नात जोरदार वाढ केली आहे. डिसेंबर 2008 च्‍या अखेरीपर्यंत माल वाहतुकीतून 14 टक्‍क्‍यांची प्रगती शक्य असून हे उत्पन्‍न 38 हजार 93 कोटी रुपये होईल. वर्ष 2008-09 साठीचे आमचे उद्दीष्‍ट 1 हजार 593 कोटी इतके आहे. याच प्रकारे डिसेंबरच्‍या अखेरीपर्यंत प्रवासी वाहतुकीत 12 टक्के वाढ झाली आहे. उद्दीष्‍टांपेक्षा ही वाढ 3 टक्के अधिक आहे. त्‍यानुसार, माल वाहतुकीतून 54 हजार 293 कोटी रुपये, प्रवासी वाहतुकीतून उत्‍पन्‍न 22 हजार 330 कोटी रुपये इतर मार्गातून येणारे उत्पन्न 3 हजार 250 कोटी रुपये इतर कोचिंग उत्‍पन्न 2 हजार 420 कोटी रुपये आणि सकल वाहतूक मिळकत 82 हजार 393 कोटी रुपये निश्चित करण्‍यात आली आहे.

सहाव्‍या केंद्रीय वेतन आयोगाच्‍या सिफारशी करून 14 लाख रेल्‍वे कर्मचारी व 11 लाख पेंशनर्सना लाभ मिळवून दिला आहे. सहाव्‍या वेतन आयोगाच्‍या सिफारशी लागू करण्‍यासाठी वेतन वाटप पध्‍दतीत चार हजार कोटी आणि पेन्‍शन निधित एक हजार कोटी रुपयांची व्‍यवस्‍था करण्‍यात आली आहे. चालू आर्थिक वर्षात वेतन वाटप पध्‍दतीवर 9 हजार कोटी तर पेन्‍शनवर 4 हजार 500 कोटींचा खर्च होण्‍याची शक्‍यता आहे.

2009-10 साठी अंदाजित बजेट

वर्ष 2009-10 साठी मालन वाहतूक, प्रवासी वाहतूक, व अन्‍य मार्गातून क्रमशः 59 हजार 59 कोटी, 25 हजार कोटी, 6 हजार कोटी आणि 3 हजार कोटी रुपये उद्दीष्‍ट ठेवण्‍यात आले आहे. तर वाहतुकीतून उत्‍पन्नाचे उद्दीष्‍ट 93 हजार 159 कोटी ठेवण्‍यात आले आहे. सध्‍याच्‍या उद्दीष्‍टापेक्षा ते 10 हजार 766 कोटी रुपये अधिक आहे.

वर्ष 2009-10 साठी सामान्य संचालन खर्च 62 हजार 900 कोटी रुपये निश्चित करण्‍यात आले आहे. 2008-09 च्‍या तुलनेत ते 7 हजार 900 कोटी रुपये अधिक आहे. सहाव्‍या वेतन आयोगामुळे त्‍यात वाढ झाली आहे. एकूण खर्च 83 हजार 600 कोटींपर्यत शक्‍य आहे.

वार्षिक योजना 2009-10

वर्ष 2009-10 साठी वार्षिक योजनेत 37 हजार 905 कोटींच्‍या गुंतवणुकीचा प्रस्‍ताव आहे. सामान्य करातून मिळणारे उत्‍पन्न 9 हजार 600 कोटी प्रस्तावित आहे. त्‍यात केंद्रीय रस्‍ता निधी तून दिली जाणारी 1 हजार 200 कोटींची रक्कम समाविष्‍ट नाही.

देशातील वेगवेगळ्या भागात आवश्‍यकतेनुसार बुलेट ट्रेनसाठी प्री-फीजिबिलिटी स्टडी केली गेली असून दिल्ली-अमृतसर, अहमदाबाद-मुंबई-पुणे, हैदराबाद-विजयवाड़ा-चेन्नई, चेन्नई-बंगळूरू-एर्नाकुलम आणि हावड़ा-हल्दिया दरम्‍यान बुलेट ट्रेन चालविण्‍यासाठी प्री- फीजिबिलिटी स्टडी करण्‍यासाठीही प्रयत्‍न सुरू आहेत. त्‍यापैकी दिल्ली-पाटणा दरम्‍यान बुलेट ट्रेन सुरू करण्‍यासाठी प्री- फीजिबिलिटी स्टडी करण्‍याची कारवाई लवकरच सुरू केली जाईल.

