एका संकेतस्थळाच्या माध्यमातून शिवसेना विरोधी कम्युनिटी काढून शिवसेनाप्रमुख बाळासाहेब ठाकरे यांना जिवे मारण्याची धमकी देणाऱ्या जोहराज उर्फ सुरज शेट्टी या इसमाला पोलिसांनी अटक केली आहे. मीरा रोड येथून त्याला अटक करण्यात आल्याची माहिती पोलिसांनी दिली.
शनिवारी शिवसेना पदाधिकाऱ्यांना एका संकेस्थळावर हा प्रकार आढळून आला. त्यांनी त्वरित याची माहिती आपल्या वरिष्ठ पदाधिकाऱ्यांना दिली. यानंतर वाऱ्यासारखी ही बातमी पसरल्यावर सेनाभवनाबाहेर कार्यकर्त्यांनी एकच गर्दी केली. शिवसेनेच्या एका शिष्टमंडळाने त्वरित ठाण्याचे पोलिस आयुक्त प्रशांत बुरडे यांची भेट घेत त्यांना त्या संकेतस्थळाचे पुरावे सादर केले.
पोलिसांनी या माहितीच्या आधारे सायबर क्राईम विभागाची मदत घेत मीरा रोड येथून सुरज शेट्टी नामक व्यक्तीला अटक केली आहे.
|
सुझाव/प्रतिक्रिया
मित्राला पाठवा
हे पान प्रिंट करा
