भारत आणि पाकिस्तानमध्ये वाढत चाललेल्या तणाव पूर्ण परिस्थितीच्या पार्श्वभूमीवर अमेरिकन परराष्ट्रमंत्री कोंडलीजा राइस आज भारत दौ-यावर येत आहेत. मुंबईवर झालेल्या दहशतवादी हल्ल्याच्या पार्श्वभूमीवर राष्ट्राध्यक्ष बुश यांनी त्यांना परिस्थितीची माहिती घेण्यासाठी भारतात पाठविले आहे.
या दौ-यात भारताकडून राइस यांना हल्ल्यात पाकिस्तानचा सहभाग असल्याचे पुरावे सादर केले जाणार आहेत. या दौ-यात त्या पंतप्रधान मनमोहन सिंह, परराष्ट्र व्यवहारमंत्री प्रणव मुखर्जी यांची भेट घेतील. गृहमंत्री पी. चिदंबरम आणि राष्ट्रीय सुरक्षा सल्लागार एम. के. नारायणन यांचीही त्या भेट घेण्याची शक्यता आहे. |