ALSO READ: शेफाली एका आठवड्यापूर्वी संघात सामील झाली आणि अंतिम सामन्यात ती सामनावीर ठरली

सौरव गांगुलीने त्याच्या पदार्पणाच्या कसोटी सामन्यात शतक झळकावले

सौरव गांगुलीने १९९६ मध्ये इंग्लंडविरुद्ध कसोटी पदार्पण केले. त्याने पदार्पणाच्या कसोटी सामन्यात शतक झळकावून आपली क्षमता सिद्ध केली. त्या सामन्यात गांगुलीने १३१ धावा केल्या होत्या. लवकरच तो भारताच्या कसोटी संघाचा एक महत्त्वाचा भाग बनला. गांगुलीची सातत्यपूर्ण चांगली कामगिरी पाहून २००० मध्ये त्याला भारतीय संघाचा कर्णधार म्हणून नियुक्त करण्यात आले.  

सौरव गांगुलीच्या कारकिर्दीबद्दल बोलायचे झाले तर, त्याने ११३ कसोटी सामने खेळले, ज्यामध्ये त्याने ७२१२ धावा केल्या आणि या काळात त्याने १६ शतके केली. त्याने ३११ एकदिवसीय सामन्यांमध्ये ११३६३ धावा केल्या, ज्यामध्ये २२ शतकांचा समावेश आहे. त्याने एकदिवसीय क्रिकेटमध्ये ७२ अर्धशतके देखील केली.

ALSO READ: क्रिकेटपटू यश दयालविरुद्ध एफआयआर, तरुणीने केले गंभीर आरोप

Edited By- Dhanashri Naik

ALSO READ: IND vs BAN: भारत आणि बांगलादेश यांच्यातील मर्यादित षटकांची मालिका पुढे ढकलली,BCCI ने दिली माहिती

तसेच भारतीय क्रिकेटमधील महान गोलंदाजांच्या यादीत समाविष्ट असलेला हरभजन सिंग क्रिकेटच्या तिन्ही स्वरूपात चेंडू आणि बॅटने अद्भुत कामगिरी करत असल्याचे दिसून आले आहे. हरभजन सिंगचा जन्म ३ जुलै १९८० रोजी झाला होता, ज्यामुळे तो जागतिक क्रिकेटमध्ये टर्बिनेटर म्हणूनही ओळखला जातो. १९९८ मध्ये आंतरराष्ट्रीय क्रिकेटमध्ये पदार्पण करणाऱ्या हरभजन सिंगने असे अनेक विक्रम केले जे आजपर्यंत मोडणे सोपे नाही. हरभजनचा करिष्मा केवळ आंतरराष्ट्रीय क्रिकेटमध्येच नाही तर जागतिक क्रिकेटमधील सर्वात मोठ्या टी-२० लीग, आयपीएलमध्येही दिसून आला. तसेच १९९८ मध्ये आंतरराष्ट्रीय क्रिकेटमध्ये प्रवेश करणाऱ्या हरभजन सिंगला तिन्ही फॉरमॅटमध्ये खेळण्याची संधी मिळाली. हरभजन सिंगने १०३ कसोटी सामने खेळले आणि ३२.४६ च्या सरासरीने एकूण ४१७ विकेट घेतल्या, ज्यामध्ये तो २५ वेळा एका डावात ५ विकेट घेण्यास यशस्वी झाला. याशिवाय, हरभजनने १८.२२ च्या सरासरीने फलंदाजीत २२२४ धावा केल्या आहे, ज्यामध्ये २ शतके आणि ९ अर्धशतकीय डावांचा समावेश आहे.  

ALSO READ: भारतीय महिला क्रिकेट संघाची यष्टीरक्षक-फलंदाज रिचा घोषने विश्वविक्रम रचला

Edited By- Dhanashri Naik

नौशाद खान यांनी 2011 मध्ये वन-डे वर्ल्ड कपदरम्यान वानखेडे स्टेडियमबाहेर माझ्याशी बोलताना हे म्हटलं होतं. 13 वर्षांच्या सरफराजचं कौशल्य आणि क्षमता याबाबत त्याचे वडील आणि कोच नौशाद यांना किंचितही शंका नव्हती. उलट मुलगा एकदिवस देशासाठी नक्की खेळेल असा विश्वास त्यांना होता. तीच नौशाद यांची तपश्चर्या आणि इच्छाही होती. कारण नौशाद यांना स्वतःला देशासाठी खेळता आलं नव्हतं. प्रामाणिकपणे प्रयत्न करत राहिल्यास यश मिळाल्याशिवाय राहत नाही, हे नौशाद यांच्या बाबतीत अगदी खरं आहे, असं म्हणणं वावगं ठरणार नाही. आता राजकोटमध्ये 15 फेब्रुवारीपासून सुरू होणाऱ्या तिसऱ्या कसोटी सामन्यातून सर्फराझनं पदार्पण केलं आणि नौशाद खान यांनी दशकभरापूर्वी केलेलं हे भाकित खरं ठरलं आहे. अनेक वर्षे वाट पाहिल्यानंतर अखेर नौशाद यांचा मुलगा सरफराज याला कसोटी संघामध्ये स्थान मिळालं आहे. हा आनंद द्विगुणीत करणारी बाब म्हणजे काही दिवसांपूर्वीच त्यांचा दुसरा मुलगा मुशीर खाननंही अंडर-19 वर्ल्ड कपमध्ये आपली छाप पाडली.