छपरा येथे रेल्‍वे चाकांच्‍या निर्मितीचा कारखाना उभारला जात असून याच महिन्‍यात मढोरा येथे डीझेल आणि मधेपुरा येथे इलेक्ट्रिक इंजिन कारखाना उभारला जाणार आहे.

भारत वॅगन लिमिटेडची मोकामा व मुजफ्फरपूर येथील कारखाने रेल्‍वे मंत्रालयाकडे स्थानांतरित करण्‍यात आले आहेत.

झारग्राममध्‍ये पुरुलिया दरम्‍यानचे रूट आणि कोलकाता मेट्रोचा दमम ते दक्षिणेश्वरपर्यंतच्‍या विस्तारासाठीही सर्व्‍हे पूर्ण झाला आहे. यासाठी प.बंगाल सरकार पन्‍नास टक्के निधी खर्च करणार आहे.

गुजरातच्‍या भरूच आणि सूरत जिल्‍ह्यात पलेज, पानौली, कोसांबा आणि किम, दिल्ली क्षेत्रात रोशनआरा गार्डन व सुल्तानपूरी, पंजाबच्‍या लुधियाना येथील शास्त्रीनगर व मॉडल टाउन आणि तामिळनाडूत वासरपाड़ी येथे पन्‍नास टक्के भागिदारीवर उभारणीसाठी प्रयत्‍न सुरू आहेत.

भागलपूर व ठाण्‍यात रेल्‍वेच्‍या नवीन विभागांची उभारणी करण्‍याचाही आमचा प्रयत्‍न आहे.

नवीन रेल्‍वे मार्ग

1. रिंगस- डीडवाना व्‍हाया खाटू श्यामजी
2. इस्लामपुर- मानपुर व्‍हाया खिज्रसराय/ सरबहदा
3. बाकुला- बेलथरा रोड
4. बिहारीगंज- फोर्बिसगंज व्‍हाया मुरलीगंज, कुमारखंड, छातापुर
5. पिडुगुराला-नरसारावपेट
6. मधेपुरा-वीरपुर व्‍हाया सिंहेस्वर, पिपरा, त्रिवेणीगंज
7. बोटाड-जसनन व्‍हाया गोंडल
8. बिहारीगंज- नौगछिया व्‍हाया उदाकिशुनगंज, पुरैनी, चौसा
9. समदड़ी- फलोदी
10. बुढ़वल- बहराइच
11. अरेराज-नरकटिया गंज व्‍हाया लौरिया
12. लालगंज- फैजाबाद व्‍हाया अकबरगंज, महाराजगंज, रायबरेली
13. पारसनाथ- मधुबन
14. ढेंग- सोनबरसा व्‍हाया मेजरगंज, कन्हौली

दुहेरीकरण

1. हासपेट- स्वामीहल्ली
2. तोरणगल्लू- रंजीतपुरा
3. बांदीकुई- अलवर
4. अजमेर- पालनपुर
5. तिनपहाड़- भागलपुर
6. आनंद विहार- तिलक ब्रिज तीसरी व चौथी लाइन
7. डंगुआपोसी- पेन्ड्रासली तीसरी लाइन
8. कटवा- फरक्का

प्रवासी सुविधा

प्रवाशांच्‍या मागणीवरून खालील गाड्यांच्‍या फे-या वाढवून सुविधा उपलब्‍ध करून दिल्‍या जाणार आहेत.

