बॉलीवूडमध्ये एका भूमिकेत तुम्ही लोकप्रिय ठरलात की तशाच प्रकारच्या भूमिका मिळायला लागतात. त्यामुळे टाईपकास्ट व्हायला वेळ लागत नाही. त्या भूमिकांचा शिक्का पडून जातोय. श्रेयस तळपदेचेही असेच होतेय. श्रेयस विनोदी भूमिका चांगल्या करतोय असे गेल्या काही चित्रपटातून दिसून आलेय. त्यामुळे त्याच्याकडे याच भूमिका चालून येताहेत. पण त्यामुळे तो स्वतः कंटाळलाय. वास्तविक मराठीत वैविध्यपूर्ण भूमिका हाताळणार्या श्रेयसला हिंदीत तशा भूमिका का मिळत नाही हा प्रश्नच आहे. सध्या त्याच्याकडे पायरेट, भावनाओं को समझो, सीझन्स ग्रीटिंग्ज हे चित्रपट आहेत, यातले बहुतांश विनोदी आहेत.