सरफराजचा दावा मजबूत

सरफराझची भारतीय संघात निवड झाली, तेव्हा टीम इंडियाचे माजी चीफ सिलेक्टर चेतन शर्मा म्हणाले होते की, "सरफराज गेल्या काही वर्षांपासून सातत्यानं निवड समितीसमोर स्वतःची दावेदारी सिद्ध करत होता. "त्यानं प्रत्येक वेळी धावा केल्या आहेत. पण भारताच्या मधल्या फळीमध्ये एवढ्या सहज जागा रिक्त होत नाही आणि वेळेवर संधीही मिळत नाही. मला वाटतं की, टीम मॅनेजमेंट आधी सरफराजला ड्रेसिंग रुममध्ये कम्फर्टेबल होऊ देईल आण नंतर त्याला प्लेईंग इलेव्हनमध्येही नक्कीच संधी मिळेल." सरफराज गेल्यावर्षी वर्ल्ड टेस्ट चॅम्पियनशिप आणि त्यापूर्वी ऑस्ट्रेलियाच्या विरोधातील कसोटी मालिकेतही संघात समाविष्ट होण्याच्या अगदी जवळ पोहोचला होता. पण निवडकर्त्यांनी टी-20 स्पेशालिस्ट सूर्यकुमार यादवला प्राधान्य दिलं. दक्षिण आफ्रिका दौऱ्यातून ऋतुराज गायकवाड नुकताच जखमी होऊन परतला आहे. त्यामुळं सरफराजच्या नावावर पुन्हा चर्चा झाली. पण तेव्हा अभिमन्यू ईश्वरनला संधी मिळाली. पण अनेकदा निराशा हाती येऊनही सरफराजनं कसोटी क्रिकेट खेळण्याच्या आशा कायम ठेवल्या आहेत. आज नाही तर उद्या निवडकर्त्यांचा विचार बदलण्यात यश मिळेल, असा त्याला विश्वास होता. तसंच झालंही. 

कसोटी खेळण्याची संधी मिळेल का?

टीम इंडियाचा आणखी एक माजी सदस्य इरफान पठाणनंही नुकतंच सोशल मीडियावर सरफराजचं नाव न घेता, मुंबईच्या या खेळाडूला टीममध्ये स्थान का मिळत नाही? असा प्रश्न उपस्थित केला होता. त्याचवेळी सध्या संघ व्यवस्थापनानं शुभमन गिल आणि श्रेयस अय्यर यांच्या अनुभवालाच प्राधान्य देणं योग्य ठरेल, असंही पठाणनं मान्य केलं होतं. सध्या विराट कोहली, केएल राहुल आणि रवींद्र जडेजा अशा अनुभवी खेळाडूंच्या अनुपस्थितीत आणखी एका तरुण क्रिकेटपटूला एवढ्या कठोर आव्हानासाठी मैदानात उतरवणं योग्य ठरणार नाही, असंही पठाणनं मान्य केलं. अखेर 26 वर्षांच्या सरफराजला आंतरराष्ट्रीय क्रिकेट खेळण्याची संधी अखेर मिळाली आहे. अवघ्या 16 वर्षांचा असताना श्रेयस अय्यर आणि संजू सॅमसन यांच्याबरोबर अंडर-19 वर्ल्ड कप खेळणाऱ्या सरफराजनं या दोघांपेक्षाही चांगली कामगिरी केली होती. एवढंच नाही तर 2016 च्या अंडर-19 वर्ल्ड कपमध्ये तर तो ऋषभ पंत आणि ईशान किशन अशा खेळाडूंबरोबर मैदानात होता. तरी त्यानं उत्तम कामगिरी केली होती.

करिअरमध्ये चढ-उतार

चांगलं तंत्र आणि प्रचंड कौशल्य असूनही सरफराजच्या करिअरमध्ये कायम चढ-उतार पाहायला मिळाले आहेत. शिस्त नसल्यामुळं तो काही वेळा चर्चेत आला तर फिटनेसमुळंही त्याच्याबाबत चर्चा झाली. पण, यादरम्यान रॉयल चॅलेंजर्स बेंगळुरूनं त्याच्याबरोबर 50 लाखांचा करार केला. एवढंच नाही तर एका सामन्यात थेट विराट कोहली त्याच्यासमोर नतमस्तक झाला होता. सुमारे चार वर्षांपूर्वी मुंबईसाठी रणजी चषकात तिहेरी शतक झळकावत सुनील गावस्कर आणि रोहित शर्मासारख्या एलिट खेळाडूंच्या एक्सक्लुसिव्ह क्लबमध्ये त्याचा समावेश झाला होता.

या क्लबमध्ये फक्त 7 फलंदाजांचा समावेश आहे.

