खान्देशातील जळगाव जिल्ह्याच्या पूर्वेकडे वसलेले सुमारे 50 हजार लोकसंख्येचे तालुक्याचे गाव अमळनेर. अवघ्या महाराष्ट्राची मायमाऊली म्हणून ओळखल्या जाणार्या मातृहृदयी साने गुरूजींची कर्मभूमी आणि वारकरी संप्रदायाची पताका डौलाने फडकावणार्या संत सखाराम महाराजांची अध्यात्मनगरी. स्वातंत्र्य संग्रामाच्या आंदोलकांची आणि अध्यात्मिक वृत्तीच्या लोकांची दीर्घकालीन परंपरा जशी या शहरात रूजली तशीच या गोष्टींपासून शेकडो मैल दूर असलेली किंबहुना समाजाचा अविभाज्य भाग असूनही गावकुसाबाहेर राहिलेली आणखी एक संस्कृती येथील 'बोरी' नदीच्या किना-यावर रूजली आणि वाढलीही. भरकटलेल्या...वैतागलेल्या आणि काही क्षणांची करमणूक करून घेण्यासाठी आलेल्या पुरुषांच्या हक्काचा असा एक वर्ग या गजबजलेल्या शहरात दाटीवाटीने वास्तव्यास आहे. ज्याला समाज वेश्या म्हणून ओळखतो तर त्यांची परंपरा त्यांना 'हरदासी' म्हणून संबोधते. अगदी पुरातन काळापासून भारतात ही परंपरा चालत आलेली आहे. नाचगाणे करायचे, समाजाची करमणूक करायची आणि त्यांच्या दयेवर आयुष्य घालवायचे हीच त्यांची परंपरा. कालांतराने त्यात बदल होत जाऊन देहविक्रय सुरू झाला. जळगाव जिल्ह्यातल्या पाचोरा तालुक्यातील | | भरकटलेल्या...वैतागलेल्या आणि काही क्षणांची करमणूक करून घेण्यासाठी आलेल्या पुरुषांच्या हक्काचा असा एक वर्ग या गजबजलेल्या शहरात दाटीवाटीने वास्तव्यास आहे. ज्याला समाज वेश्या म्हणून ओळखतो तर त्यांची परंपरा त्यांना 'हरदासी' म्हणून संबोधते. |
| |
' आधार'ने काम सुरू केले. सुरुवातीला या वस्तीत गेल्यानंतर देहविक्रय करणा-या या महिला त्यांच्याशी बोलायलाच तयार नसतं. हे पोलिसांचे लोक म्हणून त्यांच्यापासून दूर पळणे, आपला धंदा बुडवायला आले म्हणून शिवीगाळ करणे तर धमक्या देण्यापर्यंत अनेक पध्दतीने त्यांना वस्तीत येण्यापासूनच रोखले गेले. त्यांच्याकडे येणारे ग्राहकही कंडोमचा वापर करण्यास स्पष्ट नकार देत, त्यामुळे वस्तीतील सर्वांचाच रोष भारती आणि रेणू दोघांना सहन करावा लागला. तर दुसर्या बाजूला वेश्यांचा वस्तीत जातात म्हणून त्यांच्यावर पांढरपेशा समाजानेही टीका केली. वेगवेगळ्या प्रकारे बदनामी होऊ लागली. मात्र रेणू आणि भारती यांनी काम सुरूच ठेवलं. या महिलांचा त्यांच्या वस्तीचा, तेथील पध्दतींचा आणि अडचणींचा त्यांनी अभ्यास केला. |
|
सुझाव/प्रतिक्रिया
मित्राला पाठवा
हे पान प्रिंट करा
