सत्यमचे प्रकरण दिवसें-दिवस अत्यंत गंभीर बनत चालले आहे. याचाच एक भाग म्हणून आज केंद्रीय उद्योग आणि वाणिज्य मंत्री कमलनाथ यांनी पंतप्रधान मनमोहन सिंग यांची भेट घेतली.
या भेटीत उभय नेत्यांनी सत्यम प्रकरणावर चर्चा केल्याचे बोलले जात आहे. सत्यमवर नियुक्त करण्यात आलेल्या तीन सरकारी संचालकांच्या बैठकीनंतर सरकार सत्यमला आर्थिक मदत पुरवणार असल्याचे बोलले जात आहे. यातच आज कमलनाथ यांनी पंतप्रधानांची भेट घेत या वृत्ताला दुजोरा दिला आहे.
पंतप्रधानांनी हे प्रकरण अत्यंत गांभीर्याने घेतले असून, कालच त्यांनी या प्रकरणी सेबीचे अध्यक्ष सी बी भावे यांची भेट घेतली होती, तसेच कॅबिनेट सचिव के एम चंद्रशेखर यांच्याशी पंतप्रधानांनी या विषयावर चर्चा केली आहे.
कमलनाथ यांना या भेटीविषयी विचारले असता त्यांनी सत्यमला आर्थिक मदत देण्याविषयीच्या वृत्ताला दुजोरा दिला आहे. | 
सुझाव/प्रतिक्रिया
मित्राला पाठवा
हे पान प्रिंट करा