1. बिलासपुर-तिरुनेलवेलि एक्सप्रेस व्‍हाया तिरुवनन्तपुरम साप्ताहिक
2. रांची-जयनगर एक्सप्रेस आठवड्यात तीन दिवस
3. सिकंदराबाद-मानुगुरु सुपरफास्ट रोज
4. मुंबई-कारवार सुपरफास्ट तीन दिवस
5. भोपाल-लखनऊ जंक्शन गरीब रथ एक्सप्रेस साप्ताहिक
6. दुर्ग-जयपुर एक्सप्रेस साप्ताहिक
7. कोल्हापुर-धनबाद लिंक सर्विस व्‍हाया पारसनाथ साप्ताहिक
8. सेनगोटाई-ईरोड पॅसेंजर रोज
9. डिब्रूगढ़ टाऊन-चंदीगड एक्सप्रेस साप्ताहिक
10. अजमेर-भागलपुर व्‍हाया दिल्ली गरीब रथ एक्सप्रेस दोन दिवस
11. निजामुद्दीन-बंगलोर व्‍हाया कछेगुडा राजधानी एक्सप्रेस तीन दिवस
12.बरौनी-दिल्ली जनसाधारण सुपरफास्ट दोन दिवस
13. मुंबई-वाराणसी सुपरफास्ट रोज
14. म्‍हैसूर- यशवंतपूर सुपरफास्ट रोज
15. जमालपूर-गया एक्सप्रेस रोज
16. कोरापुट-राउरकेला एक्सप्रेस व्‍हाया रायगड रोज
17. आगरा-अजमेर सुपरफास्ट रोज
18. सीतामढ़ी-पटना लिंक सर्विस रोज
19. त्रिचुरापल्ली-मदुराई एक्सप्रेस रोज
20. मुंबई-बीकानेर सुपरफास्ट दोन दिवस
21. जयनगर-अजमेर लिंक सर्विस दोन दिवस
22.आगरा-लखनऊ जंक्शन शताब्दी एक्सप्रेस रोज
23. गांधीधाम-कोलकाता सुपरफास्ट साप्ताहिक
24. नई-दिल्ली-गुवाहाटी राजधानी एक्सप्रेस वाया भागलपुर साप्ताहिक
25. मुंबई-तिरुनेलवलि सुपरफास्ट व्‍हाया तिरुवन्न्तपुरम दोन दिवस
26. जम्मूतवी-दरभंगा गरीब रथ एक्सप्रेस साप्ताहिक
27. सहरसा-दिल्ली एक्सप्रेस व्‍हाया पटना साप्ताहिक
28. ग्वालियर-भोपाल इंटरसिटी एक्सप्रेस व्‍हाया गुना पाच दिवस
29. कोयम्बटूर-तुतीकोरीन लिंक सर्विस रोज
30. हावडा-हरिद्वार सुपरफास्ट पाच दिवस
31. मछलीपट्टनम-मुंबई सुपरफास्ट दोन दिवस
32. वाराणसी-जम्मूतवी सुपरफास्ट रोज
33. गोरखपुर-मुंबई सुपरफास्ट रोज
34. झाझा-पटना मेमू
35. नई-दिल्ली-पलवल मेमू
36. नई दिल्ली-गुवाहाटी राजधानी एक्सप्रेस व्‍हाया मुजफ्फरपुर साप्ताहिक
37. वेरावल-मुंबई लिंक सर्विस रोज
38.रांची-पटना जनशताब्दी रोज
39.झांसी-छिंदवाडा सुपरफास्ट दोन दिवस
40. मुंबई-जोधपुर एक्सप्रेस साप्ताहिक
41. हाजीपुर-बगहा लिंक सर्विस
42.हावडा-दिल्ली लिंक सर्विस वाया अजीमगंज-भागलपुर साप्ताहिक
43.सीतामढी-दिल्ली गरीब रथ एक्सप्रेस व्‍हाया पाटणा साप्ताहिक
गाड्यांच्‍या मार्गांचा विस्‍तार

