दोन देशातील नागरिकांमध्ये सौहार्द वाढवण्याच्या उद्देशाने भारत बांगलादेश दरम्यान सुमारे चार दशकाच्या कालखंडानंतर 'मैत्री एक्सप्रेस'चा नव्याने शुभारंभ करण्यात झाला आहे. बंगाली नववर्षाच्या मुहूर्तावर कोलकाता-ढाका मैत्री एक्सप्रेसने आज येथून मैत्रीच्या प्रवासास सुरुवात केली.
परराष्ट्रमंत्री प्रणव मुखर्जी यांनी गाडीला हिरवी झेंडी दाखवली. रेल्लेमंत्री लालू प्रसाद यांच्या उपस्थितीत मुखर्जी यांनी हिरवी झेंडी दाखवून ऐतिहासिक प्रवासास सुरुवात केली. कोलकाता व ढाका कँटॉनमेंट दरम्यान ही गाडी आठवड्यातून दोनदा धावेल. कोलकाता येथून शनिवार व रविवारी सकाळी सात वाजून दहा मिनिटांनी प्रवासास सुरुवात करून ढाक्यास रात्री साडेदहा वाजता पोहचेल.
|
सुझाव/प्रतिक्रिया
मित्राला पाठवा
हे पान प्रिंट करा