नौशाद खान यांनी दहा वर्षांपूर्वी जेव्हा मुलाच्या भवितव्याबाबत विश्वास व्यक्त केला होता, तेव्हा मी याबाबत मुंबईच्या एका स्थानिक पत्रकाराशी बोललो होतो. त्या ज्येष्ठ पत्रकारांनी आम्हाला सांगितलं होतं की, 2009 मध्ये हॅरिस शिल्ड सारख्या प्रसिद्ध शालेय स्पर्धेमध्ये सरफराजनं सचिन तेंडुलकरच्या 346 धावांचा विक्रम मोडत 439 धावा केल्या होत्या. मुंबईत तेव्हाच अनेक लोकांनी सरफराजला पुढचा तेंडुलकर अशा उपमा द्यायला सुरुवात केली होती. पण मुंबईचे हे पत्रकार म्हणाले होते की, "पुढचा तेंडुलकर तर शक्यतो दुसरा कोणी बनूच शकत नाही. पण या मुलामध्ये दम आहे हे मात्र तेवढंच खरं आहे. जे याच्या वडिलांना जमलं नाही ते कदाचित हा करू शकतो. म्हणजे भारतासाठी खेळू शकतो." त्यामुळं सरफराज आणि त्याचे वडील अनेक दशकांपासून ज्याची वाट पाहत आहेत तो क्षण शुक्रवारी पाहायला मिळेल, अशी आशा आता व्यक्त केली जात आहे.

Published By- Dhanashri Naik 

लीग टप्प्यातील दमदार प्रदर्शनानंतर, शुक्रवारी बांगलादेश अ विरुद्धच्या उपांत्य फेरीत विजय मिळवल्यास उदयोन्मुख आशिया चषक स्पर्धेच्या अंतिम फेरीत पोहोचण्यासाठी भारत अ फेव्हरेट असेल. भारत या स्पर्धेत आतापर्यंत अपराजित आहे आणि सर्व विजयांमध्ये सर्वात महत्त्वाची बाब म्हणजे प्रत्येक चकमकीमध्ये आवश्यकतेनुसार अनेक मॅच-विनर्स दिसले.

भारत आता कट्टर प्रतिस्पर्धी बांगलादेशविरुद्ध सर्व विभागांमध्ये आपली प्रभावी धावसंख्या सुरू ठेवण्याचा प्रयत्न करेल. श्रीलंका अ विरुद्ध पाकिस्तान अ यांच्यातील उपांत्य सामना IST सकाळी 10:00 वाजता सुरू होईल, तर भारत अ संघ बांगलादेश अ विरुद्ध दुपारी 2:00 वाजता खेळेल.

पाकिस्तानविरुद्धचा शेवटचा महत्त्वाचा सामना भारताने आठ गडी राखून जिंकला. या सामन्यात मानव सुथार आणि निकिन जोश यांच्याशिवाय साई सुदर्शन आणि हंगरगेकर यांची कामगिरी उत्कृष्ट ठरली. हंगरगेकरने (5/42) पाच विकेट्स घेतल्या, तर साई सुदर्शनने (104 धावा) शतक झळकावले. पण निकिन (53) आणि डावखुरा फिरकी गोलंदाज सुथार (3/36) यांनीही चांगले योगदान दिले.

बांगलादेशने श्रीलंकेविरुद्धच्या त्यांच्या स्पर्धेतील सलामीच्या पराभवानंतर ओमान आणि अफगाणिस्तानवर विजय मिळवून अंतिम चारमध्ये स्थान मिळवले. तनजीद हसन आणि महमुदुल हसन यांनी अनुक्रमे 128 आणि 111 धावा करत चांगली फलंदाजी केली. त्याचबरोबर वेगवान गोलंदाज तनझिम साकिबने गोलंदाजीत आघाडी घेत सात विकेट घेतल्या.

गवान गोलंदाज हर्षित राणा (4/41) आणि कर्णधार यश धुल (108 धावा) यांनी संयुक्त अरब अमिरातीविरुद्धच्या पहिल्या सामन्यात उत्कृष्ट कामगिरी केली जी संघाने आठ गडी राखून जिंकली.तथापि, सलामीवीर बी साई सुदर्शन (58 धावा) आणि अभिषेक शर्मा (87 धावा) यांनी नेपाळविरुद्धच्या सामन्यात डावखुरा फिरकी गोलंदाज निशांत सिंधू (4/14) याच्या दमदार कामगिरीनंतर नऊ गडी राखून विजयात महत्त्वाची भूमिका बजावली. या स्पर्धेत सर्वाधिक आठ बळी घेणारा अष्टपैलू राजवर्धन हंगरगेकर यानेही या सामन्यात तीन बळी घेत योगदान दिले.

भारत अ संघ : साई सुदर्शन, अभिषेक शर्मा, निकिन जोस, यश धुल (क), रियान पराग, निशांत सिंधू, ध्रुव जुरेल (विकेटकीपर), मानव सुथार, हर्षित राणा, नितीश रेड्डी, आरएस हंगरगेकर, आकाश सिंग, युवराज सिंग डोडिया, प्रभसिमरन सिंग, प्रदोष पॉल.