1. 5761/5762 रांची-अलीपरुद्वार एक्सप्रेस गुवाहाटीपर्यंत
2. 9269/9270 पोरबंदर-बापूधाम मोतिहारी एक्सप्रेस मुज्जफरपूरपर्यंत
3. 1471/1472 जबलपुर-भोपाल एक्सप्रेस लक्ष्मीबाई नगर, इंदूरपर्यंत
4. 6865/6866 अर्नाकुलम-त्रिचुरापल्ली एक्सप्रेस नागौरपर्यंत
5. 3155/3156 कोलकाता-दरभंगा मिथिलांचल एक्सप्रेस सीतामढ़ीपर्यंत
6. 2175/2176 हावड़ा-ग्वालियर चम्बल एक्सप्रेस मथुरापर्यंत
7. 2177/2178 हावड़ा-आगरा कॅन्‍ट चंबळ एक्सप्रेस मथुरापर्यंत
8. 6507/6508 जोधपुर-बंगलोर एक्सप्रेस कोईमबत्तूरपर्यंत
9. 2187/2188 जबलपुर-मुंबई गरीब रथ एक्सप्रेस अलाहाबादपर्यंत
10. 2927/2928 मुंबई-वड़ोदरा एक्सप्रेस छोटापूर उदयपूरपर्यंत
11. 541/542 पटना-दरभंगा कमला गंगा फास्ट पॅसेंजर बिरोलपर्यंत
12. 3113/3114 कोलकाता-मुर्शिदाबाद हजार दुआरी एक्सप्रेस लालगोलापर्यंत
13. 2909/2910 मुंबई-जयपुर गरीब-रथ दिल्लीपर्यंत
14. 2143/2144 नागपुर-गया दीक्षाभूमी पारसनाथ एक्सप्रेस धनबादपर्यंत व्‍हाया पारसनाथ

खालील गाड्यांच्‍या फे-या वाढविण्‍याचे नियोजन आहे

1. 2423/2424 नवी दिल्ली-गुवाहाटी/डिब्रुगढ राजधानी एक्सप्रेस (6 दिवस)
2. 2433/2444 भुवनेश्‍वर-नवी दिल्ली राजधानी एक्सप्रेस (4 दिवस)
3. 2395/2396 अजमेर-राजेंद्रनगर जियारत एक्सप्रेस (2 दिवस)
4. 2211/2212 निजामुद्दीन-बापूधाम मोतिहारी गरीबरथ एक्सप्रेस (2 दिवस)
5. 2183/2184 भोपाल-लखनऊ जंक्शन एक्सप्रेस (3 दिवस)
6. 7091/7092 सिकंदराबाद- पाटणा एक्सप्रेस (रोज)
7. 2739/2740 सिकंदराबाद-विशाखापट्टणम गरीबरथ एक्सप्रेस (रोज)
8. 2111/2112 अमरावती-मुंबई अमरावती एक्सप्रेस (रोज)
9. 2149/2150 पुणे-पाटणा एक्सप्रेस (रोज)
10. 2957/2958 अहमदाबाद-नवी दिल्ली राजधानी एक्सप्रेस (रोज)
11. 2947/2948 अहमदाबाद-पाटणा अजीमाबाद एक्सप्रेस (3 दिवस)
12. 2887/2888 पुरी-हावड़ा एक्सप्रेस (2 दिवस)
13. 2487/2488 जोगबनी-दिल्ली सीमांचल एक्सप्रेस (6 दिवस)
14. 2823-2824 निजामुद्दीन-दुर्ग छत्तीसगड संपर्क क्रांती (3 दिवस)

भाड्यात कपातीपोटी ७०० कोटींचा भार

Fri, 13 Feb 2009 19:56:06 +0530

संसदेत आज सादर करण्यात आलेल्या रेल्वेच्या अंतरीम बजेटमध्ये प्रवासी भाड्यात दोन टक्के कपात करण्यात आल्याने रेल्वेला ७०० कोटींचा भार पडणार आहे.

रेल्वे बोर्डाचे अध्यक्ष एस. एस. खुराना यांनी पत्रकार परिषदेत ही माहिती दिली. प्रवाशांना दिलेली सवलत एक एप्रिलपासून लागू होईल. रेल्वेमंत्री लालू प्रसाद यादव यांनी सर्व रेल्वेगाड्यांच्या भाड्यात दोन टक्के कपात करण्याची घोषणा केली आहे.

निवडणुकीच्या तोंडावर लालूंचा 'प्रसाद'

Fri, 13 Feb 2009 19:50:23 +0530

निवडणुकीच्‍या तोंडावर रेल्‍वे मंत्री लालूप्रसाद यादव यांनी आज मतदारांना फिल गुडची अनुभूती देण्‍यासाठी रेल्‍वेचा सहावा हंगामी अर्थसंकल्‍प सादर केला. कोणतीही दरवाढ न केलेल्या अर्थसंकल्पात सामान्यांपेक्षा निवडणुकीचा विचार केलेला स्पष्टपणे जाणवतो. लालूंनी या अर्थसंकल्पात महाराष्ट्राच्या वाट्याला एकही नवी रेल्वेगाडी दिलेली नाही. महाराष्ट्रापेक्षा बिहारवर सुविधांची बरसात केली आहे.

