अर्जुन टँक वाद चिघळणार

युध्दप्रसंगी अग्‍नी परीक्षेच्या वेळी अर्जुन टँकचे इंजन फेल झाले होते, असे संयुक्त निरीक्षण समितीने दिलेल्या अहवालात म्हटले आहे. मात्र समितीने दिलेला अहवाल मान्य नसल्याचे सेनेने म्हटले आहे. यावरून पुन्हा एकदा अर्जुन टँकचा वाद चिघळण्याची चिन्हे स्पष्ट झाली आहेत. सुरक्षा विभागाच्या सुत्रांनी सांगितले, की सेनेने मंत्रालयाला एका पत्राव्‍दारे कळविले आहे की, सुरक्षा मंत्रालय व विकास समिती व डीआरडीओ यांन‍ी केलेल्या परिक्षणाच्या संदर्भात वेगळा निरिक्षण अहवाल दिला जावा मात्र संयुक्त निरीक्षण समितीने याला विरोध दर्शविला आहे. डीआरडीओने अर्जुन टँकच्या प्रदर्शनाच्या बाबत उद्‍भवलेल्या वादापासून वाचण्यासाठी निरीक्षण समितीने तयार केलेल्या अहवालावर अधिकारी व डीआरडीओ प्रतिनिधी यांच्या स्वाक्षर्‍या पाहिजे. काही दिवसांपूर्वी डीआरडीओने अर्जुन टँकचे इंजन फेल होण्याच्या संदर्भात खुलासा केला होता की, टँकचे इंजिन जळून खाक होण्यासाठी टँकला जाणून बुजून पहिल्या व दुसर्‍या गिअरमध्ये एक हजार किलोमीटरपर्यंत प्रचंड वेगात पळविले गेले होते.