सौंदर्याचा मुकूट केस
-सौ. योगिता लोखंडे
|
आपल्या आहारात प्रोटिनयुक्त पदार्थांचा समावेश असावा, जसे दही, मध, अंडी इ. तसेच दिवसातून भरपूर पाणी प्यावे.
आठवड्यातून कमीत कमी 2 वेळा केसांना शँम्पू लावावा. शक्यतो हर्बल शँम्पूचा वापर करावा. परंतू शँम्पू करण्याच्या 1 तास आधी केसांच्या मुळाशी कॅस्टर ऑइल, ऑलिव्ह ऑइल किंवा खोबरेल तेलाने मालिश करावी. तेल थोडेसे कोमट करून त्याने मालिश करावी.
|
केसांना चमक आणि मऊपणा येण्यासाठी केसांना मेंदी लावावी. मेंदी उत्तम कंडिशनरचे काम करते. जर फक्त कंडिशनिंगसाठी मेंदी लावायची असेल तर 2 चमचे दही, 2 चमचे ऑलिव्ह ऑइल, 4 लवंग बारीक करुन त्याची पूड मेंदीमध्ये भिजवा. ही मेंदी रात्रभर लोखंडाच्या भांड्यात भिजू द्या, नंतर मेंदी केसांना लावण्यापूर्वी त्यात एक अंडे फेटून मिसळा आणि मग केसांच्या मुळापासून तर टोकापर्यंत ती मेंदी ब्रशच्या सहाय्याने केसांना व्यवस्थित लावा. कमीत कमी 30 ते 40 मिनिटांपर्यंत मेंदी वाळू द्या आणि नंतर कोमट पाण्याने ती धुऊन टाका. मेंदी धुताना शँम्पूचा वापर करू नका. नंतर केस व्यवस्थित वाळवून आपण वापरत असलेल्या तेलाने केसांच्या मुळाशी मालिश करा, आणि दुसर्या दिवशी शॅम्पू लावा.
|
तेलकट केसांना नियमित शॅम्पू करावा अन्यथा ते चिकट होतात आणि केसात कोंडा होतो. तसेच रुक्ष केसांचीही योग्य काळजी घेणे आवश्यक आहे, वेळोवेळी त्यांना तेलाने मालिश करणे आवश्यक आहे.