समाजातील प्रत्येक घटकावर मेहरनजर ठेवत लालुंनी बजेटमध्‍ये रेल्‍वे प्रवास भाड्यातही कपात केली आहे. नवीन दरानुसार पन्‍नास रुपयांपेक्षा कमी प्रवास भाडे असलेल्‍या टिकीटासाठी एक रुपयाची कपात केली आहे. तर त्‍यापेक्षा अधिक भाड्यात दोन टक्‍क्‍यांची कपात करण्‍यात आली आहे.

मालभाड्यात वाढ नाही
यंदा मालभाडे कमी केले जाण्‍याची शक्‍यता वर्तविली जात असतानाच लालूप्रसाद यादव यांनी मालभाड्यात कोणतीही वाढ किंवा घट न करण्‍याचा निर्णय घेतला आहे. याशिवाय अधिक माल वाहतुकीसाठी डबल कंटेनर ट्रेन चालविली जाणार असून त्‍यासाठी दरवर्षी 15 हजार कंटेनर बनविले जाणार आहेत. तर 43 नवीन रेल्‍वे सुरू करण्‍याचाही निर्णय जाहीर केला आहे.

उत्तर भारतातून मुंबईकडे जाण्यासाठी नवीन ट्रेन
उत्तर भारतातून मुंबईत जाणा-यांची खास काळजी लालूने घेतली आहे. वाराणसी ते मुंबई आणि गोरखपूर-मुंबई दरम्‍यान रोज एक नवीन रेल्‍वे सुरू करण्‍यात आली आहे. याशिवाय आग्रा-लखनौ, आग्रा-अजमेर, वाराणसी-जम्मू तवी आणि रांची-पटना जनशताब्दी ट्रेन चालविल्‍या जाणार आहेत. हावडा ते हरिद्वारसाठी आठवड्यातून पाच दिवस रेल्‍वे असणार आहे.

महाराष्ट्राला ठेंगा
लालूंनी नव्या ४३ रेल्वेगाड्या सुरू केल्या असल्या तरी त्यात फक्त महाराष्ट्रासाठी म्हणून एकही रेल्वेगाडी नाही. कोल्हापूरहून धनबादपर्यंतची एक नवी गाडी सोडली तर बाकीच्या गाड्यांचा उपयोग प्रामुख्याने उत्तर प्रदेशी आणि बिहारींसाठी होणार आहे.

आता येणार बुलेट ट्रेन
देशात बुलेट ट्रेन सुरू करण्‍याचा इरादा स्‍पष्‍ट करतानाच लालुंनी दिल्ली-पाटणा, दिल्ली-अमृतसर, अहमदाबाद-पुणे, हैदराबाद-विजयवाड़ा-चेन्नई, चेन्नई-बंगळूरू, कोलकाता-हल्दिया आणि एर्नाकुलम-हावड़ा याच्‍या दरम्‍यान बुलेट ट्रेन सुरू करण्‍याचा विचार असल्‍याचे म्‍हटले आहे. याशिवाय सात मार्गांवर बुलेट ट्रेन चालविण्‍यासंदर्भात संशोधन केले जात आहे. लुधियाना-कोलकाता फ्रेट कॉरिडोरवर या महिना अखेरीपर्यंत काम केले जाणार आहे. ठाणे आणि भागलपूरमध्‍ये रेल्‍वेचा नवा विभाग स्‍थापित केला जाणार आहे.

कॉंग्रेसने केले रेल्वे बजेटचे कौतुक

Fri, 13 Feb 2009 19:45:21 +0530

आगामी निवडणुका समोर ठेवून रेल्वेमंत्री लालू प्रसाद यादव यांनी मांडलेल्या रेल्वे अर्थसंकल्पाचे कॉंग्रेसने कौतुक केले आहे. सामान्यांवर कोणताही भार न लादता लालूंनी रेल्वेचा कायापालट केला अशा शब्दांत कॉंग्रेसने त्यांचे कौतुक केले.

