नाट्य-चित्र गप्पा | आगामी नाट्य-चित्र | ओळख कलावंताची | लिटिल चॅम्प्स | नाट्य-चित्र-समीक्षा | निळू फुले
सुझाव/प्रतिक्रिया
मित्राला पाठवा
हे पान प्रिंट कराअमिताभचा 'विहिर' फिल्म फेस्टीव्हलमध्ये! 
PR
जागतिक चित्रपट महोत्सवांत मराठी चित्रपट सहभागी होणे हे आता फारसं नवं नाही. पण आपला वर्ल्ड प्रिमियर अशा जागतिक सोहळ्यांमध्ये करुन स्पर्धेतही नॉमिनेशन मिळणं ही खूप मोठी गोष्ट आहे. आणि हे भाग्य अमिताभ बच्चन यांच्या उमेश कुलकर्णी दिग्दर्शित विहीर या पहिल्या वहिल्या मराठी चित्रपटाच्या वाट्याला आलंय. गिरीश कुलकर्णी आणि सती भावे यांची कथा आणि पटकथा असलेल्या या चित्रपटाला ''वळू'' फेम उमेश कुलकर्णी यांचं दिग्दर्शन आहे. मदन देवधर, अलोक राजवाडे, रेणुका दफ्तरदार, डॉ. मोहन आगाशे, ज्योती सुभाष, सुलभा देशपांडे, गिरीश कुलकर्णी, अमृता सुभाष आणि अश्विनी गिरी अशी भली मोठी स्टारकास्ट 'विहीर'मध्ये आहे.
PR
जीवनाच्या अत्यंत बिकट वळणावर उभ्या असलेल्या, पौगंडावस्थेतल्या दोन भावांची कथा ''विहीर''मध्ये चितारण्यात आली आहे. वळूमुळे लोकांच्या स्मरणात असलेल्या उभेश कुलकर्णी यांचं दिग्दर्शन ''विहीर'' ला असलं तरी वळूपेक्षा खूप वेगळ्या धाटणीचा असा हा चित्रपट असणार आहे. बिग बी अमिताभ बच्चन पहिल्यांदाच मराठीमध्ये निर्मिती करत असल्यानं एक वेगळं ग्लॅमर या चित्रपटाला मिळालं आहे.
संबंधित माहिती शोधा
