अमेरिकेतील वादळात 22 ठार

म्यानमार पाठोपाठ आता अमेरिकेतही वादळाने तांडव घातले आहे. यात मृतांचा आकडा आता 22 वर पोहचला आहे. यात शेकडो घरे उद्ध्वस्त झाली असून, अनेकांना सुरक्षित स्थळी हालविण्यात आले आहे. गेल्या दोन वर्षात अमेरिकेत आलेले हे तिसरे मोठे वादळ आहे. यात मिसौरी, ओक्लाहोमा, आणि जॉर्जिया प्रांतात मोठे नुकसान झाल्याचा अंदाज वर्तवला जात आहे. अमेरिकी बचाव दलाने दिलेल्या माहितीनुसार या भागातील झाडे आणि विजेचे खांब उखडले असून, वादळाने कार आणि अनेक गाड्या चक्क हवेत उडताना दिसल्या आहेत. या भागात बचावदल वेगानं कार्यरत असून मृतांचा आकडा वाढण्याची भिती वर्तवली जात आहे.