अमेरीकेच्या ताब्यात असलेला पाकिस्तानी दहशतवादी डेव्हीड कोलमन हेडली आणि तहव्वुर हुसैन राणा यांचा पाकमधील प्रमुख इलियास काश्मीरी भोवती फास आवळला असून हूजीच्या या कुख्यात दहशतवाद्यास पाकमध्ये अटक करण्यात आली आहे.
दरम्यान, अमेरीकन सुरक्षा यंत्रणांनीही हेडली आणि राणाशी संबंधित असलेल्या एक पाकिस्तानी नागरिकाचा शोध लावला असल्याचा दावा केला आहे. काश्मीरी अमेरीकेच्या मोस्ट वॉंटेड यादीत आहे. अलकायदा आणि लश्कर-ए-तैयबाच्या संपर्कात असलेल्या काश्मीरीचे संबंध 26/11 च्या हल्ल्याशीही असून त्यानेच या हल्ल्यासाठी दहशतवाद्यांना प्रशिक्षण देऊन तयार केले होते.