बांगलादेश अ संघ: मोहम्मद नईम, तनजीद हसन, झाकीर हसन, सैफ हसन (क), महमुदुल हसन जॉय, सौम्या सरकार, अकबर अली (विकेटकीपर), मेहिदी हसन, रकीबुल हसन, तंजीम हसन शाकिब, रिपन मंडोल, मुसाफिक हसन, परवेझ हुसेन इमन, शहादत हुसेन, मृत्युंजय चौधरी, नईम हसन.

Edited by - Priya Dixit 

तान्ह्या बाळाच्या डाव्या कानाला लहानसं छिद्र होतं. ते छिद्र दिसत नसल्याने हे बाळ आपलं नाही हे त्यांनी सांगितलं. लहान बाळांना आंघोळ घातली जाते तेव्हा अदलाबदली झाल्याचं काही वेळात स्पष्ट झालं.

आपलं बाळ शोधण्यासाठी त्यांनी शोध सुरू केला. नर्सिंग होम असल्याने तिथे साहजिकपणे अनेक लहान मुलं होती. मासेमारी करणाऱ्या कोळी समाजातल्या आईच्या इथलं बाळ त्यांना आपलं असल्याचं लक्षात आलं. घोळ लक्षात आल्यानंतर बाळांना आपापल्या मातांकडे सोपवण्यात आलं. जन्मानंतर काही तासात बदली होण्याची ही अनोखी घटना आहे जगविख्यात क्रिकेटपटू सुनील गावस्कर यांची.

'सनी डेज' या आत्मचरित्रात गावस्कर यांनी हा किस्सा विषद केला आहे. काही वर्षांपूर्वी 'ब्रेकफास्ट विथ चॅम्पियन्स' कार्यक्रमात बोलतानाही गावस्कर यांनी ही अनोखी घटना सांगितली होती.

सार्वकालीन महान फलंदाजांमध्ये गणना होणाऱ्या गावस्कर यांचं नशीब त्या अदलाबदलीने पालटलं असतं. त्यांची कारकीर्द क्रिकेटमध्येच घडली असती की नाही माहिती नाही. पण अदलाबदलीचा घोळ वेळीच निस्तरण्यात आला. सुनील यांना त्यांच्या आईकडे सोपवण्यात आलं. बदली झालेला हा मुलगा आईकडे परतून भविष्यात देशाचं नाव उज्ज्वल करेल असं कोणाला वाटलंही नसेल. पण त्या मुलाने क्रिकेटविश्वात भारताचा झेंडा अभिमानाने फडकावला.

तंत्रशुद्धतेचा वस्तुपाठ अशा फलंदाजीसाठी सुनील गावस्कर यांचं नाव आदराने घेतलं जातं. आग ओकणाऱ्या गोलंदाजांना हेल्मेटविना निधड्या छातीने केलेला सामना, प्रतिस्पर्ध्यांचा सखोल अभ्यास, संयम, धावांची अविरत भूक यांच्या बळावर सुनील यांनी क्रिकेटविश्वात नवनवे मापदंड प्रस्थापित केले. घरच्या मैदानावर बहुतांश खेळाडू उत्तम कामगिरी करतात.

अत्याधुनिक संसाधनं हाताशी नसताना विदेशातील खेळपट्ट्यांवर त्यांची बॅट तळपत असे. फिरकी असो किंवा वेग, स्विंग असो, डावखुरे गोलंदाज असोत किंवा उजव्या हाताने फेकणारे, बोचरे वारे असोत किंवा तळपणारा सूर्य असो- गावस्कर यांनी सदैव धावांची टांकसाळ उघडली.

शाळा आणि महाविद्यालयात चमक

शाळेसाठी खेळतानाच गावस्कर यांच्या भविष्याची चुणूक दिसली होती. प्रतिनिधित्व करताना गावस्कर यांनी 246,222 अशा तडाखेबंद द्विशतकी खेळी केल्या होत्या. त्याकाळी महाविद्यालयीन क्रिकेटचं महत्त्व प्रचंड होतं.

सेंट झेव्हियर्स महाविद्यालयातर्फे खेळताना गावस्करांनी धावांचा रतीब घातला. या कामगिरीच्या बळावर मुंबईच्या रणजी संघात त्यांची निवड झाली.

कर्नाटकविरुद्धच्या पदार्पणाच्या लढतीत शून्यावर बाद झाल्यानंतर गावस्कर यांच्यावर मामाने घुसवलेला भाचा अशी टीकादेखील झाली.

त्यावेळी गावस्कर यांचे मामा माधव मंत्री मुंबईच्या निवड समितीत होते. परंतु या टीकेने दुर्मखून न जाता गावस्कर यांनी दुसऱ्याच सामन्यात राजस्थानविरुद्ध शतकी खेळी केली.

त्याच हंगामात दोन शतकं झळकावल्यामुळे गावस्कर यांची भारतीय संघात निवड झाली.

विलक्षण पदार्पण

गावस्कर यांचं कसोटी पदार्पण, तत्कालीन प्रतिस्पर्धी संघाची ताकद, जिवंत खेळपट्ट्या यामुळे त्या मालिकेचं वर्णन अद्भुत असं केलं जातं. वेस्ट इंडिजच्या खडतर दौऱ्यासाठी गावस्कर यांना भारतीय संघात स्थान मिळालं होतं. चेंडूला प्रचंड उसळी मिळणाऱ्या खेळपट्ट्या आणि अक्षरक्ष: आग ओकणारे गोलंदाज असं भंबेरी उडणारं आव्हान गावस्कर यांच्यासमोर होतं.