कॉंग्रेसचे प्रवक्ते अभिषेक संघवी यांनी या प्रतिक्रिया व्यक्त करताना सांगितले, की संयुक्त पुरोगामी लोकशाही आघाडीच्या ससरकारने सलग सहाव्या बजेटमध्ये भाड्यात कोणतीही वाढ केलेली नाही. ही अत्यंत प्रशंसनीय बाब आहे. रेल्वे मंत्रालय व सरकार त्यासाठी कौतुकास पात्र आहे, अशी भलावणही त्यांनी केली.

सामान्यांवर कोणताही बोजा न लादता रेल्वेची रोकड सत्तर हजार कोटींपर्यंत पोहचविणे हे नक्कीच कौतुकास्पद आहे, असे सांगून पूर्वी रेल्वे संपासाठी ओळखली जायची. पण गेल्या पाच वर्षांत लालूंनी त्याचा चेहरामोहरा बदलवला आणि त्याची जगभरात चर्चा होते आहे, याकडेही त्यांनी लक्ष वेधले.

अर्थसंकल्‍प बिहारसाठी की भारतासाठी?

Fri, 13 Feb 2009 19:24:56 +0530

आपल्‍या सहाव्‍या हंगामी रेल्‍वे अर्थसंकल्‍पात लालूंचे बिहार प्रेम पूर्णपणे दिसून आले. गेल्‍या प्रत्‍येक बजेटमध्‍ये ते केवळ बिहारचेच रेल्‍वे मंत्री आहेत की काय असा प्रश्‍न उपस्थित केला जात आहे. आपल्‍या सरकारच्‍या शेवटच्‍या हंगामी अर्थसंकल्‍पातही त्‍यांनी आपल्‍या मतदार संघाला भरभरून देण्‍याचा प्रयत्‍न केला आहे.

यंदाच्‍या हंगामी अर्थसंकल्‍पातील प्रत्‍येक मोठ्या घोषणेस 'बिहारी टच' होता. नवीन रेल्‍वे गाडी सुरू करण्‍याचा विषय असो कि रेल्‍वेशी संबंधित एखादी फॅक्‍ट्री लालुंची प्रत्‍येक घोषणा खास बिहारसाठीच होती. बिहारमधील मढ़ौरा आणि लालूचा मतदार संघ मोपुरात इलेक्ट्रिक इंजिन फॅक्ट्री सुरू करण्‍याची घोषणाही त्‍यांनी केली आहे.

इतकेच नव्‍हे तर ज्‍या 43 नवीन गाड्या सुरू करण्‍याचा निर्णय त्‍यांनी जाहीर केला त्‍यापैकी 12 गाड्या बिहारमधूनच चालणार आहेत.

एवढ्यावरच न थांबता लालूंनी बिहारला बुलेट ट्रेन चालविण्‍याचे स्‍वप्‍न दाखवित दिल्ली ते पाटणा दरम्‍यान चालविण्‍याचे घोषीत केले.

रेल्वेचा वाढता आलेख...

Fri, 13 Feb 2009 18:49:01 +0530

PTI

रेल्वे मंत्री लालूप्रसाद यादव हे आपल्या आक्रमक आणि फटकळ स्वभावामुळे परिचीत असले तरी रेल्वेमंत्री म्हणून त्यांच्या काळात रेल्वेचा आलेख वाढता राहिला आहे. गेल्या पाच वर्षांच्या तुलनेत प्रवाशी, माल आणि इतर वाहतूकीमध्ये वाढ झाली असून सहाजिकच रेल्वेच्या उत्पन्नामध्येही वाढ झाली आहे. ही वाढ टिकवून प्रवाशांना खुश करण्यासाठी त्यांनी काय युक्ती केली आहे ते पाहण्यासारखे आहे. गेल्‍या पाच वर्षांत रेल्‍वेचा वाढत चाललेला आलेख पाहून ही बाब लक्षात येईल.

