उत्तर भारतीय आणि बिहारींविरोधात वादग्रस्त वक्तव्य केल्याप्रकरणी जमशेदपूर न्यायालयाने राज ठाकरे यांच्या विरोधात पुन्हा अजामीनपात्र वॉरंट बजावले आहे. या खटल्याची सुनावणी येत्या 18 डिसेंबरला होणार असून त्यासाठी राज यांनी हजर रहावे अन्यथा त्यांना अटक करून हजर करावे असे आदेश न्यायालयाने दिले आहेत.या खटल्याच्या सुनावणीस वारंवार गैरहजर राहिल्याने न्यायालयाने हा निर्णय दिला आहे. या प्रकरणी राज यांच्या विरोधात यापूर्वीही न्यायालयाने अजामीनपात्र वॉरंट बजावले होते. मात्र राज यांनी मुंबईत खटला चालविण्याची मागणी करून माझगाव न्यायालयातून काही दिवसांसाठी दिलासा मिळवून घेतला होता. आज या खटल्याची पुन्हा सुनावणी झाली असून आता त्यांना 18 डिसेंबरला जमशेदपूर न्यायालयात हजर राहण्याचे आदेश देण्यात आले आहेत. |
सुझाव/प्रतिक्रिया
मित्राला पाठवा
हे पान प्रिंट करा