असं म्हणतात दर्जेदार प्रतिस्पर्धी आणि खडतर ठिकाण अशा वातावरणात कौशल्याची खरी परीक्षा होते. पाच फूट पाच इंच या उंचीमुळे गावस्कर यांच्यासाठी वेस्ट इंडिजच्या गोलंदाजांचा सामना करणं शारीरिकदृष्ट्याही कठीण होतं.

गावस्कर यांनी पदार्पणाच्या मालिकेत उंचपुऱ्या आणि भेदक गोलंदाजांविरुद्ध खेळताना 774 धावा कुटल्या. मुंबई ते कॅरेबियन बेटं हे संक्रमण गावस्कर यांनी आपल्या बॅटच्या आणि खणखणीत तंत्रकौशल्याच्या बळावर पेललं. पदार्पण करणाऱ्या फलंदाजाने पहिल्याच मालिकेत सर्वाधिक धावा करण्याचा विक्रम आजही गावस्कर यांच्याच नावावर आहे.

जॉर्जटाऊन इथे झालेल्या दुसऱ्याच सामन्यात गावस्कर यांनी शतकी खेळी साकारली. ब्रिजटाऊन इथेही शतक झळकावल्यानंतर चौथ्या आणि अंतिम कसोटीत पोर्ट ऑफ स्पेन इथे गावस्कर यांनी कळसाध्याय गाठला. गावस्कर यांनी पहिल्या डावात 124 तर दुसऱ्या डावात 220 धावांची मॅरेथॉन खेळी केली.

गावस्कर यांच्या द्विशतकी खेळीमुळेच भारताने चौथी कसोटी अनिर्णित राखली आणि मालिका जिंकली. गावस्करांची कामगिरी न भूतो न भविष्यती अशी मानली जाते. 1971 मध्ये झालेली ही मालिका आजही भारतीय क्रिकेटच्या इतिहासातलं गौरवशाली पर्व आहे.

वेस्ट इंडिजविरुद्धची हुकूमत

अँडी रॉबर्ट्स, जोएल गार्नर, मायकेल होल्डिंग, माल्कम मार्शल अशा एकापेक्षा एक गोलंदाजांविरुद्ध गावस्कर यांनी आपली बॅट परजली. जगभरातले फलंदाज चळचळा कापत अशा कर्दनकाळ गोलंदाजांविरुद्ध कशी फलंदाजी करावी याचा वस्तुपाठ गावस्कर यांनी सादर केला.

वेस्ट इंडिजमध्ये सर्वाधिक धावा करणाऱ्यांच्या यादीत गावस्कर दुसऱ्या स्थानी आहेत. त्याकाळचा वेस्टइंडिजचा संघ अजेय असा होता. प्रतिस्पर्धी संघाना चीतपट करत प्रत्येक सामना जिंकणाऱ्या वेस्ट इंडिजविरुद्ध दमदार प्रदर्शन यातूनच गावस्करांचं मोठेपण प्रतीत होतं.

नवा चेंडू आणि सलामीचं आव्हान

सलामीवीराची भूमिका अवघडच असते. कारण गोलंदाजांच्या हातात नवा कोरा लाल चेंडू असतो. चेंडूला उसळी मिळते. चेंडू स्विंग होतो. इंग्लंडसारख्या देशात ढगाळ वातावरणात स्विंग गोलंदाजीचा सामना करणं कठीण असतं.

ऑस्ट्रेलिया, दक्षिण आफ्रिका यासारख्या देशांमध्ये चेंडू अतिशय वेगाने अंगावर येतो. डावाच्या सुरुवातीला गोलंदाज ताजेतवाने असतात. कसोटी प्रकारात वेळेचं बंधन नसतं. फलंदाजांसाठी सापळा रचून बाद करण्याचा गोलंदाजांचा प्रयत्न असतो.

नव्या चेंडूचा सामना करत भौगोलिक परिस्थितीला तोंड देत धावा करणं हे गावस्करांचं वैशिष्ट्य होतं. पदार्पणाच्या मालिकेतच जगाला दखल घ्यायला भाग पाडणाऱ्या गावस्कर यांनी कारकीर्दीत सलामीवीराची आव्हानात्मक भूमिका समर्थपणे पेलली.

घरच्या मैदानावर शेर असणाऱ्या अनेक फलंदाजांची विदेशातील खेळपट्ट्यांवर त्रेधातिरपीट उडते. गावस्करांनी सगळ्या देशांमध्ये बॅटची ताकद दाखवली. आजही विदेशात कसं खेळावं यासाठी गावस्करांच्या तंत्रकौशल्याचं उदाहरण दिलं जातं.

हेल्मेटविना वावर

गावस्करांच्या काळात क्रिकेटमध्ये अत्याधुनिक उपकरणं, तंत्रज्ञान नव्हतं. गावस्कर यांनी हेल्मेटविना जगातल्या भल्याभल्या गोलंदाजांना यथार्थपणे सामना केला. गावस्कर यांनी काही काळानंतर स्कल कॅप वापरायला सुरुवात केली.

