आफ्रिकेतील सर्वात उंच शिखर असलेल्या माउंट किलिमांजारोवर टांझानियन हेलिकॉप्टर कोसळले, पाच जणांचा मृत्यू
टांझानियातील माउंट किलिमांजारोवर बचाव कार्य करणारे हेलिकॉप्टर कोसळले, त्यात बसलेले पाचही जण ठार झाले. अशी माहिती समोर आली आहे.
मिळालेल्या माहितीनुसार आफ्रिकेतील सर्वात उंच शिखर असलेल्या माउंट किलिमांजारोवर बुधवारी संध्याकाळी हेलिकॉप्टर अपघातात पाच जणांचा मृत्यू झाला. हेलिकॉप्टर पर्वतावरील आजारी पर्यटकांना वाचवण्यासाठी वैद्यकीय निर्वासन मोहिमेवर होते. हा अपघात पर्वताच्या लोकप्रिय चढाई मार्गावर झाला, जिथे हेलिकॉप्टर बाराफू कॅम्प आणि किबो समिट दरम्यान ४,००० मीटरपेक्षा जास्त उंचीवर कोसळले.
शिखरांवर अडकलेल्या आजारी पर्यटकांना वाचवण्याचा प्रयत्न करणारे हेलिकॉप्टर स्वतःच कोसळले. काही अहवालांनुसार, बाराफू व्हॅलीमध्ये सुमारे ४,७०० मीटर उंचीवर हा अपघात झाला. हेलिकॉप्टर एअरबस AS350 B3 मॉडेलचे होते आणि ते किलिमेडएअर द्वारे चालवले जात होते.
Edited By- Dhanashri Naik
