मुंबईतील दहशतवादी हल्ल्यांप्रकरणी कुख्यात गुंड दाऊद इब्राहिमसह मौलाना मसूद अझहरला आपल्या ताब्यात द्यावे अशी मागणी भारताने पाकिस्तानकडे केली आहे.
मुंबईत झालेल्या हल्ल्यांत दाऊदने व मसूद यांनीच लष्कर ए तोयबाच्या अतिरेक्यांना मदत केली असा भारताचा दावा आहे. मसूज दा जैश ए मोहम्मद या संघटनेचा संस्थापक आहे. अझहर याला भारताने पकडले होते. मात्र, १९९९ मध्ये कंदाहार येथे अपहरण केलेल्या विमानातील प्रवाशांच्या बदल्यात त्याला सोडण्यात आले होते.
भारताच्या परराष्ट्र खात्याची आज बैठक झाली. तीत पाकिस्तानाचे भारतातील उच्चायुक्त शाहिद मलिक यांना बोलविण्यात आले व त्यांना दाऊद व अझहर यांना भारताच्या ताब्यात द्यावे असे सांगण्यात आले.
मुंबईवरील हल्ल्यानंतर भारताने आता पाकिस्तानविषयी कठोर पवित्रा घेतला आहे. या हल्ल्यात पाकिस्तानी हात असल्याचे आढळल्यानंतर उभय देशातील शांती चर्चा व परस्पर विश्वास वाढविण्याचे उपाय थांबविण्याचा इशारा भारताने दिला आहे.
| 
सुझाव/प्रतिक्रिया
मित्राला पाठवा
हे पान प्रिंट करा