पाकिस्तानचे अष्टपैलू खेळाडू इम्रान खान यांनी गावस्कर यांना सुरक्षेच्या कारणासाठी कॅप किंवा हेल्मेट वापरण्याची विनंती केली होती. 1983 मध्ये माल्कम मार्शलचा चेंडू गावस्कर यांच्या डोक्यावर जाऊन आदळला होता.

सुनील गावस्कर

निवृत्तीनंतर गावस्कर यांची स्कल कॅप लॉर्ड्स म्युझियमला देण्यात आली. ही स्कल कॅप घातलेल्या खेळाडूला चेंडू लागला होता का? असं एका ़डॉक्टरांनी विचारलं. तसं झालं असेल तर तो खेळाडू जागीच गतप्राण झाला असता असं डॉक्टरांनी सांगितलं.

हेल्मेट चेंडूचा आघात झेलू शकतं किंवा त्याची तीव्रता रोखू शकतं पण स्कल कॅपमुळे आघातचा परिणाम थेट मेंदूवर व्हायची शक्यता असते. ब्रेकफास्ट विथ चॅम्पियन्स कार्यक्रमात गावस्कर यांनी ही आठवण सांगितली होती.

विक्रमांचे मानकरी

भारतीय संघाने 1983 मध्ये पहिल्यांदा विश्वचषकावर नाव कोरलं. विश्वचषक विजेत्या भारतीय संघात गावस्कर होते. 1985 मध्ये ऑस्ट्रेलियात झालेल्या जागतिक स्पर्धेत भारतीय संघ विजयी ठरला. गावस्कर त्यावेळी भारतीय संघाचे कर्णधार होते.

भारतीय संघाच्या फलंदाजीचा आधारस्तंभ झालेले गावस्कर हे कसोटी क्रिकेटमध्ये 10,000 धावांचा टप्पा गाठणारे पहिले फलंदाज होते. त्यांच्या नावावर कसोटीत तब्बल 34 शतकं आहेत.शंभर झेल टिपणारे ते पहिले भारतीय क्षेत्ररक्षक होते.

का झाले नाही भारतीय संघाचे प्रशिक्षक?

तंत्रशुद्ध फलंदाजी, कर्णधारपद भूषवण्याचा अनुभव, खेळातल्या बारकाव्यांची अचूक समज, प्रदीर्घ आंतरराष्ट्रीय कारकीर्द असं सगळं नावावर असूनही गावस्कर यांनी भारतीय संघाचं प्रशिक्षकपद स्वीकारलं नाही.

एका मुलाखतीदरम्यान त्यांनी यामागचं कारण उलगडलं होतं. मी मैदानाबाहेर फार काळासाठी सामना पाहू शकत नाही. प्रशिक्षकासाठी ही गोष्ट महत्त्वाची असते. खेळत असतानादेखील बाद झाल्यानंतर मी अधूनमधून सामना पाहायचो. मी वाचन करायचो किंवा पत्रांना उत्तरं द्यायचो. गुंडप्पा विश्वनाथ, मामा माधव मंत्री प्रत्येक चेंडू पाहायचे.

तुम्हाला प्रशिक्षक किंवा निवडसमिती प्रमुख व्हायचे असेल तर तुम्हाला प्रत्येक चेंडू पाहावा लागतो. त्यामुळे मी त्याचा विचार केला नाही असं गावस्करांनी स्पष्ट केलं होतं. 2004 मध्ये भारतीय संघ ऑस्ट्रेलियाच्या दौऱ्यावर असताना गावस्कर यांची सल्लागार म्हणून नियुक्ती झाली होती. पण पूर्णवेळ प्रशिक्षकपद त्यांनी स्वीकारलं नाही.

ती संथ खेळी आणि टीकेचा भडिमार

महान फलंदाज म्हणून जगभर ख्याती असलेल्या गावस्कर यांना एकदा अतिसंथ खेळीसाठी टीका सहन करावी लागली होती. पहिल्यावहिल्या विश्वचषकात म्हणजेच 1975 मध्ये इंग्लंडविरुद्ध खेळताना गावस्कर यांनी अतिशय कूर्म अशी खेळी केली होती.

इंग्लंडने प्रथम फलंदाजी करताना 334 धावांची मजल मारली होती. वनडे क्रिकेटमध्ये तीनशे धावांचा टप्पा पहिल्यांदाच ओलांडला गेला. डोंगराएवढ्या लक्ष्याचा पाठलाग करताना वेगवान खेळण्याची आवश्यकता होती. मात्र घडलं भलतंच.

गावस्कर यांनी 174 चेंडूत 36 धावांची खेळी केली. या खेळीत एकमेव चौकार होता. गावस्कर नाबाद राहिले, भारतीय संघाने सामना गमावला. गोगलगायीशी साधर्म्य अशा त्या खेळीसाठी गावस्कर यांच्यावर जोरदार टीका झाली होती.

