मुंबईत तिबेटींचा हल्लाबोल मुंबई, गुरूवार, 17 एप्रिल 2008( 14:22 IST )

नरीमन पॉंईंट येथील चिनी दुतावासा समोर ऑलिंपिक ज्योत विरोधात जोरदार निदर्शने करणार्‍या तिबेटी नागरिकांना पोलिसांनी अटक केली. राजधानी दिल्लीतही काल रात्री पोलिसांनी 25 तिबेटी नागरिकांना अटक केली आहे. ऑलिंपिक ज्योत आज दिल्लीत दाखल झाली आहे. विजयपथ येथून दुपार नंतर ऑलिंपिक रॅलीचे आयोजन करण्यात आले आहे. या रॅलीला विरोध करण्यासाठी देशभरातून तिबेटी नागरिक सध्या राजधानीत दाखल झाले असले तरी, जिथे जमेल तिथे याचा विरोध करण्याचा निर्णय तिबेटी नागरिकांनी घेतल्याने मुंबईतील चिनी दूतावासासमोर तिबेटी नागरिकांनी आज जोरदार निदर्शने केली. यानंतर पोलिसांनी सुमारे 50 तिबेटींना अटक केली आहे.