जम्मू-काश्मीरमध्ये कडक सुरक्षा व्यवस्थेत रविवारी पार पडलेल्या सहा विधानसभेच्या जाग्यांसाठी दुपारपर्यंत 45 टक्के मतदान झाले होते.
दरम्यान, कंगन विधानसभा मतदारसंघातील नॅशनल पँथर्सचे उमेदवार अब्दूल रशिद गनी यांच्या घराबाहेर दहशतवाद्यांनी हातबॉम्ब फेकून हल्ला केला. या हल्ल्यात गनी बालंबाल बचावले.
तसेच, दरहल विधानसभा मतदारसंघात दोन गटात सुरू झालेला संघर्ष मिटविण्यासाठी पोलिसांना हवेत गोळीबार करावा लागला. दहशतवादी संघटनांनी निवडणुकीवर बहिष्कार टाकण्याचे आव्हान केले होते.
या आव्हानाच्या पार्श्वभूमीवर आज झालेल्या दुसर्या टप्प्यात राज्यातील कंगन गंधेरवल, नोशेरा, दरहल, राजोरी आणि कालाकोटे विधानसभा मतदार संघात शांततापूर्ण मतदान झाले.
अनेक मतदान केंद्रावर मतदारांनी मतदानासाठी गर्दी केली होती. सात टप्प्यात होणार्या मतदानाचा दुसरा टप्पा आज पार पडला. | 
सुझाव/प्रतिक्रिया
मित्राला पाठवा
हे पान प्रिंट करा