रुपेरी पडद्यावरची इनिंग्ज

क्रिकेटच्या मैदानात बॅटने भल्याभल्या गोलंदाजांना नामोहरम करणाऱ्या गावस्कर यांनी रुपेरी पडद्यावर अर्थात चित्रपटामध्ये काम करण्याची किमया साधली. सावली प्रेमाची या चित्रपटात गावस्कर यांनी भूमिका केली होती.

या चित्रपटाला गावस्करांना मैदानावर जे यश मिळतं तसं लाभलं नाही. 'या दुनियेमध्ये थांबायला वेळ कोणाला...' असं एक गाणंही गावस्करांनी गायलं होतं.

पुरस्कार आणि सन्मान

देदिप्यमान प्रदर्शनासाठी गावस्कर यांना पद्मभूषण पुरस्काराने गौरवण्यात आलं आहे. 1994 मध्ये मुंबईचे शेरीफ म्हणून त्यांची नियुक्ती झाली होती. त्यांच्या कामगिरीचा गौरव म्हणून भारत-ऑस्ट्रेलिया मालिकेला बॉर्डर-गावस्कर ट्रॉफी असं नाव देण्यात आलं आहे.

ऑस्ट्रेलियाचे महान क्रिकेटपटू अॅन बॉर्डर आणि भारताचे महान क्रिकेटपटू सुनील गावस्कर या दोन दिग्गजांच्या नावाने ही मालिका ओळखली जाते.

2012 मध्ये बीसीसीआयने गावस्कर यांचा जीवनगौरव पुरस्काराने सन्मान केला होता. 2017 मध्ये अमेरिकेत लुईसव्हिले इथे एका मैदानाला गावस्कर यांचं नाव देण्यात आलं आहे.

बोलावे नेटके

खेळाडू म्हणून उल्लेखनीय कारकीर्द असणारे गावस्कर गेले तीन दशकं सातत्याने आंतरराष्ट्रीय सामन्यांचं समालोचन करत आहेत. खेळातले तांत्रिक तपशील सोप्या भाषेत उलगडून देण्याची त्यांची हातोटी आहे.

खुशखुशीत भाषेत, कोट्या, किस्से यांच्यासह सामन्याचं प्रवाही वर्णन करणारे गावस्कर क्रिकेटविश्वात लोकप्रिय समालोचक म्हणून प्रसिद्ध आहेत.

भारतीय संघाच्या सामन्यांना ते मुख्यत्वेकरून समालोचनाला असतात. निवृत्तीनंतर समालोचनासाठी त्यांनी जपलेला फिटनेस अफलातून असा आहे. वयाच्या सत्तरीतही ते वर्षातल्या 12 महिन्यांपैकी 10 महिने समालोचन करत असतात. समालोचनादरम्यान ते परखड भाष्य करतात.

Published By- Priya Dixit 

 आता हार्दिक पांड्याने ट्विटरवर एक खास व्हिडिओ पोस्ट केला आहे. या व्हिडिओमध्ये हार्दिक त्याच्या सासूला भेटताना दिसत आहे. व्हिडिओ आणि फोन कॉलनंतर हार्दिकने या पोस्टच्या कॅप्शनमध्ये लिहिले: व्यक्तिशः भेटलो, नेट्सच्या (नताशा) कुटुंबाला  पहिल्यांदा भेटणे खूप छान वाटले. अशा क्षणांसाठी कृतज्ञ. 

From video and phone calls to finally meeting in person, wonderful to meet Nats’ (and now my) family for the first time. Grateful for moments like these ❤️ pic.twitter.com/ZrPcxJsUHr

— hardik pandya (@hardikpandya7) September 26, 2022

व्हिडीओमध्ये हार्दिकची सासू रॅडमिला स्टॅनकोविक म्हणते, मला माहित होते की तो नक्कीच येणार आहे.मी खूप आनंदी आहे. मला हार्दिकला भेटू  दे.'नंतर  हार्दिक गमतीने आपल्या सासूला सांगतो की, तिचा नवरा शर्टशिवाय आधी बसला आहे.  यावर हार्दिकच्या सासूने सांगितले की, त्याने आता पर्यंत  शर्ट घातला होता . यानंतर हार्दिकने त्याचे सासरे गोरान स्टॅनकोविक यांचीही भेट घेतली हार्दिकने सासरच्या मंडळींना शर्टबाबत प्रश्न विचारला. 

नताशा स्टॅनकोविक ही मूळची सर्बियाची असून तिने सत्याग्रह या बॉलिवूड चित्रपटातून आपल्या फिल्मी करिअरची सुरुवात केली होती. तिला खरी ओळख बॉलीवूड गायक बादशाहच्या 'डीजे वाले बाबू...' या सुपरहिट गाण्याने मिळाली. नताशाने बिग बॉस आणि नच बलिए यांसारख्या रिअॅलिटी शोमध्येही भाग घेतला आहे. 

नताशा आणि हार्दिक यांनी 2020 च्या सुरुवातीला त्यांच्या साखरपुड्याची घोषणा केली. त्यानंतर नताशाने जुलै 2020 मध्ये मुलाला जन्म दिला. हार्दिक आणि नताशायांनी त्यांच्या मुलाचे नाव अगस्त्य ठेवले आहे. 

