शुक्रवार, 29 मार्च 2024
  1. मनोरंजन
  2. बॉलीवूड
  3. सिनेगप्पा
Written By
Last Modified: बुधवार, 4 फेब्रुवारी 2015 (15:26 IST)

आमिर शिक्षक होणार

मिस्टर परफेक्शनिस्ट आमिर खान आता शिक्षकाच्या भूमिकेत दिसणार. पण यावेळी रील नाही तर रिअल लाईफमध्ये आमीर शिक्षकाची भूमिका पार पाडणार आहे. अमेरिकेच्या प्रसिद्ध हार्वर्ड युनिवर्सिटीमधून आमिर खानला लेक्चर देण्यासाठी निमंत्रित केलं आहे. नुकत्याच प्रदर्शित झालेल्या पीके सिनेमावर आमिर लेक्चर देणार आहे. पीकेमधून सामाजिक, धार्मिक बाबींवर मार्मिक पद्धतीने भाष्य करण्यात आलं होतं. त्यामुळेच पीके सिनेमाला भारतात अनेक वादांना सामोरं जावं लागलं होतं. अनेकांच्या धार्मिक भावना दुखावल्याचा आरोप ह्या सिनेमावर केला गेला होता.

मात्र ‘पीके’च्या विषयाने आणि त्याच्या यशाने अमेरिकेमधल्या प्रसिद्ध युनिवर्सिटीला मात्र आकर्षित केलं आहे. चित्रपटांतून वेगवेगळ्या भूमिका साकारणार्‍या आमिरच्या खर्‍याखुर्‍या आयुष्यातल्या नव्या भूमिकेकडे सर्वाचं लक्ष लागून राहिलं आहे.