पाकिस्तानची वाट भरकटल्याचे देशातील बहुतांश जनतेस वाटत आहे. यासोबतच न्यायमूर्तीच्या पुनर्नियुक्तीवरून सत्ताधारी आघाडी सरकारमधून बाहेर पडणारे नवाझ शरीफ हे सर्वाधिक लोकप्रिय नेते म्हणून उदयास येत आहे.
नुकत्याच घेण्यात आलेल्या सर्वेक्षणातून हे स्पष्ट झाले आहे. देशाचे मार्गक्रमण चुकीचे वाटेने सुरू असल्याचे मत तब्बल 86 टक्के जनतेने व्यक्त केले आहे. यासोबतच राष्ट्राध्यक्ष परवेझ मुशर्रफ यांच्यावर महाभियोग चालवावा, असे मत 83 टक्के लोकांनी व्यक्त केले आहे.
मुशर्रफांच्या लोकप्रियतेस ओहोटी लागली असून बेनझीर भुत्तोंच्या हत्येनंतर शरीफ सर्वाधिक लोकप्रिय नेते म्हणून उदयास आले आहेत. देशातील तब्बल 82 टक्के लोकांनी त्यांना पसंत दर्शवली असून फक्त 6 टक्के लोकांनीच त्यांच्याविरूद्ध मत व्यक्त केले आहे.
याअगोदर जून 2006 मध्ये मुशर्रफ व भुत्तोंनंतर ते 36 टक्क्यांसह तिसऱ्या स्थानावर होते. अमेरिकेतील इंटरनॅशनल रिपब्लिकन इन्स्टिट्यूटने हे सर्वेक्षण केले आहे. पाकिस्तानातील चार प्रांतातील 223 ग्रामीण व 127 नागरी भागातून सुमारे 3,484 पुरूष व स्त्रियांचा रँडम नमुना सर्वेक्षणासाठी निवडण्यात आला होता.
|
सुझाव/प्रतिक्रिया
मित्राला पाठवा
हे पान प्रिंट करा