ट्वेंटी 20 विश्वचषकाच्या श्रीलंकेविरुद्धच्या साखळी सामन्यात दमदार कामगिरी केल्यामुळे शफाली एक उगवती क्रिकेटपटू असून तिला लेडी सेहवाग अशी उपमा दिली जात आहे. स्वत: सेहवागने तिला रॉकस्टार म्हणून उपमा दिली आहे. तिच्या या कामगिरीमुळे सचिन तेंडुलकर, रोहित शर्मा, वीरेंद्र सेहवाग आणि अनेक दिग्गज क्रिकेटपटूंनी तिचं कौतुक केलं आहे. 

माजी भारतीय कर्णधार डायना इडुल्जीने शफालीचं कौतुक करत तिला खेळ सेहवागची आठवण करवून देतं असं म्हटलं होतं. तिच्या आक्रमक खेळ शैलीमुळे महिला क्रिकेटला नवीन ताजगी मिळाली आहे.

मिताली राजने टी20 क्रिकेटमधून निवृत्ती घेतल्याने शेफालीला संघात संधी मिळाली. ती आंतरराष्ट्रीय क्रिकेटमध्ये पदार्पण करणारी भारताची दुसऱ्या क्रमांकाची सर्वात युवा क्रिकेटपटू आहे. तिने जेव्हा मंगळवारी पदार्पण केले तेव्हा तिचे वय 15 वर्षे 239 दिवस होते.

भारतीय संघाची माजी क्रिकेटपटू मास्टर ब्लास्टर सचिन तेंडुलकरची प्रेरणा घेवून या खेळाकडे वळली. ती सचिनची खूप मोठी चाहती आहे. तिच्या यशामागे तिच्या वडिलांचा खूप मोठा हातभार असल्याचे ती सांगते. मुलगी असल्यामुळे अनेक क्रिकेट अकादमींनी तिला प्रशिक्षण देण्यास नकार दिला होता. क्रिकेट मुलींचा नव्हे तर मुलांचा खेळ आहे असे ऐकल्यावरही ती आपल्या मतावर ठाम होती आणि तिच्या जिद्दीला तिच्या वडिलांचा पाठिंबा.

तिने वयाचच्या आठव्या वर्षांपासून क्रिकेट खेळण्यास सुरुवात केली. तेव्हा अनके संघ ती मुलगी असल्यामुळे खेळवण्यास नकार देत होते. मुलांसोबत खेळताना काही दुखापत झाल्यावर तक्रार केली जाईल असं वाटत असल्यामुळे तिला खेळण्याची संधी मिळत नव्हती. अशात तिच्या वडिलांनी तिचे केसच कापून बॉयकट केली नंतर तिला मुलगा बनवून खेळवायला सुरुवात केली. बॉय कट केल्यावरच तिला एका अकादमीत प्रवेश मिळाला. शफाली दररोज सायकलवर घरापासून आठ किमी दूर जाऊन प्रशिक्षण घेत होती. शफाली मुलांसोबत खेळत असतानाही वडिलांनी काळजी न करता यामुळे ती अधिक पक्की होईल असा विश्वास दर्शवला. लहानपणापासूनच ती मुलांसारखं वागते. तिला जींस-टीशर्ट हेच कपडे घालणं आवडतं. 

शफालीचं आज सर्वीकडे कौतुक होत आहे. त्यामागे तिची मेहनत असल्याचे तिचे वडिल म्हणाले. त्यांनी सांगितले की मागील दोन वर्षांपासून तिने फास्टफूडला हात देखील लावलेला नाही. पनीर भुर्जी आणि बटाटे-मटारची भाजी तिची आवडती डिश आाहे. बाजारातील चाऊमीन आणि आलू टिक्की ती आवडीने खाते पण ते सर्व तिने सोडून केवळ आपल्या डायटवर पूर्ण लक्ष दिले. ती पूर्णपणे शाकाहारी आहे.

PTI

जितकी आग गांगुलीची बॅट धावा करून ओकत असे तितकीच गांगुलीच्‍या बॉडी लॅग्वेजमधूनही झळकायची. आणि म्‍हणूनच गांगुलीच्‍या नेतृत्‍वाखालील भारतीय संघ एकेकाळी जगातील बलाढ्य संघ समजला जात असे.

PTI

दादाने कर्णधारपदाच्‍या काळात अनेक नव्‍या चेह-यांना संधी दिली. लॉर्ड्सच्‍या मैदानावर ब्रिटीशांना त्‍याच्‍याच भूमीवर पराभूत केल्‍यानंतर टी-शर्ट काढून ज्‍या पध्‍दतीने सौरवने उत्तर दिले होते ते कधीही विसरण्‍यासारखे नाही.

लॉर्डसच्‍या मैदानावर शतक ठोकण्‍याची इच्‍छा प्रत्‍येक फलंदाजाच्‍या मनात असते. क्रिकेटचा देव म्‍हणून ओळखल्‍या जाणा-या सचिनलाही या मैदानावर शतक ठोकता आलेले नाही. त्‍या मैदानावर एकाच मालिकेत दोन शतके ठोकण्‍याचा भीमपराक्रम दादाने करून दाखविला आहे.

ND ND

ND ND