लालूंनी उलगडले यशस्वितेचे मर्म

Fri, 13 Feb 2009 16:22:54 +0530

कुशल व्यवस्थापन व काम करण्याची वैशिष्ट्यपूर्ण पद्धत यामुळे रेल्वेला नफ्यात आणणारे रेल्वेमंत्री लालूप्रसाद यादव जगभरातच चर्चेचा विषय ठरले आहेत. आपल्या यशस्वीतेचे मर्म आज लालूंनी उलगडून दाखवले.

केवळ प्रवासी भाडे कमी करून व मालभाड्यात कपात करून यशस्वी होता येत नाही, हे सांगून लालू म्हणाले, की यशस्वी होण्याचे कारण एकच आहे. ते म्हणजे लोकांच्या गरजा पूर्ण करून त्यांचे ह्रदय जिंकणे. तेही प्रतिस्पर्ध्यापेक्षा चांगले. तेही रोज आणि दरवर्षी. तरच आज जे साध्य केले ते करता येईल.

लालूंनी आपल्या कार्यपद्धतीमुळे रेल्वेत झालेल्या बदलांकडेही लक्ष वेधले. तोट्यात असणारी रेल्वे आता नफ्यात आली आहे. रेल्वेच्या कार्यपद्धतीतच बदल घडला आहे. रेल्वे आता पूर्वीपेक्षा अधिक लोकाभिमुख झाली आहे हे सांगून लालू म्हणाले, लोकांना आता घरपोच तिकीटे मिळू लागली आहेत. या सगळ्या कल्पनांच्या जोरावरच रेल्वेने दरवर्षी नफ्याची नवनवी क्षितिजे गाठली आहेत. पाच वर्षांत सामान्य माणसावर कोणताही बोजा न घालता रेल्वेच्या उत्पन्नात ९० हजार कोटीचे उत्पन्न मिळविण्याचा विक्रम म्हणूनच रेल्वे करू शकली.

महाराष्ट्राला एकही नवी रेल्वेगाडी नाही

Fri, 13 Feb 2009 15:44:18 +0530

लालूंनी नव्या ४३ रेल्वेगाड्या सुरू केल्या असल्या तरी त्यात फक्त महाराष्ट्रासाठी म्हणून एकही रेल्वेगाडी नाही. कोल्हापूरहून धनबादपर्यंतची एक नवी गाडी सोडली तर बाकीच्या गाड्यांचा उपयोग प्रामुख्याने उत्तर प्रदेशी आणि बिहारींसाठी होणार आहे.

महाराष्ट्रातून जाणार्‍या रेल्वेगाड्या अशाः
मुंबई-कारवार सुपरफास्ट (आठवड्यातून दिन दिवस)
छत्रपती शाहू टर्मिनल कोल्हापूर व्हाया पारसनाथ-धनबाद लिंक सर्व्हिस (आठवड्यातून एकदा)
मुंबई- वाराणसी सुपरफास्ट (रोज)
मुंबई बिकानेर सुपरफास्ट (रोज)
मछलीपट्टनम- मुंबई सुपरफास्ट (रोज)
गोरखपूर मुंबई सुपरफास्ट (रोज)
वेरावळ-मुंबई लिंक सर्व्हिस (रोज)
मुंबई-जोधपूर एक्सप्रेस (आठवड्यातून एकदा)

भारतातही धावणार बुलेट ट्रेन

Fri, 13 Feb 2009 15:26:53 +0530

जपान आणि जर्मनीसारख्या देशांमध्ये धावणारी बुलेट ट्रेन भारतातही सुरु करण्यासाठी रेल्वे मंत्री लालूप्रसाद यादव यांनी महत्वाच्या मार्गवर पाहणी करण्यात येणार असल्याची घोषणा रेल्वेच्या अंतिरम अर्थसंकल्पादरम्यान केली.

दिल्ली अमृतसर अहमदाबाद मुंबई पुणे हैदराबाद विजयवाड़ा चेन्नई बेंगळूरु एर्नाकुलम आणि हावड़ा या मार्गवर बुलेट ट्रेन चालविण्यासाठी व्यावहारीक ‍द्दष्टिने पाहणी करण्यात येणार आहे. दिल्ली ते पटना दरम्यान बुलेट ट्रेनच्या पाहणीसाठी लवकरच काम सुरु करण्यात येणार आहे.

लालुंच्‍या पोतडीतून...

