पेट्रोल पंप अधिकाऱ्यांनी पुकारलेला संप आणि ट्रक मालकांच्या संपाने देशातील नागरिक चांगलेच कात्रीत सापडले असून, देशातील मोठ्या शहरातील जवळपास सर्वच पेट्रोलपंप कोरडे ठाक पडल्याने हाहाकार माजला आहे. आपल्या विविध मागण्यांसाठी ट्रक चालकांनी संप पुकारला आहे, यातच पेट्रोल आणि डिझेलची वाहतूक करणाऱ्या ट्रक मालकही उतरल्याने पेट्रोल मिळणे अवघड झाले आहे. मुंबईतील 80, कोलकात्यातील 70, लखनो 80, पाटन्यातील 80 तर राजधानी दिल्लीतील 70 टक्के पेट्रोलपंपांवर नो पेट्रोलचे फलक लागल्याने नागरिक हैराण झाले आहेत. रस्त्यावरील वाहतूकीवरही याचा परिणाम दिसून येत असून, पेट्रोल आणि डिझेल घेण्यासाठी पेट्रोलपंपांवर रांगाच रांगा लागल्या आहेत. |