गुजरात दंगल प्रकरणी अनेक प्रकरणात आरोपी असलेल्या मुख्यमंत्री नरेंद्र मोदीवर आणखी एक गंभीर आरोप झाल्याने ते पुन्हा अडचणीत आले आहेत. गुबलर्ग सोसायटीत झालेल्या दंगली प्रसंगी माजी खासदार एहसान जाफरी यांनी त्यांच्याकडे मदत याचना केली असता मोदींनी त्यांना शिव्या दिल्याचा आरोप एका साक्षीदाराने केला आहे.
28 फेब्रुवारी 2002 मध्ये गुलबर्ग सोसायटीत ही घटना घडली होती. जाफरी यांना काही जणांनी त्यांच्याच घरात जिवंत जाळले होते. या प्रकरणी मुख्य साक्षीदार असलेल्या इम्तियाज याने दंगलींची चौकशी करणाऱ्या समितीला ही साक्ष दिली असून, जाफरी यांनी फोनवरून मोदींकडे मदत मागितली असता मोदींनी त्यांना शिव्या दिल्याचे त्याचे म्हणणे आहे.