Fri, 13 Feb 2009 13:29:29 +0530

आपल्‍या अनोख्‍या निवेदन शैलीमुळे भारतीय राजकारणात सर्वांच्‍या कतुहलाचा विषय बनलेल्‍या रेल्‍वेमंत्री लालूप्रसाद यांनी निवडणूक पूर्व हंगामी रेल्‍वे अर्थसंकल्‍प सादर करताना रेल्‍वेच्‍या प्रवाशी भाड्यात कपात करण्‍यासोबतच काही नवीन गाड्या सुरू करून निवडणुकीपूर्वी सर्वसामान्‍यांना खुश करण्‍याचा प्रयत्‍न केला आहे.

या अर्थसंकल्‍पात लालूंनी केलेले दावे-

1. रेल्‍वेच्‍या मिळकतीत 19 टक्क्‍यांनी वाढ.

2. पाच वर्षात रेल्‍वे विकासाचा दर 8 टक्‍के.

3. गेल्‍या वर्षी 9 टक्‍क्‍यांच्‍या दराने माल वाहतुक वाढली.

4. आधीच्‍या तुलनेत अधिक क्षमतेचे नव्‍या डिजाईनचे रेल्‍वे वॅगन आणणार.

5. सहाव्‍या वेतन आयोगाचा फायदा 14 लाख कर्मचा-यांना झाला.

7. पूर्व फ्रंट कोरीडोरचे काम सुरू

8. दरवर्षी मालगाडीचे दहा हजार वॅगनचे उद्दीष्‍ट.

9. आम्‍ही रेल्‍वेचा कायाकल्‍प केला.

10. रेल्‍वेने 90 हजार कोटींचा नफा कमावला.

11. सामान्‍य माणसावर बोजा न टाकता रेल्‍वेचा विकास.

12. रेल्‍वेच्‍या अपघातांचे प्रमाण कमी करण्‍यात आमच्‍या सरकारला यश आले.

13. आसन पध्‍दतीत बदल केल्‍याने लाखो रुपयांचा फायदा.

14. आगरतळा रेल्‍वे नेटवर्कशी जोडण्‍यात यश.

15. आगामी चार महिन्‍यात काश्मिरच्‍या बारामुल्‍लापर्यंत विस्‍तार.

16. पाच वर्षांत दोन लाख 30 हजार कोटी रुपयांची गुंतणूक.

हे करणार-

1. पाटणा ते दिल्‍ली बुलेट ट्रेन सुरू करणार

2. भागलपूर व ठाण्‍यात रेल्‍वेचे नवीन विभाग स्‍थापणार.

3. रेल्‍वेच्‍या प्रवाशी भाड्यात प्रत्‍येक तिकिटामागे एक रुपया कमी.

4. वातानुकुलीत रेल्‍वेच्‍या भाड्यात दोन टक्‍के कपात.

5. कोलकात्‍यात राज्‍य सरकारच्‍या भागीदारीने मेट्रो रेल्‍वे चालविणार.

6. 50 कि.मी. पर्यंतच्‍या प्रवाशी भाड्यात कपात.

7. दुस-या वर्गाच्‍या प्रवाशी भाड्यातही कपात.

8. सिकंदराबाद-मानगुरू व मुंबई-करवार नवीन सुपरफास्‍ट गाड्या सुरू होणार.

9. 43 नवीन सुपरफास्‍ट ट्रेन चालविणार.

अशा धावणार रेल्‍वे-

1. जम्‍मू-दरभंगा गरीब रथ साप्‍ताहिक

2. मुंबई-वाराणसी सुपरफास्‍ट रोज.

3. भोपाळ-लखनऊ गरीब रथ आठवड्यात तीन दिवस.

4. अमरावती-मुंबई दररोज.

5. आग्रा-अजमेर सुपरफास्‍ट रोज.

6. झाशी-छिंदवाडा दरम्‍यान नवीन रेल्‍वे.

7. बरौन-दिल्‍ली जनसाधारण एक्सप्रेस रोज.

8. भुनेश्‍वर-दिल्‍ली राजधानी एक्स. आठवड्यातून चार वेळा.

9. मुंबई-वडोदरा एक्सप्रेस उदयपूरपर्यंत जाणार.